Birinchi sinf o‘quvchilari uchun yangi matematika kitobini yaratilish jarayonlari tasvirlangan videolavhani ko‘ring

Yozda ko‘pchilik ta’til haqida o‘ylasa, ta’lim mazmuniga javobgarlar uchun esa juda ish qizg‘in va mas’uliyatli davr keladi. Yangi kitoblarni sifatli qilib o‘z vaqtida maktablarga yetkazish juda muhim vazifadir.

O‘tgan yili Prezidentimiz O'zFA Matematika Instituti yangi binosining ochilishida maktablardagi matematika darsliklarini takomillashtirish vazifasini belgilab bergan edilar. Ushbu yo‘nalishdagi hamkorlikning birinchi natijasi sifatida bu yil birinchi sinflar uchun tayyorlangan yangi darslikni ko‘rsatsa bo‘ladi.

Ta’lim mazmuni uchun mas’ul bo‘lgan vazirning birinchi o‘rinbosari Usmon Sharifxodjayev boshchiligida Respublika ta’lim markazi yangi komandasi bilan katta o‘zgarishlar boshlandi, lekin hali qilinishi kerak bo‘lgan ishlar ko'p.

Ushbu jarayonga o'z hissasini qo'shgan O'zFA Matematika Instituti, UNICEF Uzbekistan va boshqa barcha hamkorlarga minnatdorchilik bildiramiz.

Ўзбекистон халқ ўқитувчиси
Тўхтамурод Жумаев

Мамлакатимизда халқ таълими ва ўрта махсус таълим тизими ривожига муносиб ҳисса қўшган моҳир педагог, фидойи ва ташкилотчи раҳбар Тўхтамурод Жумаев шу йил 14 июль куни 76 ёшида вафот этди.
Бу инсон 55 йиллик шарафли педагогик фаолияти давомида ўз соҳаси бўйича салмоқли ютуқларга эришди. 1967 йили Бухоро давлат педагогика институти (ҳозирги Бухоро давлат университети)ни тамомлади. Меҳнат фаолиятини 1961 йилда мактабда ёшлар етакчиси сифатида бошлаб, бир қанча мактабларда ўқитувчи, директор ўринбосари, директор вазифаларида сидқидилдан меҳнат қилди.
Айниқса, Қоракўл туманидаги 1-ихтисослаштирилган иқтидорли болалар мактаб-интернати ҳамда Бухоро давлат университети қошидаги 3-сон Қоракўл академик лицейида раҳбарлик қилган йилларида жуда кўплаб хайрли ишларни амалга оширди.

Т.Жумаев таълим-тарбия соҳасини замон талаблари асосида ривожлантириш, чекка ҳудудларда яшаётган иқтидорли ёшларга замонавий таълим беришнинг “Қоракўл мактаби”ни яратишга эришди. Ҳар йили лицей битирувчиларининг 90-95 фоизи турли олий ўқув юртларига ўқишга қабул қилиниб, 3 минг 200 нафарга яқин ўқувчи республикамиз ва хориждаги нуфузли олий ўқув юртларининг талабасига айлангани ҳам бунинг исботидир.
Шу пайтгача унинг 30 нафарга яқин шогирдлари математика фани бўйича халқаро олимпиадаларда юқори ўринларни қўлга киритиб, юртимизда Беруний, ал-Хоразмий каби буюк алломаларнинг муносиб авлодлари етишиб келаётганини бутун дунёга яна бир бор намоён қилди.
Ана шундай улкан натижалари инобатга олиниб, ушбу таълим маскани Халқаро математика мактабига айлантирилди.
Т.Жумаев математика фанини ўқитишнинг илғор усулларини амалиётга жорий этиш билан бирга, бу йўналишда бир нечта ўқув қўлланмалари ҳам яратди. Бундай изланишлари учун у 1999 йилда Ўзбекистон математиклар жамияти аъзолигига қабул қилинди.
Бутун ҳаётини ёшларга маърифат улашишга бағишлаган Тўхтамурод Жумаев давлатимиз томонидан “Ўзбекистон Республикаси халқ ўқитувчиси” фахрий унвони, “Эл-юрт ҳурмати” ва “Буюк хизматлари учун” орденлари билан ҳам мукофотланган эди.
Меҳрибон устоз, самимий ва камтарин инсон Тўхтамурод Жумаевнинг ёрқин хотираси ўқитувчи ва мураббийлар ҳамда шогирдларининг қалбида умрбод сақланиб қолади.

