.
گلبي فارك احلى ناس اهواهم
وين يا ربي بعد الكاهم
يمي جانوا واختلف انا بهواي
انسى روحي وابد ما انساهم
يمي من جانوا يجون
العله البگلبي تهون
و عمري ما يخلص احس وياهم
راحوا وعافولي بس الذكريات
واشبع جروح بكثر ذكراهم
.
.
.
#شعراء_وذواقين_الشعر_الشعبي
#منقول
#ابو_تراب

.
انا موصي الجروح يلبسن ثياب
مو لجل الستر بس خاف امر بيك
اكو حضنه ملاكه وحضنه وداع
ياهو تريد منهن من الاكيك ؟
.
.
.
#شعراء_وذواقين_الشعر_الشعبي
#علي_رشم
#ابو_تراب

.
انا المن شيب شيابي ... شبع ضام
ويگلبي الما شبع منك ... شبع ضام
اشوف الولف من ولفه ... شبع ضم
وانا الضمت الكبر ما تصح لية


سلاحك من كلتلي ... بيعة الية
تريد تهد يصاحب ... بية علية
وحك كل گلب مخلص ... بية علية
اعثرك لو نويت تعيل بية
.
.
.
.
#شعراء_وذاوقين_الشعر_الشعبي
#كريم_الحاتمي
#ابو_تراب

.
شكد دعينالك تجينه
ما طفى الشوك ونسينه
تسمع الفرحة بجينه
وينك حبيبي
لا نسينه ولا تعبنه
ولا قنع واحد گلبنه
وينك حبيبي
عالية انفاس انتظارك
الروح محتاجة لخضارك
يا حبيبي وين دارك
وينك حبيبي
.
.
.
#شعراء_وذواقين_الشعر_الشعبي
#فاضل_حسن
#ابو_تراب

.
انتهينه
وانتهى الما ينتهي وخلص حجينه
انتهينه وبقت كطرات الوفى المذبوح تتناثر علينه
وبقت للمجفين كومه اسرار عد روحي الامينه
وكون نستاهد عتبنه يفيد بيهم عاتبينه
وكون يسوون البچي جا ب اثنعش ناظر بچينه
.
.
.
#شعراء_وذواقين_الشعر_الشعبي
#الكاطع
#ابو_تراب

.
شجابك على العشك كاعد تسولف بي
وشيعنيلك الليل وبيمن يذكرك ؟
بروحي بدمعتي ؟ الصارت برخص الماي !
وارخص بعد صارت صارت بسعرك
ال بعقلك لعب تشمر محبتي أبير
شتقنعني بعد ما لاعب بشعرك ؟
عثگ برحي شعلية لو بقى بدون فياي
اضل انزف عسل كلما كثر حرك
.
.
.
#شعراء_وذاوقين_الشعر_الشعبي
#منقول
#ابو_تراب

.
ليش ما كلتي من الاول ابتعد وانساني
وليش ما كلتي من الاول لا تدك بيباني
ليش من بعد الحنين
وقصة كتبتها السنين
جاية تكوليلي انسى في حياتي شخص ثاني
ليش ما كلتيلي ابعد
قبل ما يجمعنه موعد
جان ساعتها اعذرج واكتم اشواكي واداري
جان يمكن اكدر انسى بأيدي او الغي اختياري
.
.
.
#شعراء_وذاوقين_الشعر_الشعبي
#عزيز_الرسام
#ابو_تراب

.
محطة بصف محطة ومحد يدليك
هنانه تعيش موقف لازم يخسرك
من متاني شخص اخرك عن الناس
ورحت لشخص ثاني هناك منتظرك
الصعبة اعليك من ما تلكى المتانيك ؟
لو من ترجع وما تلكى ال مأخرك
.
.
.
.
#شعراء_وذواقين_الشعر_الشعبي
#محمد_الشمري
#ابو_تراب

.
يا روح چنج كمتي تنسين
عده الغروب وما تونين
وانا الكبل حاسبلج حساب
عدلة وراهم ما تضلين
دمعج وشم دكي اعلى الخد
وخياط اعلى جلدج خيطي الاسود
لو انتي ميته وهم عدلين
جان وعلي يسوون الازيد
.
.
.
#شعراء_وذواقين_الشعر_الشعبي
#منقول
#ابو_تراب

.
ما جبرتك انت ال اختاريتني
انت اجيت بنفسك وحبيتني
بيك ابد ما توسلت
لا حجيت ولا كلت
ردت اعوفك وانت ما خليتني
ما جبرتك انت ال اختاريتني
.
.
.
#شعراء_وذواقين_الشعر_الشعبي
#منقول
#ابو_تراب

.
صاير ولا تشتاك الي
صاير ابد مو الاولي
تحسبني شي عابر كمت
وانا الحسبتك من هلي
يوجعني گلبي العاطفي
والنار ابد ما تنطفي
ادعي الله يفتر الوكت
وتوكع بواحد مو وفي
.
.
.
#شعراء_وذواقين_الشعر_الشعبي
#منقول
#HM

