بين بعينك ملل اي والكفيل
عميه عيني الخلتك مليتني

ياهو مثلي الحبك وحط روحه بيك
ثلجه وبنص موكدك حطيتني

وجنت اضويلك درب من شح ضواك
ومن اجتك وادمك طفيتني

بعيني خليتك على عليها السواد
وفرجه لله وللخلگ خليتني

امنيتي اضحكك حتى لو اشيع ببوي
ليش بالعيد الصبح بجيتني

وردتك تودني لهلي لمن عميت
وتالي ما تالي لحد وديتني

يامسية العافيه عليك اني اگول
وانت بخشونة حجي مسيتني

#إياد_عبدالله_الاسدي

كـ نجم سهيل ردتك علي تسهيل
بوصالك مو لهو وللغير تسهيل
ردت منك رسالة الفجر تسهيل
امر وتزيح ضيجت خلگ بيه

أنتَ ما خليتنة نشوفَكّ غزلنة
أنتَ يمكِن سامَع بليل المسامَر !
هذا عَدنة ،
روَح خَسران اليَروح بَلا عَشگنة .

طلسم كاتبك بيدي افتهم معناك
غيري يشوفك مشخبط ..

اكتب اسمك واغفه يمه
ومن يطگ جرحي ارسمك وأطفي دمه

من اهد ما سالمتني بجفي عطرك
صار خمس اسنين اشمه

يا مرخصني شغلاتك!
شكبره حضي..كونك تحبني بحلاتك

انه كل لحظه اذكرك واشتهيك
وانت تنسه بمشتهاتك
وانت غالي وما كلتلك
خمخم عيوني وتسولفلك غلاتك

يا معلمني اعله كربك
ليش وديت الرساله بلا احبك

وليش ما طيحت عينك من شفت عيني اعله دربك

#فواز_رشم

احلى شي صادفته انتِ
ما تشبهيهن طلعتي
منعطف ما چنت اعرفه
تجربة مختلفة چنتي ❤️

خَشبه
وتحت أظَافر
عشرتِي ويّاك
طلعتَك موش هَينه
وظلَتَك تُكَتل

لا تحط بيدي الشمس واحلامي بيد
ولا تهيج عالفقير جروحه
ولا تكلي بعسرك ويسرك اعيش
وانت قصرك لسمه يمد روحه
عوفني بحالي تراني بليه ايد
وانت شباجك زحل مالوحه
شلون ما تدري لحلم الفقير
ماتشوف احلامه كد اجروحه
روحي مذبوحه ذبح وتريد اطير
منين حظي يطير المذبوحه
لا تأملني بحجي الماجاسه ضيم
جفي دك بوب السمه المفتوحة
وحظي دك اثبات بجناح الفقير
لا يصعده ولا ينزل اصطوحه
انت بعدك مانمت فوك الحصير
وغمست لكمة ملح بملوحه
لا تلامسني بطرف صدرك اذوب
انا من دم ولحم مو لوحه
و لا تمرجحني برمش عينك أخاف
انه ما شايف رمش مرجوحة
و لا تكلي اتمرجح شمالك تخاف
جنت اريدك للسمه توديني
بس اخافن ينكطع رمشك و اطيح
و باجر تكلي طحت من عيني
روح دورلك محب يرهم عليك
انه قاموس العشق طاويني
ما عشكَتك واحنا بالطيش استحيت
اشلون احبك واني بتلاثيني
خلني راضي بفقري وانت ارضى بغناك
وعوف عيسى بدينه وانه بديني
ولوخلاني الوقت بعت اللحاف
يعني هسة بكيفي أمد رجليني
لكن ادري بدربي عن دربك بعيد
ومن زغر هذا الفرق بجاني
انت دفاك الثلج عن لا تموت
وانه ميت والثلج دفاني
وانت كاروك الذهب ما كفى اديك
وانه كاروك القصب كفاني
وحتى لا احلم وامد جفي لسماك
وانه ارضع كمطوا ذرعاني
وعن محبتك والله ما شدني الحديد
هذا رمشك يا ترف شداني
والله احبك من زغر بس ما حجيت
جنت اريدك تنسعد وي ثاني
ومن اجيت بلهفتك تسأل علي
قلبي كله تمرجح بشرياني
تالي من غصبن علي كتلك نسيت
روح دورلك محب وانساني
توسلت بلساني يحجيهة و تروح
و من رحت عني قطعت لساني
انه كتلك لاتجي وجي ما اجيت
راحت ببابك تدك بيباني
.
#نائل_المظفر

بيهن حَچي مو خوش گايل
كاتبلي "أكرهك" بالرسايل .

مَن رُوحي حِيل أعتذر ،
مّن گتّلي أحَب الشِعر
عفَت الدراسّة وعّلي
حتِى أگعُد أقَرالك ..

وكلشي بالماضي ابد مو طايقه
تروحلك فدوة العلاقة السابقه ♥️