А.Тошқулов,
Ўзбекистон Республикаси олий
ва ўрта махсус таълим вазири

Ш.Шерматов,
Ўзбекистон Республикаси
халқ таълими вазири

#Diqqat_Ochiq_muloqot

Ижтимоий тармоқлардан самарали фойдаланиб, мактаб жамоалари имижини шакллантириш

Халқ таълими ходимларининг таълим-тарбия жараёнида ижтимоий тармоқлардаги медиасаводхонлигини ошириш, мактаб ва директор имижини шакллантириш, интернет фойдаланувчилар билан мулоқот механизмини яратиш бўйича Очиқ мулоқот ташкил этилади.

✅ Очиқ мулоқот давомида халқ таълими тизимида фаолият юритаётган раҳбар ва ходимларга ижтимоий тармоқлардан фойдаланиш бўйича медиасаводхонлигини ошириш имкони бўлади.

Шунингдек Очиқ мулоқот давомида:

✅Фейсбукда саҳифа очиш;
✅Саҳифа юритиш;
✅Таълим-тарбия жараёнида медиасаводхонликнинг ўрни;
✅Муаммоларни тезкор аниқлаш ва унга ечим топиш механизми;
✅Мактаб жамоасининг ижобий имижини шакллантириш;
✅Савол-жавоблар бўлиб ўтади.

Очиқ мулоқотни Халқ таълими вазирлигининг ижтимоий тармоқдаги саҳифасида жонли кузатиш мумкин

Очиқ мулоқот ўтказилиш вақти:

1️⃣7️⃣ июль соат 1️⃣1️⃣:3️⃣0️⃣

Ўтказиб юборманг!

Kuni-kecha Ijtimoiy tarmoqlardan maktab jamoasi va o‘qituvchilarining yaxshi tashabbuslari va yutuqlarini yoritishda, aholi bilan bevosita muloqot qilishda zamonaviy instrument sifatida samarali foydalanish hamda turli xil tuhmatlarga va trollarga uchraganda qanday harakatlar qilish bo‘yicha XTV facebook sahifasi orqali jonli efirda batafsil tushuntirgan edik. To‘liq taqdimotni ushbu havola orqali videoning 19:58 daqiqasidan boshlab ko‘rsa bo‘ladi: https://bit.ly/3irDQFj

Jonli efirda ko‘rsatilgan prezentatsiya faylini ko‘pchilik so‘ragani uchun uni telegram kanali orqali yubormoqdamiz.

Qo‘shimcha ravishda prezentatsiya video ko‘rinishiga ham keltirildi, kimgadir video varianti qulayroq bo‘lsa undan foydalanish ham mumkin bo‘ladi.

Qo‘shimcha ravishda prezentatsiya video ko‘rinishiga ham keltirildi, kimgadir video varianti qulayroq bo‘lsa undan foydalanish ham mumkin bo‘ladi.

Спорт соҳасидаги Токиода ўтаётган олимпиада сингари, фанлар бўйича 3 та энг нуфузли халқаро олимпиадаларда Ўзбекистон ёшлари ўтган йилги натижаларига нисбатан 2 баробар кўп медалга сазовор бўлишгани бугун Президентимиз туғилган кунларига ўзига хос совға бўлди

Президентимиз Қарори билан вазирликда Халқаро олимпиадалар бўйича янги Департамент тузилиб, бундай нуфузли олимпиадаларга тизимли тайёрланиш имконияти кенгайди, Фанлар Академияси ва барча бошқа таълим муассасалари мавжуд бўлган вазирлик ва идоралар ҳамкорлиги йўлга қўйилди ҳамда терма жамоани яхшироқ тайёрлаш учун чет элдан алоҳида тренерлар жалб этилиши имконияти пайдо бўлди.

