✨️ October 24 zoom အာစိဏ္ဏကံ တရားမှာ သောတာပန် ခံရမယ့် ဒုက္ခ နှင့် သာမာန် ပုဂ္ဂိုလ် ခံရမယ့် ဒုက္ခ ကို နှိုင်းယှဥ်ပြ တဲ့ အကြောင်းလေး မ Khin Hnin Hnin Aye လျှောက်ပေးတာ သိပ်ကို ကျေးဇူးတင်ပါတယ်။
တရား အားထုတ်ဖို့ စိတ်မပါ တဲ့အခါ အဲ့ဒါ လေးကို အမြဲ အမှတ် ရ နေပါ့မယ်။

📍လူ့လောက ထဲ မှာ မိသားစု နှင့် နေရင်း နိဗ္ဗာန် ကို အာရုံပြုနိုင်သလား ဆိုတဲ့ မေးခွန်းကလည်း သိပ်ကောင်းပါတယ်။

📍သောတာပန် ဖြစ်ပြီးသူကရော ဗေဒင်ဟောသေးလား ဆိုတဲ့ မေးခွန်း ကလည်း စိတ်ဝင်စားစရာပါ။

October 25. 2026
Telegram Audio

https://t.me/AshinPyannaSekkaVideos/2060

✨️ ဗုဒ္ဓအလိုကျ တရားစခန်းဟာ လူတောထဲမှာ နေပြီး မိသားစု အလုပ်တွေ လုပ်နေရင်း တရားအားထုတ် နိုင်တဲ့ အတွက် အလုပ်မအားတဲ့ အိမ်ရှင်မတွေ၊ အသက်ကြီး ပုဂ္ဂိုလ် များအတွက် အင်မတန် အဆင်ပြေ ပါတယ်။

November 1 ရက်နေ့ မှ 10 ရက် နေ့ အထိ zoom online ဆယ်ရက် တရားစခန်း ကို ဝင်ဖို့ လည်း ဖိတ်ခေါ် လိုက်ပါတယ်။

October 25
တရားအနှစ်ချုပ်

🔰 ဝိပဿနာအားထုတ်တဲ့အခါ သောတာပန်အသိဥာဏ် အဆင့်တစ်ခုထဲမှာပဲ ဒိဌိ နဲ့ ဝိစိကိစ္ဆာ ဖြုတ်ရတာမဟုတ် သကဒါဂါမ် အနာဂါမ် ရဟန္တာ အသိဥာဏ် အဆင့်တိုင်းမှာလည်း ဒိဌိ နဲ့ ဝိစိကိစ္ဆာ ဖြုတ်ရတာပါ။

သောတာပန်မှာလည်း သောတာပန်အဆင့်အလိုက် သင်္ခါရ အပေါ်မှာ အစွဲ ဖြုတ်ရတာပါ။

🔰 အသိမှား အမှတ်မှား အယူမှား နေရာမှာ အသိမှန် အမှတ်မှန် အယူမှန် အစားထိုးပေးရတာပါ။

🔰 အစားထိုးခြင်း သင်္ခါရတရားကိုမြင်မှ လက္ခဏာ၃ပါးကို မြင်မှာပါ။
သင်္ခါရတရားကိုမြင်မှ သဿတ ဥစ္ဆေဒ ဒိဌိ စင်ပါတယ်။

🔰 လူဟာ လူ့သံယောဇဥ်မစွန့်ပဲ ဝိပဿနာတရားအားထုတ်လို့ရပါတယ်။
လူ့သံယောဇဥ် မစွန့်ပဲနဲ့တော့ နိဗ္ဗာန် မရနိုင်ပါ။

🔰 သောတာပန်အသိဥာဏ်ရထားရင် မိသားစုနဲ့နေတဲ့အချိန် နိဗ္ဗာန် ကို အာရုံမပြုနိုင်ပေမယ့်အလုပ်ခွင်ဝင်တဲ့အချိန် တရားနှလုံးသွင်းနေတဲ့အချိန်မှာတော့ လူ့သံယောဇဥ်ကို စွန့်ထားတဲ့အတွက် နိဗ္ဗာန် ကို အာရုံပြုနေနိုင်ပါတယ်။

ဒါကြောင့် ဝိပဿနာအသိဥာဏ် သမ္မသနဥာဏ် က လူတိုင်းရဲ့အသိဥာဏ်မှာ ကိန်းထားဖို့လိုအပ်ပါတယ်။

📍သမ္မသနဥာဏ် ကိန်းထားတဲ့သူမှ အပါယ်ဘေး စိတ်ချရတာပါ။

🔰 တရားအသိဥာဏ် ရင့်သန်လာရင် လူ့သံယောဇဥ်တွေက သူ့ဥာဏ်အဆင့်ပေါ်မူတည်ပြီး တဖြေးဖြေး လျော့ပါး လျော့ပါး လာမှာပါ။နောက်ဆုံး လူတောထဲမှာ လူတွေနဲ့ရောနှောမနေချင်တော့ပဲ တစ်ယောက်တည်းသီးသန် နေချင်စိတ်အထိ ဖြစ်လာမှာပါ။

🔰 သောတာပန်အသိဥာဏ် ကနေ ရဟန္တာအသိဥာဏ် အထိ အရိယာစိတ်ဖြစ်ရင် စိတ်သဘာဝအရ သဘောထားတွေက ပြောင်းလဲကုန်ပါတယ်။ တရားအသိဥာဏ်တွေကြောင့် စိတ်က ပြောင်းလဲသွားတာပါ။

သောတာပန်အသိဥာဏ်ရလာရင် အရင်
လိုပုထုဇဥ်စိတ်အတိုင်း နေလို့မရတော့ပဲ စိတ်နေ စိတ်ထား ပြောင်းလဲလာမှာပါ။

ဥပမာ...ဝိသာခါနဲ့ဓမ္မဒိန္နာ ဇာတ်လမ်းလို သကဒါဂါမ်အသိဥာဏ်ရထားရင် ဆန့်ကျင်ဘက်အာရုံအပေါ် အရင်လို သာယာတဲ့ စိတ်ခံစားချက်မရှိတဲ့အတွက် နှစ်သက်မှုမဖြစ်တော့ပါ။

🔰 အနာဂါမ်အသိဥာဏ်ရလာရင် ဖိုမ ကိစ္စ လုံးဝ ကင်းရှင်းသွားပါပြီ။
ဆန့်ကျင်ဘက်အာရုံအပေါ် သာယာပြီး ကိုယ်ကသွားထိဖို့ ကိုင်ဖို့မပြောနဲ့ ကိုယ့်အသားလာထိမှာတောင် မနှစ်မြို့တော့ပါ။

တရားသဘောတွေက အရမ်းကို တိကျ ခိုင်မာ ပြတ်သားပါတယ်။
တရားသဘောက တစ်ယောက်တစ်မျိုး မရှိပါ။
ဒီပုံစံအတိုင်း အားလုံးမှာ အတူတူဖြစ်မှာပါ။

🔰 ကိုယ်ဥာဏ်ရောက်လာရင် ကိုယ်တိုင် လက်တွေ့ကြုံတွေ့ခံစားရမယ့်သဘောတရားတွေပါ။

တရားအသိဥာဏ်ကိန်းလာရင် သူ့ဥာဏ်အဆင့်အလိုက် အကြောင်းအကျိုး အကောင်းအဆိုး အမှားအမှန် ကို ဝေဖန်ပိုင်းခြားနိုင်တဲ့အတွက် အစားအသောက် အနေအထိုင် အပြောအဆို ပြုမူပုံတွေမှာ ခံယူချက်သဘောထားက အရင်လိုမဟုတ်ပဲ သောတာပန် အသိဥာဏ်မှာကတည်းက ပြောင်း ပြောင်းလာပါတယ်။

🔰 ရဟန္တာ ဖြစ်ရင် လူဝတ်နဲ့နေလိုမရဘူး ခုနှစ်ရက်အတွင်း ရဟန်းမဝတ်ရင် သေတယ်ဆိုတဲ့ အဟောတရားတွေက မမှန်ပါ။

တရားအသိဥာဏ်ဆိုတာ အဝတ်အစားမှာကိန်းတာမဟုတ် ဥာဏ်ထဲ ရင်ထဲနှလုံးသားထဲမှာကိန်းတာပါ။

ဒီအကြောင်းအရာတွေကို 25.10.2026 အာစိဏ္ဏာကံတရားဆွေးနွေးပွဲ တရားမှာ နာယူနိုင်ပါပြီရှင်။

Credit to ဓမ္မစစ်ယောဂီ
🪷✨️🙏✨️🪷.

🧿✨️ ဆရာတော် အရှင်ပညာစက္က ✨️🧿
ဗုဒ္ဓအလိုကျ ဝိပဿနာ
မြန်မာစံတော်ချိန် ည 7:00 - 9:00
Zoom ID - 724 443 0315
Passcode - 12345
.
Facebook live
https://www.facebook.com/share/18F94BRNbi/

Telegram live
https://t.me/AshinPyannaSekkaVideos
.
တရားစခန်း မစခင် ဖွင့်ပေးသော ပါချုပ်ဆရာတော် တရား များ Telegram link
https://t.me/meditationroadmap
Viber Channel link
https://invite.viber.com/?g2=AQATm99V8ofGY1YE6g%2F66DdgR4b3X%2F%2FztCAtnNuGbf971bJPRQuHLjwpFHX5TQgT
..
ဆရာတော် အရှင်ပညာစက္က Biography
https://www.facebook.com/share/p/17aq8JHGbT/
..
🌿🍀🙏🍀🌿

📍ကျမ၏ ရေးသားမှု့ များသည်...
တရားအပေါ် မှာ ကျမ နားလည်သလို ရေးထားသည် ဖြစ်သည့် အတွက်
အမှားတစ်စုံတစ်ရာ ပါခဲ့ ပါသော်
ကျမ တစ်ဦးထဲ၏ တာဝန် ဖြစ်ပါသည်ရှင်။

🍀🌹✨️🙏✨️🌹🍀

✨️ မီးဖိုထဲ မှာ ဟင်းချက်ရင်း ဓာတ်ကြီး လေးပါး တရားဆင်ခြင် ပုံ ယောဂီ Yuya Khin တရားလျှောက်ထား ချက်ကို ညက zoom မှာ ဆရာတော်က ပြန် ရှင်းပြ ပေးထားတာ သိပ်ကောင်းပါတယ်။

✨️ သက္ကာယဒိဌိ ပြုတ်မပြုတ် ဆန်းစစ် ပုံ တရား လျှောက်တာလည်း ကောင်းပါတယ်။

သက္ကာယဒိဌိ ပြုတ်မပြုတ် သေချာ အောင်ဘယ်လို စစ်မလဲ .?
Day 7,8,9 မှာ ဟောထားတာ မို့ ပြန်နာကြည့် ပါနော်..

✨️ သက္ကာယဒိဌိ ပြုတ်မပြုတ် စစ်ဖို့..

7.10.2026
https://t.me/AshinPyannaSekkaVideos/1958

8.10.2026
https://t.me/AshinPyannaSekkaVideos/1965

9.10.2026
https://t.me/AshinPyannaSekkaVideos/1970

✨️ ကိုယ့်ရဲ့ ခန္ဓာ က အသုဘ ကြီး လို့သီးသန့် နှလုံးမသွင်းဘဲ တစ်ချက် တစ်ချက် ဥာဏ်ထဲမှာ ပေါ်နေတာ ကြာပါပြီ။

တရားစခန်း လစဥ်ဝင်နေလို့ ဥာဏ်တွေ လည်း တဖြည်းဖြည်းရင့်လာတယ် ထင်ပါတယ်..

တနေ့တနေ့ ဒီ အသုဘ ခန္ဓာကို ပြုပြင်ပေးနေရတဲ့ ဒုက္ခ တွေလည်း မြင်လာ တော့ ဆရာတော် ပြောနေတာတွေ မှန်လိုက်တာလို့

အရင်ကဆို အသုဘကြီး လို့ ပြောရင် နားအရမ်းခါး...
အခုကြ တော့ မှန်လိုက်တာ.. မှန်လိုက်တာ လို့. .

ညက zoom တရား မှာ အသုဘ ခန္ဓာ ဆင်ခြင်ပုံ လျှောက်ထား ချက်ကို ပြန်ဟောပေးတာ သိပ်ကောင်းတာပါပဲ။

October 27 အာစိဏ္ဏကံ မှာ တရားလျှောက်သူ တွေက တကယ် ကျင့်ကြံ ပြီးမှ လျှောက်ထားကြတာမို့ တော်တော်လေး ကောင်းပါတယ်.
သေချာ နာဖြစ်အောင် နာပါနော်။

October 27
Telegram Audio
https://t.me/AshinPyannaSekkaVideos/2070
.
YouTube
https://youtu.be/-8EOWcKmjoA?si=H3CdlSZ02ooSM-kW

October 27
တရားအနှစ်ချုပ်

🔰 ဝိပဿနာဆိုတာ ခန္ဓာငါးပါး ရုပ်နာမ်ပရမတ်တရားတွေအပေါ်မှာ မဂ္ဂင်၈ပါးဖြင့် အကြောင်းအကျိုးနဲ့ စဥ်းစား ဆင်ခြင်သုံးသပ်ရတဲ့ ဥာဏ်ပညာအလုပ်ပါ။

ပရမတ်အပေါ်မှာရှူမှ မဂ္ဂင်၈ပါးထိုက်သလို မဂ္ဂင်၈ပါးဖြင့်ရှုမှလည်း ပရမတ်ကိုသိမြင်နိုင်တာပါ။

မဂ္ဂင်၈ပါးလမ်းကြောင်း တစ်ကြောင်းတည်းလမ်းကသာ မဂ်ဖိုလ် နိဗ္ဗာန် ဆိုက်ရောက်နိုင်တာပါ။

🔰 ဒါန သီလ အလုပ်တွေက ရောက်ရာဘုံဘဝမှာ အထောက်အပံ့ကောင်း ဖြစ်စေတဲ့အတွက် လုပ်ကိုလုပ်ရမှာမှန်ပေမဲ့ သုဂတိဘဝ ရဖို့အတွက် စိတ်မချရပါ။
သမထဘာဝနာ အလုပ်တွေကလည်း အပါယ်ဘေး စိတ်မချရပါ။
ဝိပဿနာအလုပ်သည်သာ အပါယ် သံသရာ လွတ်မြောက်စေနိုင်တာပါ။

🔰 ဝိပသနာအားထုတ်နိုင်ဖို့ ဝိပဿနာဘယ်လိုရှုရမယ်ဆိုတာ အရင်သိအောင်လုပ်ဖို့ နံပါတ်တစ် အရေးကြီးဆုံးပါ။

ဝိပဿနာအားထုတ်နည်းသိမှ လျောင်း ထိုင် ရပ် သွား လေးမျိုးလုံးမှာ ဆင်ခြင်သုံးသပ် ရှုမှတ်နိုင်မှာပါ။

ဝိပဿနာအားထုတ်တော့မယ်ဆိုရင် ဝိပဿနာယာနိကနည်းနဲ့ရှုရင်လည်း
ဒါရိုက်ရှုလို့မရတဲ့အတွက် အရင်ဆုံး အခြေခံဥာတပရိညာအပိုင်းဖြစ်တဲ့ ရူပပရိစ္ဆေဒဥာဏ် နာမပရိစ္ဆေဒဥာဏ် နာမရူပပရိစ္ဆေဒဥာဏ် ပစ္စယပရိဂ္ဂဟဥာဏ် သမ္မသနဥာဏ် အထိ ခန္ဓာဥာဏ်ရောက်အသိဖြစ် အောင်အားထုတ်နိုင်မှ ဝိပဿနာဖြစ်ပြီး ဝိပဿနာ လမ်းကြောင်း ပေါ်စရောက်တာပါ။

🔰 သက်ရှိ သက်မဲ့ ရုပ် ဟူသမျှ ဓာတ်ကြီး လေးပါး အပေါင်းအစုပါ။

🔰 ဓါတ်ကြီးလေးပါးရဲ့သဘာဝ ဖောက်ပြန်နေတဲ့သဘောကို ရုပ် လို့ခေါ်တာပါ။

ရုပ်သဘာဝ ဖောက်ပြန်ပျက်စီးနေတဲ့အတွက် ရုပ်တရားမှန်သမျှ မြူတမှုန်လေးတောင် မြဲနေတာမရှိပါ။

🔰 မြတ်စွာဘုရားက ၃၁ဘုံလောကကြီးမှာ မြဲ နေတာ တစ်ခုလောက်ရှိခဲ့မယ်ဆိုရင်မြတ်သောအကျင့် ဝိပဿနာအကျင့် ကျင့်စရာမလိုတော့ပါလို့ ဟောခဲ့ပါတယ်။

ရုပ်နာမ် ပရမတ် မြင်နေရုံ ပညတ် ပရမတ် ကွဲနေရုံနဲ့ တရားအပေါ်မှာ ဝိစိကိစ္ဆာ မစင်ပါ။
ခန္ဓာ့သဘာဝအရှိတရားကို ဘာဝနာမယဥာဏ် နဲ့မြင်ထားမှ ဘုရားပြောတာ ဟုတ်လိုက်တာ မှန်လိုက်တာဆိုပြီး ဘုရားပြောတဲ့အပေါ် သံသယမရှိတော့မှ တရားအပေါ်မှာ ဝီစိကိစ္စ စင်တာပါ။
🔰 ရုပ်နာမ် သဘာဝကို မသိရင် သက္ကာယဒိဌိ သဿတဒိဌိ ဥစ္ဆေဒဒိဌိ မစင်နိုင်ပါ။

