Вакцина ҳақида кўп берилаётган саволларни ўргандик ва муҳим 12 тасига жавоб изладик. Натижада ушбу кўрсатув пайдо бўлди.

❓Вакцина зарар етказадими, бепушт қиладими, ўлдирадими?
❓Нега вакцина олгач ҳам касал бўлишяпти?
❓Агар ҳамма вакцина олмаса, оммавий иммунитет пайдо бўлмаса, нима бўлади?
❓Вакцинага мажбурлаш нима: оёқ-қўлини боғлаб олиб бориб қилдиришадими ё танлов эрки инсоннинг ўзида қоладими?
❓Вакцина олмаганларни ишдан четлатиш қанча муддатгача давом этади?
❓Вакцианага мажбурлаш халқаро ҳуқуқ нормаларига зидми?

Шу каби муҳим саволларга ушбу видеодан жавоб топасиз. 20 дақиқа вақтингизни аяманг, вакцина ҳақидаги саволларингизга жавобни билиб оласиз.

https://youtu.be/kRWnDxFWZ5E

Китоб чиқариш бир ташвиш бўлса, уни сотиш ва харидорга етказиш - ўн ташвиш. Буни фақат ноширлар ва шу соҳага дахлдор мутахассислар яхши билишади.

Китоб бозорида ўз ўрнига эга бўлган креатив Asaxiy Uz интернет-дўкони июль ойида ажойиб акция эълон қилганди. Учта ёки ундан ортиқ китоб харид қилсангиз, Ўзбекистон бўйлаб етказиб бериш хизмати текин.

Қувонарлиси, акция 31 августгача узайтирилибди. www.asaxiy.uz сайтга кириб китобларни танлайсиз ва буюртма қолдирасиз. Китоблар уйингизгача 3 иш кунида етиб боради. Агар сайтдан фойдаланишда қийналсангиз, унда телеграмдан @asaxiybook аккаунтига ёзиш етарли.


Китоб энг яхши совғадир. У саёҳату сафарларда, учоқлару поездда, бегона шаҳарларда меҳмонхоналарда, бемор бўлиб уйда ётгандаю, соғлом бўлиб ишга кетаётганда жамоат транспортида "пробкалар"да қолиб кетганда... - хуллас, ҳамма жойда вақтни фойдали ва мароқли ўтказиш воситасидир.

Китоб сотиб олинг - пулингиз ўзингиз билан кетади ва яна катта фойда ҳам келтиради.

@shahnozxon

Гўёки китобни нусхалаб тарқатиш савобмиш, бу билан нусхаловчи яхши ниятни кўзлаганмиш.
Китоб ўғирлаш, тарқатиш ёмон, аммо ундан ҳам ёмони буни “савоб”, “зиё таратиш” деб оқлаб беришдир.
_____________
“Китоб ўғриси ўғри эмас” – бу мақол бизнинг кунларимизда бемаъни, ҳатто зараралидир. Бир пайтлар китоблар фақат давлат (яъни, халқ) пулига чиқарилган даврларда балки бу гап ўзини оз-моз оқлар. Қолаверса, у пайтлар нусха кўчириш ва тарқатиш технологик жиҳатдан осон бўлмаган, ўғирланган китоб фақат битта одамнинг қўлида қолган. Ҳозир эса гап китобни яширинча нусхалаб кўплаб инсонларга тарқатиш ҳақида кетяпти. Бу китоб халқнинг мулки эмас, муаллиф ва ноширнинг мулки. Унга белгиланган нархни бермагунча, ҳеч ким эгалик қила олмайди. Чунки у сизу бизга ўхшаган бир солиқ тўловчи фуқаронинг шахсий маблағлари эвазига чиқарилган.

