طبعا اكيدة تتذكرو في كلمة آمس ( ح نفعل): المهم اليوم طلت اني و صاحبي Marshall اللي نعتبره خوي، طلعنا نطالبو بي حقنا حني والشباب في الميدان المهم بعد ما كملنا وجينا بالروحو قلنا خلي نديرو صورة لي الذكرى يجو يقفوا علينا شباب مدنيين شدوني اني و مارشل و ولد صاحبنا و يجبدو فينا، اني و الولد اللي معانا قدرنا نهربو لكن مارش بحكم أن الأشخاص اللي شدونا كانو هلبا عليه يعني اكثر من شخص شده قعد معاهم ضربوه ضرب مش عادي و دخلوه لي مكان مش ح نقول عليه زادو ضربوه وهددوه حتى القتل ، طبعا اني كنت مصدوم معش عرفت شني بندير نشبح فيهم قدامي يضربو فيه ويدخلو فيه، تلفوني مش عندي معش عندي ثقة في حد لأن لي شدونا مدنيين ، في نفس الوقت مقدرتش نخلي، ف مشيت للولاد اللي كانو معانا، طبعا قد ما نقول مش ح نقدر نوصف الحالة اللي كنت فاها نكلم في الشباب ونقوللهم صاحبي قاموه طبوه الحق بارك الله فيهم وقفو معاي وقفة تريس و مشينالهم وقعدنا نهتفو بأنهم يطلعوه بعد شويا قالو طلعناه لكن كان قاعد الداخل عندهم شباب مشو قعدت اني و الولد اللي كان معانا كلمناهم و فهمناهم و ما طلعوه الا بالسيف، طبعا بعد ما طلع خوي مارشل مشي شوية وطاح من كثر الضرب