မမြဲတရားကိုမြင်မှ သဿတဒိဌိ စင်တာပါ။
အစားထိုးခြင်း သင်္ခါရတရား ကို မြင်မှ ဥစ္ဆေဒဒိဌိ စင်တာပါ။

🔰 သက္ကာယ ကို သက္ကာယမှန်း မသိရင် ငါ့ကိုယ် ငါ့ဟာ ငါ့ဥစ္စာလို့ထင်နေတဲ့အတွက် ဒါန သီလ သမထဘာဝနာ ဘယ်လောက်လုပ်ထားထား ကိုယ်ရဲ့စိတ်မှာ အတ္တ မာန ယှဥ်တွဲပါနေတဲ့အတွက် လောဘ ဒေါသ မောဟ အားကြီးနေမှာပါ။
လောဘ ဒေါသ မောဟ နဲ့သေရင် အပါယ်ဘုံကျရောက်မှာပါ။

🔰 မြတ်စွာဘုရားမြင်စေချင်တဲ့ အသုဘမြင်အောင်ရှုဆိုတာ သင်္ချိုင်းရောက်မယ့် သေပြီးသား အသုဘ မသာကောင်ကြီးကို ကြည့်ပြီး ရှုရတာမဟုတ် ရှင်လျှက်နဲ့သေနေတဲ့ သက်ရှိကိုယ့်ခန္ဓာရဲ့ အသုဘတွေကိုမြင်အောင်ရှုရတာပါ။

သေပြီးသားမသာကြီးနဲ့ ကိုယ်နဲ့ မသာချင်း ကတော့ အတူတူပါပဲ။
အသက်ရှိတာနဲ့ မရှိတာပဲ ကွာခြားတာပါ။

အသက်ရှင်နေရသေးတာက ကံသင်္ခါရ အကြောင်းလေးပါး မပြတ်တမ်း အစားထိုးပြုပြင်ပေးနေလို့သာ ဟန်မပျက် ရပ်တည်နေနိုင်တာပါ။
ခန္ဓာ့သဘာဝတရားကြီးဟာ အနိစ္စ ဒုက္ခ အနတ္တ အသုဘ ပဲ ရှိပါတယ်။

ဒီအကြောင်းအရာတွေကို 27.10.2026 အာစိဏ္ဏာကံတရားဆွေးနွေးပွဲ တရားမှာနာယူနိုင်ပါပြီရှင်။

Credit to ဓမ္မစစ်ယောဂီ
🪷✨️🙏✨️🪷.

🧿✨️ ဆရာတော် အရှင်ပညာစက္က ✨️🧿
ဗုဒ္ဓအလိုကျ ဝိပဿနာ
မြန်မာစံတော်ချိန် ည 7:00 - 9:00
Zoom ID - 724 443 0315
Passcode - 12345
.
Facebook live
https://www.facebook.com/share/18F94BRNbi/

Telegram live
https://t.me/AshinPyannaSekkaVideos
.
တရားစခန်း မစခင် ဖွင့်ပေးသော ပါချုပ်ဆရာတော် တရား များ Telegram link
https://t.me/meditationroadmap
Viber Channel link
https://invite.viber.com/?g2=AQATm99V8ofGY1YE6g%2F66DdgR4b3X%2F%2FztCAtnNuGbf971bJPRQuHLjwpFHX5TQgT
..
ဆရာတော် အရှင်ပညာစက္က Biography
https://www.facebook.com/share/p/17aq8JHGbT/
..
🌿🍀🙏🍀🌿

📍ကျမ၏ ရေးသားမှု့ များသည်...
တရားအပေါ် မှာ ကျမ နားလည်သလို ရေးထားသည် ဖြစ်သည့် အတွက်
အမှားတစ်စုံတစ်ရာ ပါခဲ့ ပါသော်
ကျမ တစ်ဦးထဲ၏ တာဝန် ဖြစ်ပါသည်ရှင်။

🍀🌹✨️🙏✨️🌹🍀

✨️ အမေ အိပ်ရေးပျက်လို့ ခေါင်းနောက် ခေါင်းခဲနေတယ်တဲ့
သူ လှဲ နေရင်း ငါ ဒီခေါင်းခဲ တာ ဘယ်လို မှတ်ရမလဲတဲ့. .

အမေ အရင်ဆုံး အဲ့ဒီ ခဲနေတဲ့ နေရာကို ဓါတ်ကြီးလေးပါး ခွဲကြည့် ရအောင်လို့..
ခဲနေတယ်.. ခဲခဲ ကြီး ပထဝီ တဲ့..
အဲ့ဒီမှာ ဝါယော ပါသေးလား အမေ ဆိုတော့ မပါဘူး ခဲခဲ ကြီးပဲတဲ့...
Ok အဲ့ဒါ ဆို အဲ့ဒီ ပထဝီ ဖောက်ပြန်နေတဲ့ သဘောက သူ့ဘာသာ ဖောက်ပြန်နေတာ.
မဖောက်ပြန် နဲ့လို့ တားလို့ လည်း မရ ဘူး..
သူ့သဘာဝ က ဖောက်ပြန်တဲ့ သဘော ဆိုတာကို သေချာ ဆင်ခြင်ပါ လို့..
သေချာ ဆင်ခြင်ပြီး ဓါတ်လေးပါး ဖောက်ပြန်မှု့ သက်သက်ပဲ လို့ သေချာဆုံးဖြတ်ချက် ချ နိုင်ပြီ ဆို ဥပက္ခာပြု လိုက်တော့ အမေ လို့..

ဆုံးဖြတ်ချက် ချရမှာလားတဲ့..
အင်း ဆုံးဖြတ်ချက်ချတယ် ဆိုတာ သေချာပိုင်နိုင်စွာ သိတာကို ပြောတာ..
ဓါတ်ကြီးလေးပါး ဖောက်ပြန်တဲ့ သဘာဝ ကို သေသေချာချာ ဆင်ခြင် ပြီး မှ သဘာဝကို လက်ခံပြီ ဆိုမှ ဥပေက္ခာ ပြုခိုင်းတာ..
"သဘာဝ ကို ရှု ဥပက္ခာ ပြု" လေ လို့။

အမေ ခဲနေတဲ့နေရာ ကို စိုက်နကြည့် နဲ့ မနိုင်ဘူး..
သဘာဝ ကို သိရင် ဥပက္ခာပြုပြီး အာရုံကို အခြားကို လွှဲလိုက်တော့..
လေဝင်ထွက်တာကို အာရုံ စိုက်မလား၊ ဗိုက် ဖောင်းပိန် ကို အာရုံ စိုက်မလား..
တနေရာရာ ကို အာရုံ လွှဲလိုက်တော့ လို့..

✨️ ဒီနေရာမှာ ဥပက္ခာ ပြုတာက ဖြစ်နေတာကို မသိချင်ယောင်ဆောင်ပြီး မျက်နှာလွှဲ ဥပက္ခာ ပြုတာ မဟုတ်ဘဲ ဖြစ်နေတဲ့ သဘာဝ ကို သေချာ သိအောင် အကြောင်းအကျိုး ဆင်ခြင်ပြီးမှ ဥပက္ခာပြုတာပါ..
သဘာဝကို သိပြီး မှ ဥပက္ခာ ပြုတာက နောက်ပြန်ပေါ် မလာဘူး..

သဘာဝ မသိဘဲ အကြောင်းအကျိုး မဆင်ခြင်ဘဲ မျက်နှာလွှဲ ပြီး အတင်းဥပက္ခာ ပြုတာကြတော့ ရင်ထဲမှာ အစိုင်အခဲ ကျန် ပြီး ထပ်ခါထပ်ခါ ပြန်ပေါ်ပါတယ်..
ဒီနေရာလေးက အရေးကြီးပါတယ်.
..
ခနနေတော့ အမေ ထ ထိုင်တယ်.
အမေ အာရုံပြောင်း ရှုမှတ် ဦးလေ ဆိုတော့ ငါအခု အာရုံပြောင်း ပြီး
ပါတ်ဝန်းကျင် ကို လိုက်ကြည့်နေတာတဲ့..
ခေါင်းခဲ တာရော ဆိုတော့ မရှိတော့ ဘူး တဲ့..
သေချာ အာရုံ ပြုကြည့် ပါဦး ဆိုတော့ ခေါင်းခါတယ်။

✨️ ငါ ပရမတ်တွေ သိပေမယ့် သေခါနီးကြ ဘယ်လို ရှုမှတ်ရမယ် မသိ ဖြစ်နေတာတဲ့..
အမေ တစ်ခုပဲ မှတ် .
သဘာဝ ကို ရှု ဥပက္ခာ ပြု လို့..
အကယ်၍ မဂ်ဥာဏ်သာ ရခဲ့ မယ်ဆိုရင်တော့ ဖိုလ်ဝင်စား ပြီး နေလို့ ရတာပေါ့ လို့..

ဥပက္ခာပြုတာလေး မမေ့ပါနဲ့ လို့..
သမီး လည်း ခနခန မေ့တာ.. ဘုန်းဘုန်းကြီးက ခနခန သတိပေးလို့ အသေမှတ်သွားတာပါ လို့။

✨️ ဗုဒ္ဓအလိုကျ တရားစခန်းမှာ တရားအားထုတ်ပြီး လက်တွေ့ ဘဝ မှာ တခါထဲ အသုံးချ နိုင်တာ အင်မတန် အကျိုးရှိပါတယ်။

October 28 အာစိဏ္ဏကံ မှာ ယောဂီ များ၏ လက်တွေ့ ဘဝ ထဲမှာ တရား ဖြင့် ကျော်ဖြတ် ကြပုံ များ ကို လျှောက်ကြတာ အားရ စရာ၊ သာဓု ခေါ်စရာ ပါပဲ။
သမ္မသနဥာဏ် ရရှိအောင် ဘယ်လို အားထုတ်ရတာလဲ ဆိုတာ အသေးစိတ် ဟောထားပါတယ်။

ယောဂီ ထက်ထက်လှိုင်၏ တရားဆွေးနွေးမှု့များသည် လည်း အင်မတန် စိတ်ဝင်စားဖို့ ကောင်းလှပါတယ်။
ကျမ အတွက် တစ်ခေါက်ထဲ နားထောင်ရုံဖြင့် နားမလည်နိုင်သောကြောင့် အကြိမ်ကြိမ် နားထောင်မှ နားလည်ပါတယ်။
နားလည် သွားရင်လည်း အင်မတန် ပီတိ ဖြစ်ရ ပါသောကြောင့် ကြိုးစား နားထောင်ပါတယ်။

October 28
Telegram Audio
https://t.me/AshinPyannaSekkaVideos/2075

YouTube
https://youtu.be/BnJXDRjtm2Q?si=x_sA-D1s5LFjjPGb

October 28
တရားအနှစ်ချုပ်

🔰 ဘယ်သူမဆို မိမိရဲ့အသိဥာဏ်မှာ သမ္မသနဥာဏ်ကိန်းအောင်အားထုတ်ထားရင် ဘယ်လိုလောကဓံ အခက်အခဲတွေပဲ ကြုံတွေ့လာပါစေ တရားအသိဥာဏ်နဲ့ ရင်ဆိုင်ဖြေရှင်းကျော်လွှားသွားနိုင်ပါတယ်။

တချို့ တရားစခန်တွေမှာ အထိုင်ကြာလို့ ခန္ဓာကိုယ်နာလာတဲ့အခါ နာတဲ့ ဝေဒနာကိုကျော်လွှားနိုင်ရင် နာတာကြီးပျောက်သွားရင်ကို ဝေဒနာ ကျော်နိုင်တယ်လို့ ဟောနေကြပါတယ်။
နာတယ်ဆိုတာ ဝေဒနာမဟုတ် အမည်ပညတ် တကယ့်အရှိတရားက ဓါတ်ကြီးလေးပါးဖောက်ပြန်နေတာပါ။ ဘယ်လောက်ဆိုသွမ်းပြီး လူ့လောကမှာ နေချင်သလိုနေတဲ့သူဖြစ်ပါစေ သေခါနီးအချိန် ဝေဒနာ ကျော်အောင်အားထုတ်နိုင်ရင် အပါယ်မကျနိုင်တော့ဘူးဆိုတဲ့ အဟောတရားတွေက မမှန်ကန် ပါ။

🔰 မြတ်စွာဘုရားတောင် ကာယိကဒုက္ခ ဝေဒနာကိုမကျော်လွှားနိုင်ပါ။

ဝေဒနာဆိုတာ အာရုံ ဒွာရ တိုက်တဲ့အခါ ဝေဒနက္ခန္ဓာကြောင့် ဖြစ်ပေါ်လာတဲ့ ခံစားမှုဝေဒနာကတစ်မျိုး ၊ ဘုရားပြောတဲ့ သုခဝေဒနာ ဒုက္ခဝေဒနာ ဥပေက္ခာဝေဒနာ ဆိုတဲ့ ဝေဒနာ၃မျိုးကတစ်မျိုး ဒီနှစ်မျိုးပဲ ရှိပါတယ်။

ဝိပဿနာအားထုတ်ပြီး သမ္မသနဥာဏ်ရထားတဲ့သူမှ လောဘ ဒေါသ မောဟ နည်းလာတဲ့အတွက် လူသားစိတ် ဖြစ်လာတာပါ။

ဘဝမပြတ်မချင်းကတော့ ခန္ဓာရရင် ဝိပဿနာအားထုတ်နေရအုန်းမှာပါပဲ။

🔰 ဘုရားလက်ထက်က ဝိပဿနာအားထုတ်လို့ တထိုင်တည်းနဲ့ ရဟန္တာဖြစ်တယ်ဆိုတာ ရဟန္တာ တိုက်ရိုက်ဖြစ်တာမဟုတ် မဂ်လေးဆင့်နဲ့ အသိဥာဏ် အဆင့်ဆင့်ပြောင်းနိုင်တဲ့အတွက် နောက်ဆုံးမှာ ရဟန္တာဖြစ်သွားတာပါ။

သဘာဝလက္ခဏာ သာမညလက္ခဏာ ယှဥ်တွဲမြင်တဲ့ဥာဏ်ကို သမ္မသနဥာဏ် ဝိပဿနာအသိဥာဏ် လို့ ခေါ်တာပါ။

🔰 သမ္မသနဥာဏ်ကနေပဲ ခန္ဓာ့သဘာဝကို အထပ်ထပ်ဆင်ခြင်သုံးသပ်ရှုပွားရင်း သောတာပန် သကဒါဂါမ် အနာဂါမ် ရဟန္တာ အသိဥာဏ်အဆင့်ဆင့်ပြောင်းအောင် အားထုတ်သွားရမှာပါ။

သောတာပန်အသိဥာဏ်ရချင်ရင် အနတ္တလက္ခဏာ မဂ်ဆိုက်အောင် ရှုရပါမယ်။
သကဒါဂါမ်အသိဥာဏ်ရချင်ရင် အနိစ္စလက္ခဏာ မဂ်ဆိုက်အောင် ရှုရပါမယ်။
အနာဂါမ်အသိဥာဏ်ရချင်ရင် ဒုက္ခလက္ခဏာ မဂ်ဆိုက်အောင် ရှုရပါမယ်။

တရားတွေက တစ်ခုနဲ့တစ်ခု အကြောင်းအကျိုးဆက်စပ်ဖြစ်နေတာမို့ ကျော်ခွသွားလို့မရပါ။

🔰 သမ္မသနဥာဏ်ရဖို့အတွက်တောင် တဆင့်ပြီးတဆင့် ကြိုးစားအားထုတ်ခဲ့ရတာပါ။

ဝိပဿနာအလုပ်ဆိုတာ ခန္ဓာငါးပါး ရုပ်နာမ်ပရမတ်တရားတွေအပေါ်မှာ မဂ္ဂင်၈ပါးဖြင့် အကြောင်းအကျိုးနဲ့ စဥ်းစားဆင်ခြင်သုံးသပ်ရင်း ရုပ်နာမ်ပရမတ်တရားတွေရဲ့ တစ်ခုနဲ့တစ်ခု အကြောင်းအကျိုးဆက်နွယ်နေတဲ့ ပဋိစ္စသမုပ္ပါဒ်သဘော အပြန်အလှန်ကျေးဇူးပြုနေတဲ့ ပဌာန်းသဘောတွေကို ယှဥ်တွဲမြင်တတ်အောင်ရှုရတာပါ။

🔰 သုတမယဥာဏ် အကြောင်းမခံပဲ စိန္တာမယဥာဏ် အကျိုးမရနိုင်သလို သုတမယဥာဏ်နဲ့စိန္တာမယဥာဏ် နှစ်ခုပေါင်း အကြောင်းမခံပဲ ဘာဝနာမယဥာဏ်အကျိုး မရနိုင်ပါ။