Кейин сиз битта нусхани сотиб олганингиз, бу ундан нусха кўчириб тарқатишингиз мумкин дегани эмас. Сиз тўлаган 20-30 минг сўмга китобни чексиз нусхада кўпайтириш ҳуқуқи берилмайди (бу ҳуқуқ қиммат туради, ноширлар уни фалон пулга сотиб олишади). Сиз шу биргина нусхани тасарруф эта оласиз, ундан нусха кўчириб тарқатиш – жиноят! Буни ҳеч қандай “зиё тарқатиш” истагингиз билан оқлай олмайсиз.
Бунақа чала “Робин Гудлар” билан узоққа бормаймиз.
________________
Тошкентнинг биқинида “Қуёшли” китоб бозори бор. Ўша ерда қанчалаб контрофакт китоблар сотилади, биласизми? Шу китоблар орқали қароқчилар уч қаватли участкалари қуряпти, Гоа ва Балида дам оляпти... бу ёқда кутган маблағини ололмаган ноширларнинг қанчадан-қанча фойдали лойиҳалари тўхтаб турибди. Шу маърифат улашишми?

Китоб нашр қилиш осон иш эмас: нашрлар ичида энг меҳнатталаби ва қиммати шу. Чунки китоб тайёрлашнинг катта қисми автоматлаштириб бўлмайдиган, инсон меҳнати талаб қиладиган, меҳнат бўлганда ҳам, интеллектуал (яъни қиммат) меҳнат талаб қиладиган жараён. Яхши китоб чиқараман деган ношир бирпасда бойиб кетмайди, бойиб кетса ҳам, ҳеч қачон ресторан, дорихона ёки супермаркет тармоғи соҳибларидек миллиардер бўлмайди. Чунки у узоқ йиллар давомида кўп-кўп маблағ сарфлаб, анча йиллар ўтгач оз-оздан фойда кўра бошлайди. Китоб нашр қилиб фойда кўраман деган тадбиркорда қуруқ ҳисоб-китоблардан ташқари оз-моз “жиннилик” ҳам бўлади, яъни китоб жиннилиги. Бўлмаса шунча ресурсни бошқа соҳага сарфласи, тез орада итининг товоғи тилладан бўлиб кетишини англамайди дейсизми? Биз бундай “китоб жиннилари”ни асрашимиз керак, “зиқна”, “худбин” ва яна алланималар деб бошидан мағзава тўкмай.
__________________
Китобнинг “пдф версияси борми?” дегувчиларни ёқтирмайман, менинг назаримда улар текинхўрлар. Айнан улар туфайли қароқчилик ривожланади, чунки талаб бор жойга таклиф етиб келади. Китоб ўқиб илм оламан деган инсонлар бу илмни эзгу йўл билан олишни ҳам ўйлаши керак эмасми? Чўчқа гўшти емаймиз – луқмамизнинг ҳалоллиги ҳақида ўйлаймиз, нега маънавий озуқани ҳаром йўл билан олмоқчи бўламиз?

Энди савобталаблик масаласи. Одамлар, муаллифлик ҳуқуқига риоя қилмай, савобга китоб тарқатаверсак, қайси пулга ноширлик ривожланади, янги асарлар таржима қилинади? Қани шу савобталаблар 5 минг доллар йиғиб беринглар, масалан. Янги асар таржимаси учун)))

Ўғриликни китоб ўқиш иштиёқи билан оқлашга уринманглар, арзимас пулга электрон версияси турибди. Шунчаки, текинга ўчмиз, у китоб бўладими, лавашми – фарқи йўқ. Бировнинг ҳуқуқи дейсизми? У нима билан қўшиб ейилади? Бизни фақат ўз ҳуқуқимиз, манфаатимиз қизиқтиради.

Ўғирлаб ўқийдиган бўлсангиз, ўқимай қўяқолинглар. Чунки сиз ноширлик ривожига зарба беряпсиз, эртага яхши китоблар чоп этилиши йўлига тўғаноқ бўляпсиз, ўзингизнинг маърифатингизни ўйлаб кўпларнинг маърифатига зарар етказяпсиз.

Маърифат ўғирлаб олинмайди, шунинг ўзи маърифатсизликдир.

@shahnozxon

“Халқ юраги” ҳужжатли фильмлар туркумининг ёпиқ тақдимоти бўлиб ўтди.

Кеча Ўзбекистон Кинематография агентлиги томонидан бир гуруҳ зиёлилар, ижодкорлар, адиблар ва олимлар учун ташкиллаштирилган премьерада бўлдим. Ўзбек адабиётининг Алишер Навоийдан тортиб Муҳаммад Юсуфгача бўлган 25 нафар адаби тўғрисидаги ҳужжатли фильмлар туркумининг тизерларини намойиш этилди ва ижодкорлари билан таништирилди. Шунингдек, ушбу туркумдан Бобурга бағишланган “Йўлбарснинг туғилиши” фильмини тўлиқ кўрсатишди.

