🌟 សិក្ខាសាលាស្តីអំពី ការត្រៀមខ្លួនស្វែងរកការងារ!

នៅថ្ងៃទី៣១ ខែសីហា ឆ្នាំ២០២៥ Sisters of Code បានសហការជាមួយ Deloitte Cambodia រៀបចំសិក្ខាសាលាស្តីអំពី ការត្រៀមខ្លួនស្វែងរកការងារ សម្រាប់សិស្សចំនួន ១៧នាក់ ដើម្បីជួយពួកគេឆ្ពោះទៅរកជំហានដំបូងក្នុងវិស័យការងារបច្ចេកវិទ្យា។ 💻

ក្នុងអំឡុងពេលសិក្ខាសាលានេះ សិស្សៗបានទទួលការណែនាំជាក់ស្តែងអំពីការសរសេរ CV ការរៀបចំសម្រាប់ការសម្ភាសន៍ និងចំណុចសំខាន់ៗនៃការងារ ពីវាគ្មិនរបស់យើង៖ លោក ចាន់ សុភ័ក្រ្ត អ្នកគ្រប់គ្រងធនធានមនុស្សនៅ Deloitte Cambodia និង កញ្ញា ផែន ផល្លីដែត អ្នកជំនាញសន្តិសុខសាយប័រ ហើយក៏ជាគ្រូបង្រៀន Sisters of Code ផងដែរ។

នៅ Sisters of Code យើងប្តេជ្ញាចិត្តក្នុងការបង្កើនភាពជឿជាក់របស់សិស្ស និងរៀបចំពួកគេក្នុងការបោះជំហានក្នុងអាជីពបច្ចេកវិទ្យា។ 💗

📌 សម្រាប់ព័ត៌មានលម្អិតបន្ថែមអំពីសិក្ខាសាលានេះ សូមអាន៖ https://www.sistersofcode.org/post/sisters-of-code-delivers-work-readiness-workshop-for-students

Sisters of Code ក្នុងសន្និសីទជាតីទី៧ស្តីពី បដិវត្តកម្មវិស័យអប់រំ! 📖

Sisters of Code មានក្តីរីករាយក្នុងការចូលរួមតាំងពិពណ៌ក្នុងសន្និសីទជាតិលើកទី៧ស្តីពី បដិវត្តកម្មវិស័យអប់រំ នៅថ្ងៃទី១១ ខែកញ្ញា ឆ្នាំ២០២៥ នៅ Factory Phnom Penh។ 🎉 យើងសូមថ្លែងអំណរគុណយ៉ាងជ្រាលជ្រៅចំពោះ អង្គការភាពជាដៃគូអប់រំនៃអង្គាការក្រៅរដ្ឋាភិបាល - NEP Cambodia ដែលរៀបចំព្រឹត្តិការណ៍សំខាន់នេះ។ 🙏 យើងមានមោទនភាពក្នុងក្នុងការលើកកម្ពស់ការអប់រំដែលមានគុណភាព សមធម៌ និងបរិយាបន្នសម្រាប់គ្រប់គ្នា។

Sisters of Code ផ្តល់កម្មវិធីសិក្សាឌីជីថលដោយឥតគិតថ្លៃសម្រាប់កុមារីនិងស្ត្រីវ័យក្មេង ដែលមានអាយុពី១០ទៅ២៥ឆ្នាំ។ យើងក៏មានរៀបចំសិក្ខាសាលាឥតគិតថ្លៃលើប្រធានបទសំខាន់ៗ ដើម្បីគាំទ្រនិស្សិត និងអ្នកជំនាញដែលមានបំណងក្នុងការកសាងអាជីពក្នុងវិស័យបច្ចេកវិទ្យា។ 💻 📚

🚀 កាលពីថ្ងៃទី ១៣ ខែកញ្ញា ឆ្នាំ ២០២៥ Sisters of Code បានរៀបចំវគ្គសិក្ខាសាលាអនឡាញមួយស្តីពី “ការជ្រើសរើសអាជីពក្នុងវិស័យបច្ចេកវិទ្យា” វគ្គសិក្ខាសាលាអនឡាញនេះមានអ្នកចូលរួមសរុប 30 នាក់ ដើម្បីស្វែងយល់អំពីអាជីពក្នុងវិស័យបច្ចេកវិទ្យា ទទួលបានចំណេះដឹងជាក់ស្តែង និងការលើកទឹកចិត្តពីវាគ្មិនទាំងបីរូប។ យើងសង្ឃឹមថាវគ្គសិក្ខាសាលានេះបាន បង្កើតចំណាប់អារម្មណ៍ និងកំលាំងចិត្ត សម្រាប់សិស្សជំនាន់ក្រោយឲ្យស្វែងយល់ពីបច្ចេកវិទ្យានាពេលអនាគត! 🌟

👉 អានបន្ថែម៖ https://www.sistersofcode.org/.../free-online-workshop-on...

សូមអបអរសាទរដល់និស្សិតបញ្ចប់ការសិក្សាជំនាញការងារនៅទីក្រុងភ្នំពេញ ឆ្នាំ២០២៥ 🎉🙌💻

កាលពីថ្ងៃទី ១៤​ ខែកញ្ញា ឆ្នាំ ២០២៥ Sisters of Code បានរៀបចំកម្មវិធីបញ្ចប់ការសិក្សាជំនាញការងារ ដោយជោគជ័យនៅ វិទ្យាស្ថាន IT Academy STEP Cambodia សាខាអូឡាំពិក។ បន្ទាប់ពីរយៈពេល ១៤-១៥​ សប្តាហ៍នៃវគ្គបណ្តុះ​បណ្តា​ល សិស្សចំនួន ៤០ នាក់បានបញ្ចប់វគ្គសិក្សាដោយជោគជ័យក្នុងថ្នាក់​ សហគ្រិនភាពឌីជីថល​ & ទីផ្សារឌីជីថល និង ការអភិវឌ្ឍគេហទំព័រ & ការចនាUX/UI។ យើងសូមថ្លែងអំណរគុណយ៉ាងជ្រាលជ្រៅចំពោះអ្នកឧបត្ថម Liechtenstein Development Service (LED) ដែលធ្វើឱ្យកម្មវិធីនេះអាចធ្វើទៅបាន។ 💙🥰

យើងពិតជាមានមោទនភាពចំពោះនិស្សិតបញ្ចប់ការសិក្សាជំនាញការងារនៅទីក្រុងភ្នំពេញឆ្នាំ ២០២៥ របស់យើង។ នេះ​បានបង្ហាញពី​ ការខិត​ខំ​ប្រឹង​ប្រែង ភាព​ច្នៃ​ប្រឌិត និង​ការ​ប្ដេជ្ញា​ចិត្តរបស់សិស្ស​ក្នុង​ការ​សិក្សា។ ឥឡូវនេះសិស្សរបស់យើងបានត្រៀមខ្លួនដើម្បីស្វែងរកឱកាសហាត់ការនិងរៀបចំអនាគតឌីជីថលជាមួយនឹងជំនាញ និងចំណង់ចំណូលចិត្តរបស់ពួកគាត់រួចរាល់ហើយ។ 🚀💻☺️

សូមអានព័ត៏មានបន្ថែមនៅទីនេះ៖ https://www.sistersofcode.org/post/employment-skills-program-2025-graduation-celebration