သီအိုရီပဲရှိပြီး လက်တွေ့လုပ်ဆောင်မှုမရှိရင် ကိုယ်တိုင်သိဘယ်တော့မှဖြစ်မလာပါ။ဘယ်အရာပဲဖြစ်ဖြစ် ဖြစ်လာသမျှအကျိုးတရားမှန်သမျှဟာ အကြောင်းကင်းပြီးဖြစ်လာတယ်ဆိုတာ တစ်ခုမှမရှိပါ။

ပညာ ဥာဏ်ရှိမှ အကြောင်းအကျိုး အကောင်းအဆိုး အမှားအမှန် ကို ဝေဖန်ပိုင်းခြားနိုင်တာပါ။

နာရင်နာမှန်းသိတာက နာမ်ခန္ဓာလေးပါး
ပြည့်စုံလို့ပါ။
မဂ္ဂင်၈ပါးပြည့်စုံမှ ပရမတ် ကို သိမြင်နိုင်တာပါ။
သိမှုတစ်ခုဖြစ်တိုင်းဟာ မဂ္ဂင်၈ပါးပြည့်စုံလို့ပါ။

🔰 ဒီနေ့တရားမှာ မဂ္ဂင်၈ပါးအကြောင်းကို အသေးစိတ် အကျယ်ရှင်းပြထားပါတယ်။

ဝိပဿနာဆိုတာ ရုပ်နာမ်ပရမတ်တရား တွေအပေါ်မှာ မဂ္ဂင်၈ပါးနဲ့ စဥ်းစားတွေးတော ဆင်ခြင် သုံးသပ်ရတဲ့ ဥာဏ်ပညာအလုပ်ပါ။

🔰 မြတ်စွာဘုရားက မစဥ်းစား မဆင်ခြင်တတ်ရင်တောင် စဥ်းစား ဆင်ခြင်တတ်ဖို့ ကံသင်္ခါရ အကြောင်းလေးပါးနဲ့ တစ်ခုချင်းစဥ်းစားဆင်ခြင်တတ်အောင် လမ်းပြပေးခဲ့ပါတယ်။

အကြောင်းအကျိုးဆက်စပ်မြင်တတ်မှ ကာလသုံးပါးကိုလည်း ချဲ့မြင်တတ်လာပြီး ရှုမှတ်ဆင်ခြင်တတ်လာတာပါ။

🔰 တရားအသိဥာဏ်ရင့်ကျက်လာလေ ဘုရားအပေါ်ကျေးဇူးတင်စိတ်ကပိုကြီးလာလေ ဘုရား တရား ကျေးဇူးမြင်လေ ဘုရားသာသနာကို စောင့်ရှောက်ပေးနေတဲ့ ရဟန်းသံဃာတော်တွေရဲ့ကျေးဇူးကိုလည်း မြင်တတ်လာလေပါ။

သမ္မသနဥာဏ်ရောက်အောင်အားထုတ်ထားတဲ့သူမှ ရတနာမြတ်သုံးပါးကို တကယ်ယုံကြည်သက်ဝင်တာပါ။

ဒီအကြောင်းအရာတွေကို 28.10.2026 အာစိဏ္ဏာကံတရားဆွေးနွေးပွဲ တရားမှာနာယူနိုင်ပါပြီရှင်။

Credit to ဓမ္မစစ်ယောဂီ
🪷✨️🙏✨️🪷.

🧿✨️ ဆရာတော် အရှင်ပညာစက္က ✨️🧿
ဗုဒ္ဓအလိုကျ ဝိပဿနာ
မြန်မာစံတော်ချိန် ည 7:00 - 9:00
Zoom ID - 724 443 0315
Passcode - 12345
.
Facebook live
https://www.facebook.com/share/18F94BRNbi/

Telegram live
https://t.me/AshinPyannaSekkaVideos
.
တရားစခန်း မစခင် ဖွင့်ပေးသော ပါချုပ်ဆရာတော် တရား များ Telegram link
https://t.me/meditationroadmap
Viber Channel link
https://invite.viber.com/?g2=AQATm99V8ofGY1YE6g%2F66DdgR4b3X%2F%2FztCAtnNuGbf971bJPRQuHLjwpFHX5TQgT
..
ဆရာတော် အရှင်ပညာစက္က Biography
https://www.facebook.com/share/p/17aq8JHGbT/
..
🌿🍀🙏🍀🌿

📍ကျမ၏ ရေးသားမှု့ များသည်...
တရားအပေါ် မှာ ကျမ နားလည်သလို ရေးထားသည် ဖြစ်သည့် အတွက်
အမှားတစ်စုံတစ်ရာ ပါခဲ့ ပါသော်
ကျမ တစ်ဦးထဲ၏ တာဝန် ဖြစ်ပါသည်ရှင်။

🍀🌹✨️🙏✨️🌹🍀

မနေ့ညကတရားက ယောဂီဟောင်းများအတွက်အင်မတန်အရေးကြီးသောတရားဖြစ်ပါတယ်။

ဘုန်းဘုန်းက ကိုယ့်တရားအသိကို အပြန်ပြန်အလှန်လှန် အသေးစိတ်ဆင်ခြင် သုံးသပ်ရပုံကို အသေးစိတ်သင်ထားပေးတာပါ။

အင်မတန်အဖိုးတန်သောတရား။🙏🏻🙏🏻🙏🏻
ကျေးဇူးကြီးပါတယ်ဘုရား။

မေးပေးတဲ့ ဓမ္မမိသားစုဝင်ယောဂီ ညီမလေး Zin Zin ကိုလဲ ကျေးဇူးအများကြီးတင်ပါတယ်ရှင့်။😇🙏🏻

🌿🌿🌿🌿🌿🌿🌿🌿
ဘုရားပြောတဲ့ မဇ္ဈိမပဋိပဒါ အစွန်းလွတ်တယ်ဆိုတာ ဘယ်လိုအစွန်းတွေကို လွတ်တာကို ပြောတာလဲ။

✅‘ပရမတ်’ ပေါ်မှာရှုနေတဲ့စိတ်ကိုကြည့်။
‘လောဘစွန်း’၊ ‘ဒေါသစွန်း’
‘ကုသိုလ်’၊ ‘အကုသိုလ်’ လွတ်နေတယ်။

🚫‘မဂ္ဂင်(၈)ပါး’ နဲ့ရှုရမှာကို (၅)ပါးပဲလို့ပြောရင် အစွန်းညှိပြီ။

🚫သမာဓိလွန်သွားရင်လဲ သမာဓိအစွန်းရောက်သွားပြီ။

🚫ဘုရားက သတိပဋ္ဌာန်(၄)ပါး အားထုတ်ရမယ်ပြောတာကို (၁)ပါးထဲနဲ့ တရားရတယ်လို့ပြောရင် အစွန်းရောက်သွားပြီ။

🚫ဘုရားက ‘ပရမတ်’ ကိုရှုရမယ်ပြောတာကို ‘ပညတ်’ ကိုသွားရှုနေရင် အစွန်းရောက်သွားပြီ။

🚫ဘုရားက ဒီလိုပြောတာကို သူ့အတ္တနဲ့ သူယူလိုက်ရင် အစွန်းရောက်ပြီ။

🚫‘အတ္တ’ ပါနေတယ်။

✅သဘာဝက ‘အနတ္တ’။

🚫‘ပညတ်’ အပေါ်ရောက်သွားရင် ‘အတ္တ’ ပါနေပြီ။ အစွန်းညှိပြီ။

✅‘ပရမတ်’ ပေါ်မှာရှုနေတဲ့စိတ်ကိုကြည့်။
‘လောဘစွန်း’၊ ‘ဒေါသစွန်း’
‘ကုသိုလ်’၊ ‘အကုသိုလ်’ လွတ်နေတယ်။

🚫တစ်ခုမှ ဟိုပို ဒီပို ပိုလို့မရဘူး။
အတွေးတွေများနေရင် ဝီရိယများနေပြီ၊ ပညာလွန်နေပြီ။ သမာဓိအားကောင်းရင်လဲ စိတ်ကစူးစိုက်ပြီး အိပ်ငိုက်လာပြီ။

✅သတိ၊ ဝီရိယ၊ သမာဓိ၊ ပညာ တွေကို ညီမျှအောင်လို့ ကိုယ့်စိတ်ကလေးကိုယ်သတိထားရင်း ရှုမှတ်ရင်းနဲ့ သတိ၊ ပညာက ပြင်ပေးသွားတာ။ ပြန်တည့်လာတာ။

အစပိုင်းမှာ ကလေးလမ်းလျှောက်သလိုယိမ်းယိုင်နေတာ။ တဖြည်းဖြည်းနဲ့ လျှောက်တတ် လျှောက်တတ် လာသလိုမျိုး။

✅ဝိပဿနာ စအားထုတ်ရင်လဲ အလားတူပဲ။
တဖြည်းဖြည်းနဲ့ ‘ပရမတ်’ ကိုကောင်းကောင်းမြင်လာပြီး ခဏိက သမာဓိအားကောင်းလာတယ်။ ‘သတိ၊ ပညာ’ ကလဲ ညီမျှလာတဲ့အခါကျတော့ ကိုယ့်ကိုကိုယ် ထိန်းကျောင်းနိုင်လာတယ်။ ဒါတွေဟာ သတိထားကြည့်ရင် သိတယ်။

ဒီကနေ မဂ္ဂင်အားကောင်း…အားကောင်း…လာတော့ တည်တည်ငြိမ်ငြိမ်နဲ့ရှုမှတ်လာနိုင်တယ်။ 🪷🙏🏻🪷

🪷‘မဂ်၊ ဖိုလ်’ ဆိုက်တော့မယ်ဆိုရင် လုံးဝယိမ်းယိုင်ခြင်းမရှိတော့ဘူး။

🪷‘ပရမတ်’ အပေါ်မှာ စူးစူးစိုက်စိုက်နဲ့ ငြိမ်ပြီးတော့မှ ရှုမှတ်နိုင်နေတာ။

🪷အဲ့ဒီမှာ အားကောင်း…အားကောင်းလာပြီးတော့မှ ဒီ ‘ပရမတ်’ ကလွဲရင် လောကကြီးတစ်ခုလုံး ပတ်ဝန်းကျင်တခုလုံး ဘာမှမသိတော့ဘူး။

🪷ကိလေသာ ကြားမခိုတော့တာ။

🪷အရှိန်လာပြီဆိုရင် ငြိမ်လာပြီးတော့မှ
‘ပရမတ်’ တရားတွေကို ထိုးဖောက်မြင်ပြီး…
ဪ… ဒါတွေဟာ သူ့သဘောသူဆောင်နေတာ… ငါနဲ့မှမဆိုင်တာ… ဆိုတဲ့ ‘သင်္ခါရုပေက္ခာဥာဏ်’။

🪷ငြိမ်နေတဲ့စိတ်လေးကို ခွဲခြမ်းစိတ်ဖြာလိုက်ရင်လဲ…
‘သင်္ခတနယ်’၊ ‘အသင်္ခတနယ်’ ကို ဥာဏ်က ခွဲခြမ်းစိတ်ဖြာပြီး ဥာဏ်ကမြင်နေတာပဲ။

🪷အဲ့ဒီကနေ ‘မဂ်၊ ဖိုလ်’ ကဆိုက်လိုက်ပြီဆိုရင် စိတ်က တည်ကြည်ပြီး ဥာဏ်ထဲမှာရှင်းကြည်နေတာ။

🪷အဲ့ဒီဥာဏ်လေးကိုကြည့်လိုက်ရင် အရမ်းထက်မြက်နေတာ။

🌷ဒါကကိုယ့်ဟာကိုယ် ပြန်သုံးသပ်ကြည့်မှရတယ်။ သုံးသပ်မှမြင်မှာ။ မသုံးသပ်ရင် မမြင်ဘူး။
🌷အသေးစိတ်ပြန်သုံးသပ်လိုက်ရင် ‘ပရမတ်’ တရားတွေကို ဥာဏ်က မျက်စိနဲ့မြင်သလို ပြတ်ပြတ်သားသားမြင်နေတာ။
🌷ကိုယ့်ခေါင်းထဲမှာကြည်နေတာ။

🌿🌿🌿🌿🌿🌿🌿

🪷အဲ့ဒီကနေမှ ‘မဂ်ဥာဏ်၊ ဖိုလ်ဥာဏ်’ ထိုးဖောက်ဝင်သွားတာ။

🪷ဥာဏ်က သူ့ဟာသူဆောင်သွားမှာ။

❓နောက်မှ ‘မဂ်ဥာဏ်’ ဆိုတာဘာလဲ..
❓‘ဖိုလ်ဥာဏ်’ ဆိုတာဘာလဲ.. ပြန်သုံးသပ်မှ..

🍀ဪ.. ‘မဂ်ဥာဏ်’ ဆိုတာ ဒါ။
🍀‘ဖိုလ်ဥာဏ်’ ဆိုတာ ဒါပါလား ဆိုပြီး အဲ့တော့မှ သိတာ။

📍✅‘ပစ္စဝေက္ခဏဉာဏ်’ ဆိုတာ ပြန်ဆင်ခြင်မှသိတာပေါ့။

🚫တရားလောကက ‘မေ့ကနဲ၊ မိုက်ကနဲ’ ဖြစ်တာတွေ။ အဲ့လိုဖြစ်သွားရင် ခုနကလို့ အသေးစိတ်ပြန်ပြောနိုင်ပါ့မလား။ ပြန်ဆင်ခြင်လို့ရပါ့မလား။

📍✅‘ပစ္စဝေက္ခဏဉာဏ်’ ဆိုတာ ကိုယ်အားထုတ်ခဲ့တာတွေ ပြန်ပြီး နှလုံးသွင်းဆင်ခြင်လိုက်ရင် အဲ့ဒီတုန်းကရှုထားတာတွေ အကုန်လုံး အသေးစိတ်ဥာဏ်ထဲမှာ ပြန်ပေါ်တာပဲ။

📍✅ဟာ… ခုနက ငါ့တရားအသိကထူးခြားလိုက်တာ။ ဒါဘာအသိများလဲဆိုပြီးတော့မှ
တစ်ခုချင်း အသေးစိတ်… အသေးစိတ်…သတိထားပြီး ဆင်ခြင်သွားတာ။

🍀ဪ… ဒါက ‘သင်္ခါရုပေက္ခာဥာဏ်’။
🍀ဒါက ‘မဂ်ဥာဏ်’။ ဒါက ‘ဖိုလ်ဥာဏ်’။
🍀‘မဂ်’ က တကြိမ်ပဲစောတယ်။ ဖိုလ်က (၃)ကြိမ်အလွန်ဆုံးစောတယ်။ အဲ့တာတွေကဘာတွေတုန်း။ တစ်ခါပြန်သုံးသပ်။

🌷ဘုရားဟောထားတာတွေကို ကိုယ်ခုနကရောက်ထားတဲ့နေရာမှာ ပြန်ပြီးတော့ တစ်ခုချင်း သုံးသပ်တဲ့အခါကျတော့…ဘုရားဟောတာတွေကို သဘောပေါက်လာတယ်။🙏🏻

‘မဂ်’ ဆိုတာဘာလဲ။
ကိုယ်အားထုတ်တဲ့အပေါ်ကနေ ‘မဂ်’ ဆိုတာကို မြင်အောင်ကြည့်ရတယ်။
‘မဂ်’ ဆိုတာ တကြိမ်ပဲကျမှာပေါ့။
(၂)ကြိမ်ကျစရာ အကြောင်းမှမရှိတာ။

🚫ဘုရား ပြောတဲ့အသိမဟုတ်တော့ဘူး။
🚫ဆရာတော်ကြီးတွေ ပြောတဲ့အသိမဟုတ်တော့ဘူး။

🙏🏻✅ကိုယ်လုပ်ထားတဲ့အလုပ်ပေါ်ကနေ ကြည့်လိုက်ပြီးတော့မှ “ဟုတ်တယ်! မဂ်ဆိုတာ (၁)ကြိမ်ပဲကျတယ်ဆိုတာ ဟုတ်လိုက်တာ၊ မှန်လိုက်တာ”

❓ဒါဆိုရင် ‘ဖိုလ်’ ကရော။
‘ဖိုလ်’ က ၂ကြိမ် ၃ကြိမ်စောတယ်ပြောတယ်။
❓ငါက ဘယ်လိုဖြစ်သွားလဲ။
ဒီလိုမျိုး ကိုယ့်ဟာကိုယ်စစ်လိုက်ရင်…

🙏🏻✅“ဪ… ဟုတ်တာပေါ့။ ၁ကြိမ်ထဲစောဖို့ကကျတော့ မလွယ်ဘူး၊ သူမသိသေးဘူး။
အနည်းဆုံးကတော့ (၂)ကြိမ်၊ (၃)ကြိမ်။

🚫(၄)ကြိမ်မြောက်တောင် သွားစရာမလိုဘူး။

🙏🏻✅(၂)ကြိမ်၊ (၃)ကြိမ် ဆိုတာမှန်ကန်တဲ့စကား။ (၁)ကြိမ်ထဲကျတော့ သူမကွဲပြားသေးဘူး။ဇဝေဇဝါကျန်တယ်။

