‏احدن ينام وشوق عينه تضمه
و أحدن ينام و باب سجنه يواسيه
وأحدن طوال الليل خله يلمه
وأحدن طوال الليل همه لعب فيه


⁧ محمد ابن فطيس ⁩

‏•
‏
‏عندك عتب ؟ كلّم رفيقك و قله
‏لا تقعـد تخطط ، و تكتب قصايد
‏
‏ترى القصيد اللي مهو في محله
‏مثـل الردي ما ينفعك بـ الشدايد
‏
‏عطاالله فرحان
‏،

براد شاهي وصوت الدان
فالخبت من دون مستوره
معها سحابة مطر هتان
سبحان من جمّل الصوره

الرد..

براد شاهي وسط عسفان
والارض بالحيل ممطورة
صوت الرعد فالسماء دندان
تحيي سنا،القلب وشعورة

الرد من الخيف
في روض أخضر والسدر ريان
وثعول فالخيف مزهوره
كبشن معلق والدﻻل أوزان
وبراد ياتيك في دوره

الرد من غران
دله وفنجال وسط غران
في خيمة العز مشهوره
ريح المطر مع غصن البان
نــفـل وريحـان مــــنـثوره

رد الحمراء
أبعث سلامي مع الأوزان
من وسط الوادي وقصورة
وأناظر الورد وأقول سبحان
مين زين الحمراء في الصورة

رد مكه النواريه
من وسط مكه ازف الحان..
وقلوبنا حيل مسروره..
يازين شاهي مع الدخان..
والا مع شوي شابوره..

رد الحسينيه..
ياحليل جوك معاه ربان
طايح على جبال مشهوره..
يالحسينيه فجمالك شان
أسنين فالزين مذكوره..

رد من نجد

من نجد أجاريكم القيفان..
و بالخير بنيان معمورة ..
كشتات بالبر لها شفقان..
والستر ضافي ومستورة ..

رد من بيشة

من بيشة اهدي سلام الوان
بين النخل وريحة جذوره
حين السما ترمي الهتان
والتيس محطوط فـ قدوره

رد من رابغ

الجو في رابغ يجيب الحان
بعد ازهرة فاحت اعطوره
مع شبت النار والصيوان
حتى القمر زان في حضوره

رد من مغينيه
مغينيه فاضت بها غدران
تمايا والشرى ممطوره
بجبالها ترتع الغزلان
واخبارها بالصحف منشوره
رد من الدوح وادي فاطمة

في الدوح بارق ورعد وألحان
سبحان ربي جمل الصوره
حدري وخبيتي ورقص بالزان
وأجمل ليالي الشعر وبحوره

(عيسى) يقول الحرب للمال نفاد ...
انشد مسوي السيف هو ليش حانيه
لا صار مانرويه من دم الاضـــــــداد ...
ودوه يم ( العرفجيه ) ترويــــــــــــــــــــه


عبدالله الرشيد

ابن فطيس


،
إضحك وفـلّ حجاجـك اشفيـك محـزون
.........دنـيـاك ماتـسـوى وخـذهــا نصـيـحـه..

مــادام مـالـك مـيـت ولا انــت مـديــون
.........ارم الهـمـوم وخــل نـفـسـك مـريـحـه..

لـو كانـوا اصحابـك يضـاهـون ملـيـون
.........نــق الكـفـو منـهـم وخــل السطيـحـه..

ولا تشتـكـي للـنـاس لوكـنـت مطـعـون
.........(والـذم مـن بـعـض الخـلايـق مديـحـه)..

ولا تنـحـنـي للهم وتـعـيــش مـغـبــون
.........تـرا المريـح اهـل العقـول الصحيـحـه..

لاصرت صآدق قالـوا النـاس مجنـون
.........مايـمـدحـون الا الـنـفـوس القـبـيـحـه..


وخلـك صـمـود بـوجـه الايــام و موزون
.........ومـــا حـــرم الله إثـــم لا تستـبـيـحـه..

والكـبـر لــو بــه فـايـده فــاد فـرعــون
.........ومــن ذاع ســرّه بـشّـره بالفضـيـحـه..

والله لــو يعـطـون لـــك مـــال قـــارون
.........ماشـفـت نفـسـك بالغـنـى مستريـحـه..

انفـض همـوم القلـب وابليـس ملـعـون
.........وان ضاق صدرك ارض ربي فسيحه

( لافي الصيده الحلفي المطيري) لافي رجل شاعر وكبير بالسن وذات يوم أراد أن يتقدم إلى أحد الأسر القريبه منه طالباً منهم يد ابنتهم (مي) على سنه الله ورسوله وبعد ذلك طلب منه والد البنت أن يتريث فتره من الزمن كي يشاور ابنته ولكن المفاجئه عندما أخبره الوالد بأن ابنته رفضته لثلاثة أمور فقال لافي ماهي؟ فقال الأب تقول البنت (إنك شايب وإنك أسمر وان اسمك قديم) عندها هاضت قريحة الشاعر بهذه القصيده:



صحيح انا شايب بعد واسمر شوي
*والحظ ( هافٍ هاف ) يذهب وياتي


واسمي من الأسماء القديمات يا ميّ*
اكيد مـا يعجـب كثيـر البناتـي


حظي كذا لا هو بطيب ولا سـي*
مثل ما قالوا (ما دعت لي حماتي)


والشايب الله يرحمه ما ترك شـي*
الا عشر معـزا وسبـع إلقحاتـي


يا بنت راسي ما عرف بارد الفي*
ما بين شمس وحمس هاذي حياتي


ايام اسايرهـا رغـم فعلهـا فـي*
وايـام اجابههـا بذاتـي لـذاتـي


اصبر لجمرة ذيك كله لأجـل ذي*
خوفٍ من التقصير فـي واجباتـي


عندك خبر .حبل الرشا ياسم الطي*
وحتى الهوى نحّت جبال السراتـي


قال المثل ما فيه شيءٍ بـلا شـي*
والمغفـرة مشروطـةٍ بالصلاتـي


الهون ذل وزي ما هـو لنـا زي*
عن كل هون اختار رقعة عباتـي


حلفت أنا لأعزّ راسي وانـا حـي*
ما دام راسـي يـرْوح الذارياتـي


وقصيرتي لو هي مثل شمعة الضي*
تحرم عليه مثـل حرمـة خواتـي


وإن كان ودك تعرفين اكثر شـوي*
هذي صّور وجهي وهذي صفاتـي


وان شفتها ياقلب عيت بعـد عـي*
المسكنه ما هي سمه مـن سماتـي


اصبر لو إن الكي ما يبري الكـي*
ورزقي على اللي كون الكائناتـي


اختار حرف الألف والسين والجي*
وغيري كثير اللي يسوي سواتـي


قدامنا راحت على ابوك يا عـدي*
بغداد والبصـره وشـط الفراتـي .

يقال أن شاعراً سودانياً ﻓﻘﺪ ﻋﻘﻠﻪ ﻓﻲ آﺧﺮ ﺃﻳﺎمه ﻭﺩﺧﻞ ﻣﺴﺘﺸفى ﺍﻟﻤﺠﺎﻧﻴﻦ ، ﻭﺃﺭﺍﺩ ﺃﻫﻠﻪ ﺃﻥ ﻳﻌﺎﻟﺠﻮﻩ ﺑﺎﻟﺨﺎﺭﺝ ..

ﻭﻓﻲ ﺍﻟﻤﻄﺎﺭ ﺭﺃى اﻣﺮأﺓ ﺟﻤﻴﻠﺔ برفقة زوجها ؛ ﻓﺄﻃﺎﻝ ﺍﻟﻨﻈﺮ ﺇﻟﻴﻬﺎ والزوج يحاول أن ﻳﻤﻨﻌﻪ ﻓﺄﻧﺸﺪ ﻳﻘﻮﻝ :

أعَلى ﺍﻟﺠﻤﺎﻝ ﺗﻐﺎﺭُ ﻣِﻨّﺎ
ﻣﺎﺫﺍ ﻋﻠﻴﻨﺎ ﺇﺫْ ﻧﻈﺮﻧﺎ
ﻫﻲَ ﻧﻈﺮﺓٌ ﺗُﻨﺴِﻲ ﺍﻟﻮَﻗﺎﺭَ
ﻭﺗُﺴﻌِﺪ ﺍﻟﺮّﻭﺡَ ﺍﻟﻤُﻌنَّى
ﺩﻧﻴﺎﻱ ﺃﻧتِ ﻭﻓﺮﺣﺘﻲ
ﻭﻣُنَى ﺍﻟﻔﺆﺍﺩِ ﺇﺫﺍ ﺗَﻤنَّى
ﺃﻧتِ ﺍﻟﺴﻤﺎﺀُ ﺑَﺪَﺕ ﻟﻨﺎ
ﻭاﺳﺘﻌﺼﻤﺖ ﺑﺎﻟﺒُﻌﺪِ ﻋنَّا


وعندما سمعها اﻷديب/ عباس محمود العقاد رحمه الله ﺳﺄﻝ ﻋﻦ قائلها فقالوا له : إنه الشاعر السوداني ( ﺇﺩﺭﻳﺲ ﺟﻤَّﺎﻉ ) وهو الآن ﻓﻲ ﻣﺴﺘﺸفى ﺍﻟﻤﺠﺎﻧﻴﻦ ..
قاﻝ : ﻫذا ﻣﻜﺎﻧﻪ ، ﻷﻥ ﻫﺬﺍ الكلام ﻻ يستطيعه ذوو الفكر ... !!