Қарорга кўра Халқаро фан олимпиадалари ғолиблари қуйидаги мукофот пулларига эга бўладилар:

- олтин медаль соҳибига – 122 млн. сўм, ўқитувчисига – 110 млн. сўм;

- кумуш медаль соҳибига – 73 млн. сўм, ўқитувчисига – 61 млн. сўм;

- бронза медаль соҳибига – 49 млн. сўм, ўқитувчисига – 36 млн. сўм.

DIQQAT TANLOV: 2 nafar eng yaxshi O‘zbek tili o‘qituvchisiga 30 million so‘mdan, 2-o‘ringa – 20 million so‘mdan, 3-o’ringa – 10 million so‘mdan beriladi

Tanlovda ishtirok etish uchun ro‘yxatdan o‘ting: https://bit.ly/3y0BdAG

Batafsil ma’lumot: https://bit.ly/2TB1mHt

Чинор тагидаги дуэль фильмидаги Парижга, яъни Фориш туманига борганда туманнинг исталган водий вилоятидан катталигини инобатга олиб, у ердаги масалаларни жойига чиқиб ҳал этиш туман раҳбарларига осон эмаслигини кўрса бўлади.

Зеро, ҳар бир мактабда ишлаётган раҳбарлар ва ўқитувчиларнинг ўз ишларига масъулият билан ёндашиб ҳаракат қилишларига жуда кўп нарса боғлиқ. Хусусан, туманнинг Гараша қишлоғидаги 78-мактаб жамоасини айнан шундай ўз ишига меҳр билан ёндашадиган инсонлар сифатида эътироф этишларини эшитиб, ушбу жамоа билан тумандаги бошқа мактаблардаги таълим сифатини ошириш бўйича фикр алмашдик. Ечим сифатида ушбу мактаб жамоасига тумандаги бошқа таълим сифати етарли бўлмаган мактабларда раҳбар сифатида фаолият олиб боришни тавсия қилдик.

Умуман олганда, вилоят ва туманлар раҳбарларига ўзларининг ички имкониятлари етарли бўлмаганини инобатга олиб, ижтимоий тармоқлар орқали бошқа ҳудудлардан келадиган олий ва биринчи тоифали педагогларга яратиладиган имкониятларни кенгроқ тарғиб этиш зарурлиги кўрсатиб ўтилди. Шундагина, бошқа ҳудудлардан келмоқчи бўлган, лекин иккиланаётган юқори малакали ўқитувчилар учун ҳам қўшимча далда бўлар эди. Таълим сифати паст бўлган мактабга бошқа вилоятдан келган ўқитувчига 100 фоиз устама берилиши билан бирга, агар у мактаб узоқ ҳудудда жойлашган бўлса, узоқ ҳудудга бўлган устамалар ҳам қўшиб берилади. Батафсил www.ustozfondi.uz сайтида ҳам маълумот бор. Марҳамат, янги ўқув йилигача ҳаракат қилиш керак.

Ta’limga beg‘araz yordam berish bo‘yicha yana bir namuna

Bu yil 7 mingga yaqin maktablarimiz ta’mirlanayotgani sababli ulardagi yozuvlar ham o‘zgarishini inobatga olib, bir yo‘la yangi Logo va Brandbook yaratishni niyat qilgan edik.

Albatta, bunga ortiqcha mablag‘ sarf qilmaslik maqsadida o‘zimizning ichki imkoniyatlardan kelib chiqib, qator logo variantlari ishlab chiqilgan va ovoz berishga ham qo‘yilgan edi: https://t.me/uzedu/13298

Shunda Xurshid Maroziqov biz bilan bog‘lanib, belgi.design agentligi tomonidan professional darajada Logo va Brandbookni beg‘araz tayyorlab berish bo‘yicha o‘z taklifini berdi, hamda hamkorlik natijasida ushbu yangi variant ishlab chiqildi.

