🎉 លទ្ធផលផ្លូវការ៖ អ្នកដឹកនាំក្លឹប Sisters of Code សម្រាប់ឆ្នាំ២០២៦!

Sisters of Code មានក្តីសោមនស្សក្នុងការប្រកាសថា សិស្សចំនួន ២២រូប ត្រូវបានជ្រើសរើសជាផ្លូវការជាអ្នកដឹកនាំក្លឹប Sisters of Code សម្រាប់ឆ្នាំ២០២៦!

យើងពិតជាមានមោទនភាពចំពោះសមិទ្ធផល និងការប្តេជ្ញាចិត្តរបស់ពួកគេ។ ក្នុងកំឡុងដំណើរការជ្រើសរើស បេក្ខនារីម្នាក់ៗបានបង្ហាញពីឆន្ទៈដ៏មោះមុត ភាពជាអ្នកដឹកនាំ និងចំណង់ចំណូលចិត្តក្នុងការចែករំលែកជំនាញឌីជីថល និងការសរសេរកូដទៅកាន់ក្មេងស្រីនៅទូទាំងប្រទេសកម្ពុជា។ 🇰🇭💡

កម្មវិធីសិក្សា Sisters of Code Clubs នឹងបើកទទួលពាក្យសុំចូលរួមក្នុងពេលឆាប់ៗនេះ!

📢 សូមចូលរួមវគ្គផ្តល់ព័ត៌មានតាមអនឡាញ នៅថ្ងៃសៅរ៍នេះ ថ្ងៃទី៩ ខែឧសភា ឆ្នាំ២០២៦
វេលាម៉ោង ៩:០០ ព្រឹក ដើម្បីស្វែងយល់បន្ថែមអំពីកាលវិភាគកម្មវិធី ព័ត៌មានលម្អិតនៃការបណ្តុះបណ្តាល និងដំណើរការនៃការដាក់ពាក្យ។

🔗 ចុះឈ្មោះឥឡូវនេះតាមរយៈ៖ https://forms.gle/UF9yguz6Haq8dVPH7

ជាថ្មីម្តងទៀត សូមអបអរសាទរចំពោះអ្នកដឹកនាំក្លឹបដែលត្រូវបានជ្រើសរើសទាំងអស់! យើងទន្ទឹងរង់ចាំមើលនូវផលវិជ្ជមានដែលអ្នកទាំងអស់គ្នានឹងបង្កើតឡើងនៅក្នុងសហគមន៍របស់អ្នក។ 🩷

កម្មវិធីអបអរសាទរដ៏មានអត្ថន័យ! 🎉🩷

យើងខ្ញុំមានមោទនភាពជាខ្លាំង ក្នុងការអបអរសាទរការបញ្ចប់ការសិក្សារបស់សិស្សានុសិស្សចំនួន ៦៥ នាក់ មកពីកម្មវិធី Sisters of Code Ambassadors ឆ្នាំ២០២៦! បន្ទាប់ពីឆ្លងកាត់ការសិក្សា ការសរសេរកូដ និងការរីកចម្រើនជាមួយគ្នាអស់ជាច្រើនសប្តាហ៍ ពេលនេះពួកគាត់បានបញ្ចប់ដំណើរការសិក្សាជាផ្លូវការ និងកំពុងឈានជើងចូលទៅក្នុងដំណាក់កាលថ្មីមួយទៀត ជាមួយនឹងជំនាញ និងទំនុកចិត្តកាន់តែរឹងមាំ។

កម្មវិធីប្រគល់វិញ្ញាបនបត្របញ្ចប់ការសិក្សានេះ ពោរពេញទៅដោយស្នាមញញឹម ភាពរីករាយ និងមោទនភាព ដោយមានការចូលរួមពីសំណាក់សិស្សានុសិស្ស គ្រូបង្រៀន មាតាបិតា និងដៃគូសហការទាំងអស់ ដែលបានជួយគាំទ្រពួកគាត់យ៉ាងសកម្មពេញមួយកម្មវិធី។

