Біз неге жабық қоғамға айналдық? Жалпы, қашан айналып үлгергенбіз?
Бұлай деуіме себеп бар. Бүгінгі Сара Назарбаева жайлы ақпараттар легінен соң ғой мұндай ойға бекінгенім.
Әсілінде, Сара Назарбаева шынында да қайтыс болуы мүмкін. Әйтпесе, иттің көтіндей шулап кетпес ек(әжем марқұм осы тіркесті қолданушы еді). Жақсы, қайтыс болмады делік. Бірақ, жағдайы ауыр, кірпігі ғана қозғалып жатыр дегендей де мәлімет бермейді ресми хабарламада. Тек қана “Сара Назарбаева тірі. Өлген жоқ”,-дейді Айдос Үкібай. Жо, кімнің болса да ұзақ әрі бақытты ғұмыр кешуін тілейтіндерденмін. Бірақ, біз расымен де жабық қоғамға айналыппыз.
Ерте ме, кеш пе Сара апамыз да, Нұрсұлтан жездеміз де фәниден бақиға жол тартады ғой. Соны жасырмай ашып айта салса ештеңе етпес еді. Жаңалық астына жазылатын көңіл айтудан көрі қарғыс көп болатынынан қорқа ма?
Мүмкін, екеуін әлі отыз жыл “тірі” деп елді алдап отыра береміз бе? Әлде, әлдеқашан әжем марқұмдармен шәй ішіп отыр ма екен бұ кісілер…

- Ағай, мына жамылғыны не істейсіз? Неге машинаңыздың артында жүр,- деп кейбір қыздар жорта сұрап жатады бағажымды ашып-жауып жатқан кезде көздері түскен соң. Кейде индрайверлеткенде балалы келіншектердің арбасын, балалар велосипедін салған кезде де еститін сұрағым.
- Е, қарақтарым, бұл көрпенің де қызығын көрер күн туар,- дейтінмін де қоятынмын.
Кеше сол күн туды. Табиғат аясында, егістік басында әдемі сұхбат болды. Жуырда нәтижесін көрерсіздер.
- Мына жамылғыны лақтырамын немесе машинаңның артына салып ал. Жолда көп жүресің, далада қонып қалсаң керек болар,- деп 7-мамырға қарсы сыйға тарта салған еді келіншегім негізі...

Соңғы он күнде фамилиясын жаппай қазақылау, яғни, "ов", "ев" деген пәлелерді алып тастағандығы жайлы пост көп шалынды көзіме. Әуелі, Мәулен Әнербай бауырымнан оқыдым-ау деймін. Тіпті, бір ауыз пікір жаздым. Маған жауап жазғандар да болды.
Содан кейін біраз адам пост жазып соңы мәжілістегі Самат, Ринат, Мақсаттармен аяқталған секілді. Бұл әрине дұрыс іс. Құптарлық іс. Бірақ, патриотизмнің шыңы, елін сүюдің белгісі осыдан басталады деген ойға берілу қате дер ем.
Себебі, ов-ев, ова-ева болып та отанға адал қызмет етуге болады. Таза қазақы қалыпта жазып, елдің ырысын шашып, жемқор болуға, қандықол қылмыскер болуға да болады және ондайлар көп. Сондықтан ғой мұны патриотизмнің шыңы деп бағаламайтыным.
Енді, өзіме келсем. Маған Айсұлтан Жақып деп шолтитып атаған ұнамайды. Кейініректе асығыс шығарыла салған дүние болса да "Жақыптегі" дегендей нұсқа қабылданар болса ауыстырар ма едім. Ауыстырмауымның ең үлкен себебі ол емес. Ертең зейнетке шығарда мың қырық құжат сұрай ма біздің жүйе деген де қауіпім жоқ емес. Әскери билет, диплом тағысын тағы деп сандалтып қойса таңдай қақпас ем. Айтуларынша сандалтпайды. Бірақ, бізде айтылу мен орындалу қашан да екі бөлек қой. Қорқынышым негізсіз емес деп ойлаймын.
Негізі, менің фамилиям жеке куәлікте Жакупов. Бірақ, жеті атамда Жақып деген кісі жоқ. Бұл Сәбет өкіметінің нанды кәртішкемен беретін тұсында Нұрхан атамыздың (менің әкем Мұхамедия, оның әкесі Төлеухан, Нұрхан сол Төлеухан атамның әкесі) жасаған амалы екен. Баласы жоқ ағайыннның атына тізе салған. Әйтпесе Нұрханның әкесі Нақып. Ал, біздің әулеттің екінші бір тармағында Накиповтар бар. Аталмай қалған бір адам болса сол Нұрхан атамыз. Осы кісінің атына ауысайын десем заңи тұрғыда не әкемнің немесе атамның атын ғана фамилия қыла алады екенмін. Бұл да бір қолбайлау, кейбіріңіздің ойыңызша сылтау дер ем.
Балалымның тегі әкемнің атында, таза қазақша жазылып тұр. Қазаққа мынша еңбек сіңірдім деп те айта алмаймын. Қал-қадірімше маңайдағы елге пайдамды тигізуге тырысып жүрмін. Бір ауылға теміржол перронын салдырып, 2-3 ауылдың ортасына жол салынуға мұрындық боп, бір ауылға скважина қаздырып дегендей қызметтер жасап жүрмін осы Жакупов қалпыммен. Кешіріңіздер, мен фамилиямды ауыстырмайтын шығармын...