Хабарингиз бўлса, бундан роппа-роса бир йил аввал Миллий боғда Алишер Навоий ҳайкали тагида Адиблар хиёбони ҳақида “Халқ юраги” номли ҳужжатли-публицистик фильм премьераси ўтказилганди, 1 октябрда эса фильмнинг теленамойиши бўлган. У менда жуда яхши таассурот қолдирган, ҳали-ҳануз такрор кўриб тураман – таъсирли, ширали, янгича ёндашувли, зериктирмайдиган ҳужжатли-публицистика.

Шу фильм кеча тақдимоти ўтган сериянинг очқичи – калити бўлганди. Ўшанда “Халқ юраги” номли туркум яратилиши ҳақида баёнот берилганди.

Орадан бир йил ўтиб, ваъда бажарилибди - туркум тайёр бўлибди. Бирон иш натижага етгани ўзи катта гап бизнинг замонда. Олқишлайман!

Навоий, Бобур, Огаҳий, Фурқат, Муқимий, Беҳбудий, Чўлпон, Қодирий, Бердақ, Ҳамид Олимжон, Зулфия, Ғафур Ғулом, Ойбек, Мақсуд Шайхзода, Саид Аҳмад, Саида Зуннунова, Эркин Воҳидов, Абдулла Орипов, Ибройим Юсупов, Тўлепберген Қайпбергенов, Озод Шарафиддинов, Абдулла Қаҳҳор, Муҳаммад Юсуф ижодига бағишланган ҳар бири ярим соатдан давом этувчи ҳужжатли фильмлар серияси – бу ҳодиса. Ҳали фильмларни кўрмадик, уларнинг даража ва сифатини билмаймиз, аммо мавзу ва ғоя учун муаллифларга ҳозирданоқ ташаккур.

Кечаги тақдимотдан хулосам: булар ҳужжатли фильм элементи бор, бироқ кўпроқ бадиий-публицистикага тортади, янаям серия намойиш этилса кўрамиз.

Тизерларда Иброҳим Ғафуров, Наим Каримов, Эркин Аъзам, Шуҳрат Сирожиддинов каби давримизнинг буюк зиёлиларини кўриб кўнглим кўтарилди, улар ҳам тирик тарих, уларга кўпроқ микрофон тутиш керак. Гарвард, Жаварҳарлаъл Неру университети профессорлари, дунёнинг етук олимларини жалб қила олибмиз, демак эртага улардан яхши маълумотларни ҳам сўраб оламиз деган умид уйғонди. Шодмонқул Саломни Абдулла Орипов образида кўриб “воо, топилма!” дедик – ҳайратлар ҳам бор.

24 та фильмни турли ижодий жамоаларга бўлиб беришган экан – турлича қараш, дастхат, ёндашув ва даража бўлишини ҳам тахмин қилиш мумкин.

Асосийси, сўнгги йилларда зиёлиларга, адабиётга бағишланган киномизнинг баланд сўзи бўлди бу. Юксак интеллектуал мавзуларни ва ҳужжатли фильм жанрини бутунлай игнор қилган даврларимиз тугагани рост бўлсин.

Энди жараённи тўхтатамасдан, оловни сўндирмасдан, турли соҳа олимлари, давлат арбоблари, саркардалар, жамоатчилик фаоллари ҳақида тарихий-ҳужжатли фильмлар олинса, бизнинг илдизларимиз, чўққиларимиз, қояларимиз эсланса ва кўрсатилса, балки шу бўлар бирлаштирувчи ғоя, мафкура – тараққиёт ғоясига замин.

Яхши, фойдали, тарихий бир лойиҳанинг амалга ошгани билан барчани қутлайман!

Бу юқорида тилга олинган "Халқ юраги" туркумидан Мақсуд Шайхзодага бағишланган фильмнинг тизери. Сир бўлса ҳам айтаман, шу сериясини тўлиқ кўришга муваффақ бўлдим. Қизиқ, тарихий ва эксклюзив маълумотларга бой, шахс ва характер яхши очилган фильм. Шайхзодани тушунтирадиган, унинг истеъдоди кўламини очиб бера олган, ҳам бадиий, ҳам ҳужжатли томони пишиқ фильм бўлган.

