فيه أسطر بتاخدك لبلاد تانية،
و فيه وجوه بترافق خيالك لكل حكاية،

متل شغفك تجاه شي حبيتو، النّاس يلي معك يا بتساعدك توصل
يا بتخليك بقاع ما بتطلع منو سليم نفسياً ..

_ اختاروا المقربين بتروّي 🌿

رؤى |•

بغيب الكل و بيبقى هوي معك،
بعد كل قصّة بتزعج أو خبرية بتفرّح بتلاقيه موجود قبلك آخد عنّك كتف بالمشاعر،

هوي يلي بكون عوض و مو أي عوض بينحكى عنّو،
متل ما الكل ممكن يرافقك و يكون جنبك
هوي بكون ظلّك،

وجودو خفي ليمحي كل خيبات آملك،
ليعطيك السّعادة و يبقى محافظ على صفاتك الحِلوة
ليجمّل كل سلبيّة و يتقبلها لحد المحبة إنها أعظم صفات فيك محبوبة،

_ العوض يلي بيجي من ربنا على هيئة إنسان مافي قوّة بالكون تقلل من أهميتو لو إنت نويت، بتلف الدّني و بتدور لتلاقي لسا ظلك 🩵🌿

رؤى حسن ابراهيم

أحياناً حتّى الشّخص نفسو،
ما بيعرف جهد المحاولات يلي قدمتها لتحافظ على شي حلو بينكن،
كمّية الضغط و المشاكل يلي خلّيتا عَ جنب لتخليه مرتاح وما يفكّر بعبء عليه،

أحياناً و كتير بتقوّيه و بتكون جنبو، و إنت بكل مرّة احتجتو سحب حالو لنقطة عميا،
بالوقت يلي اعتزلت تلمّح و صرت صريح باحتياجك و مشاعرك لقيت فراغ حوليك و تمثيلية أخدت فيها كومبارس مثّل حقيقتو و رجع لواقع مجبور يفهم منّو، مافي شي حقيقي صار 🩵

_ رؤى حسن ابراهيم

²² " ³
يا صباح الخير ..
يا صباح يوم جديد مليان أمل . .
رحمة الله عظيمة لدرجة ما رح نحلم بشي وما يكون من نصيبنا، " و على قدر نواياكم ترزقون" 💜

_ إنت قادر تكون عظيم، إنت قصّة 👑

صباح عَ البال غير ..
#رؤى_حسن_ابراهيم |•

بتلف و تدور لترجع لزاوية ألمك تخبّي جرحك وتكابر لابتسامة إنّك بخير ..

_ الحياة أوقات أقسى من إنها تفهم مو كلشي سيء يكون ورا بعضو 🌿

لمّا حكيت لأخي عن كسرة قلبي،
تصرف بكبرياء زيادة و بغيرة،

ولمّا التجأت لحضنو وفرّغت زعلي
احتواني بطريقة عالجت روحي
بلحظتها تأكدت إنّو ولا ممكن يقدر شخص يحبني متلو
ولا حدا رح يخاف عليي ويفهمني متلو

_ بتعز عليي الدّني بس شوفو متل الظّل ورايي بكل فرحة و زعل، مافي سند من بعدو ❤️

رؤى

و بعدين نحنا دايماً قابلين للتغيّر ب يلي بيخدم مصالحنا أو طُرقنا،

عبارة " أنا هيك، ما بقدر اتغيّر"
حِجة مر عليها وقت و فرطت مصداقيتها،

إنت بتتغيّر لصالحك نفسك و لقوتك تزيد
و توصل لمكان بتتمناه 🦋

_ رؤى

كل عام وانتو بخير و أحن على بعض ❤️

استقبلوا نهار بكرا بتفاؤل و دُعاد مليان أمل تبدوا فيه يومكن 🙏🌿

بس أوقات الحياة عم توقف عندك، و الشّارع يلي مرّينا فيه بكّاني ..

و الشّتا صار رفيقي، عم افرح لما ينزل مطر ..
يلي تغيّر إنّو التّلج أكبر حكاية عرفتا منك و كل ضحكة منّك يومها بالبال . .

أيّام بتعدي وكل شي تجاهك بيكبر، كل ما كبرت المسافات تعلّق قلبي ..