Қарағандыда Рақымжан Қошқарбаев атамыздың құрметіне аталатын шолтиған көше бар. Қарағандының бір шетінде жатқан Майқұдықтан да әрірек орналасқан Сұрыптау бекетінде әлгі көше.
Биыл жеңістің 80 жылдығы деп атойладық. "Ресейдің өзі Рақымжан атамыздың рейхстагқа ту тіккенін мойындап отыр", деп өзеуредік.
Иә, біздің аймақ қаһарман атамыздың туған өңірі емес. Дегенмен, "көшесі бар екен, оның жай-күйі қандай?", деп алаңдаған ешкім жоқ.
Қандай екенін айтайын. Бұл көшеде атам заманнан бері асфальт болмаған. Ойдым-ойдым жолы бар тар көше...
Қаламызда соғыс ардагерлеріне қатысты бірнеше көше бар. Солардың ішіндегі ең нашары осы көше дер едім.
Біздің әкімдікте екі жол бар. Біреуі көшеге жол салу. Екіншісі ер есімін басқа көшеге ауыстыра салу😎.
Біріншісі, жергілікті биліктің тікелей міндеті. Көше кімнің атында болса да жарықтандыру, жол салу, су тарту деген мәселе үнсіз ғана атқарылуы тиіс міндеті ғой әкімдіктің.
Екіншісі, мәселені айналып өтетін жеңіл жол.
Үшінші жол бар айтпақшы. Ештеңе істемеу))))) Меніңше біздің қарағандылық билік осы жолды таңдайды.

Қарағанды облысы мәдениет басқармасына ( атауын қысқарта салдым) басшы боп келген Ғалымжан Өтелбайұлына әрине қажырлы еңбек, табыс тілеймін. Мәдениетіміздегі осал тұстарымызды дөп басып, шешілмеген сұрақтарды шешеді деп сенем. Тағайындалған күні, ертесіне құттықтауға болатын еді. Бірақ, бұндай кісілердің көтен қуысына “спальный мешок” төсеп жатып алатындармен жағаласқым келмеді.
Иә, айтпақшы табысты еңбек, нәтижелі жұмыс үшін бұ кісінің командасына ең әуелі МУЛЬТИМЕДИА сөзін қатесіз жазатын маман және “Мына жерде қате жазып қойыппыз. Осыны жарияламай-ақ қоялық”,-дейтін сана керек. Сол, очым…
#Қарағандыоблысы #айсұлтанжақыпов

Бүгінгі сот отырысынан кейін Данаға деген көзқарас өзгеріп жатқандай. Тредсте “Мақтауымды, тамсанысымды қайтып алдым”,- деп жатқандар көп.
Бишимбаев ісіндегі прокурор қыздан да батыр жасадық. Шын мәнінде бұлар қандай тапсырма түсті сол жерге дейін ғана шабады.

