.
هنا گلبك اغلقة ونام مرتاح
لا تغلط بعد وتفتحه ل احد
وشايف لمن جرحك يجي من هواك
وتضطر تمشي بس ما عندك احد
وعمدآ تنسى هدمك خاطر يصير
عذر بي ترجع من الشوك يصعد
ترد وتلكى عذرك غاد مشمور
البيها الروس من تنوجع تنشد
شيبة براس نورس تعبك يضيع
وترد بوجهك البيبان تنسد
.
.
.
.
#شعراء_وذواقين_الشعر_الشعبي
#مهيمن_الامين
#ابو_تراب

.
ماذا قلت بالفراق ؟
_ يا رب الهلا بس صرت الله وياك
خل يبرالك الله ودمعي يبرالي
.
كيف ترى الليل ؟
_ اللهي المن خلقت الليل ؟
لا اعبدك ولا انامة

هل هناك علاقة بين الحب والنجوم ؟
_ العاشك فشل يمشي لوحده بين الناس
النجمة الما تحب من السما تلالي

ما هو سر خليقتك ؟
_ مو حلو بعين الناس بس حلو بعيني
غير اعلى مود هواي سوا الله طيني

.
.
.
#شعراء_وذاوقين_الشعر_الشعبي
#حسين_المرياني
#ابو_تراب

.
من اكولن چا .... چا غير استراح
راحه المرواح بجتاف الفلح
بغير چلمه چا يضل فاهي الكلام
مثل طعم الزاد المطلك الملح
عيوني عشرة ويا الرمد حد الممات
باك لمعتهن وعافاهن ملح

لبسنه الراهي احنا ... والنضيفة
واخذ جرح من اهلنا ... والنا ضيفة
اليماشينه نبخته ... وال نضيفة
ابد ما نلثك فراشة بردية
.
.
.
.
#شعراء_وذواقين_الشعر_الشعبي
#سعد_محمد_الحسن
#ابو_تراب

لا تكحلنـي بـ صورهم وك مراودهم عمـتني
رخصوني ضيعوني
چنـت ليره اعله الـدرب وعيونهم
ما وچـدتني
.
.
.

#شعراء_وذواقين_الشعر_الشعبي
#كاظم_اسماعيل_الگاطع
#نٌےـوُرَ

.
حنيت لو للهـَو تسأل عن اخباري !.
اشتاگيتلي ؟
اتندمُت ؟
لو هـيج بس للعَب تتحارش بناري
أمن بعدني انچوي
وتشوفني شگد قوي
مرات ابچيّ بجرح
ومرات ؏ طاري
ومرات انطرك ثلج وانه الشمس خصمي
لك والله اعشكك عشك .. مو تجري وي دمي
ما شايفك من فتت .. بالدنيا گبلك صرت
بس چني من فتحت شفتك گبل امي
اي يا ذخر همي
تجاوزتك وكملت مجبر جنت مو بطل
ليش استلذ بالنصِر وادري اني مو نشمي
غصباً عليه عشت من انت مو يمي
گلت ع هجركُ حلو
وگالولي عفيه وكفو
بش النتيجه شنو ؟
كدامُ ناسي صدك اني ربحت الحربَ بس خسرت حلمي
.
.

.
#شعراء_وذواقين_الشعر_الشعبي
#رائد_ابو_فتيان
#نٌےـوُرَ

.
وصية وغيرها خلنه بعمانة
بس عينك عليك وكلشي ماريد
يمك انت الي مخليك امانة
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
روح گد مابيك وارجع
تلگه حبك مستمر
الشمس متغير تفاصيل السمر
أمنت عطري بقميصك وأنتظر
الملگه بالظلمة نميزه من العطر
هيه الزفه عن حب مرة وحدة
آنه كافر بالجمع
مايصير نحط حلقتين بصبع
.
.
.
.
#شعراء_وذواقين_الشعر_الشعبي
#حسين_علي_المطوري
#نٌےـوُرَ

.
خلگ جرحي مثل خلگ النواعير
شما وشل ونين يحمل اردود
انشدك با خشب رد البسامير
بوجه غيرك حبيبي الباب مسدود
شرب مني وتعافى وهدم البير
كلت يلكى العطش فد يوم ويعود
الحرامي يبوك وتحرسه النواطير
جا حكها الدموع تجرح الخدود
مشت فشخاتنه تبوس المكاوير
بعد ياهو التحشمه وياك هادود
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
رحت بس اني ما راضيلك تروح
ضعف موقف وگفتك ردت احسمه

