Sentyabr ayından etibarən kağız jurnalların istifadəsi dayandırılacaq.

Bunu MÜTDA-nın Keyfiyyətə nəzarət və monitorinq sektorunun müdiri Fidan Nəcəfova deyib. O qeyd edib ki, hazırda 426 məktəb elektron jurnaldan istifadəyə keçib.

⚡️🗣️ Tramp bu dəfə Putinə qəzəblənib:

“Mən Rusiyanın Kiyevə zərbəsindən məmnun deyiləm. Bu lazımsızdır və doğru zamanda edilməyib. Vladimir, dayan! Hər həftə 5000 əsgər ölür. Gəl artıq sülh məsələsini həll edək”.

🇮🇳 ⚡🇵🇰 Hindistan Kəşmirdəki terror hücumundan sonra təhlükəsizlik kabinetinin iclasından sonra fövqəladə tədbirlər elan edib:

▪️Hindistan Pakistanla Hind çayı müqaviləsini dayandırdı

▪️ Pakistan vətəndaşlarının bütün vizaları ləğv edilib və onlar 48 saat ərzində Hindistanı tərk etməlidirlər.

▪️Hindistandakı Pakistan hərbi rəsmiləri mayın 1-dək ölkəni tərk etməlidir

▪️Hindistan bütün diplomatik heyətini İslamabaddakı Ali Komissiya ofisindən geri çağırır

▪️Attari quru sərhəd keçid məntəqəsi növbəti xəbərdarlığa qədər bağlıdır

▪️Hindistanın müdafiə naziri sabah ümumi iclas keçirəcək

Hindistan tərəfi iddia edir ki, terrorçuların Pakistan höküməti tərəfindən dəstəkləndiyinə dair sübutları var.

Baş nazir Modi bildirib ki, terrorçular və onların himayədarları "təsəvvür belə etmədikləri" zərbəni alacaqlar.

🇵🇰 Pakistan isə Hindistan ilə bütün ikitərəfli sazişləri, o cümlədən üçüncü Hind-Pakistan müharibəsindən sonrakı müqaviləni dayandırır. Pakistan bildirib ki, onlarda olan kəşfiyyat məlumatlarına görə Hindistan Pakistanın iri şəhərlərində terror aksiyaları planlaşdırır.

Həmçinin Pakistan bildirib ki, Hindistanın Hind çayı üzrə müqaviləni dayandırması müharibə üçün əsas deməkdir.

1960-cı ildə Hindistan və Pakistan arasında imzalanan Hind Suları Müqaviləsinə əsasən, Hindistan Hind çayı sistemindən suyun 20%-ni istifadə edə bilər, qalan 80%-i isə Pakistanda qalır.

Pakistana verilən suyun miqdarının azalması kənd təsərrüfatı böhranına və kütləvi aclığa səbəb ola bilər.

Qeyd edək ki, AK-47 avtomat silahlar və qumbaraatanlarla silahlanmış, Müqavimət Cəbhəsi (TRF) adlanan təşkilatdan olduğu güman edilən terrorçular at sürmə turnirində turistlərə hücum ediblər. Ən azı 27 nəfər həlak olub.

t.me/isayevios

⏳ Bu gün nələr gözlənilir:

▪️ Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas Azərbaycana gələcək.

▪️ ATƏT-in baş katibi Feridun Sinirlioğlu Azərbaycana səfər edəcək.

▪️ ABŞ prezidentinin xüsusi nümayəndəsi Stiven Uitkoffun Vladimir Putinlə görüşü gözlənilir.

▪️ Milli Məclisin sədri Sahibə Qafarovanın başçılıq etdiyi nümayəndə heyəti Papa Fransiskin dəfn mərasimində iştirak etmək üçün bu gün Romaya səfər edəcək.

▪️ Bu gün təmir işləri ilə əlaqədar Bakının Nərimanov və Sabunçu rayonlarının bəzi küçələrində qaz olmayacaq.

📍 Nərimanov rayonu üzrə: Xətai prospekti, Ə.Dəmirçizadə və Ə.Əlizadə küçələri

📍 Sabunçu rayonu üzrə isə H.Cavid, N.Axundzadə, Y.Əliyev, eləcə də M.Hacinski küçələri qazsız qalacaq.

▪️ Bu gün Bakı, Abşeron və rayonlarda 21-27 dərəcə isti gözlənilir.

🗣️ Trampın dünən dedikləri:

▪️ Düşünürəm ki, Krımı qaytarmaq çox çətin olacaq. Krım Obamanın dövründə Rusiyaya təhvil verilib.

▪️ Rusiya nədə güzəşt edir? Müharibəni bitirməsi və Ukraynanın bütün ərazilərini ələ keçirməkdən imtina etməsi ən böyük güzəştdir. Yəni Rusiya əgər bütün Ukraynanı ələ keçirmirsə bu özü böyük güzəşt sayılmalıdır.