.
همزين هسة اذكرتني
بعذرك ودمعك فاجأتني
لازم زمانك جفى وخلاك
والردته بعدي ما وفى وياك
كتلك ترد وجذبتني
همزين هسة اذكرتني
.
.
.
#شعراء_وذاوقين_الشعر_الشعبي
#منقول
#ابو_تراب

.
حلك بحلك يمشون ويكعدون
وهم تأثروا عود بهوانه
اذا نرجع علج للوادم نصير
دشوف الوادم الحبت ورانه
واخر فترة كمت تجذب هواي
وصارت سولتك بس بالخيانة
ما خليت ابد رجليك بالكاع
وماكو غراب ما جبته بسمانه
انوب المصيبة احتاجك هواي
حضنك ما شفت حضن بحنانه
ال ( احبك ) من لسانك تأخذ الروح
غيرك گلي مو حلوة بلسانه
اويلي شرجعتني لذيج الايام
كبل وديتني ل اول لقانه
جنه بليلنه ولا نعرف النوم
ما انامه ابد لو بي دوانه
نزعل ساعة نرضى الباقي حضنات
ويكص كص البرد ونذب غطانه
.
.
.
#شعراء_وذواقين_الشعر_الشعبي
#منقول
#HM

.
حملنا ست ريلات حنه و ورك ياس
للكذلة ما كفاج ضل عايز الراس
.
.
.
#شعراء_وذواقين_الشعر_الشعبي
#سعد_محمد_الحسن
#ابو_تراب

.
بعيد وجنت اشوفك مثل العيون
وأقرب من سواد العين حسيت
تنكل صورتك تدري العصافير
ويصفطنك بعيني لون حنيت
طرت حد ما تلاشه صورة الكاع
وشفت وجهك سما وكباله صليت
بس كلي شكطع خاطر انساك
دشوف شكم گلب من صدري جريت
اخلي بخاطرك من جنت احاجيك
وانت بخاطري ما يوم خليت
كلي الخالقك جم نسخة سواك؟
اشو يا بيت اطب الكاك بالبيت
ترى انا من كثر متولعت بيك
جن وتلبست بعظاي شكيت
جابولي اليطلع يعرف الجان
غلط طلعني انا وانت ضليت
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

• .
ثگلت علية شبيها الوجوة
سويت زين وصرت مكروة
جنت من اجي يكولون اجى العيد
هسة من اجي يكولولي شتريد
ليش العزيز ب لحظة ينسوا ؟
ثكلت علية شبيها الوجوة
.
.
.
.
#شعراء_وذاوقين_الشعر_الشعبي
#جبار_صدام
#ابو_تراب

.
كل اليضحك بوجهك حبيب الگلب سميته
متكلي شطلع گلبك ياهو اليجي وحبيته
طبعك هذا ما يعجب
ما تعرف تحب لا تحب
على روحك كايم تجذب
گلبك والله ذليته
هيج العالم تملك ولا واحد يدك بابك
واحد انا من الناس بعد ما احسب حسابك
شغلت سنين الك بالي
تحب وتوافي حسبالي
رجاءً عوفني بحالي وكلمن يكعد ابيته
طبعك هذا ما يعجب
ما تعرف تحب لا تحب
على روحك كايم تجذب
گلبك والله ذليته
.
.
.
#شعراء_وذاوقين_الشعر_الشعبي
#منقول
#ابو_تراب

.
تسأليني اعلى حالي
وانا تعبان حالي
شيوصلني يمكم
وانتوا قصور اهلكم
تسد عين الليالي
صحيح البيت مابي حديقة ولا مراجيح
لكن ورد حبنه لا يذبل ولا يطيح
حديقتنا التصافي
راحه وبال صافي
ومن التعب خالي
شتسألين اعلى حالي
يا بوية قصوركم وين و احنا بيوتنه وين
صغير البيت لكن كعدته مالية العين
واشكال العصافير
تحط على الباب وتطير
وانا تعبان بالي
شتسأليني اعلى حالي
.
.
.
#شعراء_وذاوقين_الشعر_الشعبي
#منقول
#ابو_تراب

.
جنت احبها وهي تحبني
والعشك لايك علينه
جانت تسميني حبيبي
وانا اسميها الحنينه
شهرين انا وهي انتحضر
على الزفاف احنه نوينه
تالي ما ندري نتفارك
للزمن ما حسبينه
ضيعيتج يالحبيبة مثل طفل مضيع امه
يذكر ايامه بكربها بشوك وبلهفة وتشمه
والي جبرونه نتفارك
وياهم احنه اشجنينه
.
.
.
#شعراء_وذاوقين_الشعر_الشعبي
#منقول
#ابو_تراب