شوية تفاصيل لازم نفهما :

_ الحُب ما بيجي لما تدور عليه بالعكس رح يبعد أكتر
هوي متل نسمة باردة بتضرب هالقلب وبتعلقك بلطفها

_ الرّفقة ما بدوموا بس إبن الأصل بدوم

_ الكره شعور ما حدا بيستاهلو

_ ما بينفع المنيح مع أي حدا .. لازم نعرف مع مين نساويه

_ أكبر أذى لشخص زعجك هوي التّجاهل

_ كل النّاس فيها جانب إيجابي بس البغض أحياناً بيمحيه

_ حاول تساعد شخص كل يوم لتحس بقيمة وجودك

_ ما تخسر فرصة تفرح حدا

_ ما ترفض تساعد حدا

_ شروق وغروب الشمس أجمل منظر ممكن تشوفو

_ تفائل بكل عسر بتواجهو .. لأن الخير إلك باختيار رب العالمين

_ اقرأ آية كل يوم وادعي للنّاس لبتحبا

_ لاحق أحلامك بأي ثمن .. العمر مرّة 💛✨

#رؤى_حسن_ابراهيم

صدقاً بتوصل ع مرحلة الملل . .
ملل مسايرة ، وسؤال أو تجاوب عَ شي مو اهتمامك . .
ملل من البشر وقلة عقلن . .

بتشتاق تلتقى بشخص واحد بس يكفيك عن الكل وتكتفي فيه ،
ويتحملك بوعي و يوقف حدك . .

شخص متلو أوّل ما تصحى تحكيه ، و قبل ما تغفى يكون آخر حدا تمنالك نومة الهنا . .
شخص متلو تلاقيه حدك بعد كابوس بشع شفتو وفقت مرعوب . .
شخص متلو يضلو حدّي ثابت لو غاب الكل عنّي يضل ثابت و واثقة ما رح يغيب لو كان بدي هالشي 💛

#رؤى_ابراهيم

لبنتي بمرحلة المراهقة : ( yıldız )🌟💛

1. ما توثقي برفيقة قد ما قالتلك بتحبك وكلامك سر عندا
2. مافي حضن رح يحتويكي غير حضني
3. رح يجي شب يحبك متل أبوكي وقتا و بس رح يكون الحدا الصح
4. ما توثقي بوجوه الناس الطيبة الخبث متخبي وناطرك عَ كلمة
5. رح تنعجبي بكتير ناس ومو غلط هاد الإعجاب شي مؤقت وبروح
6. مهما كتروا الناس لحوليكِ خلي شخص واحد منن بس مقرب
7. خدي الناس الناجحة قدوة وتمني الخير للكل ليرجعلك كلشي خير
8. ما تكوني البنت الطيبة دايماً ، الناس رح تستغلك و بأول صد منك بتطلعي الحدا السيء
9. تعلمي إنو نفسيتك وراحة بالك أهم من أي شخص قد ماكان غالي ، لأنو لبحبك رح يحافظ عليهن قبلك
10. رح تكتر طرقاتك وأحلامك وتذكري بكل خطوة فيه حدا واحد رح يدعمك وبدون أي مصلحة لهيي ( إمك)
11. ما تتجاهلي حُب شخص إلك وكوني منيحة دايماً معو الحُب هوي لبخلينا ناس حلوين بس بشرط ما تئذي قلبو
12. رح تعلمك الحياة بقسوة ورح تبكي منها ويمكن تكرهيا بس لأ يا ماما كل ما كانت تجربتك قاسية لازم تستوعبيا وتاخدي كلشي حلو منها
13. رح حبّك كتير لأنّك رفيقتي الوحيدة وعمري حلي لوجودك
14. بوعدك كون ماما منيحة ورفيقتك يلي بكل لحظة معك
15. نيالي فيكِ يا نجمتي المفضلة🌟

#رؤى_ابراهيم

شو بيبقى من الرّواية!

غنّتها فيروز بكل مشاعر عَتب بشو رح يبقى من كل شي
مِن البحر
مِن هم الشّجر
حتّى من الشّوارع و الضّحكات لكل كلمة حُب و عِتاب للحديث البسيط
بكل نهاية حَ يبقى الإشيا الصّغيرة يلي ما بتنذكر عند هوامش العلاقات، عِندك !

ف شو بيبقى مِن الرّواية القديمة |•

#رؤى_حسن_ابراهيم

وبالاخير انا غبت ..وانت غايب اصلاً ...
مااتغير شي كان وجودنا غياب ..وإرهاق إلي وإلك ..
اتغير شي واحد يمكن ..
ماضل في تساؤلات ولا هوامش ..
كان كل واحد منا ناطر التاني ليغيب ...صرت حس كنا مجبورين ببعض أو عم نلعب لعبة المجاملة ...
بهي اللعبة أنا فزت ..
انا عرفتك كتير منيح ..
أنت طلعت خسران لاعرفتني ولاعرفت إذا كنت عم العب معك ولا معتبرتك حقيقة ..!💜

#رؤى_حسن_ابراهيم |•

5 " October
10 : p0 a.m .. Good morning🌦
يا صباح الخير ..
يا صباح الأسباب لبتذكّرنا إنّو الدّنيا فانية . .
لا تنسى، مافي شي يستاهل تزعل عليه أكتر من دقائق، الموت بذاتو أوقات رحمة ورضا
خلّي عن خلافات بتسبب مشاكل، دايماً الأسوء موجود بس كمان بتقدر تجذب الأفضل بسعيك و أفكارك 🧡🌼

_ إنت قادر تكون عظيم، إنت قصّة 👑

صباح عَ البال غير ..
#رؤى_ابراهيم |•

مِن المشاعر السّلبية، لمّا الحياة تسرق منّك وجود، حنّية و أمان ..

