لمّا حكيت لأخي عن كسرة قلبي،
تصرف بكبرياء زيادة و بغيرة،

ولمّا التجأت لحضنو وفرّغت زعلي
احتواني بطريقة عالجت روحي
بلحظتها تأكدت إنّو ولا ممكن يقدر شخص يحبني متلو
ولا حدا رح يخاف عليي ويفهمني متلو

_ بتعز عليي الدّني بس شوفو متل الظّل ورايي بكل فرحة و زعل، مافي سند من بعدو ❤️

رؤى

و بعدين نحنا دايماً قابلين للتغيّر ب يلي بيخدم مصالحنا أو طُرقنا،

عبارة " أنا هيك، ما بقدر اتغيّر"
حِجة مر عليها وقت و فرطت مصداقيتها،

إنت بتتغيّر لصالحك نفسك و لقوتك تزيد
و توصل لمكان بتتمناه 🦋

_ رؤى

كل عام وانتو بخير و أحن على بعض ❤️

استقبلوا نهار بكرا بتفاؤل و دُعاد مليان أمل تبدوا فيه يومكن 🙏🌿

بس أوقات الحياة عم توقف عندك، و الشّارع يلي مرّينا فيه بكّاني ..

و الشّتا صار رفيقي، عم افرح لما ينزل مطر ..
يلي تغيّر إنّو التّلج أكبر حكاية عرفتا منك و كل ضحكة منّك يومها بالبال . .

أيّام بتعدي وكل شي تجاهك بيكبر، كل ما كبرت المسافات تعلّق قلبي ..

كل ما مرضت تذكّرت خوفك، لما افرح و ازعل، كل نجاح إلي عيوني عم تضحك إلك،

و بأصدّق المواقف لبتكون صدفة، بتذكّر أوّل الحكاية ..

التفاصيل كانت بتنحَب و الختام كان مسك لأبعد حَد صرنا كل مين بحياتو بدون ولا صدفة تجمعنا 🌿

_ رؤى

و أوقات بتصدف معرفتك للناس بالحياة و يمكن أكتر ناس بتفهمك و بترتاح معها،
كل حدا فيكن بمكان و مسافات بينكن بلاد،

و الشعور الأصدق من كل شي إيجابي موجود صح لأبعد الدرجات ..

المشكلة ااوحيد البُعد،
و يمكن هاد خير و أحسن 🩵🕊

_ رؤى حسن ابراهيم

بودكاست " كنبة السّبت "
د. أفنان الغامدي

جزء ¹
مدة هاد البودكاست ⁴⁰ دقيقة
والفكرة اخترتها بعد كتير تفكير " أغلبنا بحاجة بداية جديدة و يتمسك بشي بحبو ليوصل بطريقة صَح "

□ هاد رابط من تطبيق soundcloud :

https://soundcloud.com/hela-rj-277769053/vk6d08cz1zjg?ref=clipboard&p=a&c=0&si=eecf164c32d34ba8a22fe9033d7c1df0&utm_source=clipboard&utm_medium=text&utm_campaign=social_sharing

□ رابط الحلقة Youtube

https://youtu.be/xZQW2mppeIU?si=SueVfr-32A3X17EO

أكتر قرار ممكن تنفذو ويكون لصالحك،
تبعّد عنّك النّاس السّلبية،
يلّي مبدعين بدور الوجهين،
و يلّي بدوروا بحياتك أكتر منّك،

و تتخلى عن كل شخص بفكّر حالو مهم
و بالحقيقة ماعم يقدّملك شي غير الشّعور السّلبي،

و الأهم إذا تخلّيت عن شخص معتبرو مهم و بالحقيقة مانك ضمن خيار واحد بيومه 🩵🕊

_ رؤى حسن ابراهيم

غالباً بأكتر وقت بتكون أفكارك بعيدة عن موضوع معيّن،
هوي الشي الوحيد يلي بصيبك،

و بأغلب الصدف بكون خير عليك ومنيح 🩵🦋

_ رؤى

الحياة بتعلمك، ما تعطي شي أكتر ما بيستاهل . .
ما ترفع مكانة حدا أكتر قيمته . .
بتقويك لمّا تنتشل حالك بكل مرّة 💛💎

_ رؤى

أسامة المسلم || الجزء الأول من رواية خوف

بطل الرواية المتمرد علي عادات وافكار بلاده العربية ويهرب منها بحبه وشغفه للقراءة والكتب ، ليجد نفسه متورط في عالم ملئ بالحرب والدسائس والأنتقام لكن في عالم مختلف عن عالمنا عالم غريب … عالم افراده وقبائله ليسوا بشر بل مجموعه من الشياطين والقرائن ، عالم له باب دخول فقط وليس له باب للخروج 🩵

