#туғилган_кун_муборак

* * *

Одатий якунга бас келди қисмат!
Охирсиз йўллар ўз бошига етди.
Кўзингдан кўзимга нур ўрлаган пайт,
Кўзларим очилди,
Кўз юмдинг,
                         Кетдинг...

Ҳаддини унутмас сийлайи раҳм.
Фурсатлар кечганда сокин қимтиниб,
Мен сенга айланмоқ истадим,
Сен эса...
Эсладинг кимнидир...

Ва кетдинг!
Кўзинга ғарқ бўлди бари.
(Чиқмайин зулматнинг деворин ёриб)
Кўксимга қамалган ёлғиз суворий
Алаҳлаб тинглади сенсиз тунларни...

Энди юз, минг йиллар андишали, жим...
Мен яшайвераман одамдай худди,
Фақат,
Айт,  кўтариб толмасми руҳим
Қовурғангдан яралмаган вужудни?

Умидабону

@sheriylahzalar

2021-yilda o‘tkazilgan “Duel” loyihasining final bosqichini ko‘rganlar biladi, haqiqiy "portlash" bo‘lgandi oʻshanda.

Ko‘rmaganlar esa bizdan to‘liq videosini koʻp bor so‘rashdi. Nihoyat, YouTube'dagi sahifamizga oʻsha videoni joylayapmiz.

Bugun soat 21:00 da ushbu havola:
👉 https://youtube.com/@Duelloyihasi?si=XKGJO9brD7XigKTX orqali kirib, ko‘rishingiz mumkin boʻladi.

Bu yangilikni yaqinlaringiz bilan baham koʻring.

@duelloyihasi

‍Tartibsiz tartib
(Ritmsiz she'r)

Men muallaq edim
Bo'shliq ko'ksida
urayotgan azim Yurak misoli.
Go'yo ta'qib qilar qora sukunat
( balki oq bo'lgandir, yana bilmadim).
Men muallaq edim
Chegarasiz yo'l,
Yo'lsiz manzil kabi va yana
Borarini bilmagan yo'lchi.
Bo'shliq menga - qafas.
(Shunday o'ylardim).

Samoga qo'l cho'zdim yuksalmoq istab,
(bo'shliqning samosi bo'lurmi ajab?)
U tutdi yelka.
Ulkan iz bor edi, olamdek qadim,
tanidim - otamning izi!
Yelkasiga chiqib, ko'rganim- hayhot,
bosh yo'q ekan, Bosh?!
Eh, aldangan otam!
Eh, aldangan Odam!
Eh, aldangan biz!
Samo yelkasiga chiqmabmiz,
qulabmiz unga...

Shu tariqa qolib ketdim samoning
uvalanib,
yaralanib,
mening kabilardan evrilib, qayta
yaralib borayotgan yelkasida.
Qochmoqlikka talpingan sarim
qadamlarim botib boradir,
O'zligini sotib boradir
Boshsiz yelkaga.
Balki, cho'kayotgan mendirman,
Balki, cho'kayotgan shum umr,
(Nima farqi bor?)
Va balki tobora bu jism qayta
bo'shliqqa aylanayotir...
Mayli,
Yelkaga aylanmasa bo'lgani!

26.09.2023.
✍Yasin(Zarnigorxon Abduolimova)

@sheriylahzalar

MUSHOIRA

(Rauf Parfi xotirasiga)

Bugun (28-mart) soat 21:00 da.

Bugun 28-mart kuni, ulugʻ shoir Rauf Parfini xotirlash kuni,
shu munosabat bilan ustozni sheʼrlarini biiir oʻqimoqchimiz!

Xullas, bugun 21:00 da mushoira boshlanadi. Rauf Parfi sheʼrlaridan va oʻzingiz yozgan sheʼrdan bitta tayyorlab keling...

Mushoirada koʻrishguncha.

P/s:
Oxirgi postimizda: "Keyingi mushoirani 1,200 ga yetsak qilamiz", degandik.
ammo hech shu raqamlarni koʻrolmadik...

