معي منْك جرح و سَم بالله عليه و داو
‏ أداريك وأحنّك من اثمه و مشروهه
- مطحس حمد

تغويني الآمال والدنيا على المرء .. إفتتان
‏كم وقت مني ضاع يتمنونه أصحاب القبور

عندي يقين برحمتك يارب .. وانت المستعان
من رحمتك وشلون يقنط! من يعرف أنك غفور

أدعيك واخشى من عذابك وارتجي منك الجنان
مالي سوى -عفوك- ملاذ الوذ به يوم النشور

- سعود مهدي

تَقْصِر الدنيا ولو كانت طويلة
‏والعمر محسوب والدنيا كفاح

‏يا فضل ربي بالايام الفضيله
‏الشعور اللي بها .. فيه ارتياح

‏كني انفض حمل الايام الثقيله
‏كل ما قلبي سجد له واستراح
- ذروه

عيدي أحبك فديت الحب عيدي
خليني اثمل من الكاس وسلافه

ياللي طمأنينتك في مسكة أيدّي
وش آفة الحب غير إنّا نخافه !

يا ما تغنيتي ومغناك ميدي
للحب تلميح ألذ من اعترافه

أحضانك الدافية مفتاح قيدي
ضمّيني ان كان ما فيها كلافة

- مخاوف البعد - تنبض في وريدي
بعد المشاعر ماهو بعد المسافه
- سعود مهدي

" يارب الأحلام وأحلامي تحداني
‏مالت على يديّ وأزريت أحققها

‏أرزقني الفرحة اللي يوم تغشاني
‏أحتاج فتره طويله لين أصدّقها "

" يا فالق الصبح فيك الوذ قبل استعين
هب لي من الصبر ما هبته لعبدك بلال

صحيح مانيب ضمن عبادك الصالحين
لكني اخشاك يارب .. وذنوبي جبال

ابكي على الحال ! ولا ابكي على الغايبين؟
فراقهم لا محاله جاي في كل حال

ان آفل النور وازرت تبصر النور عين
ما خفت من مغرب الشمس ودنو الزوال

الخوف لو تنطفي روحي مع الراحلين
الروح ما تملك القدره على الإشتعال "

" ليت من يدري بحبه وياثق من غلاه
‏لا سعى فـ جروح قلبي سعى فـ اعلاجها

‏واحدً ربي من الزين والقبله عطاه
‏يستلم عرش المحبه ويلبس تاجها

‏مثل مايحتاج الانسان لـ الماء فـ الحياه
‏الدروب اللي تودّي عليه .. احتاجها !"

"انا يا ربّ خايف وانت وحدك ناصر الخواف
قبل ما تمسح دْموع المخافه راحة كفوفه

وقفت و لا معي الّا دعاي و دمعي الشفاف
عسى تغفر ذنوبٍ ، دونها اليدّين مكتوفه"

"أضل الدروب ولا اتطمّن إلين اجيك
‏ضعيفٍ بلغ منه الندم ما بلغ منّه

‏وأتوب لْك ثم ارجع بعد مده واعصيك
‏جعل ماسترته من خطاي تعفي عنّه

‏انا ماني بخايف تبدّل ظنوني فيك
‏مدام أنك تعرف وش ورا قلبي وظنّه

‏انا خايف أني يوم اوقّف مابين يديك
‏رغم رحمتك يارب ما أدخل الجنة."
– ماجد النفيعي

‏فقدك الندى واول طريقي وصدر الدار
‏ياوجهٍ؛ لو تْملّ الصور منه.. ما أملّه

‏معك كنّي أخذ في فضى ليلتي مشوار
‏واجاذبك صبحٍ؛ يفهَق العمر عن حِلّه

‏عكفك الجفاف إن مرت الناس والزوار
‏شجر واديٍ كم مرّه الغيم ما بلّه؟

‏تساقط يباس وشرهته ماعليها غبار
‏اداري دقاقه، واتطّلع على جلّه

‏مواعيد صفحٍ مالها في دجاي أنوار
‏ياضحك العيون اللي تدوّر على الزلّه

‏أشوفك سحابٍ في مجيّه حيا وأمطار
‏وأشوفك مجي القوم والحرب والسلّه

‏وأشوفك نهارٍ ماتوارى عن الأنظار
‏ياعنّك إنّي أفضّل شموسه على ظِلّه

‏تعال إن بدأ لك في دروبي ضحى وديار
‏هذا الصدر مرتع؛ وأنت خابره وتْدله

‏معي وجه علم، وليلٍ أدلم وضيقة ثار
‏وأنا لا لمحتك يسري القلب عن غلّه

‏خذ اول شبابي عمر لاشحت الاعمار
‏وإذا كان مايكفي؛ فداك العمر كله.
- محمد السلطان

تبون ثريد للعيد قبل العيد

بس الاتفاق خمس اقتباسات منكم ووحده مني

"عسا اللي يشوفونه هل سدير بـ المنظار
‏فدا اللي نشوفه كل الايام شوف العين

‏انا خاايف انه ينكب الناس ب استمرار
‏يقولون لي وش لون يطلع وجا من وين

‏ياعذب المى ريح ركابك وطف النار
‏ترا حسن يوسف معجزه ثابته فالدين

‏ابااا انصحك قبل العيد غايب عن الانظار
‏مصيبه يشوفون القمر تسعه وعشرين! "

" آتحرّى العيد في طلعة هلالك
‏يوم كلٍ في مصلى العيد صلّى
‏في لثامك ليل ما غطّى جمالك
‏مدري وجهك نور والاّ صبح والا
‏أدري إن الليل مهما كان حالك
‏ما يحجب البدر لا منه تجلّى "

" تهادوا علي أحباب قلبي.. صدير، وْوِرْد
‏وأنا كيف أعايد ضحكتك وأبحث أسبابك؟

‏تمنيت وبلك يوم صحراء القصايد جِرد
‏يا وجه الله إن مرّ - أوّل العيد - ما جابك "

" انا في رجا غرو سحرني بزين احكاه
‏وهو جعلني ما اذوق حزنه مواعدني
‏اربّه يعايدني ويقطع ضماي بماه
‏تراني دريك غير اربه يعايدني "

سلامي على اللي نور وجهه تقل شمس الضحى
ضحى العيد عسّانا من العايدين الفايزين

" أنت أول إنسان في عيدي اعايد عليه
عشانك أحلى من أعياد السنه كلها .!

كل عام وأنت بحياتي حب ., مالـه شبيه
وكل عام وأنت المطر ., وضلوعي تبلّها .!

ياللي اليا من طلبته .، لائه تصير إيه
وياللي عقد خاطري بيدينه يحلّها .! "