🇾🇪 @Zwaml100 🎼
#زوامـــــــل_انصـــــــــار_الله
🔊 #زامل 🔊
(( من نهج زيد استمدينا مواقفنا ))
➖➖➖➖➖ ‏
أداء/ #حمزه_المنصور
#محمد_ابوعلي
➖➖➖➖➖ ‏
كلمات / #محمد_أحمد_مفلح
‏➖➖➖➖➖
تسجيل / محمد أبوعلي
‏➖➖➖➖➖
إنتاج/ مؤسسة الشهيد لطف القحوم
‏➖➖➖➖➖
#الإمام_زيد
‏➖➖➖➖➖
ــــــــــــــــــــــــــــــــــــــــــــــــــــــ
#زوامـــل_انصــار_الله
🇾🇪 @Zwaml100
ⓣelegram.me/Zwaml100

الحقائق تجلّت والضلال افتضح
وأغلب الناس تدري بالخطأ والصحيح

كل ما كان في وضع الغموض اتضح
بين مؤمن صراحة أو منافق صريح

والخطأ لو يزول الكون ما صار صح
لا يهمك لسان الكذب لو هو فصيح

#بقلم_الشاعر_محمد_أحمد_مفلح #امريكا_تقتل_الشعب_اليمني
⚫ @shaerm

🎥 #زامل ((امامنا زيد الهدف والمبدئ ))
أداء المنشد/ #عبدالعظيم_المرتضى
كلمات الشاعر/ #محمد_احمد_مفلح
تصميم وانتاج/ #هاني_الذيباني
#زوامـــل_انصــار_الله
🇾🇪 @Zwaml100
ⓣelegram.me/Zwaml100

🇾🇪 @Zwaml100 🎼
#زوامـــل_انصــار_الله
🔊 #نشيد 🔊
(( من اجل نقهر قوى لعدوان ولارهاب ))
➖➖➖➖➖ ‏
أداء / المنشد/ #ياسر_هبــــة
➖➖➖➖➖ ‏
كلمات الشاعر / #احمد_محمد_مفلح
‏➖➖➖➖➖
تسجيل ومكساج/ ياسرهبه
‏➖➖➖➖➖
ــــــــــــــــــــــــــــــــــــــــــــــــــــــ
#زوامـــل_انصــار_الله
🇾🇪 @Zwaml100
ⓣelegram.me/Zwaml100

يا خير من هو على عهد الوفاء يصحب
وأكرم رجال اليمن في ساعة الشده

فإن قلت من قالت الدنيا رجال أرحب
ونعم بقوم الوفا والغوث والنجده

قل للمنافق من ابلاد اليمن يسحب
جوله رجاجيل بعده وين جا بعده

مرحب بمن جا اليمن للمقبره مرحب
والموت يستقبل الغازي على وعده

ونعم وسبعين ونعم يا رجال أرحب
والشعب كله من المهره إلى صعدة
#بقلم_الشاعر_محمد_أحمد_مفلح #امريكا_تقتل_الشعب_اليمني #شهداؤنا_عظماؤنا #شكرا_سيد_العرب #خلي_السلاح_صاحي لمتابعتنا على التلغرام من خلال الرابط التالي 🔻
⚫ⓣelegram.me/shaerm @shaerm

🇾🇪 @Zwaml100 🎼
#زوامـــل_انصــار_الله
🔊 #زامل 🔊
(( قولوا لسلمان وأذنابه ))
➖➖➖➖➖ ‏
أداء / المنشد/ #عبدالخالق_النبهان
➖➖➖➖➖ ‏
كلمات الشاعر / #احمد_محمد_مفلح
‏➖➖➖➖➖
تسجيل ومكساج/ عبدالخالق النبهان
‏➖➖➖➖➖
ــــــــــــــــــــــــــــــــــــــــــــــــــــــ
#زوامـــل_انصــار_الله
🇾🇪 @Zwaml100
ⓣelegram.me/Zwaml100

(اليوم في جده غداً ف الإمارات)