³¹ " ⁵
يا صباح الخير ..
يا صباح الجو الجميل و الوجوه اللطيفة . .
نبدا اليوم بتذكير " أحياناً إنت بحاجة تعطي لروحك، لحياتك محاولات كتيرة ووقت أكتر من أي حدا "🌻🌻
_ إنت قادر تكون عظيم، إنت قصّة 👑

صباح عَ البال غير ..
رؤى حسن ابراهيم

⁵ " ⁶
يا صباح الخير ..
يا صباح الصّدف الرّبانية . .
نبدا اليوم بتذكير " كل شي بالحياة موجود لسبب، لبيدخل لحياتك أو يلي بروح ف سر الشّي يلي وراهن كبير لأنّو بالضرورة و حتماً سمحوا إنّك تكون سبب لتساوي أشياء كتيرة " 🩵

_ إنت قادر تكون عظيم، إنت قصّة 👑

صباح عَ البال غير ..
رؤى حسن ابراهيم

جسرٌ بأكوام حجارة أشبه بغيابك
عيناك كون،ٌ و قهوة كادت تطفو من غليانها وتفوح برائحة تخدر كلّ الوجودِ .. وجودك 🌿

رؤى

ناموا وريحوا عيونكن،

الحياة أقصر بكتير من مَد بصرك لشي قدامك،
تفائل بكلشي بصير، وما تزعل على سوء صابك، ربنا رحيم وكريم ودايماً بوجهك لطريق يفرحك قد ما صابك أذى منو بنهايته رح تتعلم تمشي صح و تصير إنسان متل ما بتحب تكون 🦋

_ ربنا بحبّك بسوءك ولما تكون إنسان منيح ❤️

#بحبكن_قد_الشّبابيك
#أحلامن_هنية

_ رؤى

التّفاصيل لبتقدر تاخدك من عالم لعالم
وإنت ساكن مكانك . .
تفصيل صغير مانو ملموس بس استولى ع جزء من قلبك . .

_ و بصير إنّو بلا إرادتك يتغير قلبك لتفاصيل شخص وما يشوف غيرو 💛💫

" رؤى ابراهيم "

ناموا و ريحوا عيونكن،
روحك و قلبك ألطف و أحن ما إنت بتعرف،
احكي لقلبك عن فرحتك لمّا تأنجز و تنجح، كل الدّني بتوقف جنبك لمّا تكون نيتك حلوة

و إنت حلو متل مافي حدا حلو بالكون 💚🦩

_ تصبحوا على يوم لطيف و سعيد، أحلام هنيّة 💚

#بحبكن_قد_الشّبابيك
#رؤى |•

آخر حديث طبيعي مر عليه سنتين،
سنتين كفيلين اتأكّد إنّو الخير بيدخل ع حياتك بأكتر لحظات مانك متوقعها،
و كمان بيطلع كل شخص و شعور مانو قادر يكون بمستوى يليق بالشّي لقدّمتو ..

بتوصل للحظة يلي تقول فيها: الحمدالله مر و ما أخد منّي كتير،
بعد كل مرّة قلت فيها، ياريت اقدر اعطيه أكتر و يبقى ..

بالنهاية، إنت كنت تحِب المكان و الطّريقة يلي حبّيت فيها،
ما وقفت على الشّخص بس،
كمية الأمان لشفتها وحدها سبب كافي لتتعلق روحك و تبقى من بعدو وقت عم تتشافي لترجع بركام مألوف لمحيطك و مُحب أكتر ..

إنت بترجع وهوي بفل بعييد كتير، لفلا ما إلو حدا 🧡🪷

__ رؤى حسن ابراهيم

ناموا و ريحوا عيونكن،
كلشي بكون منيح لمّا تعرف كيف تفكّر و توجه أفكارك للإيجابية مع كل سلبية تخلّي إيمانك أقوى 🦋

_ تصبحوا على نهار سعيد، أحلام هنيّة 🩵

#بحبكن_قد_الشّبابيك
#رؤى

ناموا و ريحوا عيونكن،
انسوا السلبي لعشتوه اليوم و خلّوا الأمل بس ببالكن، بكرا نهار جديد و مليان قصص حلوة تعيشوها،

نفسك أولى بكلشي حلو و لطيف🦋

_ تصبحوا على يوم رايئ، أحلامكن هنيّة ❤️

#بحبكن_قد_الشّبابيك
#رؤى