مينفعش وانت بتصلى!!

1-مينفعش تبقى بتصلى ومش عارف ان الفاتحه بيتقرء سوره جمبها ف اول ركعتين بس وباقى الركعات الفاتحه بس

2-مينفعش تبقى بتصلى ومش عارف انك بتبص ف موضع السجود وانت واقف وف مستوى نظرك وانت راكع وع صوبع التشهد وانت بتقول التحيات مش بنبص ف اى حته

3-مينفعش تبقى بتصلى ومش عارف ان فيه جلسه اسمها التورك فى تشهد النص يعنى رجلك اليمين مصبوبه ورجلك الشمال مايله تحتها وجلسه الافتراش بتقعد على مؤخرتك ورجلك الشمال تحت اليمين ف التشهد الاخير

4-مينفعش تبقى بتصلى ومش عارف ان ايدك بتتحط على ركبتك وانت راكع مش فوق او تحت وبتملك الركعبه كلها وصوبعك مفتوحه مش مقفوله

5-مينفعش تبقى بتصلى وانتى مش عارفه ان امام البنت ف النص مش زى الرجاله على الشمال او الامام

6-مينفعش تبقى بتصلى ومش عارفه ان ايدك مبتترفعش بالدعاء فى سمع الله ولكن بتتحط اعلى صدرك او اسفله او ع صدرك زى اول وضع بتعمله بعد تكبيره الاحرام

7-الدعاء ف سمع الله لمن حمده مش ربنا ولك الحمد والشكر خالص دى بدعهmade in egypt ولكن ربنا ولك الحمد حمدا طيبا كثيرا مباركا فيه

8-مفيش حرما وجمعا وتقبل الله بعد الصلاه بس اللى يمدلك ايده سلم واضحك عشان متكسفهوش

9-مينفعش تبقى بتصلى ومش عارف ان فيه سجده شكر بتسجدها لما تحصلك حاجه حلوه
وسجده تلاوه بتسجدها لما تسمع او تقرء ايات معينه فى القرآن زى واسجد واقترب يعنى انتوا المفروض دلوقتى تسجدوا سجده تلاوه طيب بتتسجد ازاى قوم واسجد و اذكر ربنا ف السجود زى سبحان من سجد له وجهى اوسبحان ربى الاعلى

10-مينفعش كبنت تصلى ببنطلون او حاجه ضيقه او صوابع رجلك تكون باينه او القوصه تكون باينه او بميكب حطاه بغرض الزينه

11 -بعد الصلاه الملائکه بتدعيلك فمتستعجليش وتقومى وقولى ايه الكرسى ودعاء ربى اعنى على ذكرك وشكرك وحسن عبادتك او اللهم انت السلام ومنك السلام تباركت يا ذا الجلال والاكرام واذكرى الباقيات الصالحات33مره

12-بين السجدتين الناس بيقولوا حاجه كده هى ربى اغفر لى 3مرات او ربى اغفر لى وارحمنى وارزقنى واهدنى

13-ف سجدتين سهو لو نسيتى حاجه ف الصلاه لو شاكه بالنقص والشك قبل السلام بعد التحيات لو شاكه انك زودتى ركعات بتسلمى وتسجديهم وترجعى تسلمى تانى

14-السنن مش حاجه ملهاش لازمه او حاجه اضافيه انتى هتحتاجيهم جدا يوم القيامه لما يعوضوا نقص الفرض ونقص الصلاوات التى انت مش فاكره صلتيها ولا لا

15-واحنا بنتوضىء البوق والمناخير بيتغسلوا بغرفه واحده باليمين وتنثريهم بالشمال مش بنفس الايد والوش من منبت الشعر لحد الدقن مش الحته اللى بره الطرحه
ووضوء الكوع من الايد لحد الكوع مش من المعصم لحد الكوع والاذن مره واحده مع الشعر مش 3

استني بس رايح فين
ممكن تصلي معايا عالحبيب المصطفي صل الله عليه وسلم

"أعلمُ أنك لن تتركني وأنني في عنايتكَ وأنك ستدلني كلما تهتُ وستعيدني إليك كلما ابتعدتُ
‏وأعلمُ أنك تسامحني أكثر مما أستغفر , ‏وتحرسني أكثر مما ألجأ ,
وتحميني أكثر مما أحذرُ , وتُحبني أكثر مما أطيعُ
وأعلمُ أنني بئس العبدُ , وأنكَ نِعم الرّب
‏أستغفرك وأتوب إليك يا عظيم ولا حول ولا قوة إلا بكَ" 🤍

"أعلمُ أنك لن تتركني وأنني في عنايتكَ وأنك ستدلني كلما تهتُ وستعيدني إليك كلما ابتعدتُ، ‏وأعلمُ أنك تسامحني أكثر مما أستغفر، وتحرسني أكثر مما ألجأ، وتحميني أكثر مما أحذرُ، وتُحبني أكثر مما أطيعُ، وأعلمُ أنني بئس العبدُ، وأنكَ نِعم الرّب، ‏أستغفرك وأتوب إليك يا عظيم ولا حول ولا قوة إلا بكَ" 🤍