.
يوم الي رحت مني انخطف لوني
طلع دخان من گلبي وعمى عيوني
.
.
.
.
#شعراء_وذاوقين_الشعر_الشعبي
#طالب_السوداني
#ابو_تراب

.
ادور وجهي بعيون السألني
ويضل يأكل بوجهي الضال مني
صالحته ؟ اجاك ؟ شلونك ويا؟
مو فركاك ذني اليوجعني
بس ما الك ذنب جنت انا ابو الصوج
انا الطيحتهن طيحني
غشيم وجنت ازعل روحي وارضيك
اثاري ارخص جنت كلما اغليك
ما فكرت نيتك تستغلني
واثاري من اشتكيلك جنت اسليك
واسولف موتي گبال الكتلني
تعال ادنه يمي وخل اراويك
هواي جروح الك مو بس هذني
عليمن على عيونك مستعز بيك ؟
الرخصن للغريب ورخصني
.
.
.
.
#شعراء_وذاوقين_الشعر_الشعبي
#عصام_كريم
#ابو_تراب

.
اذا حبك ذنب يا طيب الذنوب

#عريان_السيد_خلف

و انت اخر نفس وشكد عزيز تصير
وبلحظة الموت تريدنا نملك
خيط اعلى الجرح باللحم صرت وياي
لو كل الجروح تطيب ما افلك

#جبار_رشيد
.
.
.
.
#شعراء_وذاوقين_الشعر_الشعبي
#عريان_السيد_خلف
#جبار_رشيد
#ابو_تراب

• .
الحجي بيناتنا تريد الصدك ..؟ تعبان
بطرك عيون تبجي وجة ينطي ألوان
على ساعة وفوك راسي يسولف الدفان
ما مشتاقلك ...... عطشان !
سير يا هوا الله صويحبك غركان
.
.
.
.
#شعراء_وذاوقين_الشعر_الشعبي
#نهاد_الخيكاني
#ابو_تراب

.
شكد جنت محتاجك ردت بس تسأل
من جنت ادور بالصور صورة حل
راجعلي متأخر بعد وكتك راح
بذاك الوكت لو جاي كتال اقبل
تموتني بيدك مرة وحدة وارتاح
احسن ولا كل يوم اموت واعدل
.
.
.
.
#شعراء_وذواقين_الشعر_الشعبي
#عصام_كريم
#ابو_تراب

.
نوط جروحك اعلى الروح ... شكله
يا گلبي وسبب ذل الطير ... شكله
منو يعرف النوم شلون ... شكله
لان لا شايفة ولا مار بية
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
اجيت الله اكبر مو جنت ناسيك
بية شذكرك ؟ يمعود شجابك
اذا تعتب علية جي ما ادك الباب
خل گلبك يدك بعدين ادك بابك

.
.
.
.
#شعراء_وذاوقين_الشعر_الشعبي
#احمد_الصالحي
#ابو_تراب

.
شفت عصفور ميت كل جرح مابي
حرت هذا المنية شلون واصلته ؟
شلت راسي وشفت بالشجرة عش محروك
كلت هذا السبب والحركة كاتلته
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
حلمت وحلمي چني بنار ... صليت
ويا ليت الفسراها بلدغ ... صل ليت
اخبرك عكب ذاك الطيش ... صليت
ولهسة ابليس دايخ بالقضية
.
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

.
تعال اشمر حجاية وكول مشتاك
لا تحسسني عندك مالي قيمة
لا تخليني اتاني وجرحي مفتوح
مثل فطر الحياطين القديمة
الناس التفتهم ما جرحت هواي
بس المشكلة الناس الغشيمة
هذول الكبل ماعرفوا يحبون
اشو صارت قصص حبهم عظيمة
.
.
.
.
#شعراء_وذواقين_الشعر_الشعبي
#مهند_العزاوي
#ابو_تراب

.
أثر خلي بحياتك خاطر تعيش
من تموت باجر اسمك يبيد
لا تجهب البيت الياخذه الريح
العناكب مو كريمة بيتها تصيد
الدلو يفكر بحصته البير خسران
الياخذ تعب عمرك يصعد يريد
ليل وحزن روحك يعثر بشوف
صعب تندل طريقك بالتقاليد
درس خل التواضع بس للكبار
النخل من يثكل تحضنه الصواعيد
كلهن سولفتهن خاف تحتار
النصيحة وصاحبك والعشرة التفيد
.
.
.
.
#شعراء_وذواقين_الشعر_الشعبي
#مصطفى_العيساوي
#ابو_تراب

.
دوس اعلى الورد صار الورد ينداس
بس عطر الورد ما تكدر تدوسه
يصح واحد جريمة اعلى الوجه ينباس
واحد بالرجل يستاهل تبوسه
يا العندك شمس لازم يجيك الليل
ويجبرك غصب تحتاج فانوسه
لا تأمن زمان العلم الطاووس
يتبختر وهلس ريش طاووسه
فك سجن البلابل يا زمان الخوف
ليش بلا ذنب على الصوت محبوسه
لا تعبد صنم وتشوف بي فرعون
وتلم الحيايه وتنتظر موسى
موت بيا زمن مو مشكلة من تموت
بس اترك اثر وافعال ملموسة
دك عمره المسيح بخشبة الكتال
حتى الناس تسمع صوت ناقوسه
.
.
.
.
#شعراء_وذواقين_الشعر_الشعبي
#ناظم_الحاشي
#ابو_تراب

