ياما حلا الفنجال



يا مـا حلا الفنجـال مـع سيحة البـال
فــي مـجلسٍ ما فيــه نفسه ثقيـله
هـذا ولــد عـم وهـــذا ولـد خال
وهذا رفيق مـا لـقـيـنـا مـثـيلـه
يـا بـو هـــلا طير الهوى خبث البال
الطـيـر نـزر والـحـبــارى قـليله
يـا الله يـا الـلي طـالبه مـا بـعد فال
يا اللي مــن الضـيـفـات ينجى دخيله
أفــرج لـمـن قـلبه غـدا فيه ولوال
والنوم ما جـا العـيـن الا قليله
اليا ذكـرت ارموس عصر لنا زال
شـوف الـفياض وفقد عـــز القبيله
يـا زيـن شدّتهـم إلى وزع الـمـال
يتلـون بـراقٍ تلالا مـخيلـه
يتلون براقٍ سمر يشعل اشعال
تلقى التريبي فايضٍ عقب سيله
يســقـى الحنيـفا والثمان أرضهم سال
مـرتـع معطره السيـوف الصقيله
فان قادتنا من يمة الفقر خيال
يصبح شديد البدو عجلٍ رجيله
قــاد السـلـف واستجنبوا كل مشوال
والعصر يا محـلا تخبـط نـزيــلـه
فان شرف البادي عـلى روس الأقـذال
والـمـال كـثـر الـزول محمي جفيله
تـلامحـت مـا بينـهم شهـب الاذيال
ومن ضيّع الـــمفتاح واعـزتى لـه
وكـبـوا على طوعاتهم كــل عيــال
وكل لبلجٍ يجرى بـكسب النفيله
تـغازوا المـفزاع ذربيـن الافعــال
مـن قبـل سبق غارته تنثنى لـه
يبغون طوعـه روسـهن حين الادمــال
تـغاوزوا والخلق كثرت هجيله
ان جا الكمي من دون عطرات الاجهال
مرقوا ولحقوا مقحمين الدبيله
واللي ثنوا كلهم لبّاسة الشال
ومن صنع داود دروعٍ ثقيله
لزمٍ عليهم علةٍ عقب الانهال
ومن غارته لزمٍ يضّيع دليله
والدم من قحص الرمك يثعل اثعال
جزعٍ على اوراك السبايا وشيله
هذيك براعيها من المعرفه مال
وهذي ثكلها مطرقٍ ماتشيله
من وقع كل مجرنسٍ قد له افعاله
وفروخ صادن الحباري فضيله



راكان بن حثلين

تكلفك فيما لاعناك عذاب=والاجهاد بجهاد المصيب صواب
ومن شرّع الجافي من الخوف شرعه=عليه الاعادي مايلود يهاب
ومن شرّع اطراف الفنا ماعذلوه =الادنين من خوف القضا بطلاب
ولابالعيا خير من كثّر العيا=جذت به احبال الملزمات وخاب
فلل فضل شاراتٍ يزين بها الفتى=فضائل مايحصى لهن حساب
فلا وجعي من علةٍ باطنيه=صارت دواها علىّ اتعاب
ولوتجتمع كل الاطبا بحكمهم=يبري علتي ماجاء من اطياب
عمى الراي ماينفع به الطب والدوا=مدى العمر مادام التراب تراب
نديم على الدنيا شكا لو نديمه = على الدين ماسن النفوس عذاب
فقلت على بيتٍ قديم ٍ سمعته =والامثال تبنى من بيوت اعراب
الي عاد ماللرجل راي يدّله= فياخذ من اشوار الرجال صواب (1)
فلي خلّة فيها ابي سملقيه = الباب واحد ياموهمٍ بالباب
يعمروا لي بالحكي كم مدينه = للضاهري والا الباطني خراب
تنسبهم الشدات للقول والرخا = حضورٍ وعما يكرهون غياب
فلا ينفع المضيوم الا ابن عمه=الي عضه الدهر المصيب بناب
يامر الهي خالقي سامك السما = بالاعمال اللي بالعاليات رتاب
الى الموت ماطال الزبين زله =ولاجض مني للغريب طلاب
ولا انا بمن يضحك بوجه رفيقه = ويعالج الى من غاب فيه وغاب
اصير له درعٍ حصين خلافه = عن اوراد طعن الحادثات حجاب
فلب خلةٍ بالرغم عندي مظنّه = كما عيب ما بالخطام مضاب
يذمّونني بالبخل وانا مذمّتي = لكنها ماناشت ايدي غصاب
وذم الفتى مادام ماجي مذمه = كما مدح من نال الحريب كساب
فوالله يامدحٍ على غير خيّر = كما طن في اللوح الهجير ذباب
فما الناس الا من تراب معادن = وماطاب من تلك المعادن طاب
وصلوا على خير البرايا محمد = مانشد للبيت العتيق ركاب