🎙️ Jurnalist: Niyə Rusiyaya daha çox təzyiq göstərmirsiniz?

▪️ Tramp: Siz mənim göstərdiyim təzyiqi bilmirsiniz. Mənim Rusiyaya nə qədər təzyiq etdiyimi bilmirsiniz. Biz Rusiyaya böyük təzyiq göstəririk. Mən bir həftə ərzində Rusiyaya qarşı sanksiyalarla bağlı suallara yekun cavab verəcəyəm.

⚡️🇮🇳 Yayılan məlumatlara görə, Hindistanla Pakistan arasında bu gecə qısamüddətli silahlı qarşıdurma yaşanıb.

Digər xəbərə görə Hindistan kəşfiyyat və xəbərdarlıq məqsədi ilə qırıcılarını havaya qaldırıb.

⚡ Xalq artisti Ağadadaş Ağayevin balta atdığı xəstəxana mühafizəçisi Nurəddin Cəlilov həbs edilib.

Onun barəsində 15 sutka inzibati qaydada həbs qərarı çıxarılıb.

Təfərrüat məlum deyil.

🎙️🗣️ 9 gündür itkin düşən qızlardan Reyhanın anası Gülsevər Hüseynova:

- Qızlarda tutduğunuz telefonlar indi kimdədir?
- Polisdə.

- Telefona baxanda kimlərləsə diqqət çəkən yazışmasını gördünüzmü?
- Yazışdığı adamlar var idi. Bir nəfərə yazmışdı ki, həyatımdan bezmişəm...

- Danışdınız bu barədə?
- Hə, dedim ki, nə olub? Onun üçün hər şərati qurduğumuzu, kasıbçılıq çəkmədiyimizi, ehtiyac içində olmadığımızı dedim. Dedim nəyin çatmır?

- Cavabı nə oldu?
- Dedi ki, sən məni çox sıxırsan. Başqa analar kimi icazə vermirsən. Dedi ki, dayım da Aygünü çox sıxır.

- “Sıxırsınız” deyəndə nəyi nəzərdə tuturdular? Nə istəyirdirlər?
- Azadlıq istəyirdilər. Onları boş buraxmağımızı istəyirdilər. Amma mən buna imkan verməmişəm. Mağazaya gedəndə də özümlə aparmışam.

- Telefonda danışdığı kim idi? Həmin nömrə ilə əlaqə saxladınız?
- Nömrə deyildi. İnstagram səhifəsi açıb oradan danışıb. Yazışdığı 16 yaşlı oğlan olub. Polis onu tapıb soruşmuşdu. Deyib ki, qızla 3-4 gün əvvəl instagramda tanş olub, yazışıblar.

- İnstagramda hansı adla qeydiyyatdan keçmişdilər?
- Biri “Aylin”, digəri də “Taxta biti” adı ilə açmışdı.

- Əvvəl qızların evdən xəbərsiz getməsi olmuşdu?
- Bir dəfə ikisi bir yerdə parka getmişdilər. Bir saat sonra gedib gətirdik.

- Yoldaşınızla ayrı yaşarısınız?
- Bəli.

- Qızınız atası ilə görüşürdü?
- Xeyr.

- Qızınız 3-4 gün tanıdığı adama həyatdan bezdiyini deyib. Nə kimi sıxıntıları, problemləri olub?
- Mən başa düşdüyüm budur ki, uşaqların qayğıya ehtiyacı olub. Yazışmasında belə bir cümlə var idi ki, ona “qızım” deyilməsini istəyirdi.

- Qızınızın qayğıya ehtiyacı olduğunu siz hiss etmirdiniz?
- Hadisədən 3-4 gün əvvəl restorana getmişdik. Orda mahnı çalınanda qızım ağladı.

- Niyə?
- Ata mahnısı çalındığı üçün kövrəlib ağladı.

- Gedəndə ciblərində pul olub?
- Xeyr. Həmin gün 130 manat vermişdim. 95 manat kredit ödəmişdi. 30 manat da dayısına vermişdi. Qalan 5 manatı da evə qoymuşdu.

- Üzərlərində dəyərli nə olub?
- İkisində də qızıl sırğa olub.

- Sənədlərini götürüblər?
- Xeyr, heç nə götürməyiblər. Hazırlıqla çıxmayıblar. Evdən qorxduqları üçün qaçıblar. Mən belə düşünürəm.

- İtkin düşdükləri gün telefonun tapıldığı gündür?
- Bəli. Telefon tapılandan bir neçə saat sonra.

- Son olaraq istərdim ki, özünüz qızınıza müraciət edəsiniz. Bəlkə bu müsahibənizi oxuyacaq. Ona nə demək istərdiniz?
- Mən hər ikisinin arxasındayam. Onlar üçün canımdan keçərəm. İkisindən də xahiş edirəm ki, evə qayıtsınlar. Nə olur-olsun onlar mənim qızımdır. Uşaqdılar, səhv edə bilərlər. Biz də səhv etmişik.