🙏🏻✅နောက် (၂)ကြိမ်ပြန်သုံးသပ်လိုက်မှ…
ဪ … ဟုတ်တယ်။

🙏🏻✅ဒီထက်ပိုသေချာချင်ရင် (၃)ကြိမ် ပြန်သုံးသပ်တာ။ ‘နိဗ္ဗာန်’ ဆိုတာဘယ်လိုလဲလို့ ပြန်သုံးသပ်တာ (၃)ကြိမ်။ ဒါက အရမ်းသေချာချင်တဲ့သူမျိုးကျတော့ (၃)ကြိမ်တိတိပြန်သုံးသပ်တယ်။

🌷🌷🌷🌷🌷🌷🌷
‘ပစ္စဝေက္ခဏဉာဏ်’ (၃)ကြိမ်ပြန်ဆင်ခြင်သုံးသပ်ရပုံကို အသေးစိတ်ရှင်းပြခြင်း။

🪷‘မဂ်’ ဆိုက်လိုက်ပြီ။

🪷‘ဖိုလ်’ ဝင်လိုက်ပြီ ‘နိဗ္ဗာန်’ ကိုမျက်မှောက်ပြုလိုက်ပြီဆိုရင် သူ့ဥာဏ်ထဲမှာ ဘာမှမရှိတော့ဘူး။

❓ဒီ ဘာမှမရှိတာကြီးက ‘ဘာလဲ’ လို့သုံးသပ်တာ။ ဘာမရှိတာလဲ သူမသိဘူး။

🍁ကိုယ့်စိတ်ကိုယ်သတိထားမိသွားတယ်။
ခုနက ‘ဖြစ်ပျက်’ တွေ ‘အကြောင်းအကျိုး’ တွေ သူဆင်ခြင်နေတယ်။

❄️ဒီမှာကျတော့ ဘာမှဆင်ခြင်မှုမရှိတော့ဘူး။
❄️စိတ်လေးက သူ့ဟာနဲ့သူရပ်သွားတယ်။
❄️အဲ့ဒီ ရပ်သွားတဲ့စိတ်လေးကို ပြန်ကြည့်လိုက်တော့လဲ ဘာမှမရှိတော့ဘူး။

❓အဲ့ဒီ ဘာမှမရှိတာက ဘာမှန်းလဲမသိဘူး ရုတ်တရက်။ အဲ့ဒီအချိန် တအံ့တဩဖြစ်နေတာပေါ့။ ဘာဆက်လုပ်ရမှန်းမသိတော့ဘူး။

❄️စိတ်လေးက ငြိမ်သက် ငြိမ်းအေးနေတာပဲရှိတော့တယ်။
❄️အဲ့ဒီ ငြိမ်သက် ငြိမ်းအေးနေတဲ့ သဘောလေးကိုသွားခံစားနေလားလို့ ကြည့်လိုက်တော့လဲ ‘ခံစားနေတာမဟုတ်ဘူး’။
❄️ငြိမ်းအေးတာကိုသိတဲ့အသိပဲရှိတယ်။
❄️ဆိုတော့ ‘စေတသိတ်’ တွေအကုန်ချုပ်ငြိမ်းနေပြီ။
❄️‘သိစိတ်’ လေးတစ်ခုပဲရှိပါလားလို့သိတယ်။

✨🪷🍀ဒါ ‘ပထမဖိုလ်ဇော’။
🪷‘မဂ်’ ဆိုက်လိုက်တာနဲ့ ‘ဖိုလ်’ဖြစ်တာ။
🪷ဒီ ‘ပထမအကြိမ်’ နိဗ္ဗာန်မျက်မှောက်ပြုလိုက်တဲ့အချိန်မှာ ‘မဂ်’ ကျတယ်။

ဒါ တပိုင်းနော်။

🌹🌹🌹🌹🌼🌼🌼🌼
❓ဒါပေမယ့် ‘မဂ်’ မှန်းသူမသိဘူး။
အဲ့တာကို သူကောင်းကောင်းမကွဲပြားသေးတဲ့အခါကျတော့…
❓ဒီလိုဘာကြောင့်ဖြစ်သွားတာလဲ ဆိုပြီး ‘အကျိုး’ ကိုကြည့်ပြီး ‘အကြောင်း’ ပြန်သုံးသပ်ရမှာ မဟုတ်လား။

ဒုတိယအကြိမ်နော် ပြန်ဆင်ခြင်သုံးသပ်ပြီ။

🍁အဲ့တော့ သူက ‘ဖြစ်ပျက်’ တွေပြန်ရှုတယ်။

✨⭐️အဲ့ဒီမှာ စိတ်ရဲ့ ညွှတ်တတ်တဲ့သဘောက အရေးကြီးတယ်လို့ ဦးဇင်းပြောတယ်မဟုတ်လား။

🍁ခုနက ‘ဖြစ်ပျက်’ ကို ရှုနေတဲ့ ဥာဏ်လေးက….
❄️ဟိုဖက်ကိုပြောင်းညွှတ်လိုက်တော့ ဘာမှမရှိဘူးဖြစ်နေတာမဟုတ်လား။

စိတ်က(၂)စိတ် ပြိုင်မဖြစ်ကောင်းဘူးဆိုတာ..
🍁’ဖြစ်ပျက်’ ရှုတဲ့စိတ်ကတမျိုး
❄️’မဖြစ်မပျက်’ မှာထားတဲ့စိတ်ကတမျိုးမဟုတ်လား။

ဒီသဘောလေးကိုမြင်သွားတော့…
🍁ဪ … ငါဒီဖက်ပြောင်းညွှတ်ရာကနေ
❄️ဟိုဖက်ကိုပြောင်းပြီးညွှတ်လိုက်တာပဲ။

ပြန်သုံးသပ်ပြီ။
ခုနကငါဘယ်လိုဖြစ်သွားတာလဲဆိုတာကို ‘ခန္ဓာငါးပါး’ ဖြစ်ပျက်မှာ ပြန်နှလုံးသွင်းဆင်ခြင်တယ်။🍁
ဆင်ခြင်တော့ ဥာဏ်ကဝင်လာတယ်။
🙏🏻✅“ဪ… ဒီမှာသိတဲ့ ဒီအသိဥာဏ်က မဂ်ပဲ။”

🌻ခုနက ပထမတပိုင်းမှာ ’မဂ်’ က ဒီဖက် မဖြစ်မပျက်တဲ့ဖက်ကို ပို့ပြီးပြီနော်။
🌻အဲ့ဒီက သိလိုက်တဲ့အသိက နောက်ထပ်အဲ့ဒီအသိဥာဏ်ကို ထပ်သိစရာမလိုတော့ဘူး။ သိထားပြီးပြီကိုး။

အခုထပ်ပြီး ခုနကအသိကို အသေးစိတ်ဆင်ခြင်သုံးသပ်တော့…
ဪ… ဒါက ‘မဂ်’ ပဲ သူသိသွားတော့…
🪷အဲ့ဒီအသိဥာဏ်နဲ့ ‘မဂ်’ ထပ်ဆိုက်စရာမလိုတော့ဘူး။
🪷အဲ့ဒီအသိဥာဏ်နဲ့ ပဲ ဒီဖက်ကိုကူးလိုက်ပြီ။
(ဒီဖက် = ဖြစ်ပျက်မရှိ)

ဒီဖက်ကူးလိုက်ပြီး ပြန်သုံးသပ်တဲ့အခါကျတော့မှ….
“ဪ… ဒီဖက်မှာ ဘာမှမရှိဘူး။ ငါရှုစရာမရှိဘူးဆိုတာက….
🍁ဟိုဖက်မှာ ‘ရုပ်နာမ်ဖြစ်ပျက်’
❄️ဒီဖက်မှာ ‘ရုပ်နာမ်ဖြစ်ပျက်မရှိ’ တဲ့အရာပါလား။”

❓‘ရုပ်နာမ်’ မရှိဘူးဆိုရင်ဘာလဲ။
ဘုရားဟောထားတာ ‘နိဗ္ဗာန်’ လို့ပြောထားတယ်။🙏🏻

❓ဒါဆိုရင် ဒါက ‘နိဗ္ဗာန်’ လား။ ကိုယ့်ဟာကိုယ်မေးခွန်းပြန်ထုတ်ပြီလေ။
‘နိဗ္ဗာန်’ မှကိုယ်ကမသိတာ။

တခါ ကိုယ့်စိတ်ကိုယ်ကြည့်လိုက်တော့…
🌱ကိုယ်စိတ်မှာ ရှုစရာမရှိဘူး။
🌱ရှုစရာမရှိတော့ ညွှတ်စရာမရှိဘူး။
🌱ညွှတ်စရာမရှိတော့ ခံစားစရာမရှိဘူး။
🌱ခံစားစရာမရှိတော့ မှတ်သားစရာမရှိဘူး။

❄️စိတ် စိတ်အတိုင်းလေး ငြိမ်သွားတာ မဟုတ်လား။
❄️အဲ့ဒီ ငြိမ်သွားတဲ့စိတ်လေးကိုကြည့်လိုက်ရင်
❄️ဘာမှမရှိလို့ သူ့သဘာဝအတိုင်းလေး ငြိမ်သက် ငြိမ်းအေးနေတာလေးကို သတိထားမိလိုက်တော့….

✨ခုနကတခေါက် နဲ့ အခုတခေါက် ပြန်ပြီးသုံးသပ်လိုက်တော့ ဥာဏ်ထဲပိုပြီးမရှင်းလာဘူးလား။

❓“ဪ… ဒါက ‘ဖိုလ်’ များလား” ဆိုပြီး…
မဆုံးဖြတ်နိုင်သေးဘူး။
❓ဒါများလား…ဒါများလား…ပဲရှိသေးတာ

ဘုရားဟော ပရိယတ်နဲ့ ကိုယ့်အလုပ်နဲ့ တိုက်နေတုန်းရှိသေးတာ။🙏🏻
✨(၂)ခါသုံးသပ်တော့ တော်တော်သဘောပေါက်လာပြီမဟုတ်လား။

ဘုရားပြောတဲ့ ‘သင်္ခတနယ်’ ‘အသင်္ခတနယ်’။
‘သင်္ခတနယ်’ = ရုပ်နာမ်ဖြစ်ပျက်နေတဲ့နယ်။
‘အသင်္ခတနယ်’ = ရုပ်နာမ်ဖြစ်ပျက်မရှိတဲ့နယ်။

🚫အဲ့ဒီမှာ တချို့ကျတော့ ဒါပဲဖြစ်မှာပဲဆိုပြီး မသုံးသပ်တော့ဘူး။

✅ဒီထက်ပိုသေချာချင်တဲ့သူက နောက်ထပ်(၁)ခါ သေသေချာချာပြန်သုံးသပ်တယ်။

ဒါက ဒုတိယအကြိမ် တပိုင်းဆင်ခြင်
လိုက်တာ။

🌹🌹🌹🌹🌼🌼🌼🌼🌼🌼
1️⃣ပထမ တခေါက်မှာ အလုပ်ကနေ အားထုတ်ရင်းရောက်သွားတာ။

2️⃣ဒုတိယ တခေါက်က ပြန်သုံးသပ်တာ။
ပြန်သုံးသပ်တာက ပထမအားထုတ်ရင်းသိသွားတဲ့အသိမဟုတ်ဘူး။
သေချာအားထုတ်ပြီးတော့မှ သတိ၊ ဝီရိယထားပြီးတော့ သေချာပိုသုံးသပ်တယ်။

3️⃣အခု တတိယအကြိမ်ကျတော့ ပိုဂရုစိုက်တယ်။ ပိုအသေးစိတ်လိုက်တော့တာ။

🍁ဒီဖက်မှာ ရုပ်နာမ်ပရမတ်တရားတွေ ဖြစ်
ပျက်ကို ပိုပြီးအသေးစိတ်ပြန်သုံးသပ်တော့တာ။ ဒါကြောင့် မျက်စိနဲ့မြင်သလိုမြင်တယ်လို့သုံးတာ။

🪷အဲ့ဒီကနေ ‘မဂ်’ သဘောကပိုထင်ရှားသွားပြီ။
🪷🙏🏻✅‘မဂ်’ ဆိုတာ တကြိမ်ထဲကျတယ်။ ဟုတ်တယ်လို ပိုသေချာသွားပြီ။

🙅‍♀️ဒီဖက် ‘အသင်္ခတ’ ဖက်ကို ‘မဂ်’ နဲ့ကူးတာလားဆိုတော့ မဟုတ်ဘူး။
⭐️✨‘မဂ်’ ဆိုက်ထားတဲ့ သိတဲ့ဥာဏ်နဲ့ ဒီဖက်ကို လျောလျောလျူလျူ ပဲ ‘မဂ်’ ထပ်ဆိုက်စရာမလိုဘူး။

အဲ့ဒီအသိဥာဏ်နဲ့ ဒီဖက် ‘မဖြစ်
မပျက်’ တဲ့ဖက်ကိုလဲ အသေးစိတ်သုံးသပ်လိုက်တဲ့အခါကျမှ….

❄️“ဪ… ဘုရားပြောတဲ့ အသင်္ခတနယ် ဆိုတာဒါပဲ”
🪷“မဂ်ဆိုတာ ဒါပဲ”

‘မဂ်’ ဆိုက်လိုက်တာနဲ့ နိဗ္ဗာန်ကိုမျက်မှောက်ပြုတယ်ဆိုတာ…
🍁ဒီဖက် ‘သင်္ခတနယ်’ ကိုညွှတ်နေရာကနေ
🪷မဂ်ကြောင့်
❄️နိဗ္ဗာန် ‘အသင်္ခတနယ်’ ကို စိတ်ကလေးကညွှတ်လိုက်တယ်ဆိုတာ မျက်မှောက်ပြုတယ်ဆိုတာ ဒီစကားကိုး….

❄️🪷ဒါဆိုရင် ‘ဖိုလ်’ က အဲ့ဒီ ‘အသင်္ခတနယ်’ ကို ရောက်သွားတယ်ဆိုတဲ့စိတ်လေးကိုကြည့်လိုက်တော့ ‘မန’ ဆိုတဲ့ ‘သိစိတ်’ လေးတခုပဲရှိတော့တယ်။

❄️🪷စေတသိတ်တွေ အကုန်လုံးချုပ်ငြိမ်းပြီးတော့မှ “သိမှုသက်သက်” ပဲရှိတော့တယ်။
ခံစားချက် ဘာမှမရှိတော့ဘူး။

🚫ခံစားချက်ရှိရင် ‘ခန္ဓာငါးပါး’ ဖြစ်နေမှာပေါ့။

❄️🪷စိတ်လေးက ငြိမ်သက် ငြိမ်းအေးပြီး သိမှုသက်သက်ကလေးပဲရှိတယ်။

‘သန္တိသုခ’ ဆိုတာ ဒါကိုပြောတာပါလားလို့ သူကောင်းကောင်း သဘောပေါက်သွားတာပေါ့။🪷🙏🏻🪷

အဲ့တာ တထိုင်ထဲရှုဆဲမှာပြောတာနော်။

❓နောက်ထပ် ငါသုံးသပ်စရာရှိသေးလားဆိုတော့ သူ့ဥာဏ်ထဲမှာ…
🍁 ‘သင်္ခတနယ်’
❄️‘အသင်္ခတနယ်‘ သဘော အားလုံးကို အသေးစိတ်ဥာဏ်ထဲမှာ မျက်စိနဲ့မြင်သလိုရှင်းသွားတော့….
🍀သံသယမရှိတော့ဘူး။ ကင်းသွားပြီ။

🌷ငါနောက်ထပ် ထပ်ရှုစရာမလိုတော့ဘူးဆိုတာသိသွားတယ်။
ဖိုလ်က (၂၊၃)ကြိမ်စောတယ်ဆိုတာ ပြန်သုံးသပ်တာ။

✅🪷🙏🏻အဲ့ဒီအသိက တသက်လုံးမမေ့တော့ဘူး။

တချို့က အဲ့ဒီလို ပြန်ပြီးဆင်ခြင်သုံးသပ်မှုမရှိတော့ မသိဘူးပေါ့။

✨ဒါကြောင်း ပြန်သုံးသပ်နော်။
✨ပြန်သုံးသပ်နော်လို့ ပြောရတာ။

ဒါက သုံးသပ်ရင်ထင်ရှားပါတယ်။
မသုံးသပ်သေးတဲ့သူတွေ အသေးစိတ်တွေ ပြန်သုံးသပ်လို့ရအောင် ပြောပြတာ။
ဟုတ်ပြီနော်။

‘သဥပါဒိသေသနိဗ္ဗာန်’ ဆိုတာ ဒါကိုးလို့သိသွားတာ။🙏🏻

အဲ့ဒီ နိဗ္ဗာန်ကို ‘မန’ ဆိုတဲ့စိတ်လေးကသိသွားတာ။🙏🏻
ငါက နိဗ္ဗာန်ရောက်သွားတာမဟုတ်ဘူး။
နိဗ္ဗာန်ရဲ့သဘောကို ကောင်းကောင်းသဘောပေါက်လိုက်တာ။

နိဗ္ဗာန်ရောက်ဖို့ကတော့ သေမှရောက်မှာ။🙏🏻

🌺‘သောတာပန်’ ကတော့ သေလဲ နိဗ္ဗာန်မရောက်သေးဘူးပေါ့။

🌺‘သကဒါဂါမ်’ ၊ ‘အနာဂါမ်’ ကတော့ အဲ့ဒီလိုနိဗ္ဗာန်မြင်မှာမဟုတ်ဘူး။ သူတို့က ‘ကိလေသာ၊ တဏှာ’ တွေပဲပယ်မှာ။

