خزرات المعاتب چونّي ..!
.
.
#عريان
.
.

دحبيني
بعد بيه مجال انحب
بعد بيه دمع لليل
بعد بيه مجال انحب
وبعدها الرغبة البروحي تمد اچفوفها وتشرب
وبعدها العين تنطر فتحة البيبان
تحب بالنظره تتعذب
تدني المستحه بلاشوف
لون طاري العشگ گرب
يبنت الناس
حبيني
انت اشظارج بالشوگ
اريد اشرب سهر ناطور
اريد بنومتي اتگلب
يبنت الناس
حبيني
انه المرتاح مامرتاح
حلاتي وياج لمن اعشگ واتعب
دحبيني
اريدن من صدگ اتعب
.
#سعد_الزبيدي
.
.

ارداضيع بغير نيه
ارد اضم وجهي اعله وادم..
ماتحبني
ارد اروح لغير ديره
وانشد الرعيان…
بالديره اعله بير
وهلبت بنادم يذبني
ماتحبني..
اي سمعتك
من چنت تحچي
اوي روحك
.
#سعود_الخفاجي
.
.

.
.
عشگتك بس لگيتك مثل طاسة
حب
حته تبوگ عمري برگبتي إمچلب

مو كاروك چنت إوياك شص صياد
تطردني شمر وارجعلك إمعزب

وجهي اعلدرب گد ما يرد ويروح
خضر بي زرع منكثر ما مترب

شأسوي لطيبتي الما بينت وياك
مثل كلمة صدگ عد واحد يچذب
.
#حسين_محمد_نور
.
.

.
.
من انوّي ابتعد عن الخلگ كلها
واگول الناس ما توصل بعد
ماريد اوصلها

وقبل لا الملم اغراضي
ومتاعي لتكملة دربي

-مو بهدوم اضم اصورچ بگلبي
.
.

فرهدني بسواليفك
أنا موشّل كحل واهداب
من صار البجي بكيفك
وأنا مسنّح نهر مسلول
ما يمشن مشاحيفك
لاكَيني نده اعل الباب
فك شباجك من ابعيد
ازف روحي هوه وعطّاب
.
#هاشم_الخزاعي
.
.

.
.
ترة مرخوصلك تاخذني وين أتريد
لا تتقيد بزعلي
تعرف بيه ارضه بساع
بس أتأكد بـ ظلك ماخذ راحته بـ ظلي
أحب أتخبل بـ ملگاك
وتاخذني أعله گد عقلي
.
.

صير اوياي عاشگ لاتظل معشوگ

وتسودن عليه ولاتظل حبـاب

واشتاگ اعله حيلك
كون من تشتـاگ

مثلي الباب ادفعه ولاتدگ البا

#سعود_الخفاجي
.
.

الليله اصيح الناس بأسمك
الليله احبك...!M

#حسن_وصفي
.
.

طارق بريسم يكول :.
.
صيرّ مثلي

وخَلي غصباً عالگمر ليليه نسُهر

صَير مثلي شما احبك حِبني أكثرM
.
.

عطشتني مرايتك ونسيت وجهي

#حيدر_النوري
.
.

صليتلك نلتقي ؟
وصليتلي بدين المجافى فرض

ماردت ابيعك لأن
غالي بغلاه العرض

#زهراء_حامد_عدنان
.
.

بيا حلم
ضيعت عينك
بيا بخت
جرحك ثنينك
خذو من گلبك گصيبة
وقشمروك بـ حاسبينك
وهمه بيمن حاسبينك

حاسبينك
للضحك
للبيع
للچلمة الرخيصه
حاسبينك
.
#ناصر_البدري
.
.

تصادفنه ....
لچن محد يرف گلبه عله الثاني
أثارينه رجعنه أغراب !

..

كون عدنه كامرة
و كون عدنه سينما
چنت اونس الناس بحچاياتنه ..
و چنت اراويهم شكل گعداتنه ..
حتى كل اثنين من يزاعلون
اتصير مرهم للزعل چلماتنه ..
و احنه من بيناتنه يصير الزعل ..!
اتفضه چلمة .. اتفضه بسمة .. اتفضه بوسه ..
يا معود و الزعل شي ينتهي ابيناتنه ..

#صاحب_الضويري
.
.

خايب شمالگ
تعال ادنالي
ارد اضوگن گل
گتر يحلالي
الرچفه البشفتك
تره هدتني حيل
اليوم ابوسگ
لو صرت چتالي
.
#معليهM🙈🙈☝😂
.
.

فجي عكدات الكصيبه

وذري فوك الكاع شذرج

ويه كل خصله اتطاير روح ترجف

يابعدهن وحده وحده

زفي لعيوني خفيج ارموش وكحه

وسيري ﻻشواكي نداره
الروح خضره
.
#غسان_عادل
.
.

تعـب روحي فـلا انطيـك !
خلـ اهلـك يسمعـونـي ..
لـو تخطبنـي امـك ليـك
لـو غصبـن يخطبـونـي !

#غفـران_طالـب
.
😍❤😙🙈
.
.

أجيسك روح مملوحة ، وغريبة
وإصعد بالحنين وياي گلش فـوگ
وأگلك هذا المفارك حبيبة
.
#علي_الشباني
.
.

عشگتك بس لگيتك مثل طاسة حب
حتى تبوگ عمري برگبتي إمچلب

مو كاروك چنت إوياك شص صياد
تطردني شمر وارجعلك إمعزب

وجهي اعله الدرب گد ما يرد ويروح
خضر بي زرع منكثر ما مترب

شأسوي لطيبتي الما بينت وياك
مثل كلمة صدگ عد واحد يچذب

#حسن_السيد_نور
.
.

.
.
شگلچ من تلآگيّني .؟

يسموني المحطـه بكثر مـا تآنيّت
تعآي تنـازلت .. حنيّت
تعـآي تنـازلت .. مليّت
تعـآي إلـ ذكرياتچ
وآگفا گبالي
تعآي إتحـيرت بـ ثنين
بلكي وبين حسبـآلي
تعـآي …
.
.