@shahnozxon

#Биласизми

Йўл-транспорт ҳодисаси содир бўлганда ҳайдовчилар нималарни билиши керак?

🔰 Бундай вазиятда:

❓Ҳайдовчи қандай ҳаракатларни амалга ошириши керак?

❓Ҳайдовчилик гувоҳномаси олиб қўйиладими?

❓Қандай жазо чоралари қўлланилади?

Батафсил 👉 https://bit.ly/2Uhu1Sd

Каналга уланиш👇👇👇
https://t.me/huquqiyaxborot

Кичик ҳамшираликни энг бошидан ўрганинг

Дастур қуйидагиларни ўз ичига олади:
👉 биринчи тиббий ёрдам;
👉 жарроҳлик, инсультдан кейин беморларни парвариш қилиш;
👉қон босими, пульс, нафас олиш частотаси ва ҳароратни ўлчаш;
👉 босим яралари профилактикасини ўтказиш.
Физиотерапевтик муолажаларга куйидагилар киритилган: горчичник, компресслар, грелкалар, клизмаларни тўғри қўллаш, боғичлар қўйиш, мушакости ва томир ичига укол қилиш.
👩⚕ Машғулотлар манекен ва муляжлардан фойдаланган ҳолда ўтказилади.

☎️ +998712349202
☎️ +998977016009

✏️@ranojuraeva_1

Мана бу ерда rost24 сайти ҳақли саволларни қўймоқда:

Нима учун "Tashkent City"га кириш пуллик?
У ерда ҳатто видео тасвирга олиш ҳам пуллик?

Ўзбекистон пойтахтининг қоқ марказидаги ерни имтиёзли шартларда олиб, имтиёзлар асосида шаҳарча барпо этиб, у ердаги уйларни катта нархларда пуллаб туриб, нима учун халқ мулки бўлган ҳудуднинг ҳатто суратини олишга ҳам фуқаролар пул тўлаши керак? Яна бошқа саволлари ҳам ўткиргина экан.

Бу видеога Халқ демократик партияси ўз муносабатини билдирибди:

"Бундай табақалашув фуқароларнинг кайфиятига ёмон таъсир кўрсатади. Биз ҳуқуқлар тенглиги ва уларни амалга оширишда имкониятлар тенглиги тарафдоримиз! Шунинг учун жамиятда барқарорликни сақлаб туриш учун ижтимоий кескинликни юзага келтириши мумкин бўлган ижтимоий муаммоларни тезкор ҳал этиш зарур, деб ҳисоблаймиз.
Ўзбекистонда молиявий белгиларга, шунингдек, айрим имтиёзларга кўра табақаланишга йўл қўйиб бўлмайди. Шунинг учун "Tashkent City"га кириш бепул бўлиши шарт", дейилади партия мурожаатида.

Репортажни кўринг, саволларингизни беринг, ҳаққингиз бор.

Жавобни, албатта, масъуллардан кутамиз.

@shahnozxon

Президент Шавкат Мирзиёев "Янги Ўзбекистон" газетасига интервью берди ва бугун барчанинг эътиборидаги асосий мавзу шу бўлиб турибди. Бу табиий, чунки давлат раҳбариинг ОАВга интервьюси уни яқинроқ танишга, тушунишга, давлат ва халқнинг келажакда қайси йўналиш бўйлаб ҳаракатланиши, мақсад ва истиқболларини аёнроқ англашга ёрдам берувчи муҳим ҳодисадир.

Шавкат Мирзиёев интервьюсида кўп масалаларга очиқ тўхталган, сўнгги йиллардаги ўзгаришлар, ютуқлар ва камчиликларни таҳлил қилган.

Иқтибос:

"...биз бу демократик ўзгаришларни кимларгадир ёқиш, мақтаниш, турли рейтингларга кириш учун эмас, аксинча, демократик жараёнлар ўзимизга сув билан ҳаводек зарур бўлгани учун, халқимиз, авваламбор, ёш авлодимизнинг бугунги ҳаёти ва эртанги истиқболини ўйлаб, миллий манфаатларимиз йўлида амалга оширмоқдамиз.