🌺‘သောတာပန်’ ကသာ နိဗ္ဗာန်မြင်တာ။

🌺‘သကဒါဂါမ်’ ၊ ‘အနာဂါမ်’ နိဗ္ဗာန်ဝင်စားချင်ရင် ‘သောတာပန်’ မှာသိထားတဲ့ မဂ်ဥာဏ်နဲ့ ဖြတ်ဆို ဟိုဖက်ချက်ချင်းကူးလိုက်တာပဲ။

🪷ဘာမှ ‘မဂ်’ ဆိုက်စရာမလိုတော့ဘူး။
🪷အဲ့ဒီဥာဏ်နဲ့ကူးလိုက်တာ။
🪷အခုကူး အခုရတယ်။
🪷ခန္ဓာသဘာဝကိုသိတဲ့ဥာဏ်နဲ့ ချုပ်တာဆိုတော့ အခုဝင် အခုရတယ်။
🪷ဘာမှဖြစ်ပျက်ရှုစရာမလိုဘူး။ ဖြစ်ပျက်လို့သိလိုက်တာနဲ့ ချက်ချင်းဟိုဖက်တန်းရောက်တာပဲ။

✨⭐️မြတ်စွာဘုရား တရားမှာ ဇဝေဇဝါမရှိဘူး။ ဒါလေးတွေသိဖို့လိုတယ်။

🚫မဟုတ်ရင် သူများအလိမ်တွေမိလိမ့်မယ်။

ဆရာတော်အရှင်ပညာစက္က၏ (၂၉/၁၀/၂၀၂၆) တွင်ဟောကြားထားသောတရားတော်မှ ကောက်နှုတ်ရေးသားပူဇော်ထားပါသည်။ အသေးစိတ်ကို အောက်ပါလင့်မှာ နာယူနိုင်ပါပြီ။
🙏🏻🪷🍁🍀🌷

🌷🌷🌷🌷🌷🌷🌷
သာသနာစစ်စစ်ကြီးလဲရှိနေတယ်။ စစ်စစ်မှန်မှန်ကို ဟောပြောပြသပေးနေတဲ့ ဆရာသမားလဲရှိတုန်းမှာ ‘အသေမဦးခင် ဉာဏ်ဦးအောင်’ ကြိုးစားအားထုတ်ကြပါစို့လားရှင်။ 😊🙏🌷🍀🪷🌼

🍀🌿နိုဝင်ဘာလ(၁)ရက်နေ့မှာ (၁၀)ရက်တရားစခန်းစပါမယ်။

🍀🌿လစဉ် (၁)ရက်နေ့တိုင်း Zoom အွန်လိုင်း (၁၀)ရက် တရားစခန်းရှိပါတယ်ရှင်။

🍀🌿မြန်မာစံတော်ချိန် ညစဉ်(၇)နာရီမှာ အာစိဏ္ဏကံတရားပွဲရှိပါတယ်။

တရားနာကြွရောက်ဖို့ ဖိတ်ခေါ်လိုက်ပါတယ်ရှင်။ 🙏🏻

“သဘာဝကို သိလေလေ
စိတ်ချမ်းသာအောင်
နေတတ်လေလေ။” 🌹🙏🌹
တရားတွေ့ချမ်းမြေ့ကြပါစေ။😊

🌷🌷🌷🌷🌷🌷🌷
29th/Oct/2026
Telegram audio -https://t.me/AshinPyannaSekkaVideos/2080

Telegram video -https://t.me/AshinPyannaSekkaVideos/2081

Facebook -https://fb.watch/KzMsKcywgd/?mibextid=wwXIfr

YouTube -https://youtu.be/aqIVTPFHSuk?is=zEVuXqh04iizK09_

🌷🌷🌷🌷🌷🌷
အောက်တိုဘာလ (၁၀)ရက် တရားစခန်းအတွက် တရားစုစည်းပေးထားတဲ့ Link လေးပါ။
https://m.facebook.com/story.php?story_fbid=40126561870276470&id=100000484608614&mibextid=wwXIfr

🍀🍀🍀🍀🍀🍀
ညစဉ်အာစိဏ္ဏကံတရားဆွေးနွေးပွဲ
ဆရာတော် အရှင်ပညာစက္က
မြန်မာစံတော်ချိန် ည 7:00 -9:00 p.m.
Zoom ID - 724 443 0315
Passcode - 12345
🍀🍀🍀🍀🍀🍀🍀 Thinzar July

✨️ တရားစာတွေ ရေးနေပေမယ့် တရားတွေ အများကြီး သိနေတာ မဟုတ်ပါဘူး..
တကယ့် အနှစ်တွေကို ရေးပေးနေသူက ဓမ္မစစ်ယောဂီပါ..

ည က နာထားတဲ့ တရားကို မနက်အစောကြီးထ တရားထိုင် နှလုံးသွင်းပြီး ပြန်ရေးတာပါ.
တကယ်တော်ပါတယ်..
တရားအသံဖိုင်ရယ် တရားအနှစ်ချုပ် ရယ်တွဲ ဖတ် လိုက်ရင် အင်မတန် ပြီးပြည့်စုံ သွားတာပါ။

✨️ ကျမ ကတော့ ဗုဒ္ဓအလိုကျ တရားစခန်းမှာ အားထုတ်တာ ၁ နှစ်ကျော် ကြာမှ စိန္တမယဥာဏ် နှင့် ဘာဝနာမယဥာဏ် ကို သေချာ ခွဲခြားသိတာပါ..
ဒါကလည်း ကလျာဏ္ဏမိတ္တ ကျေးဇူးကြောင့်ပါ.. ကိုယ့်ထက် ဥာဏ်မြင့်သူ မိတ်ဆွေကြတော့ ကိုယ့် အခြေအနေ ကို မြင်တော့ လိုအပ်တာလေးတွေ အသေးစိတ် ညွှန်ပေးတာပေါ့..
သူ့တုန်းက အခြေအနေ တွေ ပြောပြတယ်..
ကိုယ်ကရော အဲ့နေရာ မှာ အဲ့ဒီလို ဖြစ်လား ပြန်ဆင်ခြင်တော့ လိုနေတာတွေ တွေ့ရတယ်..
အဲ့ဒါဆို ဘာလုပ်ရမလဲ ❓️

✨️ Day 1 က အသေးစိတ် ပြန်ရှုရပါတယ် .
တကယ်တမ်း Day 1 ပြန်ရှုတော့ အရင်ရှုတုန်းက ကျန်ခဲ့တာ အများကြီး တွေ့ရတယ်..

အဲ့ဒါကြောင့်လေ ကလျာဏ္ဏမိတ္တ က သိပ်ကို အရေးကြီးပါတယ်။
သူက ကိုယ့်ထက် ငယ်ပေမယ့် ကိုယ်က ကိုယ်မှားရင် တည့်ပေးဖို့ လေးလေးစားစား တောင်းဆို ထားတာ..။

✨️ ဒီနေ့ တော့ သူ ကိုယ့်ကို ပြောတာလေး သဘောကျတယ်..
သူက မမအေးရဲ့ ကောင်းကျိုးကိုသာကြည့်ပေးမယ့် မိတ်ဆွေစစ် ပါ..
ဘယ်တော့ ဖြစ်ဖြစ်..
မကောင်းတာကို မဖြစ်စေချင်ဘဲ ကောင်းတာကိုသာ ဖြစ်စေချင်တဲ့အစစ်အမှန် မိတ်ဆွေ စစ် ဆိုတာ ယုံပါတဲ့..

ပြီးတော့ အခု သူ နေ နေတဲ့ ဝိပဿနာ ဥာဏ်ကလည်း မေတ္တာသုတ်ထဲက ၁၅ ချက်နဲ့က အမြဲတမ်း ညီနေတာပါတဲ့ .
သက္ကော ဥဇူစ သုဟဇူစ နဲ့ အညီ
ဝစီကံ ကာယကံ တွေက ဖြောင့်မှန်သလို မနောကံက လည်း ဖြောင့်မှန် တဲ့ စေတနာ မေတ္တာ တွေ ရှိပါတယ်တဲ့..

အဲ့ဒါလေး ဒီမနက် ကြားရတော့ ဝမ်းသာပီတိ ဖြစ်လိုက်တာ..
သူတော်ကောင်း တွေနဲ့ ပေါင်းဖော်ရတာ အမှန်တကယ် မဂ်လာ တစ်ပါး ပါးပဲ။

✨️ ညက zoom တရား မှာလည်း ဆရာတော်က သေချာ ပြန်ဆင်ခြင် သုံးသပ်ဖို့ အထပ်ထပ် မှာ ပါတယ်။
အဲ့ဒီနေရာ လေးက ကိုယ်ရောက်ရင် အထပ်ထပ် ပြန်စစ်ဆေးရမယ့် အရာ မို့ သေချာသိမ်းထားရမယ့် တရားပါပဲ။

အဲ့ဒီနေရာ ဖြတ်ကူး ဖို့ ညီမ Zarni ကို အကူအညီတောင်းတာ မြန်မြန်ဆန်ဆန် ပဲ ဖြတ်ပေးထားပါတယ်။
Zarni ကျန်းမာပါစေ..

✨️ မဂ် ဖိုလ် ကို အသေးစိတ် ဆင်ခြင်သုံးသပ်ပုံအား ရှင်းလင်းဟောကြားခြင်း (29 mins)
ဆရာတော်အရှင်ပညာစက္က
(29.10.2026 အာစိဏ္ဏကံ Zoom တရားပွဲ ကောက်နုတ်ချက်)
https://t.me/dhammashortmp3/77

October 29 , 2026
Telegram Audio
https://t.me/AshinPyannaSekkaVideos/2080

YouTube
https://youtu.be/aqIVTPFHSuk?si=cfIzUCZUaDXhM5iR

October 29
တရားအနှစ်ချုပ်

🔰 ဝိပဿနာအားထုတ်တဲ့အခါ ခန္ဓာငါးပါး ရုပ်နာမ်ပရမတ်တရားတွေအပေါ်မှာ
မဂ္ဂင်၅ပါးနဲ့ အားထုတ်လို့မရ မဂ္ဂင်၈ပါး
အပြည့်နဲ့အားထုတ်မှ မဂ်ဖိုလ် နိဗ္ဗာန် ဆိုက်ရောက်နိုင်မှာပါ။

ရုပ်နှင့်နာမ် သဘာဝမတူပေမဲ့ အလုပ် လုပ်တဲ့အခါ တသားတည်းဖြစ်နေတဲ့အတွက် ခွဲခြားလို့မရသလို ပရမတ်နဲ့မဂ္ဂင်၈ပါးဟာလည်း သဘာဝမတူပေမဲ့ တသားတည်းဖြစ်နေတဲ့အတွက် ခွဲခြားလို့မရပါ။

ပရမတ်ကို မဂ္ဂင်၈ပါးနဲ့ရှုမှ သိမြင်နိုင်သလို ပရမတ်အပေါ်မှာရှုမှလည်း မဂ္ဂင်၈ပါး ထိုက်တာပါ။

🔰 ပရမတ်တရားတွေကို ကံမျက်စိနဲ့ကြည့်လို့မရ ခံစားမှု ဥာဏ်ပညာ ဥာဏ်မျက်စိနဲ့
ကြည့်မှ သိမြင်နိုင်တာပါ။

နာရင် နာမှန်း သိလိုက်တဲ့အချိန်မှာ နာမ်ခန္ဓာလေးပါးပြည့်စုံနေလို့ပါ။
ထို့အတူ အင်္ဂါ၈ပါးပြည့်စုံမှလည်း သိမှုတစ်ခုဖြစ်လာတာပါ။

🔰 ဝိပဿနာအားထုတ်တဲ့အခါ ရုပ်နာမ်ပရမတ်တရားတွေရဲ့ တစ်ခုနဲ့တစ်ခု အကြောင်းအကျိုးဆက်နွယ်နေတဲ့
ပဋိစ္စသမုပ္ပါဒ်သဘော အပြန်အလှန်ကျေးဇူးပြုနေတဲ့ ပဌာန်းသဘောတွေကို ဆက်စပ်ယှဥ်တွဲမြင်တတ်အောင် ရှုရတာပါ။

ပရမတ်တရားတွေရဲ့ အကြောင်းအကျိုးဆက်နွယ်နေတဲ့သဘော အပြန်အလှန်ကျေးဇူးပြုနေတဲ့သဘောတွေကိုမြင်မှ ခန္ဓာ့သဘာဝအရှိတရားကိုသိမြင်လာမှာပါ။

🔰 ခန္ဓာငါးပါးအပေါ်မှာ ကံသင်္ခါရ အကြောင်းလေးပါး နဲ့ပြုပြင်ပေးနေရတာတွေကို အကြောင်းအကျိုးနဲ့ စဥ်းစား ဆင်ခြင် သုံးသပ်တတ်မှ သင်္ခါရ ကို နားလည်လာတာပါ။

🔰 အစားထိုးခြင်း သင်္ခါရ ကို မြင်မှ သဿတ ဒိဌိ နဲ့ ဥစ္ဆေဒဒိဌိ စင်တာပါ။

သီလစင်ကြယ်မှ စိတ်စင်ကြယ်သလို စိတ်စင်ကြယ်မှလည်း အမြင်စင်ကြယ်တာပါ။

တစ်ခုနဲ့တစ်ခုက အကြောင်းအကျိုးဆက်နွယ်နေတဲ့အတွက် စုပေါင်းလိုက်မှ အားကောင်းလာတဲ့အတွက် အမြင်မှန် သမ္မာဒိဌိဖြစ်လာတာပါ။

🔰 ဝိပဿနာဆိုတာ ဥာဏ်ပညာဦးဆောင်တဲ့ ဥာဏ်အလုပ်ဖြစ်တဲ့အတွက် သီလ သမာဓိ က အထောက်အပံ့အနေနဲ့ နောက်ကလိုက်ပြီး ပံ့ပိုးပေးနေကြတာပါ။

🔰 မဂ္ဂင်၈ပါးအားကောင်းပြီး အားပြည့်လာမှ မဂ်ဖိုလ် နိဗ္ဗာန် ဆိုက်ရောက်တာပါ။

🔰 သောတာပတ္တိမဂ်ဥာဏ်ရဲ့ထူးခြားချက်က နိဗ္ဗာန်ရဲ့သဘောကိုလည်းမြင်တယ် ဒိဌိ ဝီစိကိစ္ဆာ ကိုလည်းပယ်သွားပါတယ်။

🔰 သကဒါဂါမ်မိမဂ် အနာမ်ဂါမ်မိမဂ် အရဟတ္တမဂ် ဥာဏ်တွေက ကိလေသာ တဏှာကိုသာ ပယ်သွားတာပါ။

🔰 နိဗ္ဗာန်အာရံ့ပြုနေတဲ့အချိန် စိတ်ကကြည်လင်နေတဲ့အတွက် မနဆိုတဲ့ဘဝင်စိတ်မှာ ငြိမ်သက်ငြိမ်းအေးနေပါတယ်။

🔰 နိဗ္ဗာန်အာရုံပြုနေတဲ့အချိန် အဖြစ်ခန္ဓာရုပ်နာမ်တွေ ချုပ်ငြိမ်းနေတဲ့အတွက် မနဆိုတဲ့သက်စောင့်စိတ်ကလေးက ငြိမ်းသက်ငြိမ်းအေးနေတဲ့သဘောလေးကို သိနေရုံသက်သက်လေးပဲရှိပါတယ်။

🔰 နိဗ္ဗာန် ကို မဂ်ဥာဏ်ကသာ အာရုံပြုနိုင်တာပါ။
မဂ်ဥာဏ်ဆိုက်ရင် သင်္ခတနယ် အသင်္ခတနယ် နှစ်မျိုးရဲ့သဘာဝကို ဥာဏ်ထဲမှာ ရှင်းရှင်းလင်းလင်းမြင်သွားပါတယ်။

ဒါကြောင့် တရားအားထုတ်ရင်း မေ့ကနဲ မိုက်ကနဲ၊ ရှင်းကနဲ့ လင်းကနဲ့ ဖြစ်သွားတာတွေက မဂ်ကျတာ တရားထူးရတာမဟုတ်ပါ။

ဘုရားသားတော် ရဟန်းသံဃာဆိုတာ သူတပါးက စေတနာသဒ္ဓါတရားအပြည့်နဲ့ လှူဒါန်းတဲ့ ပစ္စည်းလေးပါးကိုသာ လက်ခံသုံးဆောင်ကြတာပါ။

ဒီအကြောင်းအရာတွေကို 29.10.2026 အာစိဏ္ဏာကံတရားဆွေးနွေးပွဲ တရားမှာနာယူနိုင်ပါပြီရှင်။

Credit to ဓမ္မစစ်ယောဂီ
🪷✨️🙏✨️🪷.

🧿✨️ ဆရာတော် အရှင်ပညာစက္က ✨️🧿
ဗုဒ္ဓအလိုကျ ဝိပဿနာ
မြန်မာစံတော်ချိန် ည 7:00 - 9:00
Zoom ID - 724 443 0315
Passcode - 12345
.
Facebook live
https://www.facebook.com/share/18F94BRNbi/

Telegram live
https://t.me/AshinPyannaSekkaVideos
.

