သိပ္ပံနှင့်နည်းပညာ၊ လေကြောင်းနဲ့
အာကာသသိပ္ပံပညာဆိုင်ရာ နယ်ပယ်တွင် ထူးချွန်ထက်မြက်တဲ့
နိုင်ငံအနာဂတ်လူငယ်များဖြစ်စေလိုကြောင်းဆို

မေ ၈

တနင်္သာရီတိုင်းဒေသကြီး ဝန်ကြီးချုပ် ဦးဇော်နိုင်ဦး သည် ကမ်းရိုးတန်းဒေသတိုင်းစစ်ဌာနချုပ် တိုင်းမှူး ဗိုလ်ချုပ် ကျော်ကျော်ဟန်၊ တိုင်းဒေသကြီး ဝန်ကြီးများ၊ ဌာနဆိုင်ရာတာဝန်ရှိသူများနှင့်အတူ မေ(၈)ရက် မွန်းလွဲပိုင်းက  မြိတ်လေတပ်စခန်းဌာနချုပ်၌ ဖွင့်လှစ်လျက်ရှိသော အခြေခံလေကြောင်းလူငယ် သင်တန်းအမှတ်စဉ်(၁၀)မှ သင်တန်း သား/သူများ သင်ကြားလေ့ကျင့်နေမှုများအား သွားရောက်ကြည့်ရှု့အားပေးပြီး ချီးမြှင့်ငွေများပေးအပ်ပါတယ်။

တနင်္သာရီတိုင်းဒေသကြီးအတွင်းရှိ ကျောင်းသား/သူလူငယ်မောင်မယ်များ  နွေရာသီကျောင်းပိတ်ရက် ကာလ အတွင်း အခြေခံလေကြောင်းဆိုင်ရာ ပညာရပ်များကို စိတ်ပါဝင်စားပြီး ကျွမ်းကျင်တတ်မြောက်စေရန်၊ ခေတ်မီနိုင်ငံ တော်တည်ဆောက်ရေးတွင် လေယာဉ်ပျံသန်းမှုဆိုင်ရာ ပညာရပ်များကို နားလည်သိရှိစေရန်၊ စိတ်ဓာတ်၊ စည်းကမ်း၊ ကိုယ်လက်ကြံ့ခိုင်မှုနှင့် စည်းလုံးညီညွတ်မှုရှိစေရန် ရည်ရွယ်၍  အခြေခံလေကြောင်းလူငယ်သင်တန်း အမှတ်စဉ်(၁၀) ကို ဧပြီ(၂၇)ရက်မှစ၍ ဖွင့်လှစ်ပြီး သင်ကြားလေကျင့်ပေးလျက်ရှိရာ သင်ကြားလေ့ကျင့်နေမှုအား ဝန်ကြီးချုပ်နှင့်အဖွဲ့မှ သွားရောက်ကြည့်ရှုအားပေးကြပါတယ်။

ထို့နောက် အခြေခံလေကြောင်းလူငယ်သင်တန်း လူငယ်မောင်မယ်များအား တိုင်းဒေသကြီး ဝန်ကြီးချုပ် က လူငယ်များသည် နိုင်ငံတော်၏အနာဂတ်ဖြစ်သကဲ့သို့ တိုင်းဒေသကြီး ဖွံ့ဖြိုးတိုးတက်ရေးအတွက်လည်း အရေးပါဆုံး သော အင်အားစုဖြစ်ကြောင်း၊ ယနေ့ခေတ်တွင် သိပ္ပံနှင့်နည်းပညာ၊ လေကြောင်းနဲ့ အာကာသသိပ္ပံပညာဆိုင်ရာ နည်းပညာများသည် နိုင်ငံတစ်နိုင်ငံ၏ ဖွံ့ဖြိုးတိုးတက်မှုကိုတိုင်းတာရာတွင် အရေးပါသည့်ကဏ္ဍများဖြစ်ကြောင်း၊ ဒါ့ကြောင့် လေကြောင်းပညာရပ်များကို စိတ်ပါဝင်စားစွာ လေ့လာသင်ယူနေကြသည့် လူငယ်များသည် တိုင်းဒေသကြီး အတွက်သာမက နိုင်ငံတော်အတွက်ပါ တန်ဖိုးရှိသည့် လူ့စွမ်းအား အရင်းအမြစ်များ ဖြစ်ကြကြောင်း၊