Биз – Ўзбекистон фуқаролари жамиятимизнинг сиёсий-ҳуқуқий, ижтимоий-иқтисодий қиёфаси шиддат билан ўзгариб, ҳаётимизда янгича муносабатлар, янги имконият ва қадриятлар шаклланаётганини ҳаммадан ҳам кўпроқ ҳис этмоқдамиз. Айниқса, “инсон ҳуқуқ ва эркинликлари”, “қонун устуворлиги”, “очиқлик ва ошкоралик”, “сўз эркинлиги”, “дин ва эътиқод эркинлиги”, “жамоатчилик назорати”, “гендер тенглик”, “хусусий мулк дахлсизлиги”, “иқтисодий фаолият эркинлиги” сингари фундаментал демократик тушунчалар ва ҳаётий кўникмалар ҳозирги вақтда реал воқеликка айланиб бораётгани эътиборлидир.

Бир ҳақиқатни очиқ тан олишимиз лозим: вақт ўтиши билан ислоҳот жараёнлари тобора кенгайиб бормоқда, шиддатли замон олдимизга янада улкан вазифаларни қўймоқда. Ҳаётнинг ўзи бизни кўп нарсага ўргатмоқда. Шу сабабли биз доимий изланишдамиз. Изланиш бор жойда ютуқлар билан бирга камчилик ва нуқсонлар ҳам бўлиши табиийдир.

Энг асосийси, “Ҳаракатда – баракат” деганларидек, биз энг қийин босқичдан ўтдик, яъни, йўлимизни аниқ белгилаб, катта ишларни бошладик. Энди ҳамма гап ислоҳотлар йўлини қатъият билан давом эттириш ва мантиқий якунига етказишда. Бу албатта осон эмас, аммо биз бунга қодирмиз. Муҳими, кейинги йилларда бундай улкан ва мураккаб вазифани амалга ошириш учун етарли сиёсий-ҳуқуқий, ижтимоий-иқтисодий, ташкилий-институционал замин яратилди"

Интервьюдақатор муҳим масалаларга давлат раҳбарининг қарашлари ва таҳлили билан танишишингиз мумкин. Уни қуйидаги ҳаволадан ўқинг:

https://yuz.uz/news/yangi-ozbekiston-demokratik-ozgarishlar-keng-imkoniyatlar-va-amaliy-ishlar-mamlakatiga-aylanmoqda

@shahnozxon

Президент ОАВ ҳақида

“Шахсан ўзим оммавий ахборот воситалари ва ижтимоий тармоқларда берилаётган янгиликлар, улар орқали билдирилаётган долзарб фикрлар, жамоатчиликнинг диққат-эътиборини тортаётган воқеа-ҳодисалар билан имкон қадар бевосита танишиб боришга ҳаракат қиламан.

Бир сўз билан айтганда, замонавий ахборот технологиялари ривожланган бизнинг давримизда реал ҳаётдан бутунлай узилиб қолиш мумкин эмас. Шунга қарамасдан, халқ билан турли кўринишдаги, дейлик, бу режадаги тадбир бўладими ёки маҳалла, туман, қайсидир муассасага кутилмаган ҳолатда кириб бориш орқали бўладими, умуман, бевосита мулоқот ҳамиша керак, деб ҳисоблайман.”

Президент Шавкат Мирзиёевнинг “Янги Ўзбекистон” газетасига интервьюсидан

@shahnozxon

Катта аудиторияли каналлар фейк чиқаряпти, жуда афсус.

Гўёки толиблар Амударёда ўзларига флот ташкил қилган эмишлар.

Аслида ушбу фото 2019 йил қўмондон Абу Бакир Сиддиқнинг ҳарбий машғулот лагеридан олинган.

Фейкни фактчекинг билан фош этганга раҳмат.

@shahnozxon

Мендан сўрашди:
❓Қизлар қандай қилиб яхши ҳақ тўланадиган касбларни эгаллаши мумкин?

