အဖွဲအစည်းတွေအတွင်း သတင်းအမှားနဲ့ သပ်လျှိသွေးခွဲတိုက်ခိုက်နေတဲ့ Dawna TV Tiktokအကောင့်
31-8-2026

Dawna TV Tiktokအကောင့်မှာ တင်ထားတဲ့ သတင်းပိုစ်အကြောင်းအရာ တော်တော်များများက အဖွဲအစည်းတွေအတွင်း သပ်လျှိသွေးခွဲဖို ရည်ရွယ်ချက်နဲ့ ခိုင်မာတိကျမှုမရှိတဲ့ သတင်းတွေတင်ထားတာပဲ ဖြစ်ပါတယ်။

တပ်မတော်၊ရဲတပ်ဖွဲ၊ဌာနဆိုင်ရာအဖွဲအစည်းတွေအတွင်းမှာ အထက်နဲ့အောက်အကြား၊ လုပ်ဖော်ကိုင်ဖက်အချင်းချင်းအကြားမှာ မညီညွတ်၊မစည်းလုံးအောင် တနည်းအားဖြင့် ပြိုကွဲလာအောင် နည်းမျိုးစုံသုံးပြီး လုပ်ကြံဝါဒဖြန့်ပေးနေတာဆိုရင်လည်း မမှားပါဘူး။

အောက်ခြေက ကိုယ့်လုပ်ဖော်ကိုင်ဖက် အချင်းချင်း မကျေနပ်၊ မနာလိုစိတ်ရှိတာနဲ့ ရေးသားပေးပိုတဲ့ ပုဂ္ဂိုလ်ရေးဆန်ဆန်သတင်းအကြောင်းအရာတွေကို Dawna TV Tiktokအကောင့်က အတင်းကို သတင်းလုပ်ပြီး ပြန်လည်ဝါဒဖြန့် ဖော်ပြပေးနေတာဟာ သပ်လျှိသွေးခွဲနေတဲ့ လုပ်ရပ်တွေပါပဲ။

ဒါကြောင့် Dawna TV Tiktokအကောင့်မှာတင်ထားတဲ့ ပုဂ္ဂိုလ်ရေးဆန်ဆန်သတင်းဖြစ်စဉ် အကြောင်းအရာအားလုံးဟာ သပ်လျှိသွေးခွဲဖို ရည်ရွယ်ချက်ဖြင့် လုပ်ကြံဝါဒဖြန့်တိုက်ခိုက်နေခြင်းသာ ဖြစ်ပါတယ်။
Truth Waves

■ နေပြည်တော်ရှိ အောက်ပေါင်းလောင်းတမံမှာ ရေပိုလွှဲမှ ရေစတင်ကျော်လွန်၍ ရေထုတ်လွှတ်နေပြီး ပေါင်းလောင်းမြစ်တစ်လျှောက်ရေကြီးရေလျှံမှု အတွက် စိုးရိမ်စရာမရှိဟုဆို

နေပြည်တော်ရှိ အောက်ပေါင်းလောင်းတမံမှာ ကန်ရေပြည့်အမှတ်သို့ရောက်ရှိပြီးနောက် သြဂုတ် ၃၁ ရက် နံနက် ၇  နာရီမှစတင်၍  ရေပိုလွှဲမှ စတင်ရေကျော်ခဲ့ပြီး ရေထုတ်လွှတ်ပေးလျှက်ရှိကြောင်း တည်ဆောက်ရေး (၅) ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနက ထုတ်ပြန်ထားသည်။

ရေပိုလွှဲမှ ရေထုတ်လွှတ်ပေးလျှက်ရှိသော်လည်း ရေဝင်ရောက်မှု အခြေအနေပေါ် မူတည်၍ စနစ်တကျ ထိန်းညှိထုတ်လွှတ်ပေးနေသည့်အတွက် ပေါင်းလောင်းမြစ်တစ်လျှောက် ရေကြီးရေလျှံမှုအတွက် စိုးရိမ်ရန် မလိုကြောင်း ထပ်မံအသိပေးထုတ်ပြန်ထားသည်။