လူငယ်များအနေဖြင့် မိမိတို့၏ရည်မှန်းချက်ကို ခိုင်မာစွာထားရှိပြီး ပညာကို စဉ်ဆက်မပြတ် လေ့လာကြရန် လိုအပ်ကြောင်း၊ လေကြောင်းပညာရပ်သည် တိကျမှုနှင့်လုံခြုံမှုကို အခြေခံသော ပညာရပ်ဖြစ်တာကြောင့် လေ့လာ သင်ယူသည့်အခါတွင် ပေါ့ပေါ့တန်တန်မထားဘဲ အခြေခံကနေစပြီး သေချာနက်နဲစွာ သင်ယူကြရမည်ဖြစ်ကြောင်း၊ သင်္ချာ၊ ရူပဗေဒ၊ အင်္ဂလိပ်စာ၊ ကွန်ပျူတာနှင့် နည်းပညာ ပညာရပ်များကိုလည်း အားဖြည့်လေ့လာကြရန် တိုက်တွန်းလို ကြောင်း၊ ဒါ့အပြင် လူငယ်များသည် စာပေဗဟုသုတသာမက ကိုယ်ကျင့်တရား ကောင်းမွန်မှု၊ နိုင်ငံချစ်စိတ်၊ ဒေသ ချစ်စိတ်၊ မိဘဆရာသမားများအပေါ် ကျေးဇူးသိတတ်မှုတို့ကိုလည်း ထိန်းသိမ်းမြှင့်တင်ကြရမည်ဖြစ်ကြောင်း၊ ပညာ တတ်မြောက်မှုနှင့်အတူ စိတ်ဓာတ်ကောင်းမွန်မှုရှိမှသာ နိုင်ငံတော်နဲ့ ပြည်သူများအတွက် အကျိုးပြုနိုင်သည့် လူကောင်းများအဖြစ် ပေါ်ထွန်းလာကြမည်ဖြစ်ကြောင်း ပြောကြားပါတယ်။

ထို့နောက် ဝန်ကြီးချုပ် မှ သင်တန်းသား/သူများနှင့် သင်တန်းဆရာများအား ဂုဏ်ပြုချီးမြှင့်ငွေများ ပေးအပ် ခဲ့ပြီး  အခြေခံလေကြောင်းလူငယ် သင်တန်းသား/သူများအား ရင်းရင်းနှီးနှီးတွေ့ဆုံပါတယ်။

သင်တန်းကို သင်တန်းသား (၂၇)ဦး နှင့် သင်တန်းသူ(၂၄)ဦး တက်ရောက်လျက်ရှိကြပြီး သင်တန်းကာလအနေဖြင့် ဧပြီ(၂၇)ရက်မှ မေ(၂၉)ရက်အထိ ဖွင့်လှစ်သွားမည်ဖြစ်ကာ သင်တန်းကာလ တတိယအပတ်တွင် သင်တန်းသား လူငယ်မောင်မယ်များအား လေ့လာရေး ခရီးများ ပို့ဆောင်ခြင်း၊ သင်တန်းစခန်းများပြိုင်ပွဲ  ဝင်ရောက်ယှဉ်ပြိုင်ခြင်းများ ဆောင်ရွက်ကြမည်ဖြစ်ကြောင်း သိရပါတယ်။
#SN

တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး ကာကွယ်ရေးဦးစီးချုပ်ရုံး(ကြည်း)ဝန်းအတွင်းရှိ အရာရှိ၊ စစ်သည်၊ မိသားစုများအား တွေ့ဆုံအမှာစကား ပြောကြား(8-5-2026)