بعد الزلازل حان دور البراكين
واليوم في جده غداً ف الإمارات

بركان واحد بايجي بعده اثنين
والزفه الزفه والاثبات الإثبات

حان السداد اليوم يا مِنّكر الدين
حان القضاء في ما مضى لك وما فات

بالدم ناخذ دم والعين بالعين
واعزومنا تجتاز بعد المسافات

قل للسعودي ما بقي بيننا البين
غير النقا واحنا رجاجيل الازمات

بالله غيّرنا جميع الموازين
في كل جبهه نصنع الانتصارات

من رملة العطفين حتى الحبيلين
من جا اليمن عدّوه في كشف الأموات

عامين مرّت ما هي إلا تمارين
والحرب لا زالت بوضع البروفات

وين انت لا هبوا عليك الملايين
تسقط دول كبرى وتمحا دويلات

شعب اليمن شعب الرجال الميامين
وأصغر فتى منهم يقود البطولات

لا دقت الساعة تشب الميادين
ون يدخلوا جيزان في ست ساعات

مثل اليماني ما عرف عزمه اللين
والمعركه تعرف رجال المهمات

قل للعسيري صار الأسبوع عامين
يثبت فشلكم في جميع المجالات

تضليلكم ما صدقوه المجانين
من بعد ما استنفذ جميع الخيارات

واحنا حماة الأرض والعرض والدين
واحنا بني الأنصار يا خادم اللات

وانتوا لحكم البيت الأبيض موالين
كنتوا ولا زلتوا عبيد السفارات

حرام ما نخضع لحكم الملاعين
هيهات منا الذل هيهات هيهات

ولا بد ما نكسر قرون الشياطين
وبقدرة الله نقهر المستحيلات

لله قدمنا دمانا قرابين
في طاعته ما هو من أجل المعاشات

ون قاله الله غير نوصل فلسطين
ونزيل حكم الصهينه والولايات

بعد الزلازل حان دور البراكين
واليوم في جده وبكره الإمارات
#بقلم_الشاعر_محمد_أحمد_مفلح #اليمن_مقبرة_الغزاة #اليمن #السعوديه_داعش_الكبرى #امريكا_تقتل_الشعب_اليمني #اليمن_مقبرة_الغزاة
#اليوم_في_جده_غدا_في_الإمارات
⚫ @shaerm

🇾🇪 @Zwaml100 🎼
#زوامـــل_انصــار_الله
🔊 #زامل 🔊
((يا طير يا اللي في سماء العز عالي))
➖➖➖➖➖ ‏
أداء / المنشد/ #ابوزين_العياني
➖➖➖➖➖ ‏
كلمات الشاعر / #احمد_محمد_مفلح
‏➖➖➖➖➖
تسجيل ومكساج/ ٳستديوهات الرعد
‏➖➖➖➖➖
اهداء إلى الأبطال في جبهة تعز العز
‏➖➖➖➖➖
ــــــــــــــــــــــــــــــــــــــــــــــــــــــ
#زوامـــل_انصــار_الله
🇾🇪 @Zwaml100
ⓣelegram.me/Zwaml100

🇾🇪 @Zwaml100 🎼
#زوامـــل_انصــار_الله
🔊 #زامل 🔊
(( في سبيل الله يا محسن صلاح ))
➖➖➖➖➖ ‏
أداء / المنشد/ #ابوزين_العياني
➖➖➖➖➖ ‏
كلمات الشاعر / #احمد_محمد_مفلح
‏➖➖➖➖➖
تسجيل ومكساج/ ٳستديوهات الرعد
‏➖➖➖➖➖
رثاء للشهيد البطل/ #محسن_علي_صلاح_حلوه
‏➖➖➖➖➖
ــــــــــــــــــــــــــــــــــــــــــــــــــــــ
#زوامـــل_انصــار_الله
🇾🇪 @Zwaml100
ⓣelegram.me/Zwaml100

( عبيد الملوك )

