It's my birthday
Any thing to me ?

@Roaa09l

يا صباح الإيمان بالله ..❤
من آخر يوم لأوّل بداية سِنة 2024 كل آملنا بالنهاية تكون مجرى لطيف لشي بفرّح من بعدها ...
مهما كانت ظروفك سلبية، خلّي سعادتك بالمرتبة الأولى لأنو اوقات الأنانية بتكون نعمة...
و ما تنسى 《الحياة حِلوة و بتحلى لما تعيش صَح و تختار أفضل 》🌥

_ إنت قادر تكون عظيم، إنت قصّة ❤

رؤى حسن ابراهيم

الحياة بتعاكس كتير لدرجة تقرر العُزلة كرمال مواقف بتنهيك لآخر ذرّة طاقة،
و عن تجربة، لا تسمح لمجرى الحياة ياخدك بمنحى اليأس، لأنّك قادر تتجاوز كلشي بإرادتك 💛

_ رؤى حسن ابراهيم

١٠ : ٢٢ مَ
وقت صَح لتقعد لوحدك وترتب عجقة أفكارك ❤🌸

بآخر كم شهر من السنة الماضية،
كترت الأزمات بحياتي
مرض، زيارة مشافي وأطباء
فقدت ناس،
اكتشفت وجه حقيقي لناس،
فشلت باختياراتي،
احتدت طباعي وانبنى عندي رد فعل عكسي تجاه أي موقف بكون صاير معي قبل،

لآخر شهر وتحديدا قبل اسبوع من احتفال راس السنة،
اكتشفت حقايق أثبتتلي قديه بقدر اتغيّر
ورجتني واقعي بطريقة قاسية بس كنت جداً ممتنة للإسلوب والطريقة لظهر فيها كلشي،

بالسنة يلي فاتت ما بذكر أيام سعيدة مرّيت بالمطلق،
كانت السّلبية طاغية أكتر،
لنهار ما اعرفت حالي وين وشو الصح يلي اخدو بأول خطوة
مين الناس يلي لازم يضلوا بالسنة الجديدة بحياتي
كيف اتصرف تجاه كلشي،

يلي بدي احكيه، كل سوء منشوفو معظّم وكارثي لمّا نواجهه بيطلع تافه وسخيف
وأكتر شي بيستنفذف طاقتك، رح يكون بيوم أكبر أسبابك لتنجح وتوصل لهدفك
و أعز ناس، بصير اسمن كانوا ولا عاد بتعرف عنن شي غير صورة السوشيال الميديا وغالبا ما بنزلوا غير آيات قرآنية و إيمان بالرّب دليل للخير يلي بقلبن

_ خلّي نظرك قوي لتعرف حقيقة واقعك أبكر 🌻

رؤى حسن ابراهيم

مرة صديق إلي حكالي هالجملة " الحياة غير عادلة فعود نفسك عليها "
صفنت شوي ورحت لبعيد بتفكيري ،
لما غني وفقير تصير بينهن مشكلة الغني بفوز
لما السيء والمنيح يتواجهو السيء بيربح
لما طويل وقصير يتخانقوا الطويل بفوز
لما مجتهد و كسلان يدخلوا امتحان الكسلان بينجح
حتى لما السمين والنحيف يتخانقوا السمين بفوز

مقارنات مضحكة بس واقعية ، عنجد الحياة غير عادلة ع طول الطرف الأقوى بيربح أي منافسة بلا العدل والحق ،
لو إنو هالدني عادلة كانت البشر قسمين إما ابيض الطرف المنيح ، أو أسود الطرف السيء
بس هالدني مليانة ألوان ويلي مسيطر عليها اللون الرمادي انا صح سيء بس ع طول بربح مو متل منيح وفاشل 💁
ببساطة هيك " الحياة غير عادلة فعود نفسك عليها "💜

" رؤى حسن ابراهيم "

أبابيل الجزء الأول من سلسلة الكاتب أحمد آل حمدان

تدور أحداث رواية أبابيل حول منظمة الجاثوم وعوالم قبائل الجن، إذ كانت في البداية جمانا ابنة ملك الجن واقعة في حب شاب من البشر اسمه بحر، وينتمي هذا الشاب إلى منظمة الجاثوم، وتتحدث الرواية عن الصعوبات والتضحيات التي يواجهها العشيقان من أجل الحب 🤍

قراة ممتعة .

رح نزل عن الكل
وما نزعل حدا🤭❤️

الاختيارات كتير رح تعجبكن🦋

أراكَ جِبرانُ خاطِر مثل مستحضر سحري لملم كلَّ الجروح كأنَّها لم تلمس جسداً قط
بقوله تعالى : " ولسوف يعطيك ربُّك فَترضى "♡

انزع رُفات القديم عنك،
وحلل لذّاتك السّعادة،
وجودك يجمّل أثاث الحياة ويضيف ألوان قوس قزح لروحك🩵🌿

الجساسة الجزء الثاني ل أبابيل ، من سلسلة الكاتب أحمد آل حمدان

في هذه الحياة ستواجه الكثير من المعارك اليومية ولكن معركتك الأهم ستكون تلك التي تخوضها مع ذاتك , لتبقي فيها قلبك سليما وسط كل الدمار الذي يحدث من حولك .

المعاطف و المشروبات الساخنة،
هدنة مؤقتة للدفء

الدفء الحقيقي : العائلة، حُضن مَن تحب 🩵🦋

رؤى

ما تحمّل حالك فوق طاقتك،
ما توصل نفسك لشعور النّقص و التّقصير و إنت فعلياً عم تحاول بأكبر إمكانية ومجهود،
ما تجبر نفسك لتقبّل ظروف أو ناس، و إنت بتقدر تقول " لأ بكفي وما بدّي .🌻

_ رؤى

- فجأة بتجي إشارة صغيرة بتحسملك قرار كنت متردّد فيه
أو بتثبّت بقلبك شعور، كنت مو متأكّد منّه ..
ممكن تحبّبك بشخص، أو تخلّيك تنفر من وجوده
بلحظة، بثانية بتجي وبتخلّيك تستقرّ و تتوازن 🍀

رؤى

¹² " ¹
¹⁰ : ⁰⁰ 🌥

صباح اللطف و الحُب إن كان بعيون أو تصرّف ناس غريبة . .
متل ما المساعدة ما بتضيع عند الرّب، الكلمة الحِلوة إلها أثر
حاول تكون مختلف كون _ إنت _ ❤☘

_ إنت قادر تكون عظيم، إنت قصّة 👑

_ صباح عَ البال غير ..
رؤى

بودكاست رح يفيدكن، يساعدكن بالتفكير بأكتر من مشكلة ممكن عم تعاني منها

https://soundcloud.com/podsahb/yipp1sdnzdok?ref=clipboard&p=a&c=0&si=726a6a4445784aa69084fda1bf3d8aad&utm_source=clipboard&utm_medium=text&utm_campaign=social_sharing

جومانا .. الجزء الثالث من رواية أبابيل، من سلسلة الكاتب أحمد آل حمدان

كانت جومانا تُطيل النظر في القمر كل يوم لربماْ، كان زوجها ينظر للقمر في تلك اللحظة فيعانق طرفه في السماء البعيدة طرفها عيناها بندقية اللون وشفتها بارزتان انفها مستقيم وجهها ابيض مرقط بحبات النمش الخفيفة المنتشرة على وجنتيها وأجزاء معينة من رقبتها لها جسد نحيل وتملك شعر رمادي طويل، كما لو أنها فتاة من السماء تلقى على الأرض نظرة من وراء سحب الليل الرمادية .