Мен қуйидаги тавсияларни бердим:

🔹ҳар бир ишга ижодкорона ёндашиш керак;
🔹ҳар қандай қийин вазиятни фақат юқорига интилиб, ўсиб енгиш мумкин;
🔹иқтисодий мустақиллик қизлар учун жуда муҳим.
Бундан ташқари, болалигим, онам, омадларим ва қийинчиликларим ҳақида ҳам гапирдим – қизларга мотивация учун, албатта.

«Girls for Girls» (Қизлар қизлар учун) лойиҳасига берган ушбу интервьюимни кўриб, ўзимга ҳайрон қоляпман: наҳотки тўхтамай бидиллаётган шу аёл бир пайтлар ичимдагини топ дейдиган, ҳаётдан нима исташини очиқ айтолмайдиган, камтар, камсуқум, журъатсиз, комплексларга бой бир қиз бўлган?)) Барча ютуқларим учун китобдан миннатдорман!

«Girls for Girls» Халқ таълими вазирлигининг Инновация, технология ва стратегия маркази ҳамда UNICEF халқаро ташкилоти ҳамкорлигида амалга оширилиб келмоқда. Уни амалга ошириб, қизларимизнинг ҳаётда ўз ўрнини топиши учун беминнат хизмат қилаётганларга хайрли ишларида ривож тилайман.

@shahnozxon

Кун.уз журналисти Илёс Сафаровнинг кимлар учундир ноқулай саволи яна тил масаласини юзага чиқарди. Индамай тургандим, қарасам, ғирромликлар бошланяпти - унга карши кутилмаганда диний воизлардан бири асоссиз гаплар ва туҳматларни айтиб чиқибди, энди жим туролмадим, узр.

Воизнинг вазиятни Афғонистон, Қирғизистон ва яна қандайдир сиёсий масалаларга боғлаши ҳақида гапирмайман (хаёлнинг ҳар парвози муҳокамага арзийвермайди), оддийгина факт – рус тили ўқитувчисини гидрометерология мутахассиси деб, ваъзини шу ёлғон устига қургани ҳамма нарсани очиқ англатиб турибди. Ё депутатнинг мутахассислигини билмайдими (яхши гумон)? Билмаса, нега гапиради? Билса, нега алдайди?

Илёс қонундан ташқарида бир иш қилмади. Айримлар айтаётгандек, бемаврид ҳам гапирмади. Ҳар қандай тадбир тил воситасида амалга оширилар экан ва у ерда Давлат тили тўғрисидаги қонун талабига риоя этилмас экан, у ҳақида гапириш ҳеч қачон бемаврид бўлмайди. Чунки бу ҳолатга барҳам берилиши, Қонун талаблари бажарилиши керак. Буни талаб қилишда фитна кўрганларнинг ўзи фитнакордир.

Бизнинг давлат тили таълими ва мутахассислар бўйича муаммоларимиз ўзимизга маълум. Ўзбек тилида илмий тафаккур ривожланмаётгани ҳақида кўп вақтдан бери куюниб гапирамиз. Лекин бу масалалар ҳал бўлгунича тадбирлар ширу-шакар тарзида ўтавериши керакми? Таржимонлар хизматига нега мурожаат қилинмайди?

Гидрометерологлар ўз ишини қиляпти, журналистлар ҳам. Уларни бир жойга чақирганда, давлат тилида мулоқот қилишларини ташкилотчилар таъминлаши керак. Давлат тадбирига келаётган ҳар қандай масъул шахсга тадбирнинг давлат тилида ўтказилишини эслатиши, таржимон зарурати борми-йўқлигини билиши, умуман, тадбир тили деган талабни ҳеч қачон эътибордан қочирмаслиги лозим. Чунки давлат тадбирларининг давлат тилида ўтказилиши шартлиги – қонун талаби!

Бизда рус тилидан ўзбек тилига синхрон таржима қилиб тадбирларни ўтказиш анъанаси йўқ, ўйламаймиз бу ҳақида, рус тилида бўлса, таржима қилмаса ҳам бўлаверади деймиз. Қонунда давлат тилида ўтказилсин, заруратга кўра таржима таъминлансин, халқаро тадбирларга фақат истисно дейилганми, шундай қилиниши керак! Илёс савол берган тадбир давлат тадбиримиди – ҳа! Халқаро тадбирмиди – йўқ!

