.
سهمك صابني وللحين ... بعداه
بدليلي وكمت اجرن اه ... بعد اه
غيرك ما يسوي هيج ... بعداه
ولا يعمل عملتك هاي بية
.
.
.
.
#شعراء_وذاوقين_الشعر_الشعبي
#ابراهيم_ال_طلب
#ابو_تراب

.
يكولون تحلم بية رجعت من جديد
الكبل ما قبلت اضل ابالها
ثروة ما عندي وكدرت انطيها روح
و عمري ما فكرت ب استغلالها
الرخصتني ودورت على اليشترون
الراحت وضل بالگلب تمثالها
يكولون نبرة صوتها تحس بيها خوف
وابتسامتها الدمع يغتالها
ب احلامها خطوط المخالب واضحات
موقعلها اعلى الحلم جتالها
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
انا مخلص صبر تدري
اصبرنك بعد بيش
حمامة انا وخلصوا ريشاتها الناس
تطير شلون اذا مو بالجنح ريش
.
.
#شعراء_وذاوقين_الشعر_الشعبي
#منقول
#ابو_تراب

.
حسبت اطول مسافة زعل وياك
خطوة وجنه بيها شوية نبعد
كلما نمشي بيها انفاسنه تضيك
ما تكمل الخطوة للهوا نرد
حجر صدك بماي الواهس يطيح
ثواني ويصفى خلكي وزعلي يركد
تعال الشوك هم بي فزعة مرات
لهذا اعلى اليموت دموعنه تهد
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
اتمنى اعرف شنو اليرضيك ويفرحك ؟
وياك احذر لان شفاف حتى الهوة يأذيك ويجرحك
لك غير انت ما منتبه ! من كتلي صاير حلو
ليهسة جاي اضحك
نتواعد وانقهر للبيت اذا ارجع
اتمنى نبقى سوة
انا اليحب الحجي وياك احب اسمع
وشبسرعة يمشي الوكت
حتى انسى اخذ صور وياك من اطلع
وي الهوة اشتمك
حتى بهدوئك احس يلعب لعب دمك
.
.
.
.
#شعراء_وذاوقين_الشعر_الشعبي
#حسين_السعيدي
#ابو_تراب

.
لا تكلي شو ما اجيت هذا انا اجيتك
واسألهم شسويت من ما لكيتك
.
.
#شعراء_وذاوقين_الشعر_الشعبي
#علي_نجم
#ابو_تراب

.
كافي غيبة
كافي چلمات العتب على الناس يا روحي الغريبة
يالصفيتي بلا عقل ولعلتج ما تصح طيبة
يا الحسرتچ حسرة ام اثنين وافاها الكدر واصبحت ليبة
يا المثل دلة استوت ب وجاغ ما يخمد لهيبة
يا التضنين بعظم بلواج ما صارت مصيبة
هذا سهمج والسهم لوعات والخانه الوكت يرضى بنصيبة
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
تعودتك هوى معلم
ماينشم اذا ميطوف بردية
ولا ضيجت خلگي وياك
تظلم واني اگول الدنيا مگضية
اضمك وين؟ مابيه
انته بروحي ويشوفوك
دگة بوجه عربية
تزعل ينخطف لوني
ويمدد جرف بعيوني بسرعة يبين اشبيه
الزلف لمن يبوسة الشيب
عليه زعلانة ترچية
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
ما مرتاح
من العدل من المات من الجاي
من الراح
عركة ويا الزمن وارجعنا مكسورين
وبعيدة المسافة وينسي الي طاح
ما مرتاح ..... ؟
لان شفت الشمس نزلت تبوس الكاع
وبجف الطفل تنلاح
.
.
.
#شعراء_وذواقين_الشعر_الشعبي
#الكاطع
#ابو_تراب

.
تكرب شمني واحضني ... من اعداي
ولك يالعودك مخضر ... من عداي
اتمرض لو شفت واحد ... من عداي
يون جا من تون شيصير بية
.
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
دفنته وجيت اي والله
حبك هالدفنته وجيت
رحنا اثنينه و لوحدي رديت
رد بس الدمع وياي زتني وجابني للبيت
.
.
.
#شعراء_وذواقين_الشعر_الشعبي
#الكاطع
#ابو_تراب

.
شمسويلك كل يوم مسهرني بلليلي
وانت بسابع نومة بليلك
بيش ادعيلك ؟ يارب يخليك تحبني
وتسهر مثلي وينهد حيلك
تتفنن ليش بتعذيبي
وليش براسي تطلع شيبي
يا ابن الناس ارحمني دخيلك
شمسويلك
ما ضلت كلمة حب حلوة
الا وبيها ما غازلتك
كتلك عيني وكتلك روحي
ما اتوسل وتوسلتك
ليش تنزل دمع عيوني
وتخلي الناس يشوفوني
يا ابن الناس ارحمني دخيلك
شمسويلك
.
.
.
#شعراء_وذاوقين_الشعر_الشعبي
#منقول
#ابو_تراب