✨️ မီးဖို ထဲမှာ ချွေးတစ်လုံးလုံး နဲ့ ဟင်းချက် နေတာကို ကိုသန့်ဇင် က လာပြောတယ်..
သူများခန္ဓာ တွေအတွက် ပင်ပန်းနေတာ တဲ့။

✨️ ဟယ်.. ဗြဟ္မစိုရ်တရား ၄ ပါး နဲ့ နေတာ မို့ မပင်ပန်း ဘူးလို့..
ဟုတ်ပါတယ်..
အိမ်ရှင်မ အားလုံးကို မေးကြည့်ပါ .
ကိုယ့်မိသားစု အတွက် ဆိုပြီး မေတ္တာထား ချက်နေသရွေ့ မပင်ပန်းပါ..
ဗြဟ္မစိုရ်တရား ၄ ပါး က ဘာတွေလဲတဲ့..
မေတ္တာ၊ ကရုဏာ၊ မုဒိတာ၊ ဥပက္ခာ ပါ လို့.

✨️ ဝိပဿနာ တရားကို သေချာ အားထုတ်လာတဲ့ အခါ သဘာဝ တရားတွေကို နားလည် လာပြီး မိသားစုတွေ နဲ့ နေရတာ ပို အဆင်ပြေလာပါတယ်။
ခန္ဓာ့ သဘာဝ တွေ သေချာ နားလည် လာတော့မှ ပါတ်ဝန်းကျင် သဘာဝ ကိုပါ ချိတ်ဆက် နားလည်လာတာ..

နောက် လူတွေရဲ့ သဘာဝ တွေ..
သူလည်း သူ့သဘာဝ နဲ့ သူ၊
ကိုယ်လည်း ပြင်ပေးလို့ မရ ဆိုတာကို ခန္ဓာ့ သဘာဝ တွေ ကို ထောင်းထောင်းကြေ ရှုပြီးမှ နားလည်လာတာပါ။

📍ဒီတိုင်း နေပူတာ သဘာဝ၊ မိုးရွာတာ သဘာဝ ဆိုတဲ့ အသိကတော့ ကလေးအသိပါ။

✨️ ရုပ်နာမ် သဘာဝ တွေကို အခြေခံ ဥာတပရိညာအပိုင်းဖြစ်တဲ့ ရူပပရိစ္ဆေဒဥာဏ် နာမပရိစ္ဆေဒဥာဏ် နာမရူပပရိစ္ဆေဒဥာဏ် ပစ္စယပရိဂ္ဂဟဥာဏ် သမ္မသနဥာဏ် အထိ ခန္ဓာဥာဏ်ရောက်အသိဖြစ် အောင်အားထုတ်နိုင်မှ သဘာဝ ကို အမှန်တကယ် ခန္ဓာ နဲ့ နားလည်နိုင်တာပါ..

✨️ တကယ်တော့ နိဗ္ဗာန် ဆိုတာကလည်း သဘာဝ ကို သိသောဥာဏ်ပါတဲ့.
✨️ နိဗ္ဗာန် ကို သွားနေရမှာ မဟုတ်ဘူး..
ဒီ ရုပ်နာမ် သဘာဝ တေ့ကို သိအောင် လုပ်ရင်း နဲ့ နိဗ္ဗာန် ရောက်တာ တဲ့.. ဆရာတော် ဆီ ဖုန်းဆက်မေးတုန်းက နိဗ္ဗာန် အကြောင်း ကို ရှင်းပြ ပေးထားတာပါ။

✨️ ဝိပဿနာ တရား အားထုတ်ရင်း မိသားစု အတွင်း အဆင်ပြေလာပုံ၊
မဂ္ဂင် ၈ ပါးဖြင့် မေတ္တာသုတ် ချိတ်ဆက်ပုံ၊
အာရုံ ဒွာရ တိုက်သော်လည်း သာယာသည့်အပေါ် ဆင်ခြင်နိုင်ပုံ များကို October 30 zoom အာစိဏ္ဏကံတွင် နာယူနိုင်ပါပြီ။

October 30
Telegram Audio
https://t.me/AshinPyannaSekkaVideos/2085

YouTube
https://youtu.be/J42gHBPn5YY?si=GA_yR9BJgAz_a4jP

ယောဂီ ထက်ထက်လှိုင် တရားလျှောက်သည့် တီးလုံးသံ YouTube video
https://youtu.be/26MaqSILOgQ?si=zGkn06sSTW3R7diw
.
October 30
တရားအနှစ်ချုပ်

🔰 ပရမတ်ကိုမသိခင်အချိန်ထိ သံသရာတလျှောက်လုံးမှာ သတ္တဝါအားလုံးဟာ ပညတ်နဲ့နေ ပညတ်နဲ့သေနေကြတာပါ။

ပုထုဇဥ်မှန်သမျှ အားလုံးရဲ့စိတ်မှာ လောဘ ဒေါသ မောဟ အပြည့်ရှိတဲ့အတွက် ဒီစိတ်တွေနဲ့ရှင်သန်ပြီး ဒီစိတ်တွေနဲ့ သေတဲ့အတွက် အပါယ်ဘုံကျရောက်ရတာပါ။

🔰 မြတ်စွာဘုရားပွင့်လာမှ ဘုရားကျေးဇူးကြောင့် ပရမတ်အနေနဲ့တည်ရှိနေတဲ့ စိတ် စေတသိတ် ရုပ် နိဗ္ဗာန် အကြောင်းကိုသိခွင့်ရတာပါ။

ဝိပဿနာဆိုတာ ခန္ဓာငါးပါး ရုပ်နာမ်ပရမတ်တရားတွေအပေါ်မှာ မဂ္ဂင်၈ပါးဖြင့် အကြောင်းအကျိုးနဲ့ စဥ်စားဆင်ခြင်သုံးသပ်ရတဲ့ ဥာဏ်ပညာအလုပ်ပါ။

🔰 ဝိပဿနာအားထုတ်ချင်ရင် ဝိပဿနာလမ်းကြောင်းပေါ်ရောက်အောင် အရင်သွားရပါမယ်။
ဝိပဿနာလမ်းပေါ်ရောက်ဖို့ အခြေခံ
ဥာတပရိညာအပိုင်းဖြစ်တဲ့ ရူပပရိစ္ဆေဒဥာဏ် နာမပရိစ္ဆေဒဥာဏ် နာမရူပပရိစ္ဆေဒဥာဏ် ပစ္စယပရိဂ္ဂဟဥာဏ် သမ္မသနဥာဏ်အထိ ခန္ဓာဥာဏ်ရောက်အသိဖြစ်အောင် လုပ်ဆောင်နိုင်မှ ဝိပဿနာလမ်းကြောင်းပေါ်စရောက်တာပါ။

🔰 သမ္မသနဥာဏ်ရောက်ရင် ရုပ်နာမ်ပရမတ်တရားတွေရဲ့ သဘာဝလက္ခဏာ သာမညလက္ခဏာ ယှဥ်တွဲမြင်လာမှာပါ။

သမ္မသနဥာဏ်ရောက်အောင်အားထုတ်ထားတဲ့သူမှ လူဖြစ်ရကျိုးနပ်ပြီး သာသနာနဲ့ကြုံဆုံရကျိုးနပ်တာပါ။

🔰 ကိုယ့်ရဲ့မသိစိတ်မှာ သမ္မသနဥာဏ်ကိန်းနေရင် မေတ္တာသုတ်လာ အချက်၁၅ချက်ဟာ လိုက်နာကျင့်သုံးပြီးသားဖြစ်နေပါတယ်။

🔰 ဗြဟ္မာစိုရ်တရား၄ပါးဟာလည်း ရုမ်နာမ်ပရမတ်တရားတွေရဲ့သဘာဝကိုသိလာမှ ကိုယ့်ရင်ထဲမှာကိန်းလာတာပါ။

အာရုံ ဒွာရ တိုက်တဲ့အခါ ကိုယ့်ရဲ့စိတ်မှာကြိုက်ခြင်း မကြိုက်ခြင်း ခံစားချက်ဝေဒနာဖြစ်ပေါ်လာတာက သဘာဝပါ။

ဝေဒနာဖြစ်တဲ့အခါ အကြောင်းအကျိုး ဆင်ခြင်နိုင်တဲ့ ဝိပဿနာဥာဏ်ရှိမထားရင် သတိဘယ်လောက်ကောင်းကောင်း ဥာဏ်မပါတဲ့အတွက် သတိနဲ့စိတ်ကို မထိန်းနိုင်ပါ။

🔰 ဝိပဿနာဥာဏ်ပညာနဲ့သာ စိတ်ကိုထိန်းနိုင်တာပါ။

🔰 အာရုံတောထဲမှာနေရင် အာရုံ၆ပါး တစ်ပါးမဟုတ် တစ်ပါး အချိန်တိုင်းတိုက်နေတာမို့ အာရုံတိုက်တဲ့အခါ သတိပညာ မဝင်နိုင်ရင် ကြိုက်ခြင်း မကြိုက်ခြင်း လောဘ ဒေါသ က အရှည်ကြီးဆက်ဖြစ်နေမှာပါ။

သတိပညာ ဥာဏ်ဝင်နိုင်ရင် ရုပ်နာမ်ပရမတ်ကိုသိထားတဲ့အတွက် အကြောင်းအကျိုးနဲ့ ဆင်ခြင်လိုက်မှ ဖြစ်လာတဲ့ လောဘ ဒေါသ က ဖြစ်ကြောတိုသွားမှာပါ။

အာရုံအပေါ်မှာ ဥပါဒါန်ဖြစ်နေရင် သတိပညာ ကင်းလွတ်နေတဲ့အတွက် အဝိဇ္ဇာမောဟကြောင့် လောဘ ဒေါသ ပဲ ဖြစ်နေမှာပါ။

🔰 ဘုရား ရဟန္တာ ဆိုတာ ကျင့်စရာ အကျင့်ကုန်တာခြင်းတူပေမဲ့ သိစရာအသိမှန်သမျှ ကုန်စင်အောင်သိတာက ဘုရားတစ်ပါးပဲရှိပါတယ်။
ရဟန္တာ အပါအဝင် ကျန်တဲ့ဘယ်ပုဂ္ဂိုလ်မဆို သိစရာအသိက မကုန်နိုင်တဲ့အတွက် သိသထက်သိအောင် ကြိုးစားရမှာပါ။

🔰 ရဟန္တာအသိဥာဏ်ရထားလည်း မမြင်ဘူး မကြားဘူး မကြုံဘူးတဲ့ အာရုံ၆ပါးလာတိုက်ရင် စိတ်က ဘာလဲဆိုပြီး စူးစမ်းစိတ်ဖြစ်သေးတဲ့အတွက် အာရုံနောက် ပါသွားအုန်းမှာပါပဲ။

ဒါပေမဲ့ ပညာဥာဏ်ဦးစီးနေတဲ့အတွက် သတိပြုမိလိုက်တာနဲ့ ဆင်ခြင်ဥာဏ်သွင်းနိုင်တဲ့အတွက် ဝေဒနာအဆင့်မှာပဲ ရပ်နိုင်တဲ့အတွက် တဏှာ ဘက်ခြမ်းကို မကူးတော့ပါ။

လုပ်သမျှအလုပ်တိုင်းမှာ သတိထားပြီး သိရင်ပြီးရော သိနေရုံ သိပေးနေရင် ကြာလာတဲ့အခါ တရားအသိဥာဏ်ရလာမယ်ဆိုတာ ဘယ်လိုမှမဖြစ်နိုင်ပါ။

🔰 သတိမြဲရင် သမာဓိတော့ အားကောင်းလာမှာပါ။
သမာဓိအား ဘယ်လောက်ကောင်းကောင်း ရုပ်နာမ်ပရမတ်တရားတွေရဲ့အလုပ် လုပ်ပုံသဘာဝကို ခန္ဓာဥာဏ်ရောက်သိမထားရင် အကြောင်းအကျိုး မဆင်ခြင်တတ်တဲ့အတွက် ဥာဏ်မဖြစ်လာတာပါ။

သမထအကျင့်နဲ့ သမာဓိအားကောင်းလို့ စျာန်အင်္ဂါ၈ပါးအထိ ရအောင်အားထုတ်ထားလည်း အဲ့ဒီစျာန်သမာဓိနဲ့ ပရမတ်တရားတွေကို အသိမြင်နိုင်ပါ။

ခဏိကသမာဓိနဲ့ကြည့်မှ ပရမတ်ကိုမြင်နိုင်တာပါ။
ဝိပဿနာဖြစ်အောင် ဘယ်လိုအားထုတ်ရမယ်ဆိုတာ အားထုတ်ပုံအားထုတ်နည်းသိသွားရင် ဘယ်တရားလာလာ ဝိပဿနာဖြစ်အောင် နှလုံးသွင်းဆင်ခြင်တတ်သွားပါတယ်။

🔰 ဘယ်အရာပဲဖြစ်ဖြစ် ဖြစ်ပေါ်လာသမျှအကျိုးတရားမှန်သမျှဟာ အကြောင်းကင်းပြီးဖြစ်လာတယ်ဆိုတာ တစ်ခုမှမရှိပါ။

ဒါကြောင့် ဝိပဿနာဆိုတာ ဖြစ်ပေါ်လာတဲ့အကျိုးကိုကြည့်ပြီး အကျိုးအပြစ်ကိုသိအောင် အကျိုးကိုလည်းဆင်ခြင်ရသလို ဘာကြောင့်ဖြစ်လာတာလဲသိဖို့ အကြောင်းရင်းကိုလည်းသိအောင် လုပ်ရပါတယ်။

တရားအသိဥာဏ်ရတယ်ဆိုတာ သူ့ဥာဏ်အဆင့်အလိုက် အကြောင်းအကျိုး အကောင်းအဆိုး အမှားအမှန် ကို ဝေဖန်ပိုင်းခြား နားလည်နိုင်သွားတာပါ။

ဒီအကြောင်းအရာတွေကို 30.10.2026 အာစိဏ္ဏာကံတရားဆွေးနွေးပွဲတရားမှာ နာယူနိုင်ပါပြီရှင်။

Credit to ဓမ္မစစ်ယောဂီ
🪷✨️🙏✨️🪷.

🧿✨️ ဆရာတော် အရှင်ပညာစက္က ✨️🧿
ဗုဒ္ဓအလိုကျ ဝိပဿနာ
မြန်မာစံတော်ချိန် ည 7:00 - 9:00
Zoom ID - 724 443 0315
Passcode - 12345
.
Facebook live
https://www.facebook.com/share/18F94BRNbi/

Telegram live
https://t.me/AshinPyannaSekkaVideos
.
တရားစခန်း မစခင် ဖွင့်ပေးသော ပါချုပ်ဆရာတော် တရား များ Telegram link
https://t.me/meditationroadmap
Viber Channel link
https://invite.viber.com/?g2=AQATm99V8ofGY1YE6g%2F66DdgR4b3X%2F%2FztCAtnNuGbf971bJPRQuHLjwpFHX5TQgT
..
ဆရာတော် အရှင်ပညာစက္က Biography
https://www.facebook.com/share/p/17aq8JHGbT/
..
🌿🍀🙏🍀🌿

📍ကျမ၏ ရေးသားမှု့ များသည်...
တရားအပေါ် မှာ ကျမ နားလည်သလို ရေးထားသည် ဖြစ်သည့် အတွက်
အမှားတစ်စုံတစ်ရာ ပါခဲ့ ပါသော်
ကျမ တစ်ဦးထဲ၏ တာဝန် ဖြစ်ပါသည်ရှင်။

🍀🌹✨️🙏✨️🌹🍀

🍁 စိတ်တွေကို သတိထား ရှုမှတ် ဆင်ခြင်နေတဲ့ အခါ ဆက်ဆံရေး ပျက်စေမယ့် စကားမျိုးကို နုတ်ကနေ မပြောဖြစ်တော့ ဘူး..

🍁 ကိုယ့်ကို စိတ်အနှောင့်အယှက် ဖြစ်စေမယ့် စကား လာပြောတယ်..
အာရုံ ဒွာရ တိုက်ပြီ ဆိုတာနဲ့ ဝေဒနာ ဖြစ်ပြီ..
ဝေဒနာ ဖြစ်တာနဲ့ ပြန်ပြောဖို့ စကားက စိတ်ထဲမှာ စီပြီးသွားပြီ..

🍁 ဒါပေမယ့် ဒီစကား ပြန်ပြော လိုက်ရင် ဘာအကျိုးရှိမှာ လဲ. .. ပြန်တွေးတယ်။
ဆက်ဆံရေး တွေ အဖုအထစ် ဖြစ်မယ့် ဟာ ဆို ပြန်မပြော ဖြစ်တော့ ဘူး..

ဒါကတော့ စိတ်ဖြစ်စဥ်တွေကို ရှုမှတ် ဆင်ခြင်တဲ့ အကျိုးကျေးဇူးပါပဲ။

နာမ်လေးပါး အလုပ်လုပ် ပုံ တွေ သေချာ သိလာတဲ့ အခါ အကျိုးများပါတယ်။

မိသားစု အချင်းချင်း၊ မိတ်ဆွေ အချင်းချင်း ဆက်ဆံရေး တွေမှာ အဆင်ပြေ လာတယ်။

🍁 ကျမ စ တရားစခန်းဝင်တော့ ဓမ္မစစ်ယောဂီလေးက Day 1 to 6 ကို တစ်နေ့ခြင်း Guide လုပ်ပေးသွား ပါတယ်။
အဲ့ဒါလေး ကို ဒီ November လ တရား စခန်း မှာ ပြန်တင် ပေးသွား ပါ့မယ်။

တရားဥာဏ်ထူး များ ရကြပါစေ.