ابن قبان

كثّر الله خيرك ياقليل الكلام
ليت طبعك مثل وجهك رضيّ وسموح

المحبّه ثلاث أرباعها .. أهتمام
وانت لاجيتني ؟ ماهمّك الاّ تروح

لا بحالة رضا ولا بحالة خصام
ولا انت ب اللي كتمت ولا انت ب اللي تبوح

بيننا لاتحسب انها نصر وانهزام
ان هدمت الصروح ؟ ف انت كل الصروح

كان هذا اختيارك خلني لي مدام
عاد باقي معي قلب ومشاعر وروح

عطني أيدك بقبَلها عليك السلام
خلّها آخر عهد بك يالغموض الوضوح

سعد علوش

ليتك بعيني ثلاث اشخاص او كنك
واحد بجنبي..وواحد روحي يملاها
والثالث بجفن عيني لافقـد حسـك
اوغمض الجفن..جاني فيك يتباهـا
مو بس احبك..انا والله من حبـك
احب حتى ثرى الارض اللي تاطاها



طلال الرشيد

``````````````````````

الحمّـرة تـدرك معوشـة عيالهـا

وألا الرجل يبغى منه بعض الأحوال


خلف أبو زويد الشمري

```````````````````````

من لا يديس الرأي من قبل ما ديس

عليـه داسـوه العيـال القرومـي

ومن لا يقلّط شذرة السيف والكيس

يبدي عليه مـن الليالـي ثلومـي

والقصر ما يصلح على غير تسييس

ومن لا تعلم مـا تفيـد العلومـي


تركي بن حميد المقاطي العتيبي

لاضاق صدري من هموم تولاه
وزاد العماس وقام صدري يفوحي


انا بلاي اللي على الرب مشكاه
اللي محرولني ولا أحتلت اروحي


والله يلولا العظم يومني املاه
وأكويه بالجمره ويكوي جروحي


مع دلة صفرا على النار مركاه
وابصر بصبتها على كيف روحي


فنجالها يشدي خضاب الخونداه
الجادل اللي عند اهلها طموحي


لا أطق طقة محة البيض بخباه
لاقام هاجوس الضماير يجوحي


يامزين الفنجال خصص هل الجاه
راع الجمايل قبل قنن قموحي


صبه لمن هو تنثر الدم يمناه
يثني جواده عند راع اللدوحي


والثاني اللي ماتوني مطاياه
يضوي اليا صكت عليه النبوحي


وعده لمن عوص النجايب تنصاه
ريف لهن لاجا الزمان اللحوحي


دب الدهر يضحك حجاجه لمن جاه
وقت المعاسر مارد مايزوحي


وباقي الرجال فحول نسوان ورعاه
ظباط مال وحافظين السروحي


وراع الردى ماحد الا مات ينعاه
لاصار محروم جبان شحوحي




ذعار بن مشاري بن ربيعان من شيوخ الروقه من عتيبه


.

🔖

‏﴿ فأووا إلى الكهف ينشر لكم ربكم
من رحمته ويهيئ لكم من أمركم مرفقا﴾

مدحهم بجزمهم القاطع
بأن الله سينشر لهم من رحمته
لم يكن وحي ولكنها الثقة ..

