🔻 #Onlayn
#raqamli_qurilish

✨ Qurilish sohasida raqamli texnologiyalarni joriy etish, jarayonlarni ochiq va shaffof tashkil etish hamda inson omilini kamaytirishga alohida e’tibor qaratilmoqda.

“Shaffof qurilish” milliy axborot tizimi doirasida bugungi kunga qadar 25 ta zamonaviy axborot tizimi va elektron platforma ishga tushirildi.

Ular orqali qurilish va loyiha tashkilotlarining elektron reytingini shakllantirish, davlat xaridlarini elektron tender asosida amalga oshirish, qurilish obyektlarini ro‘yxatga olish va nazorat jarayonlarini raqamli shaklda olib borish imkoniyati yaratildi.

Bugungi kunga qadar 72 mingdan ortiq elektron tender orqali 83,9 trillion so‘mlik loyihalar amalga oshirildi. Natijada davlat budjetidan 4,2 trillion so‘m mablag‘ iqtisod qilindi.

🔴 Qurilish sohasidagi davlat nazorati ham raqamlashtirildi. Hozirga qadar 66 mingdan ortiq qurilish obyekti elektron ro‘yxatga olindi, ularda 800 mingdan ziyod monitoring o‘tkazildi.

Endilikda qurilish jarayonlarini real vaqt rejimida kuzatish, aniqlangan kamchiliklarni tezkor aniqlash va ularni bartaraf etish imkoniyati mavjud.

Shuningdek, sohada sun’iy intellekt yechimlarini joriy etish ishlari ham boshlandi. “Shaffof AI” ekotizimi orqali loyiha hujjatlarini avtomatik tahlil qilish, ekspertiza jarayonlarini raqamlashtirish va inson omilini kamaytirishga qaratilgan yangi mexanizmlar bosqichma-bosqich joriy etilmoqda.

Bu jarayonlarning barchasi qurilish sohasida ochiqlik, shaffoflik, tezkorlik va samaradorlikni yangi bosqichga olib chiqishga xizmat qilmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

🔻 #Onlayn

💥Bugungi bayram — minglab quruvchilar, me’morlar, muhandislar, loyihachilar va sohaning barcha fidoyi mutaxassislariga hurmat va ehtirom ifodasi.

Yangi uylar, maktablar, bog‘chalar, shifoxonalar, zamonaviy shaharlar va mahallalar — bularning barchasi ortida katta mehnat, mas’uliyat va bunyodkorlik ruhi mujassam.

Bayram tadbiri taniqli san’atkorlarning kuy-qo‘shiqlari va badiiy chiqishlari bilan davom etdi.

Shu bilan Qurilish sohasi xodimlari kuniga bag‘ishlangan bayram tadbiri o‘z yakuniga yetdi.

Bayram barchaga ko‘tarinki kayfiyat, ezgu tilaklar va unutilmas taassurotlar ulashdi!

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|