Сижу за решеткой в темнице сырой.
Вскормленный в неволе орел молодой,
Мой грустный товарищ, махая крылом,
Кровавую пищу клюет под окном…
Пушкиннен пәштій жатқа білетін өлеңім осы. Неге екенін білмеймін осы “Узник” оқушы кезімнен санама тез сіңді.
#шерзатполат сотында өзін торға түскен бүркітке теңеп өлең оқыды бір сотталушы.
Бірақ, тез бастап, тез аяқтады пәтшағар😎.
Қолына домбыра берсең Мәдише “Үстінде құс мамықтың жатушы ем”,деп сызылтайын деп тұр әлгің…
Меніңше, сотталушылардың ішінде Абзал Шынасыл деген ғана не істегендерін түсінген секілді және сол жігіттің атасы мен анасы ғана Қаржаубай тарапына жаман сөз айтпады-ау деймін…

Мен Жаңаарқа жақтың қазағымын. Қазір Ұлытау облысына қараймыз ғой. Қарағандыға қарап тұрған кезінде жазған ескертпелерімізді кішкене болса да ескеретін. Қазір, "итсің-ау, күшіксің-ау" деп те қарамайды. Жә, айтпағым ол емес.
Біздің ауданда дәрігерлерге қатысты дау жылына 1-2 рет боп тұрады. Себебі, қарапайым соқыршекке де ота жасай алмай жасөспірім баланы өлтіріп алған, кесерова жасап болған соң адамның бүйрегін қоса тігіп жіберген (өзімнің туған анамның оқиғасы) деген сынды оқиғалар жиі боп тұрады.
Соңғысы, осы көктемнің соңында болды-ау деймін. Ота жасап жатқан кезде отадағы адам оянып кетіп, қайта ұйықтатқаннан оянбай қалған...
Бұның барлығы, кәрі-құртаң хирургтардың кесірі. Баяғыда, Мәстура деген хирург "Мұхамедияның қатынын менен басқа ешкім босандырмасын"деген ауызша бұйрық беріп шешемді мүгедек қылған. Сондағы ойы "Қырыққа келгенде көрген қызығына Мұхамедиа бір тай берер" деген пендешілік. Сол кезде алпыстан асқан шағы. Қазір сексеннен асты-ау шамасы. Әйтеуір, зейнетке кеш кеткен адамның бірітін. Бұлардың отасынан соң анамызды қарағандыға әкеліп екінші ота жасатқанбыз. Сөйтіп, тігіліп кеткен сау бүйрегі алынып, аурушаң бүйрекпен қалды. Бірақ, анамыздың жаны аман қалғанымен ота жасағанда іште медициналық ине қалдырып кеткендері де бар. Жүр сол инемен... Қайта ота жасатуға қорқады... Ол кезде әскерден енді келген жас жігітпіз. Соттасайық дегенімізде әжем марқұм қойғызған...
Жә, сонымен қазір Жаңаарқада дәрігерге дефицит ресми түрде жарияланды. Бір жыл ішінде 40 шақты дәрігер зейнетке кетуі тиіс екен.
Осының бәрін өз уақытында, 3-4 адамнан жіберіп отырғанда жұрт алдында масқара болмас ек. Бұл сол жең ұшынан жалғасқан жемқорлықтың нәтижесі.
Дегенмен, "Асыра сілтеу болмасын, аша тұяқ қалмасын" дегенге де салынуға болмайды. Жасы келген, қолы дірілдеп, көзі көрмейтін мамандарды зейнетке жіберу керек. Тәжірибелі терапевт, инфекционист деген секілді мамандарды науқас қабылдауға, кеңес беруге алып қалуға болады. Себебі, қандай істе болса да тәжірибенің аты тәжірибе. Жастарға бағыт беретін 1-2 үлкен маманның жүргені жөн. Егер де, нақты пайдасы тиетіні көзге көрініп тұрса, Жаңаарқа жұртшылығы мойындап тұрса, ондай маманнан айрылмау керек.
Түрлі бағдарламамен Жаңаарқаға кеп дәрігер болған жастар болды. Жарық сөніп қалған кезде смартфон фонаригімен ота жасап шыққан дәрігер де болды. Бір емес, екі рет жасаған солай. Қазір ол адамдар тірі. Керек болса оқиғасын айтып та берер. Тек, Жаңаарқаның жемқорлары мен ауруханадағы бассыздыққа шыдамай кетіп қалып жатқандары өкінішті. Көбіне сол қарт дәрігерлер көре алмаушылықпен мүйіздейтін...