.
لا تفكر تعال بغير تفكير
لان باجر تجيني تكلي ندمان
واكدلك تجي لا تكول ميصير
ولا تكلي اطير وعندي جنحان
لسبب هجرك ادور ماكو تفسير
تريد انا اعتذرلك وانت غلطان
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
.
حكايتنا القدر بيها لعب دور
التقينا وبيها شمل كلوبنا التم
جفينة عيونة بنظرات الاحساس
وتغازلنة بگلب مايعرف الهم
على عناد الزعل نتراضة مرات
ولملمنة الجروح الصعبة تلم
ندهتنا البلابل للمواعيد
وشردنة من النعاس البابة محكم
وتماشينة رغم درب السهر خيط
من يفلت الليل بليل نلزم
الشمس سلمت النة بوكت الغروب
ومن مر الكمر فوگانة سلم
كتبت ذكرى بينه اعواد الاغصان
وحلف بينه الورد وبشوكنة اقسم
بحيث اتحاججت ويانة الاشجار
ال بهاي الحدايق ياهو الاقدم
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
حبيبي بيا بخت وياي ... شديت ؟
وعدا هجرك الي شقدمت ... شديت
ب أصبعك حتى تذكر خيط ... شديت
انحصر دمك ولا فكرت بية
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
اليحط عينه بكفاي يشوف الملاكي
مبين شكو بروحي شعافت الحركه
الجنت كبالهم طولي اعلى مد الشوف
صغرت بعينهم من كبرت الفركه
بعيدة ولايتك والصدفه فكت باب
واجيت ومن لكيتك وجهك مسركه
من عدها وعرفت بنشغة المكتول
وشتعوف الرصاصة حرورة بالتفكه
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
بعد ما راح اشوفك وانت تدعيلي
ولا تتغزل بصوتي وتفاصيلي
ولا نسهر سوى لحد ما نخلص الليل
وتفز الصبح بالشوگ تحجيلي
هو الماخذك مو ما يحبك حيل
ليش شوية منك ما يبقيلي
.
.
.
.
#شعراء_وذاوقين_الشعر_الشعبي
#مهند_العزاوي
#ابو_تراب

على جسر المسيب من لكيتك ليش ؟
اصدن وجهي الك وتصد عليه مكفاك
زحمة من النوارس والجسر والماي
خفت من البلم يسألني عن ملكاك
نفس صاحي بهذيج اللحظة ما جريت
انا استنشق جهنم من يمر ذكراك
تخيط ظهري وارجف وجهي صوفر خوف
وعلى اعراض النبوة تمر عليه بجفاك
وكع مي وجهي لكن من وكع ليفوك
اوكف ليش اجذب من وكع جواك
سولفلي الهجر متنسية امك بي
جا ليش الوداع يسبل من شفاك
اصعب شي شخص حبيته فجاءة يغيب
ويدزلك خبر كلولة ما ينساك
المفارك محب احسله خل يموت
وانت الموت اهون من طعن فركاك
عندي وياك عشرة وضحكة بس ياحيف
من اگلب بالصور ما عندي صورة وياك
.
.
#شعراء_وذاوقين_الشعر_الشعبي
#سيف_علي_زبون
#ابو_تراب

.
انا ذاك الباعك ومارد شراك
وسلمك ليد الزمن وسنينه
انا عزراييل لو رادك لكاك
ومنو ضم روحه اعلى عزراييله
انا كارط ملحتك عارف هواك
وانا عارف هرشك بيا طينه
انا دمعي واللبن والليل ذاك
تالي حسوة ماي ما تنطينه
يوم جانت طافحة بميها لسماك
واحنه مات من العطش چالينه
يالشتلتك جابني الضيم لذراك
ولن شجركم ما يفيي علينه
.
.
#شعراء_وذاوقين_الشعر_الشعبي
#صاحب_الضويري
#ابو_تراب

.
حدر التراجي برد والكنطرة بعيدة
امشي واكول وصلت والكنطرة بعيدة
نكضني مشي الدرب
والشوك هز الگلب
والكنطرة بعيدة
حلمانه برد الصبح رجف خلاخيلي
يا دفو كمل الدفو يا كمر ضويلي
ويا ذهب خيط الشمس طوكين سويلي
لايكلي طوك الذهب والدغش ماريدة
امشي واكول وصلت والكنطرة بعيدة
.
.
.
#شعراء_وذاوقين_الشعر_الشعبي
#ذياب_كزار
#ابو_تراب