ပဲခူးတိုင်းဒေသကြီးတောင်ငူမြို့ရှိရှေးဟောင်းသမိုင်းဝင်နန်းတော်ဉီးလောကမာဇရိန်စေတီတော်မြတ်ကြီးစိန်ဖူးတော်နှင့်ငှက်မြတ်နားတော်အားဆင်တော်မင်္ဂလာပေါ်ပင့်ဆောင်ပူဇော်ပွဲကိုမေလ၂ရက်နေ့နံနက်ပိုင်းကသီတဂူကေတုမတီဗုဒ္ဓတက္ကသိုလ်၌ကျင်းပပြုလုပ်ခဲ့ရာတပခတိုင်းမှူးဗိုလ်ချုပ်စိုးကျော်ထက်နှင်တာဝန်ရှိသူများတက်ရောက်ခဲ့ကြသည်။

ပျဥ်းမနားမြို့နယ်၌ မနက်ဖြန် မေ ၄ ရက်မှစ၍ အုပ်စုနှစ်စုခွဲကာ အလှည့်ကျဓာတ်အားပေးမည်

နေပြည်တော်၊ ပျဥ်းမနားမြို့နယ်၌ မနက်ဖြန် မေ ၄ ရက်မှစ၍ မေ ၁၀ ရက်အထိ အုပ်စု(A)နှင့် အုပ်စု(B)ခွဲကာ အလှည့်ကျစနစ်ဖြင့် လျှပ်စစ်ဓာတ်အားဖြန့်ဖြူးပေးသွားမည်ဖြစ်ကြောင်း သိရသည်။

အုပ်စု(A)သည် မနက်ဖြန် မေ ၄ ရက်တွင် နံနက် ၇ နာရီမှ နံနက် ၁၁ နာရီအထိ၊ နေ့လည် ၃ နာရီမှ ည ၇ နာရီအထိ၊ အုပ်စု(B)သည် နံနက် ၉ နာရီမှ နေ့လည် ၁ နာရီအထိ၊ ညနေ ၅ နာရီမှ ည ၉ နာရီအထိ အလှည့်ကျစနစ်ဖြင့် လျှပ်စစ်ဓာတ်အားဖြန့်ဖြူးပေးသွားမည်ဖြစ်ကြောင်း သိရသည်။

ပျဥ်းမနားမြို့ရုံးခွဲရုံ၊ ပေါင်းလောင်းတိုးချဲ့ခွဲရုံ၊ တောင်သာခွဲရုံ၊ ဂမုန်းတောင်ခွဲရုံတို့မှ အလှည့်ကျစနစ်ဖြင့် လျှပ်စစ်ဓာတ်အားဖြန့်ဖြူးပေးသွားမည်ဖြစ်ကာ ညွှန်ကြားမှုအရပြောင်းလဲမှုရှိပါက ထပ်မံအသိပေးကြေညာသွားမည်ဖြစ်ကြောင်း သိရသည်။