ﻭﻋﻨﺪﻣﺎ ﺫﻫﺒﻮﺍ بإدريس جمّاع ﺇلى ﻟﻨﺪﻥ ﻟﻠﻌﻼﺝ أُﻋﺠﺐ ﺑﻌﻴﻮﻥ ﻣﻤﺮﺿﺘﻪ ﻭ ﺃﻃﺎﻝ ﺍﻟﻨﻈﺮ ﻓﻲ ﻋﻴﻨﻴﻬﺎ ، ﻓﺄﺧﺒﺮﺕ ﻣﺪﻳﺮ المستشفى ﺑﺬﻟﻚ ﻓﺄﻣﺮﻫﺎ ﺃﻥ ﺗﻠﺒﺲ ﻧﻈﺎﺭﺓ ﺳﻮﺩﺍﺀ ﻓﻔﻌﻠﺖ ، ﻭ ﻋﻨﺪﻣﺎ ﺟﺎﺀﺗﻪ ﻧﻈﺮ ﺇﻟﻴﻬﺎ ﺟﻤﺎَّﻉ ﻭ ﺃﻧﺸﺪ :

وﺍﻟﺴﻴﻒ ﻓﻲ الغمدِ ﻻ ﺗُﺨشَى مضاربُه
ﻭﺳﻴﻒُ ﻋﻴﻨﻴﻚِ ﻓﻲ ﺍﻟﺤﺎﻟﻴﻦ ﺑﺘّﺎﺭُ

ﻭﻋﻨﺪﻣﺎ ﺗـُﺮﺟﻢ البيت ﻟلمممرضة ﺑﻜﺖ ..
ﻭﺻُﻨﻒ ﻫﺬﺍ ﺍﻟﺒﻴﺖ ﺃﺑﻠﻎ ﺑﻴﺖ ﺷﻌﺮ ﻓﻲ ﺍﻟﻐﺰﻝ ﻓﻲ ﺍﻟﻌﺼﺮ ﺍﻟﺤﺪﻳﺚ !!

وهذا الشاعر إدريس جمَّاع هو صاحب الأبيات الشهيرة التي يقول فيها :

إن حظي كدٓقيقٍ فوقٓ شوكٍ نثروه
ثم قالوا لِحُفاةٍ يومَ ريحٍ اجمعوه
عَظِم الأمرُ عليهم ثم قالوا اتركوه
أن من أشقاهُ ربي كيف أنتم تُسعدوه


لطائف من الأدب العربي

قصيدة تستحق القراءه حتى البيت الاخير كل بيت حكمه

شاعر من العيار الثقيل
وعزالله انه شاعر
اسمعوا القصيد اللي عليه الكلام
من الروائع النادره
كل بيت حكمه لوحده



معوّض خير ياحيٍ تهقوى في الزمـان ومـال
سنينك لو رقيـت بعدلهـا يطرحـك مايلهـا

تعلّم وإعرف إن الدرب قدامك سهـل وجبـال
جبـال تطولهـا وجبـال بعيونـك تخايلـهـا

ومعوّض خير ياحيٍ وردت الماء بدون حبـال
يطول بك الوقوف وشربة المـاء ماتحصّلهـا

وقوفك عند راس البير مايسقيك لـو فنجـال
ولاينفعك شوف الجمـه اللـي منـت طايلهـا

ومعوّض خير ياحيٍ خدعك من الرجال أشكـال
تشوف أشكالها وتحطها أرفـع مـن منازلهـا

تعلّم من زمانك لاتصير مـن أجهـل الجهـال
ترى في كل يـوم تجيـك عبـره لاتجاهلهـا

إذا ربي وهب لك عقل تلقى في الرجال رجـال
تعرف اللـي يطلّـع قيمتـك واللـي ينزلهـا

ترى من بعض مايندي الجبين ويحرج الرجال
لياسـاق الميانـه فـي نفـوسٍ ماتقبّلـهـا

ومهما شفت في صاحبك من نخوه وطيبة فال
ترى بعض السجايـا كثـرة الإلحـاح يقتلهـا

معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا

ولاتبدي بجاهـك فـي مقـامٍ مايسـر الحـال
ولاتشفـع لنـاسٍ ماتنومـسـك بفعايلـهـا

لياجاتك تعذّرهـا مـدام العـذر لـه مدخـال
ووقت الجد قول الهـا الصحيـح ولاتجاملهـا

وخذ منـي نصيحـه لاتصـدق كـل ماينقـال
يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة الأفعـال
يجمّـل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـال
ولاكان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا

تجنّب مجلسه لاتجلس إلا مع كريـم خصـال
تحمّـل ميلتـه وإن ميلـت ميلتـك ينقلها

ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال
ورزقـك عنـد ربٍ كاتـب اللقمـه وكافلهـا

وبنتك لاتزوجها الردي لوهـو كثيـر المـال
تربيهـا علـى الطـالات وتشـوّه سلايلهـا

وكم من لاش يرمي خيبة إبنه فوق راس الخال
لوإن الخال من روس الرجال ومـن دلايلهـا

ليامنك عرفـت تميّـز الطيّـب مـن البطـال
وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال
وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال
ليامن ضاعت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال
يقدّم لـك خلاصـة هجـرةٍ جـرّب هوايلهـا

‏كامل وصوف الزين محلا دلاله…
‏دجران جيله شاب راسي برجواه
‏يامن يريف الروح شوقي خياله…
‏يامن مطيف بالبها للمها شاه

‏⁧ محمد القاضي

فهد بورسلي

حل الفـراق وخافـي السـد باحـي = حاولت أصبر والصبر عـذّب الـروح
حالـي تـردى ومتكسـر جنـاحـي = حزين من كثـر الهواجيـس والنـوح