Iltimos, shu postni qoʻldan kelgancha repost qilaylik, doʻstlarga, yaqinlarga, guruh va kanallarga tarqataylik.
Shunda biz ham subutsiz, yolgʻonchi boʻlib qolmaymiz!
Oldindan rahmat!

https://t.me/+-eO0KiFXqvNhMWVi

👆Kanalga qoʻshiling

* * *
Ichikdim. Sog'indim seni, shekilli, 
Tongim rangi sariq, xasta kunduzim. 
Ihrab quyosh chiqar, o‘kchib oy sho‘rlik, 
Osima — 
Sen kimning qizi!

Ko‘rpaga burkansam, ko‘rpa ilvirar, 
Yostiqqa yopishsam, ilvirar yostiq. 
O‘y menga sig‘maydi, uy menga sig‘mas, 
bosiriq — bosiriq...

Zirillar borligim yursam, yo‘l ko‘nmas, 
Qoyaga tirmashsam, puchmayar qoya. 
Qarg'asam, qarg'ishim duoga o‘xshar, 
voooya...

Ichikdim. Sog‘indim seni, shekilli, 
Xo‘rligim keltirar g‘alati gina. 
Nimaga odamlar shod, hurram, mamnun, 
Bizlar odammasmi, 
Osima?!

Abduvali Qutbiddin

@sheriylahzalar

*  *  * 

Сочинг зулматига қўлим тушмади,
кўзинг қаросига йўлим тушмади,
қошинг ханжаридан зулм тушмади,
оқ гулим,
      қизил гулим,
             вайрона бўлди дилим.

Оҳ чекдим, оҳларим фалакка етди,
Қўл чўздим, қўлларим малакка етди,
Мен юлдуз истадим, қайларга кетди?
Оқ гулим,
       қизил гулим,
             ҳайрона бўлди дилим.

Кун ботди, ой ботди, юлдуз ботмади,
Тонг отди, севгимиз тонги отмади,
Ойдинда на Ой, на Зуҳро ётмади,
оқ гулим,
        қизил гулим,
             девона бўлди дилим.

“Кўзим гирдобида селлар айланур”,*
Бўғзимда сўз куяр, қалам найланур,
Гул дедим, исмингга жоним бойланур,
оқ гулим,
       қизил гулим,
            мастона бўлди дилим.

Яна не бўлмоқни истадинг, дилим,
Ой десам, юлдуз деб қистадинг, дилим,
Нелар қилдинг мендай музтаринг, дилим,
оқ гулим,
       қизил гулим,
             паймона бўлди дилим.                                                                                                         

Фахриёр

(https://t.me/fahriyor_poet)

*Воқиф сатри

@sheriylahzalar

Gʻazal tahlili boʻyicha yaxshi loyiha ekan! Tavsiya qilamiz:👇

1) https://youtu.be/hOmhEQDq59U?si=YyqGM-5uA-ucz67q

2) https://youtu.be/qBbsIQV7LEs?si=ojxu2oIh2mE29R9S

@sertifikat_haydarovlar

​​​​​​​​▫️▫️▫️


​​Ikki yonoq yuraksuvdan shudgorligi uchun rahmat!
Bu orada ikki kulgich abgorligi uchun rahmat.

Mеn o‘zimni Ibrohimday tashlab kеldim Balx taxtidan,
Yo‘qligimga Yer-u osmon iqrorligi uchun rahmat.

Ishonganim, suyanganim – baytlarimning jilosi ham,
Dudog‘ingda umrim kabi inkorligi uchun rahmat.

Sеvgim rasul yanglig‘ yеtdi, mеn yеtmagan bo‘sag‘angga,
Sog‘inchlarim shu elchiga choryorligi uchun rahmat.

Ko‘ksimdagi childirma, yor, tarang tortdi olovlardan
Chеrtilmagan tuyg‘ularim bеdorligi uchun rahmat.

Sеnsizlikda og‘u ichib, og‘iz yopdim saharlarda,
Qosh qoraygach Iztirobing iftorligi uchun rahmat.


Alibek ANVARIY

https://t.me/sheriylahzalar

​​​​ВАТАНИМГА

Қалбим изҳорини сақлайман пинҳон,
Минбарда ҳайқириб ўқимайман шеър.
Ҳеч қачон баралла айтмайман, ишон,
Майлига, кимсалар мени “душман” дер!