🍁 Day 2
နာမ်ခန္ဓာ ၄ပါး

မဂ်လာပါ အစ်မ

ဒီနေ့ နာမ်ပိုင်း အကြောင်းကိုနားလည်သဘောပေါက်အောင်လုပ်ရတော့မယ်

🍁 စိတ်ရဲ့သဘာဝကအာရုံရှိရာကိုကိုင်းညွှတ်တယ်

ကိုယ်ကကားသံကြားသိလိုက်ပြီဆိုရင် ဒါကားသံပဲလို့ဘာလို့အတိအကျပြောနိုင်တာလဲ အကြောင်းရှာရတော့မယ်

ဒါဆိုဘာလို့သိတာလဲ.
သင်္ခါရခန္ဓာ ကအဲ့ဒီ ဆီပို့လိုက်လို့ ..
ဘာလို့ပို့ လိုက်တာလဲ ...
ခံစားမိလို့..
ဘာလို့ခံစားမိတာလဲ ..
အရင်ကမှတ်ထားခဲ့ဘူးလို့

ဒီ၄ပါး သူ့အလုပ်သူလုပ် နေတာတွေသိရင်
ဒီနေ့သင်ခန်းစာရပြီ ✨️

🍁 အစ်မရေ.. ကိုယ့်ခန္ဓာ ရဲ့ရုပ်အကြောင်း ဒီနေ့နာမ်အကြောင်းတွေသိအောင်လေ့လာရတာသိပ်စိတ်ဝင်စားဖို့ကောင်းတယ်​နော်အစ်မ

ရုပ်မှာဆိုလဲဓါတ်လေးပါးအပြင်ဘာမှမရှိဆိုတာ ဥာဏ်မှာရှင်းသွားပြီ .

နာမ်ပိုင်း မှာဆိုလဲ ဝိဥာဏ်၊ သင်္ခါရ၊ ဝေဒနာ၊ သညာ တွေအပြန်အလှန်ကျေးဇူးပြုပြီးအလုပ်လုပ်နေတွေသိခွင့်ရခဲ့ပြီး သိမှု တစ်ခုလေးတောင် ခန္ဓာ ငါးပါးပြည့် စုံမှ သိခွင့်ရတာနော်..အစ်မ

ဒီအကြောင်း တွေ သိသွားတော့ ငါကို
ကိုယ်ကမဖြုတ်ရပဲ သဘာဝတရားတွေအမှန် မြင်သွားလို့ သူ့အလိုလို ပြုတ်သွားတာနော်အစ်မ..

🍁 ကိုယ့်အကြောင်းကိုသိအောင်ရှာဖွေရတာသိပ်စိတ်ဝင်စားစရာကေင်းတာပဲနော်

သိမှုတစ်ခုတောင် နာမ်အကြာင်း၄ပါးပြည့်စုံမှသိခွင့်ရတာ တစ်ခုမှချို့တဲ့လို့မရဘူး

ကျန်အရာတွေကိုလဲဒီအတိုင်းချဲ့ကြည့်မိတယ်..

🍁 ဒီလိုဆင်ခြင်သုံးသပ်နေချိန်မှာစိတ်တွေကအပြင်မရောက်တော့ဘူးနော်.. အစ်မ

အရင်ကဆိုဒီလိုလုပ်ရတာမသိတော့ဘာမှလဲအသိမတိုးဘူး
ပင်ပန်းတာလဲလွန်ပါရော

ဒါကြောင့်မသိရင်ပင်ပန်းတယ် သိရင်သက်သာတယ်
ဒါကြောင့်သိတဲ့သူတွေကမေတ္တာသိပ်ကြီးမားကြတာနော်
မေတ္တာဓါတ်လည်းခံစားနာလည်ရတယ်..

November 2, 2026
Telegram Audio
https://t.me/AshinPyannaSekkaVideos/2102

YouTube
https://youtu.be/tk1OiP2SmDU?si=6Suf6QD8__bO-sHT

.
Day 2
နာမ်(နာမပရိစ္ဆေဒဥာဏ်)

🔰 ကိုယ့်ရဲ့ခန္ဓာကိုယ် အထည်သဏ္ဍာန်ကြီးဟာ ဓါတ်ကြီးလေးပါးနဲ့ဖွဲ့စည်းတည်ဆောက်ထားတဲ့အတွက် ခန္ဓာမှာ ဘာပဲပေါ်ပေါ် အဲ့ဒါက ဓါတ်ကြီးလေးပါးဖောက်ပြန်နေတာပါ။

ဓါတ်ကြီးလေးပါးရဲ့သဘာဝ ဖောက်ပြန်နေတဲ့သဘောကို ရုပ် လို့ခေါ်တာပါ။
🔰 အဆင်း အသံ အနံ့ အရသာ တွေ့ထိစရာ ကြံတွေစရာ ဆိုတဲ့ အာရုံ၆ပါးဟာ ဓါတ်ကြီးလေးပါးကထွက်လာတဲ့အရာတွေမို့ သူတို့ကို ရုပ် လို့ ခေါ်ရတာပါ။

🔰 ဒီနေ့မှာတော့ မြတ်စွာဘုရားက နာမ်ခန္ဓာလေးပါး တပါးချင်း သူ့အလုပ်သူ လုပ်ဆောင်နေတဲ့ သဘာဝတရားကို ဥာဏ်နဲ့ ပိုင်းခြားမြင်အောင် ကြည့်ခိုင်းတာပါ။

🔰 နာမ်= စိတ်နဲ့ သဘာဝတရာဟာ အာရုံရှိရာကိုင်းညွှတ်တတ်သော သဘောရှိပါတယ်။

စိတ်သဘာဝ ညွှတ်တတ်တဲ့သဘောကို အရင်ဆုံး ဥာဏ်နဲ့မြင်အောင် ကြည့်တတ်ရပါမယ်။

အာရုံရှိရာ သင်္ခါရက္ခန္ဓာက စေ့ဆော်လို့ညွှတ်လိုက်သည်နှင့်တပြိုင်တည်း ဝေဒနက္ခန္ဓာက ခံစားတဲ့အလုပ် သညာက္ခန္ဓာက မှတ်သားတဲ့အလုပ် ဝိညာဏက္ခန္ဓာက သိမှုအလုပ် တပါးချင်း သူ့အလုပ်သူ လုပ်ဆောင်နေတဲ့သဘာဝတရားကို ဥာဏ်နဲ့ပိုင်းခြားမြင်အောင် ရှုရမှာပါ။ ✨️

🔰 ဥပမာ မမြင်ရပေမဲ့ ခွေးဟောင်သံကြားလိုက်တာနဲ့ ဘာကြောင့် ခွေးဟောင်သံလို့ သိပြီးပြောနိုင်တာလဲ ကိုယ့်ဘာသာ မေးခွန်ထုတ်ပြီး အဖြေရဖို့ သုံးသပ်ဆင်ခြင်စဥ်းစားရမှာပါ။

အသံရယ် နားအကြည်ရယ် ရုပ်နှစ်ခုတိုက်လိုက်တဲ့အတွက် ရုပ်ဖောက်ပြန်တဲ့အပေါ် သင်္ခါရက စေ့ဆော်လို့ စိတ်ကသွားညွှတ်လိုက်တာနဲ့တပြိုင်တည်း ဝေဒနာကခံစားပြီး ခံစားမှုအပေါ် မှတ်တတ်တဲ့သညာက ခွေးဟောင်သံလို့ဖော်ပေးတဲ့အတွက် ဝိညာဏ်က သိမှု ဖြစ်သွားတာပါ။

🔰 နာမ်ခန္ဓာလေးပါးပြည့်စုံမှ သိမှုတခုဖြစ်တာပါ။
နာတယ် ကျင်​တယ် ကိုက်တယ် ခဲတယ် ယားတယ်လို့ သိလိုက်ရင်လည်း နာမ်ခန္ဓာလေးပါးပြည့်စုံလို့ပါ။
နာရင် နာမှန်းသိတာက ခံစားမှုအပေါ် မှတ်ထားတဲ့ သညာကြောင့် နာမှန်းသိတာပါ။

ဒီအကြောင်းအရာတွေကို 2.11.2026 (၆၀)ကြိမ်မြောက် ဝိပဿနာ၁၀ရက်တရားစခန်း ဒုတိယနေ့တရားမှာနာယူနိုင်ပါပြီရှင်။

Credit to ဓမ္မစစ် ယောဂီ
🍂🍁🙏🍁🍂

🧿✨️ ဆရာတော် အရှင်ပညာစက္က ✨️🧿
ဗုဒ္ဓအလိုကျ ဝိပဿနာ
မြန်မာစံတော်ချိန် ည 7:00 - 9:00
Zoom ID - 724 443 0315
Passcode - 12345
.
Facebook live
https://www.facebook.com/share/18F94BRNbi/

Telegram live
https://t.me/AshinPyannaSekkaVideos
.
တရားစခန်း မစခင် ဖွင့်ပေးသော ပါချုပ်ဆရာတော် တရား များ Telegram link
https://t.me/meditationroadmap
Viber Channel link
https://invite.viber.com/?g2=AQATm99V8ofGY1YE6g%2F66DdgR4b3X%2F%2FztCAtnNuGbf971bJPRQuHLjwpFHX5TQgT
..
ဆရာတော် အရှင်ပညာစက္က Biography
https://www.facebook.com/share/p/17aq8JHGbT/
..
🌿🍀🙏🍀🌿

📍ကျမ၏ ရေးသားမှု့ များသည်...
တရားအပေါ် မှာ ကျမ နားလည်သလို ရေးထားသည် ဖြစ်သည့် အတွက် အမှားတစ်စုံတစ်ရာ ပါခဲ့ ပါသော်
ကျမ တစ်ဦးထဲ၏ တာဝန် ဖြစ်ပါသည်ရှင်။

✨️🍁🙏🍁✨️

🍁 လောကုတ္တရာ ဘက်ကို စိတ်နှစ် လုပ် ရင်, လောကီဘက်ကို မဖိနိုင်ဘူး..

နှစ်ခု လုံး အညီအမျှ လုပ် ဆိုပေမယ့်
လောကုတ္တရာ ဘက်မှာ မိမိရရ ဆုပ်ကိုင်နိုင်တဲ့ အဆင့် ရောက်ပြီ ဆိုရင်တော့ ဟုတ်တာပေါ့လေ..

အခု က လမ်းကြောင်း ပေါ် ရောက်တုန်း သေချာ ပိုင်နိုင် ချင် လို့ ဖိဖိစီးစီး လေး ကြိုးစားနေရ ချိန်မို့ ဘယ်အရာ ကိုမှ အရမ်းကြီး စိတ်မထဲ့နိုင် ဘူး ဖြစ်နေတယ်။

Channel အများကြီး handle မလုပ်နိုင်တာလည်း ပါ ပါတယ်။

🍁 လောကီဘက် အောင်မြင်နေသူများလည်း အားကျပါတယ်။
လောကီ ဘက် ကို ဖိမယ်ဆို ဒီဘက်က အများကြီး လျော့သွားဦးမှာ..

လောကီ အတွက် လည်း လုပ်စရာ ရှိတာလေးတွေ လုပ်ဦးမှ လို့ စ တွေးယုံ ရှိသေး..
လောကီ မှာ အောင်မြင်နေသူ တွေ တဖြုတ်ဖြုတ် ကြွေတာ မြင်ရတော့လည်း ခုချိန် တရားလုပ်တာက ပိုသေချာပါတယ် လေ ဆိုပြီး..
ခု ကိုယ်လုပ်နေတဲ့ တရား ကိုပဲ ဒီ နှစ်ကုန် တဲ့ထိ သေချာလေးလုပ်ပြီး ရုန်းလိုက်ပါဦးမယ်..

ဓမ္မစစ် ယောဂီ လေးက ပြောတယ်..

🍁 လောကုတ္တရာ မှာ ခိုင်မာ တဲ့ အဆင့်ရောက်ပြီ ဆို ဘယ်လို လောကဓံ လာလာ အကောင်းဆုံး ဖြေရှင်း တတ်သွားပြီတဲ့..
သဘာဝ ကို နားလည်လေ စိတ်အေးအေး ချမ်းချမ်း နေတတ်လေ တဲ့။

အချိန်တိုင်း တရားချည်း အားထုတ်နေတာ မဟုတ်ဘူး ဘဝ ကို ပျော်ပျော်ရွှင်ရွှင်ဘဲ ဖြတ်သန်း နေတာ ..
သူများကိုလည်း ထိခိုက်အောင် မလုပ်ဘူး..
ကိုယ့်ကိုယ် ကိုလည်း ထိခိုက်အောင် မလုပ်ဘူး တဲ့.

🍁 ဗြဟ္မစိုရ် တရား လေးပါး က သူတစ်ပါး အပေါ် ထားနိုင်သလို ကိုယ်အပေါ် ကိုယ်လည်း ထားနိုင်လာတယ်တဲ့။
အရင်က ကိုယ့်အပေါ်ကို မထားတတ်ဘူး..
သူများ အပေါ်ပဲ ထားတတ်တာတဲ့။

အခုတော့ ကိုယ့်မှာ ရှိတဲ့ ကောင်းတဲ့ အရာ တွေကို မုဒိတာ ပွားတတ်ပြီး ပြုပြင်လို့ မရတာတွေကို ဥပက္ခာ ပြုထားလိုက်တယ်တဲ့..

ဒီဘဝ ရထားတဲ့ အငှားခန္ဓာလေးကို သေချာပြုပြင် ပြီး နေသွားမယ်တဲ့.
သေရင် လည်း ဒီခန္ဓာ ကို စွန့်ခဲ့ ရမှာပဲတဲ့..
မသေခင်တော့ ဒီခန္ဓာနဲ့ တရား အလုပ်တွေ လုပ်ရသေးတော့ ပြုပြင်နေသွားရမှာတဲ့ .

သူတော်ကောင်း တွေရဲ့ အသံ က သိပ်သိသာတယ်.. အငြိမ်းဓါတ် ရတယ်..

🍁 ကျမ စ တရားစခန်းဝင်တော့ ဓမ္မစစ်ယောဂီလေးက Day 1 to 6 ကို တစ်နေ့ခြင်း Guide လုပ်ပေးသွား ပါတယ်။

အဲ့ဒါလေး ကို ဒီ November လ တရား စခန်း မှာ ပြန်တင် ပေးသွား ပါ့မယ်။

တရားဥာဏ်ထူး များ ရကြပါစေ.

🍁 Day 3 - ခန္ဓာ ၅ ပါး

မဂ်လာပါအမ

🍁 ညီမတို့ တစ်တွေဘဒီ၃ ရက်မှာလျှောက်ခဲ့တာပြန်စဥ်းစားကြည့်၊
ရုပ်နာမ်လည်းကွဲသွားပြီ
ခန္ဓာငါးပါးမှာအကြောင်းအကျိုးဆင်ခြင်ပြီး ဘုရားသိစေချင်သောဖြစ်ပျက်တွေလဲမြင်ခဲ့ကြပြီ

ဒါတွေဟာသဘာဝတရားတွေပဲလို့ဥာဏ်မှာရှင်းခဲ့ကြပြီလေ

🍁 ဘုန်းဘုန်းကြီးကပြောတယ်
ခန္ဓာကပြတာကို
သတိဥာဏ်နဲ့စောင့်ကြည့်ပြီးဆင်ခြင်သုံးသပ်ပေးတဲ့..

🍁 ကိုယ့်အတ္တနဲ့ဘာမှအတင်းလုပ်မယူနဲ့တဲ့ ကိုယ်မြင်ချင်တိုင်းမြင်လို့မရဘူးတဲ့

🍁 သူပြတာက်ိုကိုယ်ကသတိဥာဏ်နဲ့မြင်အောင်ကြည့်ရမယ်တဲ့

အမ အခု ငြီးငွေ့တဲ့ဥာဏ်ပေါ်နေပြီလေ
သူပြတဲ့အတိုင်းသာ ဆက်အားထုတ်သွား နည်းမှန်တယ်အမ

ခန္ဓာကပြပြီး ဥာဏ်က ဆွဲခေါ်နေတာအမ
ခုချိန်တော့စိတ်ကနေလို့မကောင်းတာလဲဖြစ်ချင်ဖြစ်မယ်
၆ရက်မြောက်နေ့ကြရင် မှတ်တိုင်၁ခုမှာခဏအမောဖြေကြတာပေါ့

🍁 ညီမ တို့တစ် တွေ ဘုရားပြတဲ့လမ်းက်ိုလျှောက်နေကြတာဆိုတော့သေချာပေါက်ပန်းတိုင်ရောက်မှာအစ်မ။

မလောပဲအေးဆေးသက်သက်သာသာနဲ့ကြိုးစားရအောင်နော်... အစ်မ ❤️🙏

🍁 မြတ်စွာဘုရား က သဘာဝတရားကြီးကိုမြင်သွားလို့လွတ်မြောက်သွားတာလေ..