.
رحلت حياتك شته ولا نار اكو ولا شمس
وبذلتك ناكع
ارسم لغيرك أثر وعيش البقى من العمر
متبوع مو تابع
كلش ولا تنذكر للثالث وتنسي
ما تعبر السابع
كلها حجاها الحرك ياهو اليصدك الحجي
لو كلنه بس لاچع
الكاتلني وك يا گلب صعدته يم الغصن
ويدور الواكع
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
فارشلك جفن واتنطر تنام
نام ولا يهمك ضيم الايام
يا بعد رموش عيني وجفني والعين
وصبيها ونظرها وذيج الاحلام
سنة ما شايفك بس انت موجود
لهسة اشتم عطر من شوفة العام
ما تاجرت بأسمك بس تعاطيت
بيني وبين روحي وهجرك اعدام
شفتك بالحلم فزيت مرعوب
ما لحكت اشوفك مسرع اجدام
نذر لو ملتفتلي جا تحنيت
من اطراف جدمي لشعرة الهام
ملثم من تمر ما اعرفك تريد
اعرفك لو تحط اعلى اسمك ألثام
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
اكتلوني گبل لا اموت مخنوك
الهوا الما يفتهمني ما اريدة
اكتلوني گبل لا اشك الهدوم
واراويكم نياشين القصيدة
.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

.
أعز من روحي أحـِسـٌكْ
وانته اعز منـٌي
ياحسبة عمر ..خاويتها إمن إصبــاي
بـِطلـَتْ صـَفنتي .. وما بَطـٌلـٌتْ مني
أحــِس كًًُــَلبي الفـِضـِي..متعوب حد الويل
وأدعيـله الصَبُر.. عن لا يفشلني
جَسٌيت الليالي ابمرود الحلوات
وسنين العمر بالشيب جسنـٌــيٌ
اضحك للبجوا.. حد شرهة المنكـَود
وابجي ابكل مزنتي.. الطور المغني
لاغرني المدح... بشفاف المحبين
ولاهـمني الشماته اشما حجوا عني
يلتمٌن علــٌيه... امشتتات البال
وانفضهن نفض
وانهض ولا جنــٌي
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
كون اليحب مو بس سوالف
ولا من اليطردونه خايف
لذة الحب لمن تجازف
والما تصير تصير كوة
رايدها من تفرغ ادية
من تنسأل ما تنطي بية
وما ترضى على اليحجي علية
هاي العليها تكول تسوى
.
.
.
.
#شعراء_وذاوقين_الشعر_الشعبي
#حسام_الحمزاوي
#ابو_تراب

من مذكرات شاعر ... ( الحلقة الثامنة )

لم تكن هنالك قصيدة اهتم بها الفنانين والنقاد والشعراء مثل هذا القصيدة حتى ادعى اكثر من شاعر ان القصيدة له والتي لم يعرف احد شاعرها حتى عام ( 1991 ) حين التقى احد فنانين العراق والذي اصبح هرمآ من اهرام الفن العراقي بعد أذن بالشاعر بعد البحث عنه لمدة ( خمسة اعوام ) وهذة القصيدة صنفت من ضمن اعظم ( عشرة ) اغاني على مستوى العالم وكانت الاغنية العربية الوحيدة المدرجة عام ( 2002 ).
فبكل تأكيد بعد هذة المقدمة تبين ان قصة قصيدة هذة الحلقة هي قصيدة الشاعر والاستاذ حسن المرواني ( انا وليلى )
تم قبول الشاعر حسن المرواني في كلية الاداب جامعة بغداد عام ( 1968 ) فوقعت عينه على احدى الفتيات فاحبها من النظرة الاولى ووجد ضالته بها .
وبما انه كان خجول جدآ لم يستطيع البوح لها عن مشاعره بل لم يخبر احد عنها وبعد مدة من الزمن وبسبب حبه الشديد لها تكلم مع احد اصدقائه بهذا الموضوع فنصحه صديقة بأن يحاول ان يتكلم معها .
فعلآ ذهب ( حسن ) الى ( ليلى ) ليصارحها بمشاعره لكنه تفاجئ بردها حيث انها قالت لها ( لا افكر بهذة الامور اريد ان اكمل دراستي فقط ) فرجع منها وهو مكسورآ ونادم لانه اخبرها بحبه .
ولانه كان يحبها حبآ صادقآ اختار ان يبقى يحبها لكن من دون ان يزعجها فبقي يحبها ( من طرف واحد ) .
مر الوقت واتت المرحلة الاخيرة لهم في الجامعة وكما هو معروف انذاك ان طلاب الجامعة حين تنتهي دراستهم ليس من السهولة لقائهم بحكم العادات والتقاليد فقرر ( حسن ) ان يصارح ( ليلى ) مرة اخرى لعلها تغير فكرتها عنه وبالفعل ذهب اليها وتكلم معها ولكنه رفض ايضا وانزعجت ( ليلى ) من تصرفه .
وبعد نصف السنه الدراسية تفاجئ ( حسن ) ب ( ليلى ) تتمشى مع شاب في الجامعة فسأل عنهم فعرف انه خطيبها فشعر بالاحباط وفكر بينه وبين نفسة ان ( ليلى ) كذبت عليه حين قالت له انها دخلت الى الجامعة ( لتدرس فقط ) وانها من عائلة غنية وهو من عائلة فقيرة ولم تراه مناسبآ لها وتأكد احساسه بعد ان عرف ان خطيبها من عائلة مترفه .
فكتب قصيدتة الشهيرة وقرئها لصديقة حتى اعجب صديقة من قوة القصيدة وكم كانت مؤلمة
مر الوقت واتت حفلة التخرج وكما هو معروف في حفلات التخرج انذاك مسؤؤل القسم يقرأ اسماء الطلاب الذين لديهم مشاركة او كلمة يلقونها بهذة المناسبة فكتب صديق ( حسن ) اسمه وقال له انه قد كتب اسمه ويريد منه ان يقرأ هذة القصيدة امام الجميع .
رفض ( حسن ) في البداية وبعد الحاح من صديقة وافق فصعد على المسرح ليقرأها فقال :
قصيدتي ( انا وليلى فاشطبوا اسمائكم )