Біз, яғни, қазақ ұлты сәл екіжүзділеу халық секілдіміз.
Ана жолы Ерлан Төлеутай ағам қазақ киносының проблемасын айтып жүргенде ақпарат алаңынан орын бергендер аз болды. Жүлде алса жаппай жариялаймыз.
Біздің билік өкілдерінің өзі екіжүзділікке бейім. Сәкеннің ұлының (кім ол ваще?) тойына құттықтау хат жібереді де халықаралық фестивалден жүлделі оралған туынды жайлы тіс жармайды.
Цебі шығып кеткен белесебет құсап салдырлап, секектеп, осы екпінмен қай жерге барып құлар екенбіз?

Осыдан 2-3 күн бұрын түнгі таксиде орыс қыз(келіншек) мінді.
-У меня настроение такое. Могу ли я свою музыку слушать по блютузу,-деп сұрады. Рұқсатымды бердім.
Бірінші Анна Асти дегеннің "Я хочу быть последней женщиной" деген әнін тыңдады. Сосын “Арнау” тобының “Егіз лебізін” тыңдады. Жай ғана тыңдамайды.Қосылып айтып отырады.
- А как переводится егіз лебіз?,- деп сұрады аспан түстес көк көздерін менен алмай. Қиналған жерім осы болды.
- В двух словах не передать. Это когда две сердце бьется в одном ритме,-деп кедір-бұдыр орысшаммен жауап беріп жатырмын.
Нөмірімді жазып алды. Қарқаралыға саңырауқұлақ теруге бармақшы екен құрбысы екеуі. Саңырауқұлақ теруге дайын бір дос іздеймін. Бірақ, қашан теретінімізді нақты айта алмаймын. Барғысы келетіндер пікірге “грибы” деп жазып кетсін. Араларыңыздан біреуіңізді таңдап, жекеңізге шығатын болам…

Кенесары хан алатын Ақтау бекінісінің орыны

✍🏻“Мемлекеттік арнада істеп жүрміз. Әйтпесе, айналадағы быт-шыттың біразын жазар ек”, дейтін әріптестерді ара-тұра кездестірем.
📌Мәселені қай арнада, газетте жұмыс істесең де жұмсақтап болсын жеткізе алмаса журналисттің осалдығы шығар…
📌Өзімді кереметпін демеймін. Бірақ, проблеманы көрсем айтуға тырысамын. Әдемілеп айтып тұрсаң басшылығың да өткізеді ондайды.
✍🏻Мәселен, “Тер мен төр” мемтапсырыстың жобасы. Мына шығарылымда орман инспекторларының жағдайын көруге бардық. Еңбек адамы ретінде расымен де мақтауға тұрарлық мамандық иесі бұл кісілер.
Орман ішінде пікір сұраған бір тәтеміз “Орманшылар үйінде свет жоғын” айтып қалды. Бір қарасаңыз күннен заряд алатын станция тұр. Бірақ, осы уақытқа дейін болған свет(электр) қайда кетті?
📌Жауабын да таптық. Үнді шал кетіп “Qarmet” келгенде біразымыз бөркімізді аспанға атып қуандық. “Лаврентьев жарылқағалы жатыр”,дедік.
Сол Андрюшамыз 34-35 жылдан бері бар жарықты қиып тастаған. Бұған дейін “Арселлор Миттал” жарық беріп отырған. Себебі, іргесінде шахтерлардың балаларына арналған жазғы лагерь бар.
Андрей мырза, орманшылар қашанғы жарықсыз отырады?
#айсұлтанжақыпов #qarmet #андрейлаврентьев

Келместің кемесіне Қайрат ағамыз да мінді…
Біреуге бағзыдан бері театр арқылы, келесіге “Қазақ хандығындағы” Керей рөлімен таныс Қайрекең ғой…
Иә, біреу ерте кетеді. Біреу кеш дегендей. Бір қарасаңыз әділетсіз секілді. Екінші жағынан қарасақ дүниедегі ең әділ нәрсе осы ажал секілді.
Тақыр кедейге де, жалғанды жалпағынан басқан байға да, ғалымға да, кержалқауға да әйтеуір бір келеді. Қолынан жетелеп кете барады…
Иманыңыз жолдас болсын! “Жақсы адам еді”, деп ауыз толтырып айтатын тұлға еді біздің Қайрекең.