Truth Waves

မင်္ဂလာရှမ်းကန်အတွင်း ရာသီဥတုပူပြင်းသဖြင့် ငါးများသေဆုံး


၈-၅-၂၀၂၆

၂၀၂၆ ခုနှစ်၊ မေလ ၇ ရက် ၁၂၀၀ အချိန်မှစ၍ ပျဥ်းမနားမြို့၊ ရန်အောင်၂ ရပ်ကွက်၊ မင်္ဂလာရှမ်းကန်အတွင်းမွေးထားသည့် ငါးမျိုးစုံအကောင် ၆၀၀၀၀ အနက် ရာသီဥတုပူပြင်းမှုကြောင့် ရေများလျော့နည်းလာပါသဖြင့် အောက်ဆီဂျင်လည်ပတ်မှုနှုန်းမှာလည်း လျော့နည်းလာ၍ ရာသီဥတုဒဏ်ခံနိုင်မှု နည်းပါးသော ထိုင်းငခုံးမအကောင် ၂ဝဝဝ ခန့်မှာ သေဆုံးလျက်ရှိကြောင်း၊ သေဆုံးသွားသော ငါးများအား မြို့နယ်စည်ပင်သာယာအုပ်ချုပ်ရေးမှူး ဒုတိယညွှန်ကြားရေးမှူး ဦးစိုးမြတ်သူ ဦးစီးပြီး ဝန်ထမ်းများ၊ လုပ်သားများဖြင့် ဆယ်ယူကာ ပုဗ္ဗသီရိမြို့နယ် အမှိုက်ကွင်းသို့ စနစ်တကျစွန့်ပစ်လျှက်ရှိကြောင်း၊ အဆိုပါငါးများသေဆုံးရခြင်းနှင့် ပတ်သက်၍ မြို့နယ်ငါးလုပ်ငန်းဦးစီးဌာနမှ လက်ထောက်ညွှန်ကြားရေးမှူး ဦးထွန်းနွေဦးနှင့် ဝန်ထမ်းများမှ ကွင်းဆင်းစစ်ဆေးခဲ့ရာ ယခုအချိန်သည် ရာသီဥတုပူပြင်းခြင်းကြောင့်လည်းကောင်း၊ မင်္ဂလာရှမ်းကန်အတွင်း ရေလျော့နည်းနေခြင်းကြောင့်လည်းကောင်း၊ ထိုင်းငါးခုံးမငါးအမျိုးအစားများသည် ရာသီဥတုဒဏ်ခံနိုင်မှုနည်းခြင်းနှင့် အသက်နုသော ငါးအမျိုးအစားများဖြစ်ခြင်းကြောင့်လည်းကောင်း သေဆုံးရခြင်းဖြစ်ပြီး ရေသွင်းနိုင်မှု ပိုမိုလိုအပ်ခြင်း၊ အောက်စီဂျင်လုံလောက်စွာရရှိစေရန် ရေပန်းများထပ်မံတပ်ဆင်ရန်လိုအပ်ခြင်း၊ Solar ဖြင့်အသုံးပြုရသော ဒလက်များတပ်ဆင်လျှင် ပိုမိုကောင်းမွန်လာနိုင်ပါကြောင်း အကြံပြုခဲ့ကြောင်း၊ မင်္ဂလာရှမ်းကန်အတွင်းသို့ ခလရ (၈၅)တံတားအနီးရှိရေစက်မှ ၁ နာရီလျှင် ဂါလံ ၁၆,၀၀၀ နှုန်းဖြင့် ၈ နာရီခန့် ရေသွင်းလျက်ရှိရာ ဂါလံ ၁၂၈,၀၀၀ ခန့် နေ့စဉ်ရေသွင်းလျက်ရှိပြီး မင်္ဂလာရှမ်းကန်၏ အကျယ်အဝန်းမှာ ၁၂ ဧကခန့်ရှိပါသဖြင့် တစ်နေ့လျှင် ရှမ်းကန်အတွင်းသို့ ရေဝင်ရောက်မှုမှာ လက်မဝက်ခန့်ရှိကြောင်း သတင်းရရှိပါသည်။

Join Post
++++++++
ဒီ Channel လေးကိုလည်း Join ထားကြပါအုံး မိတ်ဆွေတို့🙏🙏🙏

https://t.me/myanmrarmy354

မင်္ဂလာနံနက်ခင်း🙏🙏🙏


ကျန်းမာ ချမ်းသာ ဘေးရန်ကင်းကွာ.....


#ဆင်ဖြူရှင်