ماتت بمحراب عينيكِ ابتهالاتي
واستسلمت لريـاح اليـأس راياتـي
جفت على بابك الموصود أزمنتي
ليلى ما أثمرت شيئـاً نداءاتـي
عامان ما رف لي لحنٌ على وتر
ولا استفاقت على نـور سماواتـي
أعتق الحب في قلبي وأعصره
فأرشف الهـم فـي مغبـر كاساتـي
ممزق أنـا لا جـاه ولا تـرف
يغريـكِ فـيّ فخلينـي لآهاتـي
لو تعصرين سنين العمر أكملها
لسال منها نزيـف مـن جراحاتـي
لو كنت ذا ترف ما كنت رافضة حبي
لكن عسر الحال فقر الحال مأساتـي
عانيت عانيت لا حزني أبوح به
ولست تدرين شيئاً عـن معاناتـي
أمشي وأضحك يا ليلى مكابرة
عليّ أخبي عن النـاس احتضاراتـي
لا الناس تعرف ما أمري فتعذرني
ولا سبيل لديهـم فـي مواساتـي
يرسوا بجفني حرمان يمص دمـي
ويستبيـح إذا شـاء ابتساماتـي
معذورة أنت أن أجهضت لي أملي
لا الذنب ذنبك بل كانت حماقاتـي
أضعت في عرض الصحراء قافلتي
وجئت أبحث في عينيك عن ذاتي
وجئت أحضانك الخضراء منتشيا
كالطفل أحمل أحلامـي البريئـات
غرست كفك تجتثيـن أوردتـي
وتسحقيـن بـلا رفـق مسراتـي
واغربتاه مضاع هاجرت مدني عني
وما أبحرت منهـا شراعاتـي
نفيت وأستوطن الأغراب في بلدي
ودمروا كـل أشيائـي الحبيبـاتٍ
خانتك عيناك في زيف وفي كذب
أم غرك البهرج الخداع مولاتـي
فراشة جئت ألقي كهلى أجنحتي
لديـك فاحترقـت ظلمـاً جناحاتـي
أصيح والسيف مزروع بخاصرتي
والغدر حطم آمالي العريضـاتِ
وأنتِ أيضا ألا تبت يـداك ؟؟
إذا أثـرت قتلـي استعذبـت أناتـي
مـن لـي؟؟بحـذف اسمـك الشفـاف مـن لغـاتـي
إذن ستمسـي بـلا ليلـى . . . حكايـاتـي
.
.
.
#شعراء_وذاوقين_الشعر_الشعبي
#حسن_المرواني
#ابو_تراب

.
بعدني بخير ما دام المطر خير
يهدني الغيم تتلكاني كيعان
وبعدني اخذ عباة الجاي خطار
لحد ميكول مدلي فراش نعسان
احط اطفالي فوك الجاي للضيف
خافن كبلي حاتم ذابح حصان
وغداهن عنبر بكاعي العصافير
بوكت الناس تتحسر على الدنان
شنفعك كون تملك كلشي بالكاع
وبگلوب التحبهم مالك مجان
.
.
.
.
#شعراء_وذاوقين_الشعر_الشعبي
#مهيمن_الامين
#ابو_تراب

.
من أول نظرة حيل تعلقت بيك
عشكتك ما سألتك حاب ما حاب
خصه لبيتكم لمن تعنيت
بديت اصرف شبابي بعتبة الباب
يابو نظرة الغميجة التأخذ الروح
ينكهة دارمي وبحلوك شياب
.
.
.
.
#شعراء_وذاوقين_الشعر_الشعبي
#مالك_السلطاني
#ابو_تراب