.علي الحرام انه دواء الكبد من الاوهام
‏يطفي لهيبٍ شب في الجوف لاهوبه .

.لا تندم على المعروف يا راعي المعروف
‏ليا ضاع عند النـاس ما ضاع عنـد الله.

.ماندور للجمايل على رد الجميل
نعتبرها لاجحدها دفعة بلاء .

."دربٍ يهين النفس .. ماني بماشيه
لو قام خفّاقي على الضيق وأمسى."

.الوصل ما هو نطلبه بالغصايب
‏اما يجي من طيب ولا نخليه

شرهةٍ في غير حق و حاجةٍ من غير قيمة
‏لاتعرّضَها على عقلك ولا تاقف عليها.

كنت أجهل شلون أتغاضى وهالحين
صرت أعرف وشلون فنّ التغاضي.

محتاج لي راحه من الظن .. وأحتاج
‏حاجات واجد ما أقدر أقول وشهي.

أصبحت مثل مسدد الدين بالدين
‏ ما عاد يملّك غير صبره وباعه.

أحلم ولو ترفض لياليك الأحلام
أحلام ابن آدم مصابيح روحه .

جعل دارٍ فيه طرياك حنان الرعود
الربيع يفاوله و السّحايب تسَّكبه.

لا تنحني للزمن و تضيّق و تعاني
‏ظروف الأيام تبغى من يكابدها .

بتزين ولا جعلها للمحادير
‏ما عاد تفرّق قيض ولا هبايب.

يالله بعزم قوي ووقفة ما تميّل
وبياض وجه من الدنيا للأخره.

العمر مره والمسَاعي توافيق
والله يعوض كل من طال صبره.

لو تدري الارض بأنك مندفن فيها
قالت ياكبّر الجميل اللي ملى بطني.

‌‏المشاكل كبرتني وأنا ماني كبير
‏شيّبت في الليالي وبقعاء توها.

‏مشكلتي إني لا قريب ولا بعيد
وألذّ حاجاتي بديت أملَّها.

كم حاجتن راحت و أنا اقول خيّره
‏لا خيرها جاني ولا حاجتي .. جات.

‏بعض المشاعر كنها الفنجال
زوّادها عند العرب منقود.

‏التواضع زين لكن عذروبه
‏حطني عادي وأنا والله ماني بـ عاديّ .