ညီမတို့ တစ်တွေလဲ ဘုရားမြင်စေချင်တဲ့သဘာဝတရားကြီးကို မြင်ရင် လွတ်မြောက်ကြမှာပဲ ..
လမ်းမှန်ကိုလျှောက်ပြီး ရိုးရိုးသွားရအောင်နော် .. အစ်မ ❤️🙏
..

Day 3 က အမြဲတမ်း ရှုမှတ်သွားရမှာ ဖြစ်ပါတယ်။
တရားထိုင်ရင် ဘယ်လို ရှုမှတ် ရမလဲ ဆိုတာ ည က အသေးစိတ် ဟောသွား ပါတယ်။

Day 3 တရား တွေထဲမှာ November day 3 က ပို​အသေးစိတ် သလို ခံစားရတယ်။
ကိုယ်က ပိုနားလည်တာလည်း ဖြစ်နိုင်ပါတယ်။

November 3, 2026
Telegram Audio
https://t.me/AshinPyannaSekkaVideos/2108

YouTube
https://youtu.be/H7qh2v6jWv4?si=T58Mebbw4_E_PRse

✨️🍀 Day 3
ခန္ဓာငါးပါးဖွဲခြင်း(နာမရူပပရိစ္ဆေဒဥာဏ်)

🔰 ဝိပဿနာရဲ့အရှုခံဟာ ရုပ်နှင့်နာမ် ခန္ဓာငါးပါးဖြစ်တဲ့အတွက် မြတ်စွာဘုရားက တရားသိဖို့ ခန္ဓာငါးပါးမှာပဲ တရားရှာခိုင်းခဲ့တာပါ။
၃၁ဘုံမှာ ရုပ်နှင့်နာမ်ပဲရှိ တဲ့အတွက် ရုပ်နှင့်နာမ်ရဲ့ သဘာဝတရားကိုသိအောင်လုပ်ရတာပါ။
ဒီနေ့မှာတော့ ရုပ်နှင့်နာမ် ကို ခန္ဓာငါးပါးဖွဲ့ပြီး ခန္ဓာ့ဖြစ်စဥ်သဘာဝကိုသိအောင်လုပ်ရမှာပါ။
ပရမတ်အနေနဲ့ တကယ့်ရှိနေတာက စိတ် စေတသိက် ရုပ် နိဗ္ဗာန် ပါ။
ကျန်တဲ့အရာတွေက ပညတ်တွေပါ။
နိဗ္ဗာန်ကို ဖယ်ထားပြီး စိတ် စေတသိက် ရုပ် ရဲ့ သဘာဝကို သိအောင်လုပ်ရမှာပါ။

🔰 ငါ သူတပါး ယောကျာ်း မိန်းမ ပုဂ္ဂိုလ် သတ္တဝါ ခေါင်း ခါး ခြေ လက် စသည်ဖြင့်နာမည်တွေဟာ အမည်ပညတ်တွေပါ။ပရမတ်အနေနဲ့ တကယ်အရှိတရားက ဓါတ်ကြီးလေးပါးအပေါင်းအစုပါ။

နာတယ် ကျင်​တယ် ကိုက်တယ် ခဲတယ် ယားတယ် ဆိုတာ အမည်ပညတ် ပရမတ် အနေနဲ့ တကယ့်အရှိတရားက ဓါတ်ကြီးလေးပါးဖောက်ပြန်နေတာပါ။
နာတယ် ကျင်တယ် ကိုက်တယ် ခဲတယ် ဆိုတာ ဝေဒနာ မဟုတ်ပါ။
ဘုရားပြောတဲ့ ဝေဒနာ ဆိုတာ ရုပ်ဖောက်ပြန်တဲ့အပေါ် နာမ်ခန္ဓာလေးပါးကြောင့် ဖြစ်လာတဲ့ ကြိုက်ခြင်း မကြိုက်ခြင်း ခံစားမှုအပေါ်ကနေဖြစ်တဲ့ သုခဝေဒနာ ဒုက္ခဝေဒနာ ဥပေက္ခာဝေဒနာ ၃မျိုးကိုဆိုလိုတာပါ။

🔰 ရုပ်ကိုသိဖို့ နာမ်ကနေရှု့ရသလို၊
🔰 နာမ်ကိုသိဖို့ ရုပ်အပေါ်ကနေရှု့ရတာပါ။

🔰 ရုပ်အကြောင်း နာမ်အကျိုး၊ နာမ်အကြောင်း ရုပ်အကျိုး ၊ ရုပ်နှင့်နာမ် အပြန်အလှန်ကျေးဇူးပြုနေတဲ့ သဘောပဲရှိပါတယ်။
စိတ်ဆိုတာ သူအလိုလို ဖြစ်လာတာမဟုတ်ပါ။ရုပ်ကိုမှီပြီး နာမ်တွေဖြစ်ရတာပါ။

အသံမကြားပဲ ကြားသိစိတ် မပေါ် ပါ။

🔰 အသံရုပ်ရယ်၊ နားအကြည်ရယ်၊ ရုပ်နှစ်ခုတိုက်ပြီးဖောက်ပြန်လို့သာ နာမ်က သွားညွှတ်ပြီး ခံစား မှတ်သား တဲ့အတွက် ကြားသိစိတ် ခန္ဓာငါးပါး ဖြစ်လာတာပါ။
ရုပ်နှင့်နာမ် ခန္ဓာငါးပါးပြည့်စုံမှ သိမှုတခုဖြစ်တာပါ။
နာတယ်လို့သိလိုက်ရင် ခန္ဓာငါးပါးပြည့်စုံလို့ပါ။
🔰 နာတယ်ဆိုတာ တကယ်တော့ ဓါတ်ကြီးလေးပါးဖောက်ပြန်တာပါ။
ရုပ်ဖောက်ပြန်တဲ့အပေါ် သင်္ခါရကစေ့ဆော်လို့ သွားညွှတ်လိုက်တာနဲ့ ဝေဒနာက ခံစားပြီး ခံစားမှုအပေါ်မှတ်သားတဲ့သညာကြောင့် နာရင်နာမှန်း ဝိဥာဏ်က သိတာပါ။

🔰 ခန္ဓာငါးပါးပြည့်စုံလို့ သိမှုတခုဖြစ်တာပါ။
ရုပ်နှင့်နာမ် ခန္ဓာငါးပါးရဲ့သဘာဝတရားသည် ဖောက်ပြန်ပျက်စီးနေတဲ့ သဘောပဲရှိပါတယ်။

🔰 ဖြစ်လာပြီးရင် ပျက်ကိုပျက်ရတာ ရုပ်နာမ် သဘာဝတရားပါ။✨️

🔰 နာတာကြီး ဖြစ်ပျက်နေတာမဟုတ် ခန္ဓာငါးပါး ဖြစ်ပျက်နေတာပါ။

တစ်သိ တစ်သိ ပြောင်းတိုင်း ပြောင်းတိုင်သည် ခန္ဓာငါးပါး တပြိုင် တည်းဖြစ် တပြိုင်တည်းပျက်နေတဲ့ သဘောပဲရှိပါတယ်။

🔰 ရုပ်ကတိုးဖောက်ပြန်ရင် နာမ်ကတိုးသိပြီး ရုပ်ကလျော့ဖောက်ပြန်ရင် နာမ်ကလိုက်လျော့သိပြီး ခန္ဓာငါးပါးတွေ ဖြစ်ပျက်နေတာပါ။
နာတာကြီး တိုးလိုက် လျော့လိုက် ဖြစ်ပျက်နေတာမဟုတ် ခန္ဓာငါးပါးတွေ တိုးလိုက် လျော့လိုက် ဖြစ်ပျက်နေတာပါ။

🔰ခံစားမှုမတူရင် မှတ်သားမှု မတူပါ။✨️
🔰မှတ်သားမှု မတူရင် သိမှု မတူပါ။ ✨️

ခံစားမှုရယ် မှတ်သားမှုရယ် သိမှုရယ် က တခုနဲ့တခု အပြန်အလှန်ကျေးဇူးပြုပြီး အကြောင်းအကျိုးနဲ့ဆက်စပ်ဖြစ်နေတာပါ။

🔰 အခြေခံဖြစ်တဲ့ ရုပ်ပရမတ် နာမ်ပရမတ် မှ မသိရင် ခန္ဓာငါးပါးဖွဲ့လို့မရပါ။ ✨️

🔰 ဉာတပရိညာဆိုတဲ့အပိုင်းမှာ
ရူပပရိစ္ဆေဒဥာဏ်ဆိုတာ ဓါတ်ကြီးလေးပါးရဲ့သဘာဝ ဖောက်ပြန်နေတဲ့သဘောကို ဥာဏ်ပညာ နဲ့ ပိုင်းပိုင်းခြားခြားသိတာပါ။

နာမပရိစ္ဆေဒဥာဏ်ဆိုတာ နာမ်ခန္ဓာလေးပါး တပါးချင်း သူ့အလုပ်သူ လုပ်ဆောင်ပြီး စုပေါင်းဖြစ်နေတဲ့သဘာဝကို ဥာဏ်ပညာနဲ့ပိုင်းပိုင်း ခြားခြား သိတာပါ။

📍 ခန္ဓာငါးပါး ဖြစ်ပျက်မြင်တာတောင် မြတ်စွာဘုရားလိုချင်တဲ့ ဝိပဿနာဖြစ်ပျက်မဟုတ်သေးပါ။ ✨️

🔰 ဒီ အကြောင်းအရာ တွေ ကို 3.11.2026 (၆၀)ကြိမ်မြောက် ဝိပဿနာ ၁၀ရက် တရားစခန်း တတိယနေ့တရားမှာ နာယူနိုင်ပါပြီရှင်။

Credit to ဓမ္မစစ် ယောဂီ
🍃🍀🙏🍀🍃

🧿✨️ ဆရာတော် အရှင်ပညာစက္က ✨️🧿
ဗုဒ္ဓအလိုကျ ဝိပဿနာ
မြန်မာစံတော်ချိန် ည 7:00 - 9:00
Zoom ID - 724 443 0315
Passcode - 12345
.
Facebook live
https://www.facebook.com/share/18F94BRNbi/

Telegram live
https://t.me/AshinPyannaSekkaVideos
.
တရားစခန်း မစခင် ဖွင့်ပေးသော ပါချုပ်ဆရာတော် တရား များ Telegram link
https://t.me/meditationroadmap
Viber Channel link
https://invite.viber.com/?g2=AQATm99V8ofGY1YE6g%2F66DdgR4b3X%2F%2FztCAtnNuGbf971bJPRQuHLjwpFHX5TQgT
..
ဆရာတော် အရှင်ပညာစက္က Biography
https://www.facebook.com/share/p/17aq8JHGbT/
..
🌿🍀🙏🍀🌿

📍ကျမ၏ ရေးသားမှု့ များသည်...
တရားအပေါ် မှာ ကျမ နားလည်သလို ရေးထားသည် ဖြစ်သည့် အတွက် အမှားတစ်စုံတစ်ရာ ပါခဲ့ ပါသော်
ကျမ တစ်ဦးထဲ၏ တာဝန် ဖြစ်ပါသည်ရှင်။

✨️🍁🙏🍁✨️

🍁 "ပဋိစ္စသမုပ္ပါဒ် ကို ပဌာန်းနည်းဖြင့် လေ့လာ သုံးသပ်ခြင်း " ကို အခု တလော ဆက်တိုက်နာဖြစ် နေပါတယ်။

ညက တရား replay ကို စာရေးဖို့ အတွက် နာပြီးရင် အားတာနဲ့ "ပဋိစ္စသမုပ္ပါဒ် ကို ပဌာန်းနည်းဖြင့် လေ့လာ သုံးသပ် ခြင်း " ကိုပဲ ဖွင့်နာ ဖြစ်နေတာ..

🍁 တရားက ခက်ခဲ တယ်.. နက်နဲတယ် .
ဒါပေမယ့် ခန္ဓာ နဲ့ တိုက်ပြီး နားလည် သွားရင် အရမ်း ကို အရသာ ရှိပါတယ်။

ဒီတရား ရဲ့ အရသာ ကောင်းလွန်း လို့ ဘယ်လို ပြောပြ ရမလဲ မသိပါ ဘူး။
အသစ် တစ်ခု နားလည် လာလိုက် ဆရာတော်ကို ဝမ်းသာ အားရ လျှောက်လိုက်နဲ့ပါပဲ။

🍁 "ပဋိစ္စသမုပ္ပါဒ် ကို ပဌာန်းနည်းဖြင့် လေ့လာ သုံးသပ်ခြင်း " တရား ကို ဆရာတော် က သူကျင့်ခဲ့တဲ့ တရား နဲ့ တိုက်စစ် ထားတယ်လို့ သိရစဥ် အခါ က နာဖို့ ကြိုးစား ခဲ့ပေမယ့် နားမလည်ခဲ့ပါ။

🍁 ဒီနှစ် August လ ကုန် မှ ညီမ ထက်ထက် Htet Htet Hlaing နှင့် တရား စ ဆွေးနွေး ဖြစ်ရင်း နဲ့ မှ နောက်တစ်ကြိမ် ပြန်နာ ဖြစ်တာပါ။
တစ်ပုဒ် ဆို အကြာကြီး ထပ်ခါ ထပ်ခါ နာရပါတယ်။
တစ်ခေါက် နှင့် တစ်ခေါက် နားလည် တာတွေက ပိုပို ရှင်းလာတော့ အရသာ ရှိလိုက်တာ..

🍁 ဆရာတော် အရှင် ပညာ စက္က သင်ပေးတဲ့ Day 1 to 6 ကို ကျေညက်တယ်ဆိုရင်
"ပဋိစ္စသမုပ္ပါဒ် ကို ပဌာန်းနည်းဖြင့် လေ့လာသုံးသပ်ခြင်း " ကို ခန္ဓာ ဖြင့် တိုက်ပြီး နားလည် နိုင်ပါပြီ။

ကျမတော့ တရားစခန်း ဝင်ပြီး တစ်နှစ် ကျော်မှ နားလည် ပါတယ်။
ဒီလို ခက်ခဲ နက်နဲ တဲ့ တရားကို ခန္ဓာ ဖြင့် တိုက်ပြီး နားလည်အောင် သင်ပေးခဲ့တဲ့ ဆရာတော် အရှင် ပညာစက္က ကို ကျေးဇူး အထူးတင်ရှိပြီး ဒီကနေ ဦးချ ကန်တော့ ပါတယ်။
🍁 🙏 🍂 🙏 🍂 🙏 🍁

ယောဂီ များလည်း တိုက်စစ် ကြည့်ပါ နော်။
ဥာဏ် တွေ ရင့် လာတဲ့ အခါ တဖြည်းဖြည်း နဲ့ ပို နားလည် လာမှာ ပါ။

📍ဆရာတော်က ပြောပါတယ်။

🍁 ဝိပဿနာ ဆို တာ..
ခန္ဓာရဲ့ အကြောင်းနဲ့ အကျိုး (ပဋိစ္စသမုပ္ပါဒ် ) နဲ့ ပဌာန်း ကို တွဲမြင်အောင်..
နောက်.. ခန္ဓာတွေရဲ့ ဖောက်ပြန်နေတဲ့ သဘာဝ တရား နဲ့ အဲ့ဒီ သဘာဝ တရား ကြီးက ပဋိစ္စသမုပ္ပါဒ် နဲ့ ပဌာန်း ကို ယှဥ်တွဲ ပြီး မြင်အောင် ရှုနိုင်မှ... ဝိပဿနာ ဖြစ်တယ် လို့ ပြောပါတယ်။

🍁 ခန္ဓာ ရုပ်နာမ် တွေရဲ့ ဖြစ်ပျက် နေတဲ့ သဘာဝ တရား နဲ့ အဲ့ဒီ သဘာဝ တရား ပေါ်မှာ အကြောင်း အကျိုးကို မမြင်ရင်...
အပြန် အလှန် ကျေးဇူးပြု နေတဲ့ သဘောကို မမြင်ရင်.. အဲ့ဒါ ဝိပဿနာ မဟုတ်ပါဘူးတဲ့။

📍ကိုယ်အားထုတ် နေတဲ့ တရား ဝိပဿနာ စစ်မစစ် သေချာ တိုက်ကြည့် နိုင်ဖို့ အတွက် နားထောင်ကြည့်ပါနော်။

🍁 "ပဋိစ္စသမုပ္ပါဒ် ကို ပဌာန်းနည်းဖြင့် လေ့လာ သုံးသပ် ခြင်း "

YouTube Play list
အပိုင်း ၁-၁၃
https://youtube.com/playlist?list=PLC-34D1wcBWLkx5hUAg3rGTJiaTzYqhRp&si=auOAyjYQOsL16N-T

🍁 "ပဋိစ္စသမုပ္ပါဒ် ကို ပဌာန်းနည်းဖြင့် လေ့လာ သုံးသပ်ခြင်း "
Telegram Audio
https://t.me/meditationroadmap/230?single
..
🧿✨️ ဆရာတော် အရှင်ပညာစက္က ✨️🧿
ဗုဒ္ဓအလိုကျ ဝိပဿနာ
မြန်မာစံတော်ချိန် ည 7:00 - 9:00
Zoom ID - 724 443 0315
Passcode - 12345
..
🍂🍁🙏🍁🍂