من ضمن الاسباب الجميلة اللي قرأتها ليه الفرج بيجي بعد ما خلاص هنقرب نيأس ؟

علشان يتفضح قدامك الاسباب !

من أول عقلك اللي مهما كان مميز، بيجي عند نقطة معينة معتش عارف يفكر تتحل منين دي ؟

للعلاقات ، اللي مبتعرفش تحرك لك ساكن مع انها علاقات باين عليها تقدر ، بس الحقيقة طلعت غير كده !

للاسباب اللي كنت متخيلها من فلوس ؟ أو يمكن طريق معين امشي فيه انا واثق انه هيحل الموضوع تلاقيه بيتعقد اكتر !

يمكن الدكتور الفلاني اللي الدنيا كله بتتكلم عنه يكون في ايده الشفا ؟ تلاقيه عكس كده

تلاقي نفسك واقف خلاص ، اليأس بيدق بابك، بعد ما اتفضحت قدامك كل الاسباب و قدرتها ، علشان تثق في حاجة واحدة ؛

إن الفرج بيجي من عنده وحده فعلًا ، و إن الأسباب اللي بنعملها لإن ( لاااازم نعملها احنا مأمورين بده ) ما هي إلا أسباب ميتة ! و ربك اللي بيحعل فيها حياة ..

فلو في مرة الاسباب نفعتك فـ ده لإن هو اللي جعل فيها الانتفاع، غير كده ! هي ميتة،

كلها امتحانات علشان تطلع منها ( واحد لواحد ).

فلمّا تشوف الدنيا على حقيقتها في المواقف الصعبة دي، نفسك تسكُن و تطمئن إن لن يكون في ملك الله إلا ما أراد.

#منقول

‏ستكون يوماً ما تريد .. المهم أنك تسير في الطريق وأن تعلم أن الحُلم لم يبدأ وأن الطريق لم ينتهي ..
فأبدأ 🤍

و كل ما تجاربك في حياتك هتزيد هتتأكد و تتيقن و تثق إن :
مفيش ضمان إن ( لمّا يحصل كذا ) هرتاح !
مفيش أي ضمان إن في حاجة معينة لمّا تحصل هرتاح،
مفيش حاجة تضمن لك إن الراحة مرتبطة بأي حاجة
لإن ببساطة ، ممكن في بعض الأحوال توصل ، و مترتاحش ؟
او متوصلش ، و سبحان الله تكون مرتاح !
او توصل ، و ترتاح برضه ..
و ساعتها هتثق إن الراحة موجود فقط عند ( مالكها) و هو رب العالمين ، متثقش في اختيار عقلك لطريق الراحة منين ، اسعى ، ابذل ، خطط ، لكن جواك يقين إن أي شعور راحة أو سكينة في الدنيا عند رب العالمين ملوش علاقه وصلت ولا لأ.
الحزن لا يمحوه إلا الله..
مهما أخذت بأسباب البهجة لن يسكن قلبك إلا بإذن خالقه

ــــــــــــــ
بنفكركم بالدعاء لأهلنا في غزة ولكل المستضعفين في كل بلاد العالم 🍃