Sisters of Code ពិតជាមានមោទនភាពចំពោះប្អូនៗគ្រប់រូប។ 🌱✨

📌 អានព័ត៌មានបន្ថែមអំពីពិធីនេះនៅទីនេះ៖ https://www.sistersofcode.org/post/sisters-of-code-ambassadors-2026-graduation

សិស្សឆ្នើមទាំង ៤ រូប ប្រចាំកម្មវិធី Sisters of Code Ambassadors Program ឆ្នាំ២០២៦ 🌟

ការផ្ដល់ជូននូវការកោតសរសើរជាពិសេសសម្រាប់ប្អូនៗ សាម លក្ខណ៍ប្រពៃ, ភក្ដិ សុធារ៉ា, តឹក ឈុនហ័រ និង វ៉ាន់ សុខគាង ចំពោះការខិតខំប្រឹងប្រែង និងលទ្ធផលដ៏ឆ្នើមក្នុងកំឡុងពេលចូលរួមកម្មវិធីទាំងមូល។ 💕

លោកស្រី Natalja Rodionova ស្ថាបនិក Sisters of Code និង លោកស្រី ជីន ដាលីន អ្នកដឹកនាំគម្រោង Sisters of Code បានប្រគល់កាដូពិសេស និងវិញ្ញាបនបត្រជូនដល់ប្អូនៗម្នាក់ៗ ដើម្បីជាការទទួលស្គាល់ដោយមោទនភាពចំពោះការខិតខំប្រឹងប្រែង ភាពខ្ជាប់ខ្ជួន និងការតាំងចិត្តខ្ពស់ក្នុងការរៀនសូត្រ។

នេះគឺជាខណៈពេលដ៏ស័ក្តិសមបំផុតក្នុងការអបអរសាទរដល់សិស្សទាំង ៤ រូបនេះ និងសមិទ្ធផលដែលប្អូនៗសម្រេចបាន។ 🌟

📌 សូមអានលម្អិតនៅទីនេះ៖ https://www.sistersofcode.org/post/sisters-of-code-ambassadors-2026-graduation

អ្នកដឹកនាំក្លឹប Sisters of Code ថ្មី សម្រាប់ឆ្នាំ២០២៦ 🩷

សិស្សចំនួន ២២ រូប មកពីកម្មវិធី Sisters of Code Ambassadors ឆ្នាំ២០២៦ បានឈានជើងចូលទៅក្នុងដំណាក់កាលថ្មីជាផ្លូវការ ក្នុងនាមជាអ្នកដឹកនាំក្លឹបសរសេរកូដ (Sisters of Code Clubs Leaders) ប្រចាំឆ្នាំ២០២៦។✨

នៅក្នុងខណៈពេលដ៏មានអត្ថន័យនៃពិធីនេះ លោកស្រី Natalja Rodionova បានប្រគល់ «ក្រមាខ្មែរ» ជូនដល់ប្អូនៗម្នាក់ៗ ដែលជាកាយវិការដ៏សាមញ្ញតែពោរពេញដោយអត្ថន័យ ដើម្បីបង្ហាញពីការកោតសរសើរចំពោះការខិតខំប្រឹងប្រែង ការរីកចម្រើន និងការប្តេជ្ញាចិត្តរបស់ពួកគេក្នុងកំឡុងពេលកន្លងមក។

ពីសិស្សដែលធ្លាប់តែសិក្សា ក្លាយជាអ្នកដឹកនាំនាពេលនេះ ពួកគេបានត្រៀមខ្លួនជាស្រេចក្នុងការណែនាំ និងផ្តល់កម្លាំងចិត្តដល់យុវតីដទៃទៀត ដែលទើបតែចាប់ផ្តើមបោះជំហានលើវិស័យបច្ចេកវិទ្យា។ 🌱

👉 សូមអានលម្អិតនៅទីនេះ៖ https://www.sistersofcode.org/post/sisters-of-code-ambassadors-2026-graduation