Simonalpha

የበረኸኞቹን ትንቢት አስታውሱ !!
ልብ ብላችሁም አድምጡ
*★★★*

• ጦማሩ #BLOCK አለው። የተጻፈው ለተዋሕዶ ልጆች ብቻ ነው። ያስቀስፋችኋል፣ ወገብ ዛላችሁንም ያስቆርጣልና መልእክቱ የማይመለከታችሁ ኦጎኖቼ ከዚህ ጦማር ስር ምንም ዓይነት አስተያየት እንዳትሰጡ ይመከራል።

• የአሰቦት ሥላሴዎች መልእክትና እነግራችኋለሁ ያልኩት የምሥራች ዜናም ቀጥሎ ይቀርብላችኋል። በትእግስት ጠብቁኝ።

#ETHIOPIA | ~ እናንተም በጥሞናና በጥንቃቄ ተረጋግታችሁም አንብቡት። ሁሉ ሰው እንዲደርሰውም አድርጉ። በማኅበር፣ በግሩፖችም ላይ ልቀቁት። አንብባችሁ ብቻ ማለፍ ሳይሆን ተጠቀሙበት።

•••
ባለፈው ዓመት በወርሀ ነሐሴና እንደገናም በዘንድሮው ዓመት በወርሀ መስከረም መግቢያ ላይ በረኸኞቹ በትግራይ ኢሮብ የሚገኘው የአሲምባ መስቀለ ክርስቶስ ቤተ ክርስቲያን እንደተመረቀ ደገኛው የ610 ዓመት የዕድሜ ባለፀጋው አባት አባ ዘወንጌል ይሰወራሉ፣ ከዚያ በኋላ በኢትዮጵያ እስከ 2015 ዓም ምህረት መግቢያ ድረስ የሚቆይ የኢትዮጵያ ፅኑ መከራ ይጀምራል ብለህ ለህዝብ ሁሉ ንገር ተብሎ የተነገረኝን የበረኸኞቹን ቃል አስቀድሜ ጽፌላችሁ እንደነበር ታስታውሳላችሁ።

•••
በረኸኞቹ እንደ ቃላቸውም የመስቀለ ክርስቶስ ቤተ ክርስቲያን ባለፈው ወር በወርሀ መስከረም ተመርቋል። ከቤተ ክርስቲያኑ ምረቃ በኋላም እንደተነገረውም ደገኛው አረጋዊ አባት አባ ዘድንግል ወደ አምላካቸው ተጠርተው ሄደዋል። አባ ዘወንጌል ባረፉ ማግስትም የኢትዮጵያ መከራ እንዳይበርድ ሆኖ በኦሮሚያ ተጀምሯል። የተዋሕዶ ልጆችና ጥቂት የሌላ እምነት ተከታዮች ላይ ዘግናኝ የእርድ ጭካኔ ተፈጽሞባቸዋል። ከነገሩኝ ሁሉ አንዲቷም ሳትፈጸም የቀረች የለችም።

•••
እኔ ደግሞ ፈርዶብኝ አንዳንዴ ከበረኸኞቹ መልእክተኞች ጋር እሟገታለሁ። ለዚህ አገልግሎት ተመርጠሃልና ባሰኘህ ሰዓት ለህዝቡ መልእክቶቹን ልቀቅ ያሉኝን በመያዝ ይኸንኑ ፈቃድ በማግኘቴም መልእክቶቹን ከመልቀቅ እታቀባለሁ። ነገር ግን በግርድፉም ቢሆን መናገሬን አልተውኩም። መልእክቱ እኔ ያላየሁት፣ ለእኔም በግሌ ያልደረሰኝ መልእክት ስለሆነ ምንም እንኳ በረኸኞቹ የሚናገሩት እውነትና በቃላቸው ሐሰት የማይገኝባቸው እንደሆኑ ባምንም ደግሞ እኔ ሰው አይደለሁ እሳሳለሁ፣ እፈራለሁ፣ እንደሰውም እጠራጠራለሁ። በፈለከው ጊዜ ለህዝቡ ንገር የሚለውን ቃላቸውንም ይዤም ትንቢቱ የሚቀየር እየመሰለኝም እቁነጠነጣለሁ። እጓጓለሁም። አሁን ሳየው ግን የተናገሩት ሁሉ ሳይፈጸም የሚቀር አይመስልም።