حرت من وادعتني اتشاهد اشتاگ
بحروف الموادع چانت ازمه

بديك الخاليات شماخذ وياك
بس هذا البعدك ردت افهمه

اذا ريتي بعدها وياي چا ليش
ما تقبل تفوت بصدري نسمه
.
.
.
.
#شعراء_وذواقين_الشعر_الشعبي
#أيهاب_المالكي
#نٌےـوُرَ

الدايم الله ولو مشو يتعوضون
قوي گلبك وانسى كل واحد نساك
لا تچلبلي بگفه الرايد يروح
ولا تگله شلون اگضيهه بجفاك
كلهه تگطع والله مايگطع حنين
شما تسمعه اطيني تسمع منه هاك
.
.
.
.
#شعراء_وذواقين_الشعر_الشعبي
#علي_نافع
#نٌےـوُرَ

.
يمعودين محد حاس ب احساسي
يمعودين ما ناسي وكلت ناسي
وبراسي سوالف ما الهن رداد
على يا ساعة افرغ مخزن براسي
ابوي يخاف ربه وملتهي ب ربه
بس ما يدري ب ابنة شصاير بگلبه
لو كايلي بوية شبيك ما مرتاح
جا ما سولفت مالاتي على الغربه
وانا من العراق شعندي غير البيت
وبعد منا وغاد البيت ما اطبه
عليل وما طبت راح اكطع التدخين
كطعته وما طبت راح اكطع الركبه
ولو مطلوب دم وفيته وافتكيت
بس مطلوب عيشة وطلعة من البيت
ويكلك طبيبك قلل التدخين
وانت تقلل من الخوف على الباكيت
.
.
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
مو گلتيلي
آنه ويـاك نگضي العمر راي عيون نَفس الطيف
حَلمانه؟
ومن افتَح چَفچ الخَجلان تطشَر حَلات البيج
چن فاتحلي رمانه..
شجاج؟
شجاج وصرتي چَنچ ريح
تاخذ عطر ياهو الچان من تعبر على مچانه💔
شجاج وكمتي تتلَونيـن..
من اطشَن وجهچ اعله الريش
الون منه چم طاووس؟
أرد چَم ورده ذبلانه..؟🥀
.
.
.
.
#شعراء_وذواقين_الشعر_الشعبي
#حسين_علي_المطوري
#نٌےـوُرَ

.
تقريبآ الكل ما وفى ومحد سأل عن حالي
وأخرهم انت للاسف راح التعب على الخالي
والي من اولها غدر ما يوفي الك بالتالي
هسة انا محتار گلبي شيصبره ؟
وبظهري طعنات عايفها ذكرى
خليني وحدي ارد ابجي بلكي ارتاح
تعبني وكتي الراح ما خله شي عندي
فرصه سعيدة ما كلت فرصتنه مو سعيدة
والي يعيش لوحدة بهالزمن عاشت ايدة
والكال عن روحه وفي هذا الكلام يفيدة
من عكست وياي محد بچالي
صح وحدي ضليت بس راسي عالي
.
.
.
.
#شعراء_وذواقين_الشعر_الشعبي
#احمد_عاشور
#ابو_تراب

راضي بعشرتك لو تبقه بس نضرات
احس ذني اليه و هذا يكفيني
مبارك عالجرف بس كون اشوفك ماي
صخره الروج فوك و لا ترويني
بعد ما ضل ذهب حتى افرك المصباح
و المارد طرته اشعنده ينطيني
حركتي البالكلب تطلع عليه بساع
شما الزم جمر ما احسه يجويني
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
متندم لان ما نايم الليل
ولا مستقبلي الطايح بنيته
ولا عندي وسيلة التقنع الروح
وارد وامسح المشوار البديته
هذاك الحجي الزين الضامه سنين
متندم لان يمك حجيته
وانا فوك العمر مداين ايام
وعلى الما يكضي كل لازم كضيته
المواقف ذيج مثل خدود ادية
بس الدود يمسحهن الية
مو هسة ترى بعد المنية
بفراش الغريب شلون غافي ؟
وانا دمعي غركت منه الجفافي
ليهسة وگلبي يتمنالك الخير
نام براحتك نوم العوافي
.
.
.
.
#شعراء_وذاوقين_الشعر_الشعبي
#حسين_العميدي
#ابو_تراب

.
.
ضاع الهوى ..
امسيت جمراً في جوى
في اجفني
دمعٌ اذا انزلته الكون ارتوى
ينتابني حزناً
كما حزن الذي يمكث مريضاً ابنه
واحتار في ثمن الدوى
فتشت نفسي باحثاً والله لم يبقى سوى...