Энди Илёсдан миллатчи, фитна қўзғовчи ва яна аллақандай олабўжи ясашга уринмаган маъқул. Бизга бу можаронинг узоқ давом этиши ҳечам керак эмас. Бу ҳодисадан сабоқ чиқарайлик, яшашда давом этайлик. Эшикда Мустақиллик байрами турибди, уни уйғун, тотув, якдил жамият ўлароқ муносиб кутиб олайлик.

@shahnozxon

​​Бош қаҳрамони аёллар бўлган асарлар кўпинча бестселларга айланаркан – китоб бозорининг ёзилмаган қонунияти шу.

Яна бир шундай халқаро бестселлер ўзбек тилида ўқувчилар эътиборига ҳавола этилмоқда.

Турк ёзувчиси Ўрхон Камол қаламига мансуб – турмуш ўртоғининг қалтис қарори сабаб умри хазон бўлган бир аёл кечмишлари ифодаланган “Денгизга отилган аёл” (El kizi) романи воқеалари китобхоннинг қалбини ларзага солади. Оддий тилда, тушунарли баёнда ифода этилган ушбу роман бир нафасда ўқилади.

Асар ХХ асрнинг 20-йилларидан 50-йилларига бўлган воқеаларни қамраб олади. Унда Ўрхон Камолгагина хос ўткир қизиқарли фабула билан ишлаш ва уни бир нафасда ўқиладиган қизиқарли сюжетга айлантириш маҳорати кўзга ташланади.

Эри томонидан кўчага ҳайдалган аёлнинг сарсон ва саросар кечмишларини ўқир экансиз, таъсирланасиз, қайғуланасиз, ўйланасиз, муҳим хулосалар қиласиз. Фақат бу жараёнларнинг қизиқарли мутолаа завқи аро кечаётганни сезмай ҳам қоласиз.

Муҳими, қиз болага ўз шаънини ҳимоя қилиш, ҳақ-ҳуқуқларини таниш, иродали бўлиш билан бирга таълим ҳамда тарбия ҳам ҳар бир давр учун долзарб масала бўлиб қолажагига амин бўласиз.

🇹🇷 Турк тилидан Миразиз Аъзам таржимаси.

💰 Нархи 36.000 сўм

Буюртма бериш⤵️
🛒 Сайт орқали: book.uz/dengizga-otilgan-ayol
📲 Телеграм: t.me/bookuzbek
☎️ Телефон: +998998910324

🌐 Facebook | Instagram | Telegram | TikTok

Президентнинг тадбиркорлар билан учрашувдаги нутқидан:

"Маълумки, сўнгги уч йилда солиқлар тури 16 тадан 9 тага қисқарди

Кўпчиликнинг эсидан чиққан бўлиши мумкин, яқингача Пенсия, Мактаб ва Йўл жамғармаларига, бизнес учун оғир юк бўлган 3,2 фоизли йиғимлар тўланар эди.
Ушбу йиғ́имлар корхоналарнинг фойдасидан қатъий назар, оборотдан олиниб, уларнинг миқдори корхоналарнинг камида 20-25 фоиз фойдасига тенг бўлган.

Бюджетдан ташқари жамғармаларга мазкур йиғимларни бекор қилиш ҳисобига, 7 мингга яқин корхоналар ҳар йили ўртача 6 триллион сўм солиқ тўлашдан озод бўлдилар".

Ушбу видеода ёш болага нисбатан кап-катта эркак томонидан зўравонлик қилинаётгани акс этган. Айтишларича, воқеа Тошкент шаҳридаги маҳаллалардан бирида содир бўлган. Ёш болалар жанжалига катта одам аралашган, шекилли. Афсуски, бундай воқеалар бўлиб туради. Аммо видеода одамни нафратлантирадиган, ўрнидан турғизиб юборадиган даражадаги таъсирли ҳолат – мантиқсиз, ҳаддан ортиқ агрессия. Эркак ҳеч тинчланолмаяпти, бир-икки мушт билан тўхтамаяпти, боланинг ёнига қайта-қайта келиб уряпти, яна жиддий зарбалар билан... Муаммоси нима бу эркакнинг? Тегишли идоралар назоратга олишини сўраймиз. Болага шундай зўравонлик қилган одам албатта қонун бўйича тўлиқ жазосини олиши шарт!

@shahnozxon