Marhamat, ushbu Logo va undan foydalanish bo‘yicha Brend yo‘riqnomasidagi tavsiyalardan ta’mirdan chiqayotgan maktablarimiz bemalol foydalanishlari mumkin. Brandbook maktablarning ichkarisidagi shakllarini ham kelgusida qamrab olib takomillashadi.

PS. Faqat iltimos, sallasi desa kallasini olish bo‘lib qolmasin. Qaerda maktablar ta’mirlanib, yozuvlar yangilanayotgan bo‘lsa o'sha yerda foydalanish tavsiya etiladi. Yaqindagina yangi ta’mirdan chiqqan joylarda qaytadan mablag‘ sarf qilib o‘zgartirishga esa hozir hojat yo‘q.

Tashkent International University of Education yoshlarimiz uchun qo‘shimcha imkoniyatlar ochadi

Prezidentimiz topshiriqlariga ko‘ra yoshlarimizga hozir oliy ta’lim olish uchun imkoniyatlar kengaymoqda. Biz o‘qigan davrda bittagina kirish imtihonidan o‘ta olmasa bir yil umrini yo‘qotishiga to‘g‘ri kelar edi. Aynan shu imkoniyatlardan biri bu Tashkent International University of Education haqida ushbu rolikda qo‘shimcha ma’lumot olishingiz mumkin.
Ushbu Universitet nafaqat ta’lim, balki mehnat bozoriga talab yuqori bo‘lgan yo‘nalishlarda Ingliz va Rus tilida mutaxassislarni tayyorlashni boshlamoqda.

Marhamat, yangi imkoniyatlardan foydalaning!

Batafsil ma’lumot:
Hujjat topshirish uchun: https://tiue.uz/admission_form.html
Facebook: https://www.facebook.com/tiue.uz/
Instagram: https://www.instagram.com/tiue_uz/
Telegram: https://t.me/tiue_uz

Янги ўқув йили арафасида энг муҳим вазифалардан бири бу дарс соатларини адолатли тақсимлаш бўлгани сабабли, барча педагогларни эртага 19 август куни соат 10:00да Вазирликнинг расмий фейсбук саҳифасида ушбу масалага бағишланган онлайн очиқ мулоқотда қатнашишга таклиф этамиз. Батафсил маълумот: https://t.me/uzedu/13618

Адолатли дарс тақсимоти бўйича ўтказилган жонли мулоқотдаги слайдларни кўпчилик сўрагани учун файли юборилмоқда.
Жонли мулоқотнинг тўлиқ видеосини ушбу ҳавола орқали вазирликнинг расмий фейсбук саҳифасида кўришингиз мумкин: https://bit.ly/2Uxvnbv

PS. Жонли мулоқот вақтида айтиб ўтилган интернет ресурслари ҳаволалари:
1. Бошқа ҳудудлардан келмоқчи бўлган олий ва биринчи тоифали ўқитувчилар учун қўшимча устамалар бериладиган мактаблар ҳақида: www.ustozfondi.uz
2. Мактабларни таъмирлаш ва жиҳозлаш бўйича таклиф этилган лойиҳаларга овоз бериш учун: www.openbudget.uz

Қишлоқлардаги баъзи мактабларда битирувчи синфдаги ўқувчилардан келажакда ким бўлишини сўраганимда уларнинг фақат ўқитувчи, тиббиёт ходими ёки ҳарбий бўлиш ниятида эканлигини эшитиб, наҳотки бир синфда барча бюджетдан молиялаштириладиган касб эгалари бўлиб, ҳеч ким бюджетни тўлдирадиган тадбиркор бўлгиси келмаяпти деб савол берардим.

Бугунги йиғилишдан кейин, ёшларимиз орасида тадбиркор бўлишни истовчилар сони анча ортишига умид қилса бўлади. Айниқса, Президентимизнинг барча тадбиркорларни ўзининг мактабига бориб ёшларни мотивация қилишга чақириқларидан сўнг, келгуси ёш тадбиркорлар сафи янада кўпаяди деб ўйлайман.

