Гулчинор маҳалласида сайёр қабул ташкил этилди

Таъкидлаш жоизки, очиқлик ва шаффофликни таъминлаш мақсадида мутасадди раҳбарларнинг фуқаролар билан юзма-юз учрашиб, ариза, таклиф ва шикоятлари бўйича бевосита шуғулланиши одамларни рози қилишда ўз самарасини бермоқда.

Бугун, Шеробод тумани прокуратураси томонидан 2-сектор ҳудудидаги "Гулчинор" маҳалласида сайёр қабул ташкил этилди, қабулда маҳалла фаоллари ва 30 дан ортиқ фуқаролар иштирок этишди.

Сайёр қабул жараёнида аҳоли томонидан билдирилган уй-жой таъминоти, таълим, тадбиркорлик ва чорвачилик йўналишларида кредит олиш, даволаниш учун пул маблағини олиш, суд-ҳуқуқ масаласи, уй таъмири, ишга жойлашиш каби мурожаатлари юзасидан керакли тавсияларни олишди.

Қабул давомида келиб тушган мурожаатларнинг айримлари жойида ҳал этилган бўлса, маблағ ва вақт талаб этадиган мурожаатлар тегишлилиги бўйича ташкилотларга йўналтирилиб, ижроси назоратга олинди.

Каналга обуна бўлинг
Telegram ∙ Facebook ∙ Web-site ∙ YouTube ∙ Instagram

Шерободда меҳнат ярмаркаси ўтказилди

Жорий йилнинг 18 август куни Ахборот кутубхона марказида туман прокуратураси ташаббуси билан, Мажбурий ижро бюроси туман бўлими, туман Ички ишлар бўлими, туман Камбағалликни қисқартириш ва бандлик бўлими ва бошқа мутасадди ташкилотлар билан ҳамкорликда бўш иш ўринлари ярмаркаси ташкил этилди.

Хусусан, ўтказилган меҳнат ярмаркаси давомида 47 нафар ишсиз фуқаролар мактаб, боғча ва фермер хўжаликлари ва бошқа ташкилотларга ишга жойлаштирилди ҳамда 10 нафар фуқаролар бепул касб-ҳунарга йўналтириш бўйича ўқув курсларига йўлланма берилиши таъминланди. Бундан ташқари, 7 нафар низоли оилалар яраштирилиб, уларнинг Мажбурий ижро бюроси туман бўлими иш юритувида бўлган ижро ишлари тегишли тартибда тугатилди.

📖 Батафсил 👉 бу ерда

Бизни кузатиб боришда давом этинг!



Каналга обуна бўлинг

Telegram ∙ Facebook ∙ Web-site ∙ YouTube ∙ Instagram