بتبقى عاجز لأي مرحلة رح ترجع، بعد كوابيس ليالي كتيرة لقيت الأمان ومن بعدا صار النوم رفيقك ..

و بدون مبررات ولا خبر، بروح منك لأبعد مدى بينكن، لترجع لدوامة الوحدة و تخفي مشاعر وكلام و زعل ..

و أكبر ردات فعلك " عادي " ، تتحول لإنسان هادئ مافيه شي يستفزو، متقبّل لأي خسارة و لكل ظرف و بعقلو فيه تفاؤل كبير لللاشيء يلي بعيونه 🩵🌿

#رؤى_ابراهيم

المشاعر مالها حقيقية!
اعتراف الحُب و الكراهية بيخلق رد فعل و حساسية بتخليك تحس بشعور . .
ف بتقدر تغذّي حُبّك بطريقة حِلوة وتهتم،
و بتقدر تغذّي الكراهية بحسد و لئم،

و بالنهاية الشعور هوي ردة فعل لجرح حسيته، و ما التئم عندك بما فيه الكفاية ف انخلق جواتك شعور واحد تجاه الناس 🦋

#رؤى_ابراهيم |•

شو بيبقى من الرّواية!

غنّتها فيروز بكل مشاعر عَتب بشو رح يبقى من كل شي
مِن البحر
مِن هم الشّجر
حتّى من الشّوارع و الضّحكات لكل كلمة حُب و عِتاب للحديث البسيط
بكل نهاية حَ يبقى الإشيا الصّغيرة يلي ما بتنذكر عند هوامش العلاقات، عِندك !

ف شو بيبقى مِن الرّواية القديمة |•

#رؤى_حسن_ابراهيم

أحلى شعور لمّا تشوف محبّة شخص فيك . .
و الألطف بكل عفويتك تتعامل معو، و بتعرف هي الغلاوة ما بتتغيّر لأنّو ببساطة هاد أصلو ❤

_ هاد الوجه الحقيقي يلي عم يقل من الدّني 🌗

#رؤى_حسن_ابراهيم |•

و بتخلص سنة بعد سنة لتكتشف المنيح من السّيء . .
لبحبّك بيبقى، لبيشهبك بتلاقيه و الأهم لبصونك وبخاف عليك وحدو لرح تلاقيه حدّك ❤❤❤🌗

#رؤى_حسن_ابراهيم |•

بعد نهار طويل، مليان أشغال و نهاية امتحانات
بترجع لركنك وزاويتك يلي إلك فاقدها شهر،

اسماع أغنية بتحبها، أو آية تريح بالك
و تأمل بيوم جديد مليان هنا وطاقة لتكمل شي ناقص
و اسعى لحياة أفضل بقرارات فاتها وقت بس كلشي بيتصلح🦋

#بحبكن_قد_الشبابيك
تصبحوا على يوم هني 🩵
#رؤى

²² " ³
يا صباح الخير ..
يا صباح يوم جديد مليان أمل . .
رحمة الله عظيمة لدرجة ما رح نحلم بشي وما يكون من نصيبنا، " و على قدر نواياكم ترزقون" 💜

_ إنت قادر تكون عظيم، إنت قصّة 👑

صباح عَ البال غير ..
#رؤى_حسن_ابراهيم |•

ناموا و ريحوا عيونكن،
روحك و قلبك ألطف و أحن ما إنت بتعرف،
احكي لقلبك عن فرحتك لمّا تأنجز و تنجح، كل الدّني بتوقف جنبك لمّا تكون نيتك حلوة

و إنت حلو متل مافي حدا حلو بالكون 💚🦩

_ تصبحوا على يوم لطيف و سعيد، أحلام هنيّة 💚

#بحبكن_قد_الشّبابيك
#رؤى |•

ناموا و ريحوا عيونكن،
كلشي بكون منيح لمّا تعرف كيف تفكّر و توجه أفكارك للإيجابية مع كل سلبية تخلّي إيمانك أقوى 🦋

_ تصبحوا على نهار سعيد، أحلام هنيّة 🩵

#بحبكن_قد_الشّبابيك
#رؤى

ناموا و ريحوا عيونكن،
انسوا السلبي لعشتوه اليوم و خلّوا الأمل بس ببالكن، بكرا نهار جديد و مليان قصص حلوة تعيشوها،

نفسك أولى بكلشي حلو و لطيف🦋

_ تصبحوا على يوم رايئ، أحلامكن هنيّة ❤️

#بحبكن_قد_الشّبابيك
#رؤى

ناموا و ريحوا عيونكن،
الحياة أبسط من زعل تخلّيه ينزع يومك، كلشي رح يمر ومافي شي بدوم
عيشتا صَـح و متل ما بتحِـب وخلّـي إرادتك أقوى من كل ظـرف بمر معك 💙🫂

_ تصبحوا على يوم هني و رايق، أحلام سعيدة 🌿

#بحـبكـن_قـد_الشّـبابيـك
#رؤى

ناموا و ريحوا عيونكن،
تأملوا بيوم جديد مليان أحلام تتحقق لما تختاروا الطريق الصحيح ورفيق درب يشجعكن ويرفع من احلامكن لفوق،
اختاروا مين يعاملكن بلطف ويهون مصاعب الحياة 🩵

_ تصبحوا على بوم رايق و لطيف، أحلام هنيّـة 🌿

#بحـبكـن_قـد_الشّـبابيـك
#رؤى