تقبل الله منآ ومنكم
صآلح الأعمال ،،
ورزقنا وإياكم الثقه به سبحانه

،،‏⚜

يا عذاب الحال حل به انحلال
كنها تلحى اللحم عنها السلال
انحنى حتى غدى مثل الخلال
حال عنه الحيل واصبح ناحلي
حل بالحال انحلال ٍ وانتحل
مثل عود ٍ يبس من طول المحل
عقب ما ماتت عروقه واضمحل
ذاوي ٍ بامحل محل ٍ ممحلي
طول صبري كل ليل وكل يوم
اتحرى للرسايل والعلوم
في ديار ٍ جوها حر وسموم
وعجها وغبارها ما ينجلي
شاب راسي من فراق الخل شاب
ما تهنا لا طعام ولا شراب
وان كتبت الخط ما جاني جواب
والخبر من صاحبي ما رد لي
طال يابن سويد صبري وانقضى
صابر ٍ كني على جمر الغضى
من هموم البال ضاق بي الفضا
مير ما يشكى على غير الولي
لابغيت اسج واسلى واستريح
فز قلبي ثم تذكرت المليح
صاحب قلبي على شانه جريح
مخطر اني من هواه استهبلي
من نديبي فوق مامون الحديد
سايقه مطنوخ والموتر جديد
يوصل المكتوب قدام البريد
حيث خطي جاهز مستعجلي
يا نديبي قم تجهز للمراح
فوق هاف ٍ لا عطا ا لارض البراح
قام يكفح مثل خفاق الجناح
لا نهض من راس رجم ٍ معتلي
هاف لوري فوق ماطوره صليب
منوة اللي عن هوى باله غريب
لا عطى الحزم الجلد يقنب قنيب
نوع ماطوره ثمان سرندلي
من ديار البعد يمشي في السحر
بالغلس قدام ينباج السفر
والضحى متعدي ٍ دولة قطر
داخل ٍ سلوى ورقمه يجهلي
لوحته مجهولة ٍ من غير زور
سقطوا رقمه بابوظبي المرور
حين سافر واسمحو له بالعبور
ضامنينه من جميع المشكلي
ضامنينه من جميع اي اعتراض
لين يدخل نجد واطراف الرياض
وامرهم نافذ ولا فيه انتقاض
ما عدا الجمرك لزوم ٍ يحصلي
ثم يسافر عقب تركيب النمر
مثل زاروق معا غبة بحر
يجعل الوادي على دربه ممر
ناصي ٍ تثليث والمخرج ملي
صار له يوم استوى الخط اهتواش
واعجب السواق بالسرعة وشاش
مانوى الوقفة يكون بحزم جاش
صامل ٍ في نيته ومصملي
ديرة فيها بني عمي ومن
لا طروا للقلب في الخوف ارجهن
درعي الضافي على طول الزمن
لا سقى الله موطن ٍ منهم خلي
المساردة الذي حرا بهم
في اللقا لازم لزوم يهابهم
ما تحديت الصعاب الا بهم
وفي حميا غيرهم لا شف لي
صيتهم فيما مضى بان وظهر
وانتشر بين القبائل واشتهر
ربعي اللي ما يهابون الخطر
يوم نيران الحرايب تشعلي
ربعي اللي للعدا سم ٍ ذحاح
فزعة المضيوم لا صاح الصياح
بالسيوف المرهفات وبالرماح
ضربهم مثل القضاء المنزلي
بالجهل يوم العصور الماضيات
والسهوم الواردة متخالفات
لاقبلوا فوق الخيول الصافنات
ارجفت سبع الاراضي تزلزلي
كم عقيد ٍ من جواده نزلوه
بالوطا جفه وراسه طيروه
مايعرف الخوف لكن ذللوه
ربعي اللي يلطمون العايلي
يشهد الله والخلايق شاهدين
ويشهد التاريخ من طول السنين
اعقل العقال واجهل جاهلين
ضد منهو ضدهم سيجهلي

الشاعر / حمد هادي المسردي

يالمور خذ نمرة الخامس من اليمنـا
تحـتـر تـبـرد تــرا الاخــلاق خربـانـه
و الله تـبـطــي وحــنــا ماتـفـاهـمـنـا
مــادام ميـقـوع مـــا عـقـبـت قلـبـانـه
ولا تشكي الظلم وحنا الوقت ظالمنا
دليـل ظلمـي تـراك تـشـوف برهـانـه
البارحـه مـع ثـلاث اوجــاب مانمـنـا
مكينـتـك تشتـغـل والعـيـن سـهـرانـه
ان ادبــرت شـدنـا يـرخـي محـازمـنـا
نــروي بـدلـوٍ يـضـيّـع مـــاه شـقـانـه
وان اقبلت خصمنا يقضي لوازمنـا
صداقـتـه تستـحـل بـيــوت عـدوانــه
عـــزالله انـــا مــــن الـدنـيــا تعـلـمـنـا
درسٍ صعيبٍ على التلميـذ نسيانـه
الله يجـيـب الصـديـق الـلـي يعلمـنـا
ابى انشده عن غريب وحال عربانه
لــولاه فــي بـيـت جـدانـه محطـمـنـا
ياوسـع صـدري عليـه اّبيـت جـدانـه
لــو قصـدنـا البـعـد مريـنـا وسلمـنـا
مـيـر الـبــلا شـوفــة الـديــان ديـانــه



الشاعر / عيد بن مربح الرشيدي

من روائع الشاعرالكبير/ ساير بن عجل الحربي

بغيت اعدل مايل الناس وازريت

بيت تناولة الكثير من الرواة وهناك من ينسبة الى عدد من الشعراء
والصحيح انة بيت من قصيدة للشاعر ساير بن عجل الحربي واليكم القصيدة
...........................................

ياسرور انا في عالي الرجم عديت..
وحاولت افكر وافتكر مثل غيري
ودعيت ناسن خالفوني وناديت..
واقفوا وانا في ماقفي مستخيري
بغيت اعدل مايل الناس وازريت..
وازريت اعدل مايلن في ضميري
ماجتني الدنيا على ما تمنيت..
يوم انقطع حبل الرجاء من عشيري
وايست من طرد المقفين واقفيت..
ونزلت ملواحي وبرقعت طيري
وليا وجب واجب على استعديت..
ماني مهين ولاذراعي قصيري


........................................
الشاعر
ساير بن راجح بن عجل الهويملي المزيني الحربي المتوفى سنة 1354هـ

أبيات لغة عربية فصحى