كل ما مرضت تذكّرت خوفك، لما افرح و ازعل، كل نجاح إلي عيوني عم تضحك إلك،

و بأصدّق المواقف لبتكون صدفة، بتذكّر أوّل الحكاية ..

التفاصيل كانت بتنحَب و الختام كان مسك لأبعد حَد صرنا كل مين بحياتو بدون ولا صدفة تجمعنا 🌿

_ رؤى

و أوقات بتصدف معرفتك للناس بالحياة و يمكن أكتر ناس بتفهمك و بترتاح معها،
كل حدا فيكن بمكان و مسافات بينكن بلاد،

و الشعور الأصدق من كل شي إيجابي موجود صح لأبعد الدرجات ..

المشكلة ااوحيد البُعد،
و يمكن هاد خير و أحسن 🩵🕊

_ رؤى حسن ابراهيم

بودكاست " كنبة السّبت "
د. أفنان الغامدي

جزء ¹
مدة هاد البودكاست ⁴⁰ دقيقة
والفكرة اخترتها بعد كتير تفكير " أغلبنا بحاجة بداية جديدة و يتمسك بشي بحبو ليوصل بطريقة صَح "

□ هاد رابط من تطبيق soundcloud :

https://soundcloud.com/hela-rj-277769053/vk6d08cz1zjg?ref=clipboard&p=a&c=0&si=eecf164c32d34ba8a22fe9033d7c1df0&utm_source=clipboard&utm_medium=text&utm_campaign=social_sharing

□ رابط الحلقة Youtube

https://youtu.be/xZQW2mppeIU?si=SueVfr-32A3X17EO

أكتر قرار ممكن تنفذو ويكون لصالحك،
تبعّد عنّك النّاس السّلبية،
يلّي مبدعين بدور الوجهين،
و يلّي بدوروا بحياتك أكتر منّك،

و تتخلى عن كل شخص بفكّر حالو مهم
و بالحقيقة ماعم يقدّملك شي غير الشّعور السّلبي،

و الأهم إذا تخلّيت عن شخص معتبرو مهم و بالحقيقة مانك ضمن خيار واحد بيومه 🩵🕊

_ رؤى حسن ابراهيم

غالباً بأكتر وقت بتكون أفكارك بعيدة عن موضوع معيّن،
هوي الشي الوحيد يلي بصيبك،

و بأغلب الصدف بكون خير عليك ومنيح 🩵🦋

_ رؤى

الحياة بتعلمك، ما تعطي شي أكتر ما بيستاهل . .
ما ترفع مكانة حدا أكتر قيمته . .
بتقويك لمّا تنتشل حالك بكل مرّة 💛💎

_ رؤى

أسامة المسلم || الجزء الأول من رواية خوف

بطل الرواية المتمرد علي عادات وافكار بلاده العربية ويهرب منها بحبه وشغفه للقراءة والكتب ، ليجد نفسه متورط في عالم ملئ بالحرب والدسائس والأنتقام لكن في عالم مختلف عن عالمنا عالم غريب … عالم افراده وقبائله ليسوا بشر بل مجموعه من الشياطين والقرائن ، عالم له باب دخول فقط وليس له باب للخروج 🩵

³¹ " ⁵
يا صباح الخير ..
يا صباح الجو الجميل و الوجوه اللطيفة . .
نبدا اليوم بتذكير " أحياناً إنت بحاجة تعطي لروحك، لحياتك محاولات كتيرة ووقت أكتر من أي حدا "🌻🌻
_ إنت قادر تكون عظيم، إنت قصّة 👑

صباح عَ البال غير ..
رؤى حسن ابراهيم

⁵ " ⁶
يا صباح الخير ..
يا صباح الصّدف الرّبانية . .
نبدا اليوم بتذكير " كل شي بالحياة موجود لسبب، لبيدخل لحياتك أو يلي بروح ف سر الشّي يلي وراهن كبير لأنّو بالضرورة و حتماً سمحوا إنّك تكون سبب لتساوي أشياء كتيرة " 🩵

_ إنت قادر تكون عظيم، إنت قصّة 👑

صباح عَ البال غير ..
رؤى حسن ابراهيم

جسرٌ بأكوام حجارة أشبه بغيابك
عيناك كون،ٌ و قهوة كادت تطفو من غليانها وتفوح برائحة تخدر كلّ الوجودِ .. وجودك 🌿

رؤى