العالم اليوم باحضان الملوك ارتمى
ولا بارك الله في دنيا عبيد الملوك

باعوا الشرف واستغلوا الدين والانتماء
سلعة رخيصة مقابل الأرصدة ف البنوك

ما بين جده ومكه يعتريهم عماء
وأصبح مطار الملك كعبه برسم الكروك
مطار جده بمكه والمدينة تبوك

عامين وابليس فينا يستبيح الدما
والكل لأحمد عسيري قال لا فض فوك

واليوم كلن بصوته لا عنان السماء
يستخدموا الدين باتفه علم واقبح سلوك

عالم تسبح بحمد المال من حيثما
بالمصلحة جندوا ضدك قريبك واخوك

عشنا وشفنا لسان الزور يتكلما
كنه على الباب للجنه يعد الصكوك

ما يدري انه على حد السيوف اسلما
وايماننا بالرسالة فوق كل الشكوك

حرام لو ما نلاقي غير خبزه وما
يا طالب الذل من شعب اليمن نعنبوك

نفنا على العز ما نخضع لجوع وظما
لا جاعت الأُسد عز الله لا ياكلوك

وما رمينا ولكن الله اللي رمى
وان شاء الله في الرياض العاصمة بايجوك

لازم نهد القصور الفارهة مثلما
هدوا المنازل ونتجاوز سياج الشبوك

اما اليمن دونها هبوا رجال الحما
ورمالها نار للغازين حمرا وشوك

والكذب لو هو بتزوير الحقيقة نما
نهايته في تبارير الهزيمة يحوك

لا بد ما الحق يظهر بأمر رب السماء
مهما ارتمى عالم الباطل بحضن الملوك

#بقلم_الشاعر_محمد_أحمد_مفلح #اليمن_مقبرة_الغزاة #اليمن #السعوديه_داعش_الكبرى #امريكا_تقتل_الشعب_اليمني
⚫ @shaerm

🇾🇪 @Zwaml100 🎼
#زوامـــــــل_انصـــــــــار_الله
🔉 #زامل🔉
(( ياشعب حمير))
‏ ‏➖➖➖➖➖ ‏
أداء المنشد/ #بغداد_النجار
‏ ‏➖➖➖➖➖ ‏
كلمات الشاعر/ #محمد_احمد_مفلح
‏ ‏➖➖➖➖➖
تسجيل ومكساج /طلال خصروف
‏ ‏➖➖➖➖➖
إنتاج إذاعة وطن 95.5 FM
‏➖➖➖➖➖
ــــــــــــــــــــــــــــــــــــــــــــــــــــــ
#زوامـــل_انصــار_الله
🇾🇪 @Zwaml100
ⓣelegram.me/Zwaml100

🎥 #زامل (( قولوا لسلمان وأذنابه ))
أداء المنشد/ #عبدالخالق_النبهان
كلمات الشاعر/ #محمداحمدمفلح
وتصميم وانتاج/ #هاني_الذيباني
#زوامـــل_انصــار_الله
🇾🇪 @Zwaml100
ⓣelegram.me/Zwaml100

أقسم بربي والسماء والطارق
يمين يا سلمان لا راحت لك

لا بد لك من يوم ما له سابق
ما قد حصل مثله على أحد قبلك

واللي معك يعجز يسد الفارق
مهما بلغ حشد الغرور وضلك

ولا انت تجهل حربنا يا البايق
لو كان للعدوان غرّك جهلك

شعب اليمن في نصر ربه واثق
يوم انت لامريكا تنفّذ شغلك

هيهات نتولى عميل منافق
قل للسعودي في اليمن وش دخلك

والعاصفه واجرامها المتلاحق
فاشل وفي الميدان نجزي فعلك

حرام ما نخضع لكم ونوافق
للموت ما نخضع لواحد مثلك

سلمان حكمك من بلدنا طالق
طلاق نافذ ما يرده مسلك

ما جاك غير العرض عاد الساحق
حصري وخصيصاً صنع من أجلك

قصرك نهد ابناه طابق طابق
وش كلّفك في الحرب تفقد عقلك

غرّك علينا صبرنا المترافق
كنا ندوّر لك وجيت برجلك

ما تدري إنّا للوطن نتسابق
وأرواحنا تفداه واللي نملك

يا ويل حلف المعتدين المارق
من كل قطرة دم تسفك يهلك

شب اللهب وأشعل فتيل الصاعق
طازج من المصنع إلى المستهلك

واقسم بربي والسماء والطارق
يا خاين البيتين لا راحت لك

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #اليمن #السعوديه_داعش_الكبرى
⚫ @shaerm

