احس بالمسؤولية لما اعرف خوات متابعاتني😭

تجد نفسك مجهولًا ، في الوجهة الوحيدة التي اخترت فيها الوضوح .

مدام حزينة، نسوي اسئلة عميقة؟ لان من احزن افكر عدل

@Shahadmalik4bot
اسئلة عميقة❣️

- الرساله ؛ شهد شو فجأه اجاني تساؤل واني داقرة انكليزي ان هم اكو ولد بالقناة ويانه وليش ما الهم حس اول مره ما اشوف ولد يجشر نفسة بنص سوالف البنات شني نگلبت
الدنيا دخيلك يا علي

الانسان المحترم، بالضرورة يكون مُحيطه محترم كذلك، الا بعض الحالات الشاذة اللي تمثل نفسها ما تمثل الشخص اللي اتعرضوا اله
اني واضحة شنو، كلامي واضح
ف الولد اللي بقناتي ناس محترمين نفسهم وعارفين حدودهم بهذه القناة شنو ف محد يتجرأ يتدخل او يقلل احترام مثلما نشوف ببقية الحسابات والبرامج
وللامانة اني بنسبة ٩٥٪؜ من مشتركين قناتي ناس في قمة الاخلاق والاحترام
لان فكرة ان انسان صارله ٥ سنوات بمكان ويكدر يعد عالاصابع المرات اللي اتعرض بيها لغلط او قلة احترام هاي اشوفها معجزة
فهالشي يعكس اني شنو والناس شنو دتشوف مني لذلك الناس تعامل الانسان على حسب اللي يشوفوه منه

الامام علي عنده مقولة يكول بيها ( من عرض نفسه للتهمة فلا يلومن من اساء الظن فيه ومن كتم سره كانت الخيرة في يده )

بمعنى ان كل انسان رح يعاملك ورح يظن بيك حسب اللي انت تظهره وتبينه

انا مؤمنة اننا احنا المسؤولين عن جذب اشخاص معينين
حتى لما تصيرلي مشكلة او خلاف او نقاش حاد يزعجني بصراحة اسأل نفسي : شسويت غلط ؟ شنو الكلمة اللي مجان لازم اكولها ووصلتني لهذه المشكلة او لهذا النقاش ؟ واتجنبها مستقبلا

- الرساله ؛ جيف حالج؟

اول مرة احس كلمة " زينة " ثقيلة وماكدر اكولها
الحمدلله
انا راضية
او بالاصح منتظرة ارضى ...

- الرساله ؛ شلون ابجي لان ابد ما ابجي بحياتي كلها اخر مرة قبل ١٢ سنه وهسه شكد ما احاول ابجي ابد ولا اعرف حته بااصعب المواقف

وقريبا تكبُرُ يا ولدي
وتريدُ الدمع فلا يجري ...

رح تبجين
والمواقف اللي ما بجيتي عليها رح تبجين عليها بغير مواقف

ان شاء الله تكونين بخير
اني اشوف البجي اهون من بقية مشاعر الحزن

- الرساله ؛ هو مو قصة سؤال وهيج بس اني متوترة وقلقانة اني عمري ٢١ وحدرس طب
اكو مانع بخصوص العمر ؟ شعور محلو انو عمري جبير وادرس طب وسنواته هواي يعني اذا اتخرج من ال٦ سنوات حيكون عمري ٢٦ 🥲 مادري ليش داكلج بس انت صرتي كدامي

انت صغيرة وحتى ٢٦ صغيرة
تفكير سليم ومشروع سليم وكل التوفيق دكتورة

- الرساله ؛ ولو حزينة
بس ليش مو كل الناس تصاب بالأمراض النفسية رغم الكل يتعرض لمواقف وصدمات قوية؟

اللي ماعنده مرض نفسي عنده عقدة نفسية تُلاحظ في سلوكياته ومفرداته وتصرفاته
ماكو انسان سليم
العقد النفسية تورث لنا من اجداد الاجداد
الغضب يورث والعنف يورث ودائرة العقد النفسية مستمرين الناس بالدوران حولها

علم النفس الحديث يكلج مستحيل اكو انسان بشخصية سوية بنسبة ١٠٠٪؜ لان اكو هواي تصفنيات للشخصية السوية وتقريبا يكاد مستحيل توفر مل الخصال بشخص معين

الفكرة هي شون نتعامل ويه عقدتنه؟ دنطلعها بالناس ؟ لو دنحاول نكون احسن؟

- الرساله ؛ لو أنطيج ورقة واكلج كتبي بيها كل المشاعر الي تحسين بيها هسه شراح تكتبين

( ليش )

- الرساله ؛ برأيج الشخص الي يبجي ضعيف؟ أو الي يكولون عن شخصيتة حساسة هذا ضعيف شخصية

هذا إنسان

- الرساله ؛ شنو رأيج بالزواج بعمر ١٨ أو ١٩ سنه

ايجابية واحدة بيه
الاطفال يكبرون ويه اهلهم ويكونون قريبين من اعمارهم

غير هيج ماكو
الام والاب اطفال
ما عاشوا حياة
وما مروا بتجارب ولا شي
يعني حياتهم صارت ( طفولة- مراهقة-زواج ) ما مروا بمرحلة الشباب

الا اذا عن حب الكلام يختلف في حال اختاروا بعض وشافوا هالشي مناسب