بعد نهار طويل، مليان أشغال و نهاية امتحانات
بترجع لركنك وزاويتك يلي إلك فاقدها شهر،

اسماع أغنية بتحبها، أو آية تريح بالك
و تأمل بيوم جديد مليان هنا وطاقة لتكمل شي ناقص
و اسعى لحياة أفضل بقرارات فاتها وقت بس كلشي بيتصلح🦋

#بحبكن_قد_الشبابيك
تصبحوا على يوم هني 🩵
#رؤى

ما تخلط مشاعرك بتصرفاتك مع ناس غريبة،
ما تحاول تجمّل موقف بَدا من حدا لأنّو لطيف معك

تعامل بشفافيه، و ما تستصعب تخبّر الحقايق لو كانت مرّة
على الأقل ما بتحمل ذنب بسبب سكوتك 🩵☘️

_ رؤى حسن ابراهيم

لمّا يطلعلك بوست أو بحديث عابر بين النّاس
و الجوهر بيحكي عن الرّفقة و مين الصّديق السّند،

بالبدايات بتفكّر محيطك مليان،
بيوم من الأيّام صحيت وعم فكر بنفس السّؤال!

اعرفت إنّو محيطي فاضي والوهم لكان ماليه اختفى
بغض النّظر عن شخص أو تنين غالين،

و بالمقابل ما بيستاهلوا غير كل تفاؤل و إيجابية
حياتن كافية مشاكل أو هم زايد ليفيض الكاس عندن،

بيومها الجناح انكسر.. أو يمكن كان مكسور من البداية
بيومها فتحت عيوني و استوعبت الواقع!

من يومها لليوم بتحاول ترمم الكسر، تجبّره
أو يمكن الضماد مع مراهم أقوى لو طال ليلتئم بس بيشفى

مافي جرح بيبقى للعُمر إذا عرفت كيف تداويه وتحتويه صَح ☘️

_ رؤى حسن ابراهيم

كُنت أنت،
كما لم ولن يكن أحد من قبل❤️

ولا تفكر و تتعب عقلك،
فيه سعادة بتجي و إنت محصور ضمن محيط سلبي أو عدّم تقبّل لواقعك

لتفرح لازم ترضى ،
و لترضى لازم تحمد الرّب على أبسط شي،
الحمدالله لسا قادر تمشي وتشتغل،
الحمدالله صحتك عال،
الحمدالله النّاس لبتحبّن معك، أو بمكان أفضل
و ألف الحمدالله إذا لسا بتعرف الحق من الباطل،

العيشة الهنيّة رزقة، و كل شخص قادر يملكها إذا عرف " يرضى 🦋

_ رؤى حسن ابراهيم

الكاتب أحمد آل حمدان

تبدأ الرواية باكتشاف جسم غريب في السماء يشبه سفينة فضائية ويقرر قسم الأبحاث السري في السعودية إرسال فريق لاستكشاف هذا الكائن الغريب . يتكون الفريق من مجموعة من العلماء والخبراء بقيادة الدكتورة بلقيس وهي طبيبة سعودية متخصصة في علم الفضاء . يصل الفريق إلى موقع الجسم الغريب ويجدونه مغلقًا ويقررون فتحه

فيه أسطر بتاخدك لبلاد تانية،
و فيه وجوه بترافق خيالك لكل حكاية،

متل شغفك تجاه شي حبيتو، النّاس يلي معك يا بتساعدك توصل
يا بتخليك بقاع ما بتطلع منو سليم نفسياً ..

_ اختاروا المقربين بتروّي 🌿

رؤى |•

بغيب الكل و بيبقى هوي معك،
بعد كل قصّة بتزعج أو خبرية بتفرّح بتلاقيه موجود قبلك آخد عنّك كتف بالمشاعر،

هوي يلي بكون عوض و مو أي عوض بينحكى عنّو،
متل ما الكل ممكن يرافقك و يكون جنبك
هوي بكون ظلّك،

وجودو خفي ليمحي كل خيبات آملك،
ليعطيك السّعادة و يبقى محافظ على صفاتك الحِلوة
ليجمّل كل سلبيّة و يتقبلها لحد المحبة إنها أعظم صفات فيك محبوبة،