Барча тадбиркорларимизни бугунги янгиликлар билан ва тадбиркорларнинг касб байрами куни жорий этилгани билан табриклайман!

Чироқчидаги мактабларни ўрганиб юрганимда, кутилмаганда давлатимизнинг юксак мукофоти – «Дўстлик» ордени билан тақдирланганимни эшитиб бошим осмонга етди.

Республикамизда мактаб таълими муаммолар йиғилиб қолган энг оғир соҳалардан бири бўлса, Чироқчи тумани бу масалада ҳудудлар орасида энг оғири ҳисобланади.

Президентимиз мактаб таълимида ижобий ўзгариш қилиш учун энг асосий эътиборни энг оғир ҳудудларга қаратаётганликлари сабабли ҳам туманда мана охирги 3 йилда 43 та жуда хароб аҳволда бўлган мактаб филиаллари қайтадан таъмирланиб ёки бутунлай янгидан қурилиб, тўлақонли мактабга айлантирилди ва натижада мактабларнинг умумий сони 236 тага етди.

Бу йилнинг ўзида эса инвестиция, обод қишлоқ ва жорий таъмирлаш дастурлари орқали 114 та, яъни туман мактабларининг ярмидан кўпи турли хил даражадаги таъмирлаш имкониятига эга бўлди! Албатта, ҳали амалга оширадиган ишимиз жуда кўп. Лекин ушбу қисқа вақт ичида тумандаги мактаблар учун бу жуда катта ижобий ўзгариш эканлигини кўрса бўлади.

Бундан ташқари, Президентимиз дунёнинг энг салоҳиятли давлатлари билан дўстлик ва ҳамкорлик алоқаларини йўлга қўйиб берганлари туфайли ҳам, ушбу даврда Қашқадарё вилоятига ва жумладан Чироқчи туманига қатор Россиялик педагоглар, Хитой Халқ Республикаси гранти асосида компьютер синфлари юборилди, АҚШ педагоглари келиб фаолият юритишди, ҳамда Тошкент шаҳридан кейинги энг катта АҚШ кутубхонаси Қарши шаҳрида ташкил этилди.

Мамлакатимиз мустақиллигининг 30 йиллик байрамига, менинг ҳаётимдаги энг катта совға билан тақдирлаганлари учун Давлатимиз Раҳбарига ўз миннатдорчилигимни билдираман ва бор куч-ғайратимни билдирилган ишончни оқлашга сафарбар этаман!

Жорий йилнинг 27 август куни Халқ таълими вазирининг Қашқадарё вилоятида соҳадаги мавжуд муаммолар ва уларнинг ечимлари юзасидан навбатдаги Сайёр қабули ташкил этилади.

Сизда халқ таълими соҳасига оид қизиқтирган масалангиз ёки тизимни ривожлантириш бўйича таклифингиз мавжуд бўлса Сайёр қабулга таклиф этамиз.

Сайёр қабул 27 август соат 11:00да Қарши шаҳридаги 9-сонли умумтаълим мактабида ташкил этилади.

Манзил: Қарши шаҳри, Шарқ кўчаси, 2-уй.

Қўшимча маълумот ва рўйхатдан ўтишингиз учун қуйидаги телефон рақамига мурожаат қилишингиз мумкин
+99875-223-47-33

Қашқадарё вилояти халқ таълими бошқармаси Ахборот хизмати

Ўзбекистон Республикаси мустақиллигининг 30 йиллигига бағишланган лойиҳанинг навбатдаги сонида халқ таълими вазири Шерзод Шерматов мустақиллик инъом этган имкониятлар ҳақидаги мулоҳазалари билан бўлишади.
—
В очередном выпуске проекта, посвященного 30-летию независимости Республики Узбекистан, министр народного образования Шерзод Шерматов делится своими мыслями о возможностях, предоставленных независимостью.

Prezident.uz|Facebook|Instagram|YouTube|Twitter