•••
እኔማ እላቸዋለሁ ይኸው በጎንደር እኮ ሱባኤ ተይዟል። በአክሱም ምህላ ተይዟል። በወልዲያ እየተጸለየ ነው። በመላዋ ኢትዮጵያ ሲኖዶሱ ጸሎተ ምህላ አዟል። እናም ህዝቡ እንዲህ በንስሐ ከተመለሰ የኢትዮጵያ መከራ ያበቃል፣ ወይም ደግሞ ቀኑ ያጥራል እላቸውና ከበረኸኞቹ መልእክተኞች ጋር ትንቢቱ የሚቀየር እየመሰለኝ እሟገታለሁ። እከራከራቸዋለሁ። እነሱም ይሉኛል አይ አንተው እሱን ተወው። ሰማይ ዝቅ፣ ምድር ከፍ ቢል የኢትዮጵያ ትንሣኤ እንዲሁ በብላሽ አይገኝም። በውድ ዋጋ ነው የኢትዮጵያ ትንሣኤ የሚመጣው። አዲስ ኢትዮጵያ ናት የምትፈጠረው። ይሄ አሮጌ ሁሉ ይወገዳል። ኢትዮጵያ ከትንሣኤዋ በፊት አጨዳው የግድ ነው፣ ያለልክ ቀና ቀና ስላልን የግድ ነው ብለው ይሞግቱኛል።

•••
ደግሞም ይሉኛል አንተው ሞኝ ነህ እንዴ ይሄ ሁሉ ነጭ ነጠላ ለብሶ እግዚኦ የሚለው ምእመን መች ንስሐ ገባና ነው? ህዝቡ ንስሐ ገብቷል ወይ? ፍርሃት ከቤቱ አውጥቶ የሰበሰበው እንጂ በእውነት ከልቡ ንስሐ ገብቶ፣ በደሉን አምኖ በፈጣሪው ፊት ተንበርክኮ የቆመ መሰለህ ወይ? ህዝቡ ይሄ የሚጸልየው በጎንደርም፣ በአክሱምም ለሌለት ተነስቶ እግዚኦ ሲል የምታየው ሥጋ ወደሙ ቅዱስ ቁርባንስ ይቀበላል ወይ? ከተጣላው ወንድም እህቱ፣ እናት አባቱ፣ ጎረቤት ጓደኛው፣ ዘመድ ወገኑ ጋር ታርቋል ወይ? ንገረን ታርቋል ወይ? ግፍ መሥራቱንስ አቁሟል ወይ? የበደለውን ክሶ፣ በግፍ የሰረቀውን፣ የቀማውን መልሷል ወይ? ቅዳሴ ሲያስቀድስ፣ ኪዳን ሲያደርስ አይተኸዋል ወይ? ተኝቶ አሸሼ ገዳሜ ሲልም አይደልወይ የሚያረፍደው። የስም ክርስቲያን እንጂ ክርስትናን በህይወት የሚኖርባት አለወይ? ቀበቶን የሚተካ ማዕተብ አንገቱ ላይ ከማንጠልጠል የዘለለ ምን የረባ የክርስትና ህይወት አለው። ጥምቀትን ቲሸርት ለብሶ ሲዘምር የሚውለው ወጣት አስቀድሶ፣ ቆርቦ አይተኸው ታውቃለህ?

•••
ከጳጳሳቱ አንስቶ እስከ ዲያቆኑ ቤተ መቅደሱን አላቆሸሹትም ወይ? የወለደ ጳጳስ በፍርድ ቤት አጽሙ በወራሽ ልጁ ይመርመርልኝ እስከማለት አልተደረሰም ወይ? ወታደሮች ጳጳስ፣ ካድሬዎች ጳጳስ ሆነው መቅደሱን አላቆሸሹትም ወይ? የቤተ መቅደሱ አገልጋዮች ውሎአቸውና አዳራቸው የት ነው? ንገረን እስቲ? የእግዚአብሔርን ገንዘብ ውስኪ መጠጫ፣ መዳረያ፣ የዝሙት መፈጸሚያ፣ መነገጃ፣ ህንፃና ቪላ መሥሪያ አላደረጉትም ወይ? በጧፍ፣ በንዋያተ ቅዱሳት እጦት ገዳማት አልተዘጉም ወይ? የቤተ መቅዱሱን አገልግሎት የሚመሩት ክህነት ያላቸው በሙሉ መቅደሱን አቆሽሸውታልና ጽዳቱ የግድ ነው። እናም ዘመዳችን አክሊለ ገብርኤል አጨዳው አይቀርም። የግድ ነው። የኢትዮጵያ ትንሣኤ እንዲሁ በብላሽ አይገኝም። የኢትዮጵያ ትንሣኤ በውድ ዋጋ ነው የሚመጣው።