_ العوض يلي بيجي من ربنا على هيئة إنسان مافي قوّة بالكون تقلل من أهميتو لو إنت نويت، بتلف الدّني و بتدور لتلاقي لسا ظلك 🩵🌿

رؤى حسن ابراهيم

أحياناً حتّى الشّخص نفسو،
ما بيعرف جهد المحاولات يلي قدمتها لتحافظ على شي حلو بينكن،
كمّية الضغط و المشاكل يلي خلّيتا عَ جنب لتخليه مرتاح وما يفكّر بعبء عليه،

أحياناً و كتير بتقوّيه و بتكون جنبو، و إنت بكل مرّة احتجتو سحب حالو لنقطة عميا،
بالوقت يلي اعتزلت تلمّح و صرت صريح باحتياجك و مشاعرك لقيت فراغ حوليك و تمثيلية أخدت فيها كومبارس مثّل حقيقتو و رجع لواقع مجبور يفهم منّو، مافي شي حقيقي صار 🩵

_ رؤى حسن ابراهيم

²² " ³
يا صباح الخير ..
يا صباح يوم جديد مليان أمل . .
رحمة الله عظيمة لدرجة ما رح نحلم بشي وما يكون من نصيبنا، " و على قدر نواياكم ترزقون" 💜

_ إنت قادر تكون عظيم، إنت قصّة 👑

صباح عَ البال غير ..
#رؤى_حسن_ابراهيم |•

بتلف و تدور لترجع لزاوية ألمك تخبّي جرحك وتكابر لابتسامة إنّك بخير ..

_ الحياة أوقات أقسى من إنها تفهم مو كلشي سيء يكون ورا بعضو 🌿

لمّا حكيت لأخي عن كسرة قلبي،
تصرف بكبرياء زيادة و بغيرة،

ولمّا التجأت لحضنو وفرّغت زعلي
احتواني بطريقة عالجت روحي
بلحظتها تأكدت إنّو ولا ممكن يقدر شخص يحبني متلو
ولا حدا رح يخاف عليي ويفهمني متلو

_ بتعز عليي الدّني بس شوفو متل الظّل ورايي بكل فرحة و زعل، مافي سند من بعدو ❤️

رؤى

و بعدين نحنا دايماً قابلين للتغيّر ب يلي بيخدم مصالحنا أو طُرقنا،

عبارة " أنا هيك، ما بقدر اتغيّر"
حِجة مر عليها وقت و فرطت مصداقيتها،

إنت بتتغيّر لصالحك نفسك و لقوتك تزيد
و توصل لمكان بتتمناه 🦋

_ رؤى

كل عام وانتو بخير و أحن على بعض ❤️

استقبلوا نهار بكرا بتفاؤل و دُعاد مليان أمل تبدوا فيه يومكن 🙏🌿

بس أوقات الحياة عم توقف عندك، و الشّارع يلي مرّينا فيه بكّاني ..

و الشّتا صار رفيقي، عم افرح لما ينزل مطر ..
يلي تغيّر إنّو التّلج أكبر حكاية عرفتا منك و كل ضحكة منّك يومها بالبال . .

أيّام بتعدي وكل شي تجاهك بيكبر، كل ما كبرت المسافات تعلّق قلبي ..

كل ما مرضت تذكّرت خوفك، لما افرح و ازعل، كل نجاح إلي عيوني عم تضحك إلك،

و بأصدّق المواقف لبتكون صدفة، بتذكّر أوّل الحكاية ..

التفاصيل كانت بتنحَب و الختام كان مسك لأبعد حَد صرنا كل مين بحياتو بدون ولا صدفة تجمعنا 🌿

_ رؤى

و أوقات بتصدف معرفتك للناس بالحياة و يمكن أكتر ناس بتفهمك و بترتاح معها،
كل حدا فيكن بمكان و مسافات بينكن بلاد،

و الشعور الأصدق من كل شي إيجابي موجود صح لأبعد الدرجات ..

المشكلة ااوحيد البُعد،
و يمكن هاد خير و أحسن 🩵🕊

_ رؤى حسن ابراهيم