“Әлгі біздің сары қыыыыз”,-деп әндетуші еді ғой бақсы “Алдар көсе” фильмінде. Әлгі біздің Аликаның әрекетінен соң үнсіз жатпауы тиіс мекемелер бар еді негізі…
Біріншіден, ІІД шұғыл әрі ресми ақпарат беруде айыпты болды. Бейресми мәліметке сенсек Әликөш екі айға қамалды әзірге.
#достықүйі #Қоғамдықкелісім #ҚХА мүшелері шұғыл отырыс жасап, топтасып видеоүндеу түсіріп, онысын әкімдік арқылы жем жейтін инстапарақшалар арқылы таратуы керек еді. Тіпті, әрбір тұрғынүйдің чатына байқамай “тығып” жіберуіміз керек. Идеология деген осы. Сол жиынның басы-қасында менің құрдасым Alibek Aldeney жүрсе қандай жарасымды!
Жайшылықта ЛОМ, қоғам барометрі боп пікір білдіруші көкемдер мен тәтемдер де үнсіздеу…
Қол сынса жең ішінденің кебі емес…
Бұл жерде қолымыз құлап сынып жатқан жоқ, бұрап сындырып жатыр…
Бұл постым 174-бапқа симайды. Бәрі талқылап жатқан дүниеден түйеқұсша басыңды құмға тыққанмен құтыла алмайсың…

Абайлаңыз, алаяқ!
📌Біздегі интернет алаяқтары банк және бірнеше органмен тікелей байланыста секілді. Дәл осы күні менің шотыма әжептеуір ақша түсті. Мыналарың күн демей, түн демей хабарлама жіберуде.
📌Егер, кодты терсем бірнеше млнға қораға кіреді екенмін. Әйтеуір, код жібермей аман қалдым.
📌Ол ақшаға не ЖейЛо әпшемнің концертіне бара алмай, болмаса хәкім Абай тойына бара алмай, бірнеше жыл несие төлеп, қоңыз теріп кетер ем😎

Қоян мен шегіртке қарбызымды жеп кетті...
https://life09.kz/kz/news/zhanalyktar-zhanaarka/serzhannyn-karbyzy

Жолдауды тыңдадық. Ең майлы жерін, сөгін соңына қойыпты.
📌Қазіргі жүйеде Сенаттың артық екені анық. Бүгін тарқатып жіберсе де дәдемдер мен ләлемдер қол шапалақтап отыра беруші ед🤣;
📌Жалғыз палатаға партия тізімімен кіру деген сәл томпақтау секілді. Партияішілік сауда қызады;
🚩Жаңа партия тіркеле ме екен? Бір жылда үлгеруге де болады. “Уақыт аз” деп отыра беруге де болады. Партияны тіркеу, тіркемеу 👆🏼 ағалардың көңіліне байланысты енді;
📌Парламенттік басқаруға біздің ұлы дала дайын ба? Тарихқа екі президентпен кіріп кетпейік🤓;

Жаңа Салық кодексі бойынша кім "упращенка" тапсыра алады? https://life09.kz/kz/news/zhanalyktar/2026-zhyly-upraschenkany-kim-koldana-alady

Жекеме шығып “Қарағандыдағы майор оқиғасын неге жазбайсың?”,- дегендер бар.
Жазғым келмеген шығар бәлкім?
Барлық оқиғаны жаза беруге де міндетті емеспін. Біреудің қолымен от көсеуге мәстүр бұ қазақ. Менсіз де жазып жатыр ғой. Әйтпесе, менде де инфо бар ол жайлы. 1989 жылғы жігіт екенін, аты-жөнін білем дегендей. Бірақ, жазбайм фейсбукке

Бала кезімде насыбай ататын мысық туралы мультик көргенмін. “Шал, насыбай”,-деп айқайлайтын🤪🤪. Сөздің қысқасы, сол мультикті іздегеніме 10-15 жыл боп қалды