Осмонлардан баланд қутлуғ номингни,
Маддоҳлар куйига солмайман зинҳор.
Мангулик мисқоллаб йиққан шонингни,
Лаҳзалар қошида этмасман ошкор.

Куйлашга юрак бор менинг кўксимда:
Довудий овозим, навқирон ўпкам...
Лекин куйламайман! Асло ўксинма,
Сохта саноларга кўмилган, ўлкам!

Ҳайқириб, қичқириб тоғни ўпирмоқ,
Балки афсонавий илоҳларга хос.
Билки шеър баҳрида ёлғон кўпирмоқ,
Таҳорати синиқ маддоҳларга хос.

Номингни юлдузлар қатига битган,
Не-не шоир ўтди – бобо шоирлар!
Сен учун ҳеч қачон қалам йўнмайман,
Кун келиб улардан ўзмасам агар!

Мени тўғри тушун, ранжима бироқ,
Оловга муҳтождир кўнглим иқлими.
Сени маддоҳлардан фарқли ўлароқ,
Оламга жар солмай севсам майлими?


@Alibek_Anvariy

https://t.me/sheriylahzalar

1-APREL

Bugun alda, udumga ko‘ra
Yolg‘on bilan boshlansin aprel.
Chin so‘z, axir, qonimni so‘rar,
Jon bag‘ishlar gaplardan gapir.

Taomilga ko‘ra alda, kel,
Bir umrga birgamiz degin.
Qolaman, de – dilga dalda ber,
Kun hikmatin eslatma lekin!

Chalg‘it meni bu qiyl-u qoldin,
Umrim shirin ro‘yoga to‘lg‘iz.
Yolg‘ondakam yonimda qolgin,
Rostan tashlab ketmagin, gulqiz.

Bugun alda udumga ko‘ra...

✍A.Sabriy

@sheriylahzalar

Дунё ёлғон эмиш,
бу дунё ёлғон...
Жон синглим, ким айтди, чинми бу;
Ёлғонми биз чеккан энг зариф қайғу,
Ёлғонми бизни тарк этмас ҳаяжон?
Жон синглим, қушларга дон сочдинг саҳар,
Эски кўйлагингни дарёга отдинг;
Кўзларинг ҳорғиндир, ҳорғин шу қадар!
Шу кўзлар биланми Кунни уйғотдинг?
Ҳар томон қараймиз, таҳдидкор, совуқ,
Дўст йўқдир, ҳар ким-да ёт каби...
эй худо!..
Дунё сўрамадик, ахир, сўрадик
Ютсак, оҳга дўнмас бир ютум ҳаво.
Сенинг жисминг хаста,
Менинг руҳим хаста.
Тунлари ичимдан қичқирар бир қуш.
Бу бир қичқириқки, ўзимни ҳатто қўрқитар.
Ундадир дунёни хароб айлар куч.
Очилди, очилди бахтиёрликдан
Кўр бўлган кўзларим азоб кечаси.
Йиқилиш кечаси, фарёд кечаси.
Айрилиқ кечаси, сайёд кечаси.
Ҳар ён боқсам кўзимга қулфлар кўринар.
Кўтарилиб келар тўлин ой аста,
Нафас олар оғир, ҳўнграр, куюнар...
Сенинг жисминг хаста,
Менинг руҳим хаста.
Энг охири довур очилмакликка
Қўймаслар... Жувонмарг гулим, бўстоним.
Энг мудҳиш зулм бу...
Балки, о, балки,
Хаста тахайюл бу, ёлғон бу, жоним...

Нодира ОФОҚ

@sheriylahzalar

* * *

Йўқ, менга керакмас нарсанинг ярми,
Бутун осмонни бер, бутун бўлсин ер.
Не бор – бўлишишга эмасман рози,
Дарёлар, денгизлар меники эрур.
Ҳаёт, алқамагин бир улуш билан,
Бари тўла-тўкис бўлсин батамом.
Яримта бахтингни истамагайман,
Ярим дард-аламинг ўзингга инъом.
Учар юлдуз каби ожиз нурини
Кўлингдаги узук тараркан бетин,
Юзингни авайлаб ёстиққа қўй-у...
Фақат шу ёстиқнинг ярмини бергин.

✍Евгений Евтушенко
Ўроз Ҳайдар таржимаси



@sheriylahzalar