🌟 ចំណាប់អារម្មណ៏របស់ក្រុមសិស្ស Sisters of Code បាត់ដំបង បានចូលរួមពិធីអបអរសាទរគម្រប់ខួប ៥ឆ្នាំរបស់ Sisters of Code។ 🎉💻

១. ឆម សុរី៖ ខ្ញុំ​ជា​សិស្ស Sisters of Code ​នៅ​ខេត្ត​បាត់ដំបង។ ខ្ញុំពិតជាសប្បាយចិត្តដែលខ្ញុំអាចមកលេងទីក្រុងភ្នំពេញបាន ព្រោះថាវាខុសពីបាត់ដំបងដែលមានអគារច្រើន និងផ្លូវមមាញឹក ហើយមានរបស់ថ្មីៗជាច្រើនសម្រាប់ខ្ញុំ។

២. វីរៈ លក្ខសារ៖ Sisters of Code បានជួយខ្ញុំឱ្យអភិវឌ្ឍជំនាញសរសេរកូដរបស់ខ្ញុំ ទទួលបានទំនុកចិត្តក្នុងបច្ចេកវិទ្យា និងបង្កើតមិត្តភាពដ៏មានអត្ថន័យជាមួយមនុស្សដែលមានចំណង់ចំណូលចិត្តស្រដៀងគ្នា។ វាជាលើកទីមួយរបស់ខ្ញុំដែលបានមកទីក្រុងភ្នំពេញ ហើយខ្ញុំពិតជារីករាយជាមួយអាហារដ៏ឈ្ងុយឆ្ងាញ់នៅក្នុងព្រឹត្តិការណ៍ Sisters of Code។

៣. វឌ្ឍនា យក់មុី៖ ខ្ញុំ​រៀន​នៅ Sisters of Code ​បាត់ដំបង។ នៅពេលចូលរួមពិធីគម្រប់ ៥ឆ្នាំ ខ្ញុំមិនត្រឹមតែបានចូលរួមសកម្មភាពសប្បាយៗប៉ុណ្ណោះទេ ប៉ុន្តែមានឱកាសស្វែងយល់បន្ថែមអំពីបច្ចេកវិទ្យា និងការសរសេរកូដផងដែរ។ វា​ជា​លើក​ទី​មួយ​ដែល​ខ្ញុំ​មក​ភ្នំពេញ។

សម្រាប់ព័ត៌មានបន្ថែម៖ https://www.sistersofcode.org/post/sisters-of-code-celebrates-5th-year-anniversary

[ថ្នាក់រៀនក្លឹបសរសេរកូដស្រ្តី - មេរៀនទី៣]

ក្រោមការដឹកនាំរបស់អ្នកតំណាង Sisters of Code ចំនួន ១០រូប យើងបានបញ្ចប់ដោយជោគជ័យនូវមេរៀនទី ៣ ស្តីពីការប្រើប្រាស់គេហទំព័រ Wix.com និង ការសរសេរកូដ HTML/CSS ទាំងតាមអនឡាញ និងក្នុងថ្នាក់រៀន។ 💻

តាមរយៈវគ្គសិក្សានេះ សិស្សានុសិស្សបានអភិវឌ្ឍការយល់ដឹងកាន់តែស៊ីជម្រៅអំពីការប្រើប្រាស់ HTML និងទទួលបានបទពិសោធន៍ផ្ទាល់ក្នុងការបង្កើតគេហទំព័រផ្ទាល់ខ្លួនដោយប្រើប្រាស់ Wix.com 🌐 ដែលជាជំនាញដ៏មានតម្លៃសម្រាប់ការកសាងអាជីពក្នុងវិស័យបច្ចេកវិទ្យា ផ្នែករចនា និងទីផ្សារ។ 🚀

តាមដានព័ត៌មានបន្ថែមអំពីវគ្គសិក្សាថ្មីៗរបស់យើងតាមរយៈ៖
គេហទំព័រ៖ https://www.sistersofcode.org/

[ថ្នាក់រៀនក្លឹបសរសេរកូដស្រ្តី - មេរៀនទី៤]

Sisters of Code Club បានបញ្ចប់មេរៀនទី៤ ដែលនិយាយអំពីបញ្ញាសិប្បនិម្មិត (AI) និង Generative AI (GenAI)។ 🤖✨ វគ្គសិក្សានេះបានផ្តល់នូវចំណេះដឹងមូលដ្ឋានដល់សិស្សានុសិស្សក្នុងការបង្កើតកម្មវិធីជជែកស្វ័យប្រវត្តិ (chatbots) និងសរសេរសំណួរ prompts ប្រកបដោយប្រសិទ្ធភាព សម្រាប់ឧបករណ៍បង្កើតលទ្ធផលស្របតាមតម្រូវការ និងការរំពឹងទុក។

សូមតាមដានវគ្គសិក្សាថ្មីៗនាពេលខាងមុខ។ 📚💻
ទំនាក់ទំនងមកយើងខ្ញុំតាមរយៈហ្វេសប៊ុក ឬ,
- គេហទំព័រ៖ https://www.sistersofcode.org/
- តេឡេក្រាម៖ https://t.me/sistersofcode