‏ لو تساعدني خطـاوي رجلي بحـزة مراحي
‏من يساعدني على روحٍ يدب الشوق فيها .

لكني أخطيت في حقي .. وندمان
‏لو يرجع الوقت ما فتحت لك صدري .

ليلةُ آخرى ‏يتسلل فيها الحنين
‏إلى صدري ‏لشيءٍ مألوف، لن يعود .

إلى آخر مدى صبري عسَاي من التعب مأجور
‏ولا أكون القنوط الِّلي جزع من كثر حِرمانه .

مافيه داعي التفت وادورك بين الجموع
من لذة الطعنة عرفت إيدك وانا ماشفتها .

.‏من لا يصبّح حاجته لا بغاها
اقفوا بها اللي يعشقون المغابيش .

.‏لا تغرك علوم مكثرين العلوم
الرياجيل واجد لين تحتاجها .

.‏لا طاح سهم البورصه و الذهب طاح
قامت سهوم الطيب و الطيبيني .

.‏وش لون اشوفك و اعامل لهفتي بـ اعتدال
‏و الداهيه لو يشوفك راح في داهيه .

.علي الحرام انه دواء الكبد من الاوهام
‏يطفي لهيبٍ شب في الجوف لاهوبه .

.لا تندم على المعروف يا راعي المعروف
‏ليا ضاع عند النـاس ما ضاع عنـد الله.

.ماندور للجمايل على رد الجميل
نعتبرها لاجحدها دفعة بلاء .

."دربٍ يهين النفس .. ماني بماشيه
لو قام خفّاقي على الضيق وأمسى."

.الوصل ما هو نطلبه بالغصايب
‏اما يجي من طيب ولا نخليه

شرهةٍ في غير حق و حاجةٍ من غير قيمة
‏لاتعرّضَها على عقلك ولا تاقف عليها.

كنت أجهل شلون أتغاضى وهالحين
صرت أعرف وشلون فنّ التغاضي.

محتاج لي راحه من الظن .. وأحتاج
‏حاجات واجد ما أقدر أقول وشهي.

أصبحت مثل مسدد الدين بالدين
‏ ما عاد يملّك غير صبره وباعه.

أحلم ولو ترفض لياليك الأحلام
أحلام ابن آدم مصابيح روحه .

جعل دارٍ فيه طرياك حنان الرعود
الربيع يفاوله و السّحايب تسَّكبه.

لا تنحني للزمن و تضيّق و تعاني
‏ظروف الأيام تبغى من يكابدها .