•••
አሁን ዘመኑ ልክ እንደ ጌታ ዘመን ያለ ነው። መጀመሪያ በጭለማ ያለው ህዝብ የብርሃን ጭላንጭል ይታየዋል። የማይደርስበትን የብርሃን ጭላንጭል ያያል። ብርሃኑ ላይ ለመድረስ ግን ስንቅ መያዝ ያስፈልጋል። በባዶ ሆድ አይደረስበትም። ሥጋወደሙ የተቀበሉ፣ ንስሐ የገቡ ሰዎች ብቻ ጨለማውን ይሻገሩታል። ንጉሡ ከመምጣቱ በፊት አባጣ፣ ጎርባጣው የግድ መስተካከል አለበት። ተራራው ዝቅ ማለት አለበት። ጉድባው ጉድጓዱ መሙላት አለበት። በኢትዮጵያ ዘመን አቆጣጠር እስከ 2014 መጨረሻ ድረስ መከራው እንዲሁ ይቀጥላል። ዘመኑ የምንጣሮ ዘመን ነው። ከኢትዮጵያ መከራ ፍጻሜ በኋላ የመላዋ ዓለም መከራ ደግሞ ከዚያ በኋላ ይጀምራል።

•••
አሁን የሚቀረው የእርስ በእርስ ጦርነቱ ነው። ለእሱ ደግሞ መንግሥት በሰፊው እየሠራበት ነው። ያውም በሬድዮና በቴሌቭዥን ሳይቀር እየሠራበት ነው። መንግሥት ስም እንጂ የመንግሥትነት ቁመናው ካጠረ ቆየ። ለዚህ ነው ዜጎች ቀን በቀን የሚታረዱት። አለቃው ይበዛል። አዛዥ እንጂ ታዛዥ አይኖርም። ሁሉ አለቃ፣ ሁሉ አዛዥ ይሆናል። ፍትሕና ሕግ ስፍራቸውን ለቀው ይሰደዳሉ። ትርምስምሱ ይወጣል። የሚያዝ የሚጨበጠው ይጠፋል። ክስ አድማጭ አይኖረውም። ወታደር ግራ ይጋባል። ዜጎች አማራጭ ያጣሉ። የውስጥም የውጪም ጠላቶች መግቢያ ቀዳዳው ይሰፋላቸዋል።

•••
በአራቱም አቅጣጫ ኢትዮጵያ ትወረራለች። ሰላም በማስከበር በሚል ሰበብም በ2 ሃያላን ሀገራት የሚመሩ ሰባት የሙስሊም ሀገራት በኢትዮጵያ ምድር ላይ እሳት ያዘንባሉ። በአሰብ ወደብ ላይ በልዩ ሁኔታ የተከማቸው የጦር መሣሪያ በኢትዮጵያ ምድር ላይ እንደበረዶ ይዘንባል። ብዙ ፍጅትም ይሆናል። ኦርቶዶክሳውያን በያሉበት፣ በየተገኙበት እንደከብት ይታረዳሉ። የኢትዮጵያ ምድር በደም ትጨቀያለች። የደም ጎርፍ፣ የደም አበላ በምድሪቱ ላይ ይፈሳል ነው የሚሉት በረኸኞቹ። [ በጦርነቱ የሬሳ ክምር የሚታይባቸው ሥፍራዎችም ተጠቅሰዋል ]

•••
የእርስ በርስ ጦርነቱን ተከትሎም ክፉ ረሃብ በኢትዮጵያ ይመጣል። የሚበላ የሚጠጣ ከምድሪቱ ይጠፋል። ከጦርነቱ የተረፈውን ህዝብ ረሃብ ይፈጀዋል። በስደት ምክንያት የዐቢይ ጾም የማይጾ

144 viewsSimon Alpha, 07:07