သြဂုတ် ၃၁ ရက် နံနက် ၈ နာရီ ၄၅ မိနစ်အချိန် ရေပိုလွှဲမှရေကျော်လွန်စီးဆင်းမှုမှာ ၂,၀၅၀ ကုဗပေ/စက္ကန့် ရေကျော်စီးဆင်းလျက်ရှိပြီး ပြီးခဲ့သော ၂၀၂၄ ခုနှစ်၌ စံချိန်တင်အဖြစ် အများဆုံးစီးဆင်းခဲ့သည့် (၅၆,၆၈၁ ကုဗပေ/စက္ကန့်)နှင့် နှိုင်းယှဉ်ပါက ယခုရေကျော်စီးဆင်းမှု အခြေအနေမှာ အလွန်နည်းပါးသောအခြေအနေဖြစ်ကြောင်း သိရသည်။

ထို့အပြင် ဆည်တမံနှင့် ရေပိုလွှဲတို့၏ ကြံ့ခိုင်မှုမှာ ကောင်းမွန်သည့် အခြေအနေတွင် ရှိနေပြီး ရေဝင်ရောက်မှု အခြေအနေပေါ် မူတည်၍ စနစ်တကျ ထိန်းညှိထုတ်လွှတ်ပေးနေသည့်အတွက် ပေါင်းလောင်းမြစ်တစ်လျှောက် ရေကြီးရေလျှံမှုများအတွက် စိုးရိမ်စရာမရှိပါကြောင်းနှင့် သတင်းများကို အချိန်နှင့်တပြေးညီ တင်ပြပေးသွားမည်ဖြစ်ကြောင်း ဆက်လက်ထုတ်ပြန်ထားသည်။

ပေါင်းလောင်းရေလှောင်တမံမှာ တမံသက်တမ်း ၂၂ နှစ်အတွင်း အများဆုံးရေကျော်ကျမှုအဖြစ် ၂၀၁၃ ခုနှစ်တွင် ရေအမြင့် (၈ ဒသမ ၃)ပေဖြင့် ၁၁၈ ရက် ရေကျော်ကျခဲ့ကြောင်း၊ ၂၀၂၄ ခုနှစ်တွင် ရေအမြင့် (၁၁ ဒသမ ၈၇)ပေဖြင့် ၆၈ ရက် ရေကျော်ကျခဲ့ကြောင်း ၊ ယခု ၂၀၂၆ ခုနှစ် သြဂုတ်လအတွင်း ရေကျော်မှုအပါအဝင် တမံသက်တမ်း (၂၂) နှစ်အတွင်း ရေပိုလွှဲမှ ရေကျော်ကျမှုဖြစ်စဉ် (၁၉) နှစ် ကြုံတွေ့ခဲ့ရခြင်း ဖြစ်ကြောင်း ပေါင်းလောင်းတမံ၏ မှတ်တမ်းများအရ သိရသည်။

ပေါင်းလောင်းမြစ်ဆုံရာ စစ်တောင်းမြစ်တွင် တောင်ငူမြို့၏ စစ်တောင်းမြစ်ရေမှာ သြဂုတ် ၃၁ ရက် နံနက် ၆ နာရီခွဲအချိန် မိုးဇလ၏ ထုတ်ပြန်ချက်ရ စိုးရိမ်ရေအမှတ် ၆၀၀ စင်တီမီတာအောက် ၄၁၃ စင်တီမီတာသာ ရှိနေပြီး စစ်တောင်းမြစ်၏ အောက်ဘက် မဒေါက်မြို့မှာ စိုးရိမ်ရေအမှတ် ၁၀၇၀ စင်တီမီတာအထက် ၁၁၅၆ စင်တီမီတာ( ၂ ပေ ၁၀ လက်မ ခန့်ကျော်လွန်)သို့ရောက်ရှိနေကာ နောက် ၁ ရက်အတွင်း ၂ လက်မခန့် ထပ်မံမြင့်တက်လာနိုင်ကြောင်း သိရသည်။
ပုံစာ။ နေပြည်တော်ပြည်ထောင်စုနယ်မြေ ဇေယျာသီရိမြို့နယ်ရှိ အောက်ပေါင်းလောင်းတမံ ရေပိုလွှဲမှရေကျော်နေသည့်အခြေအနေအား တွေ့ရစဥ်
#elevennews