العرض غالي والوطن عاده أغلى
ومن يرخص الثنتين ما له كرامة

والموت لا جا دونها اهلا وسهلا
موت الشرف ولا حياة الندامة

وش عذر من هو عن بلاده تخلّى
وقت الحظا الأعذار عيب وملامه

نور الحقيقة بالشواهد تجلّى
والحق له في كل واقع علامه

من هو يريد العز ما عزه إلا
داخل ميادين الشرف والشهامة

راياتها في كل قمه تعلّى
وابن اليمن بالعز عالي مقامه

واللي مع المال السعودي تولّى
باينتهي من حين يكمل مهامه

قولوا لسلمان ألف كلا وكلا
دنيا المذله ما تجي بالسلامه

والشعب من صعدة وحتى المكلا
قرر يواجهكم ليوم القيامة

ويبقى الوطن غالي ولا دونه اغلى
غالي ومن دونه تضيع الكرامه

*بقلم الشاعر محمد أحمد مفلح*
#اليمن_مقبرة_الغزاة #اليمن #السعوديه_داعش_الكبرى
#الحملة_الوطنية_لدعم_البنك_المركزي
لمتابعتنا على التلغرام من خلال الرابط التالي 🔻
⚫ⓣelegram.me/shaerm
⚫@shaerm

إلى متى يا فاقدين الضماير
تتشاركوا في قتل شعب السعيده

عدوان يسرف بارتكاب النكاير
ف الصاله الكبرى وسجن الحديده

طال الخنوع وصمت الأحرار جاير
حتى أصبح الإجرام بسم العقيدة

كفرت بأحكام الأمم والعشاير
وبكل ما كان المريكي عضيده

لا صار في قتلي تقام الشعاير
وتدمير بيتي صار سنه اكيده

قتل النساء شفاعة أهل الكباير
وفوق ذلك صار خصلة حميده

لأن الجهاد أصبح بقصف الطواير
واجب على شرع النصوص الجديده

وأحكام عميان البصر والبصاير
تسند شياطين الضلال المريده

يبنوا على الإسلام واقع مغاير
في طاعة السلطان واللي يريده

وأشياء تخلي كامل العقل حاير
حشد النفاق اليوم يكثر عديده

قليل من يفهم حساب العباير
واعي وله حكمه ونظره بعيده

والأغلبية ما درى ويش صاير
معهم عليهم من مضى به يعيده

دق الخطر ما عاد فيها مخاير
ما بين ما نفقد وما نستفيده

والمعركه بارباحها والخساير
دون الكرامه ما وراها نقيده

لأجل المعزه لو شربنا المراير
للحريّة درب النشامى وحيده

وأقسم بمن يعلم بغيب السراير
يا المال ما يرفع مكانة عبيده

عاشوا عبيد المال عيش العواير
ما عد تفرّق بين فسله وجيده

باعوا الوطن بالرخص في سوق باير
بيع الخيانه والردى والمكيده

سالت دما أطفال اليمن والحراير
ولا اتحـّركت فيهم مشاعر بليده

يا نعنباها من لحى ما تساير
عادات اباها والعلوم المجيدة

والذيب ما يسكن بوسط الحظاير
والحر ما يقبل على الذل قيده

نصر اليمن لاحت عليه البشاير
من فضل ربي والرجال العنيده

والمعتدي دارت عليه الدواير
بالصالة الكبرى وسجن الحديده
#بقلم_الشاعر_محمد_أحمد_مفلح #اليمن_مقبرة_الغزاة #اليمن #السعوديه_داعش_الكبرى #امريكا_تقتل_الشعب_اليمني
⚫ @shaerm