(c) İlkin Muradov (Musavat.com)

📍 Sabahın havası

☀️ Bakıda və Abşeron yarımadasında gecə 13-17° isti, gündüz 22-27° isti olacaq.

☀️ Rayonlarda gecə 13-18° isti, gündüz 27-32° isti olacaq.

⚡ Bakının mərkəzində qeyri-ənənəvi dini təriqəti təbliğ edən 2 nəfər həbs edilib.

Teymur Əliyev (1987) və Həsən Cavadov (2001) 2 metr enində plakat açıb.

Plakatın üzərində Əhmədi Sülh və Nur dinini (AROPL) təbliğ edən şüarlar, eləcə də “Abdullah Haşim zühur edib” kimi ifadələr yer alıb.

Nəsimi Rayon Məhkəməsinin qərarı ilə hər iki şəxs 10 sutkalıq həbs edilib.

(c) t.me/isayevios

⚡ Yaşanan gərginlik fonunda Pakistan hərbi kolonları Kəşmirə doğru irəliləyir.

🗣️ Bu arada Pakistanın Müdafiə naziri nüvə müharibəsi təhlükəsi barədə xəbərdarlıq edib:

"Dünya ictimaiyyəti nüvə qarşıdurmasına çevrilə biləcək bu təhlükəli gərginliyə diqqət yetirməlidir.

🗣️ Hindistanın Daxili işlər naziri bütün Pakistan vətəndaşlarını vətənlərinə deportasiya etməyə çağırıb.

🗣️ Pakistanın xarici işlər naziri İshaq Dar isə bildirib ki, "ölkə ordusu Hindistandan mümkün təcavüzü dəf etməyə tam hazırdır. Çünki Yeni Dehlinin suyu kəsmək cəhdləri 240 milyon pakistanlının sağ qalması məsələsidir".

⚡ Moskvada yaşayış binasının qarşısında avtomobil partlayıb, ardınca yanıb.

İlkin məlumata görə, bu sui-qəsd hadisəsidir.

Hadisə nəticəsində Rusiya Silahlı Qüvvələri Baş Qərargahının Baş Əməliyyat İdarəsinin rəis müavini Yaroslav Moskalik ölüb.

💣 Partlayış anı

⚡‼️ Bundan sonra KT və MRT tam pulsuz olmayacaq.

“İcbari tibbi sığorta üzrə Xidmətlər Zərfi”nə dəyişiklik edilib. Bundan sonra icbari sığorta hesabına pulsuz istifadə etdiyimiz MRT və KT üçün 20% pul ödəməli olacağıq.

Daha ətraflı buradan tanış ola bilərsiniz.

⚡ "Xural” internet telekanalının 9 il azadlıqdan məhrum edilən rəhbəri Əvəz Zeynallı xəstəliyi səbəbindən cəzadan azad edilib.

Nizami Rayon Məhkəməsi bu dəqiqələrdə bu qərarı çıxarıb.

Hakim Nigar Qədirli xərçəng xəstəliyindən əziyyət çəkən məhkumun həbsdə qalmasını hüquqi baxımdan düzgün hesab etməyib.

🇺🇸❗️ABŞ-ın təklif etdiyi sülh sazişinin tam mətni — Reuters

Ərazilər:
▪️ABŞ de-yure Krımı Rusiya ərazisi kimi tanıyır.
▪️ABŞ de-fakto Rusiyanın Luqansk bölgəsinə nəzarətini tanıyır;
▪️ABŞ de-fakto Rusiyanın Zaporojya, Donetsk və Xerson vilayətlərinin bəzi hissələrinə nəzarətini tanıyır;
▪️Ukrayna Xarkov vilayətinin işğal olunmuş ərazilərini geri alır;
▪️Ukrayna Zaporojya AES-i qaytarır, ona nəzarəti ABŞ-a verir və elektrik enerjisi hər iki tərəfə paylanacaq;
▪️Ukrayna Kaxovka Su Elektrik Stansiyasına nəzarəti bərpa edir;
▪️Ukrayna Kinburn yarımadası üzərində nəzarəti bərpa edir.

Dərhal atəşkəs:
▪️Ukrayna Avropadan təhlükəsizlik zəmanəti alır;
▪️Ukrayna NATO-ya daxil olmağa cəhd etməyəcək;
▪️Ukrayna Aİ-yə üzv ola bilər.

İqtisadiyyat:
▪️Ukrayna tamamilə yenidən qurulacaq və tam maliyyə kompensasiyası alacaq;
▪️ABŞ və Ukrayna resurs sazişində nəzərdə tutulan iqtisadi əməkdaşlığı həyata keçirir;
▪️2014-cü ildə Rusiya Federasiyasına qarşı tətbiq edilən sanksiyalar tamamilə ləğv ediləcək;
▪️ABŞ və Rusiya enerji sektorunda əməkdaşlıq edəcək.