خلّي مبدأ حياتك ببداية هالسّنة،
ما تحمل هم بقلبك و لا تزعل على شي أو من شي،

و تذكّر ( كل متوقع آتٍ )،
والحياة قصيرة كتير، و مافيه شي بيرجع
تعلّم تبدا يومك بجملة " كلو عادي، و الله بهوّن "

و الرابح الوحيد بحكايتك، إنت 🩵

_ رؤى حسن ابراهيم

بالحُب الطّرف الأضعف لبقدّم تنازلات،
هوي الطرف الأكتر حنية و حُب ..

و بظن لو نركز على حالنا شوي إذا كنا بهيك علاقة، فالبعد الحل المنطقي لنكسب حالنا
بحالة وحيدة، إذا كنا مع شخص ما بقدّر احتياجك و لا محبتك بالقدر المطلوب 🩵🦋

_ رؤى حسن ابراهيم

بقول :

_ أنا ماعدت قادر ركّز بحياتي،
فقدت قدرتي للابتسامة، بحاجة أي شي أو خطة لاتجاوز
كان الغياب تقيل كتير على قلب واحد بعد حُب و علاقة مليانة حنّية
أنا رح افقد حالي و ماعم اتقبّل الفراق ..

شو ضل، ادعي لربنا و صلّي و قول بالجنّة بنساها!

ليلاقي جواب : مابكذّب عليك، مارح تنسى ولا بتقدر تنسى شو ماعملت🌿

_ رؤى حسن ابراهيم

بيوم رح توصل لمرحلة،
أكتر شي كنت تتمناه صرت مقتنع تماماً إنّك ماعاد بحاجتو،
بيجي عوض أو شي يشغلك و بتنسى شو كان بدك

بتتجدد أولوياتك، بتصير حدا أفضل و إيجابي أكتر من قبل 🌿

_ رؤى حسن ابراهيم

من بكرا رح ارجع نزلكن،
سبليمنال و كل طريقة جريتا أو عم ادرس عنها لتنجحوا و تخططوا لحياتكن صح،

كل يلي عليكن تشاركوني شو حابين نزل أو مجالكن لشارككن أعمق نقاط تفيدكن🫶🤍

@Roaa09l

بعد نهار طويل، مليان أشغال و نهاية امتحانات
بترجع لركنك وزاويتك يلي إلك فاقدها شهر،

اسماع أغنية بتحبها، أو آية تريح بالك
و تأمل بيوم جديد مليان هنا وطاقة لتكمل شي ناقص
و اسعى لحياة أفضل بقرارات فاتها وقت بس كلشي بيتصلح🦋

#بحبكن_قد_الشبابيك
تصبحوا على يوم هني 🩵
#رؤى

ما تخلط مشاعرك بتصرفاتك مع ناس غريبة،
ما تحاول تجمّل موقف بَدا من حدا لأنّو لطيف معك

تعامل بشفافيه، و ما تستصعب تخبّر الحقايق لو كانت مرّة
على الأقل ما بتحمل ذنب بسبب سكوتك 🩵☘️

_ رؤى حسن ابراهيم

لمّا يطلعلك بوست أو بحديث عابر بين النّاس
و الجوهر بيحكي عن الرّفقة و مين الصّديق السّند،

بالبدايات بتفكّر محيطك مليان،
بيوم من الأيّام صحيت وعم فكر بنفس السّؤال!

اعرفت إنّو محيطي فاضي والوهم لكان ماليه اختفى
بغض النّظر عن شخص أو تنين غالين،

و بالمقابل ما بيستاهلوا غير كل تفاؤل و إيجابية
حياتن كافية مشاكل أو هم زايد ليفيض الكاس عندن،

بيومها الجناح انكسر.. أو يمكن كان مكسور من البداية
بيومها فتحت عيوني و استوعبت الواقع!

من يومها لليوم بتحاول ترمم الكسر، تجبّره
أو يمكن الضماد مع مراهم أقوى لو طال ليلتئم بس بيشفى

مافي جرح بيبقى للعُمر إذا عرفت كيف تداويه وتحتويه صَح ☘️

_ رؤى حسن ابراهيم

كُنت أنت،
كما لم ولن يكن أحد من قبل❤️

ولا تفكر و تتعب عقلك،
فيه سعادة بتجي و إنت محصور ضمن محيط سلبي أو عدّم تقبّل لواقعك

لتفرح لازم ترضى ،
و لترضى لازم تحمد الرّب على أبسط شي،
الحمدالله لسا قادر تمشي وتشتغل،
الحمدالله صحتك عال،
الحمدالله النّاس لبتحبّن معك، أو بمكان أفضل
و ألف الحمدالله إذا لسا بتعرف الحق من الباطل،

العيشة الهنيّة رزقة، و كل شخص قادر يملكها إذا عرف " يرضى 🦋

_ رؤى حسن ابراهيم

الكاتب أحمد آل حمدان

تبدأ الرواية باكتشاف جسم غريب في السماء يشبه سفينة فضائية ويقرر قسم الأبحاث السري في السعودية إرسال فريق لاستكشاف هذا الكائن الغريب . يتكون الفريق من مجموعة من العلماء والخبراء بقيادة الدكتورة بلقيس وهي طبيبة سعودية متخصصة في علم الفضاء . يصل الفريق إلى موقع الجسم الغريب ويجدونه مغلقًا ويقررون فتحه

فيه أسطر بتاخدك لبلاد تانية،
و فيه وجوه بترافق خيالك لكل حكاية،

متل شغفك تجاه شي حبيتو، النّاس يلي معك يا بتساعدك توصل
يا بتخليك بقاع ما بتطلع منو سليم نفسياً ..

_ اختاروا المقربين بتروّي 🌿

رؤى |•

بغيب الكل و بيبقى هوي معك،
بعد كل قصّة بتزعج أو خبرية بتفرّح بتلاقيه موجود قبلك آخد عنّك كتف بالمشاعر،

هوي يلي بكون عوض و مو أي عوض بينحكى عنّو،
متل ما الكل ممكن يرافقك و يكون جنبك
هوي بكون ظلّك،

وجودو خفي ليمحي كل خيبات آملك،
ليعطيك السّعادة و يبقى محافظ على صفاتك الحِلوة
ليجمّل كل سلبيّة و يتقبلها لحد المحبة إنها أعظم صفات فيك محبوبة،

_ العوض يلي بيجي من ربنا على هيئة إنسان مافي قوّة بالكون تقلل من أهميتو لو إنت نويت، بتلف الدّني و بتدور لتلاقي لسا ظلك 🩵🌿

رؤى حسن ابراهيم

أحياناً حتّى الشّخص نفسو،
ما بيعرف جهد المحاولات يلي قدمتها لتحافظ على شي حلو بينكن،
كمّية الضغط و المشاكل يلي خلّيتا عَ جنب لتخليه مرتاح وما يفكّر بعبء عليه،

أحياناً و كتير بتقوّيه و بتكون جنبو، و إنت بكل مرّة احتجتو سحب حالو لنقطة عميا،
بالوقت يلي اعتزلت تلمّح و صرت صريح باحتياجك و مشاعرك لقيت فراغ حوليك و تمثيلية أخدت فيها كومبارس مثّل حقيقتو و رجع لواقع مجبور يفهم منّو، مافي شي حقيقي صار 🩵

_ رؤى حسن ابراهيم