باقيلي بس روح ونفس
يـ فلان ابشرك من رحت وياك اخذت العافية
والنار حركتني ومشت بجفاك ظليت انسحك
مثل الجكاره الطافيه
معروف لو صب الدمع ينشاف بس ما ينسمع
ليش اني دمعي بغيبتك فزز الناس الغافيه ..؟
وليش من اصيحك ما ترد مو تدري
كاتلني البرد
واتلمس حلوك البشر وين الحجايه الدافيه ..؟
خايب احساسي البيه نقص لو روحك المتعافيه..

ودعت ليلي مقمراً امسيت والقمر
اختفى
غيري سعيداً يحتفي ما همني فيما احتفى
اكملت دربي بائساً في خطوتي بان الجفى
حقاً كفى ..

جم دوب اكابر وانتظر سنت المضت مو كافيه ..؟
مهموم كل ساعه انجرح
وبريتي يتمرجح تتن
وافكاري ما متصافيه
صديت وآنه بلا عقل مشدوه ومسودن
مثل أم سمعت وليد انخطف طلعت مفرعه وحافيه
لك اني اخاف الياخذك ما عنده
نيتي الصافيه
لا يحتسي خمرآ أذا يومين ظل
ما شايفك
لا يشتعل جمرآ أذا عافت الضحكة شفايفك
مو مثلي يكتبلك شعر
بلسانه من يحجي الغزل لا بي وزن لا قافيه
وخليني اكلك ع الحصل
يـ فلان ابشرك من رحت وياك اخذت العافية.....
.
.
.
.
#شعراء_وذاوقين_الشعر_الشعبي
#مهند_العزاوي
#نٌےـوُرَ

.
انا كلي تناقض وانقسامات
وصراع وفوضوية ومو جد وجد
بحيث انشطر شخصيتين وياك
اكرهك واليحبك يمي يكعد
احط موعد لنسيانك واجي اردود
احط للموعد البي ننسى موعد
بأشد حالات زعلي اتصالح وياك
سماي نجوم بيها وغيم يرعد
واجيك و بأعتقادك جابني الثار
وانا من ابعد عليك يجيبني الود
واثور بدمعتي ويتراجع الشوك
وطعم شفايفك بالريج يصمد
بعدك وافتهمناه طيفك شبي ؟
كبل ما سامع اني الطيف يبعد
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
ضمني بلليل ثاني وحل حلال الخل
شحيحة افراحنه ودكانهه معزل
الضحكة نبوكها من الاه والياويل
وصياد الهموم بدفترة يسجل
يا گلبي شبعد ومعكرات الكيف
زمن توزهن ما ضن بعد تحمل
يورنك ضواري مهذبات الناب
لا مخلص يعينك لو ردت تجفل
طالت والعمر كلما تلف بي طول
غم ذاك العمر من ينكضي تعلعل
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
مرسومه بجلدنا ذيج الانياب
الجرح لو طاب هم يترك نياشين

#الكاطع

جروحك من تطيب تعوف نيشان
مثل حنه جوامع على الحياطين

#سمير_صبيح
.
.
.
.
#شعراء_وذواقين_الشعر_الشعبي
#ابو_تراب

.
خذني يمك بعد ماضل كل عذر لاتعتذر
ليل عمري وعمرك مخلص بعد مابي صبر
خل نلم احلامنه ونحفظ صورهن
قبل لا ياخذهن بدربه الفجر
وخل نلم الباقيات اسنيني واسنينك نسويهن عمر وهن ميكفن عمر
ونبدي من جده وجديد
بواهس اسنين الزغر ولو وازانه الكبر
خلي تمشي ايامنه بخطوة العاقل من عثر مرة ورجع يمشي حذر
وخل نعيش الحب ستر
خل نضم ارواحنه ابيناتنه
ويه اسرارنه ولا نشتهر
وافتخر بيه ويه روحك
وانه وي روحي اضل بيك افتخر
وخل نسوي العشرة ورقة
ونصنع من الدمعة والضحكة حبر
حتى كل لحظة التمر بالجاي نكتبهه شعر
وخل نگول الماضي غلطة
وذنب يتسجل ذنب من ينذكر
حبني...
حبني لتضل تعتذر
حبني واجبرني اعله حبك
الروح ماتعشگ لون ماتنجبر
.
.
.
.
#شعراء_وذواقين_الشعر_الشعبي
#جبار_رشيد
#نٌےـوُرَ