- الرساله ؛ شكرًااااا هواية 🥹🤍

العفوووو وبالتوفيييق

- الرساله ؛ شوكت تشرحين شلون نتعلم إنكليزي حتى لو شوية

تتعلمون شنو يعني ؟ لغة ؟

بكيفكم ترى اني اكدر اسوي مقطع واحجيلكم المعلومات المتواضعة العندي بس اني اشوف نفسي يعني بعدني مو مال احجي بهيج موضوع بس باعتبار هواية ديكولون ف عادي اكدر اسوي

- الرساله ؛ اكو شي كلش منرفزني وهوه الفرق بين going,will

اذا شرحت المستقبل رح اوضح هالشي بس هي الwill عامةً تستخدم للمستقبل البعيد غير المؤكد والgoing تستخدم للقريب والمؤكد اكثر

- الرساله ؛ أيي سوي ولو شوية ميخالف خلي نستفاد ما

خوش

اليوم حسوي لعد

صورت🥺

خلولي تصفيق

كتاب مهم جدًا
هو نوع من الكتب اللي يخليك ترجع تفكر بالبديهيات اللي عدنا وتشوفها من منظور اخر، اعمق وذو فلسفة صريحة لدرجة تسأل نفسك شون جنت تشوف هالشيء بديهي وهو هلگد فلسفي وهلگد بيه تاريخ ومراحل وتفرعات !

الترجمة اكثر من رائعة اصلا الكتاب يكاد يكون من تأليف المترجم، الامثلة من لغتنه العربية ومن القرآن والشعر الجاهلي وغيرها ، مع ان المؤلف اجنبي بس المترجم استبدل الامثلة بالامثلة العربية ليسهل قراءته للقارئ العربي ...

يتناول الكتاب فكرة اللغة ومفادها وليش الانسان اصلا جاء باللغة وهي بشنو تفيده، ناقش تأثير الخرافة ولغة الشارع ولغة الطبقات الاجتماعية المختلفة، ناقش ابتكار اللغة وتطورها، ناقش مفهوم اللغة الصناعية، اللغة الخاصة واللغة العامة

- الرساله ؛ اجاني سؤال بعقلي
ليش الانسان من يحچي عن صدمة بحياتة"يكون الضحية بيها شخص اخر"احنا نتعاطف ويا
ما فهمتي؟
مثلًا"انا شفت والدي ووالدتي مُرضىٰ بامراض خطيرة وصعبة ومواقف سيئة هواي، من ينذكر هذا الشي راح يكون محل التعاطف هو"انا"والمفروض يكون الشخص الي تمرض او الشخص الي انحط بهاي الموقف الصعب على ايّ مثال داحجي مو بس هاي"
فـ ليش احنا هيج، هل اكو تفسير منطقي لهل شي او اساسًا سؤالي غبي ومو بمكانة واصلا هذا المفروض يصير؟

لان بالموقف اللي ذكرتي هو قدر إلهي البشر ما متدخلين بيه ف الانسان بالقدر الإلهي يكول الحمدلله ولا اعتراض على حكم الله بس اللي صار وياج فهو صار بسبب انسان لذلك هو بسبب مو قدر ف تكونين هنا محل تعاطف
بالاضافة الى انو الانسان يتعاطف مع المتحدث
يعني اني اذا اجيتج وكتلج اختي كلش مريضة واني مقهورة عليها انت رح تتعاطفين وياية اني شخصيا لان اني اللي داحجيلج الموضوع وداحجيلج مشاعري انت متعرفين شي عن اختي حتى تتعاطفين وياها وان تعاطفتي رح يكون تعاطف محدود مو مثل تعاطفج وياية والعكس اذا اختي بحد ذاتها جتج وكلتلج اني مريضة واختي شهد كلش مقهورة عليه فغالبا حتلو تعرفيني رح يكون تعاطفج الجزء الاكبر موجه تجاه اختي لان هي اللي حجتلج الموضوع مو اني، فاهمتني شون؟

نفس الشي بالقضايا الاجرامية لمجرد المجرم يبلش يحجي رح نشوفه خطية مسكين وعنده اسباب دفعته للجريمة، لانه حجه ولانه سلط الضوء على مشاعره وافكاره وكذلك الضحية-ضحية المجرم لما يحجي رح نتعاطف وياه لانه حجه

اكو صورة بخصوص البرامج مال قناة National Geographic مصورين بيها انك من تشوف قصة الاسد وهو يخطط يصيد الغزالة انت رح تتعاطف ويه الاسد لانه خطية جوعان وديخطط للعشه مالته بس اذا يصورلك الغرالة وهو تهرب وتريد تنقذ ما تبقى من حياتها من الافتراس اللي ممكن تتعرض اله هنا انت رح تتعاطف ويه الغزالة لانو خطية حتموت

ف هو الموضوع كله يعتمد على التركيز ويه يكون موجه، طبيعي اذا تحجيلي عن اهلج بشكل معين همه متأذين بيه رح اتعاطف وياج لان اني داشوف كلامج وافهم مشاعرج وافكارج، واهلج ماعرف عنهم شي