يا أهل الإسلام كونوا للنبي خير أمه
واتركوا ما يفرقكم إلى ما يوحد

مولد المصطفى نعمه حوت كل نعمه
واجب الكل في ذكراه يشكر ويحمد

من يوالي رسول الله حتى بكلمه
والف لبيييييييييك يا نور الهدى يا محمد

واليمن شرّفه ربي بحمل المهمه
شعب والى رسول الله من الحد لا الحد

حب طه لهم مبدأ ورايه وحكمه
يجتمع فيه جيل الإبن والأب والجد

شعب الإيمان والحكمه ولا زال بسمه
والولا للنبي وآله عهوده تجدد

شعب الأنصار ما يخفى على الكون علمه
يثرب الأمس صنعاء اليوم في مأرب الغد

شعب صامد يقود العز في كل قمه
بين الأرقام في كل المجالات الأوحد

شعب زلزل دول عظمى بحربه وسلمه
في سبيل الوطن يقعد لهم كل مرصد

بالولا والهدى يشتد باسه وعزمه
ضد حكم اليهود ومن معاهم تيهود

#بقلم_الشاعر_محمد_أحمد_مفلح
#امريكا_تقتل_الشعب_اليمني #اليمن_مقبرة_الغزاة
#لبيك_يا_رسول_الله
لمتابعتنا على التيلجرام اضغط على الرابط التالي
https://t.me/shaerm

الإعلام الحربي - 1439 هـ
القناة الرسمية لعيسى الليث
T.me/IssaAllaith

🎥 #نشيد
((ميلاد الرسول الأعظم))
أداء المنشد | #محمد_زبارة
كلمات الشاعر | #محمد_احمد_مفلح
مونتاج| معاذ العامري
🇾🇪 @Zwaml100
🇾🇪 T.me/Zwaml100

خلاص يا دنيا معي ما بقي شي
غير النقا من زمرة البغي والجور

بامشي وانا واثق مع الله بامشي
يا الله تثبتني مع الحق والنور

تحت السما ظلي وف القاع فرشي
والرمل في عيني بساتين وزهور

كرامتي تاجي والإيمان عرشي
صامد مجاهد لين ينفخ في الصور

في مترسي عزمي على الصبر منشي
وانا بعون الله والالطاف مغمور

اسمع نعيق الطائرات الابتشي
ترثي فشلها في الميادين وتخور

في جنبي القاذف معبأ ومحشي
والعين في المنظار تترقب الدور

يا بندقي ضخّي تغدّي تعشّي
من جا على مرماش في الراس والزور

لا اتقدموا كشّي وقشّي ورشّي
لا ترحميهم جندليهم على الفور

قل للسعودي عندنا ما بلغ شي
عامين بالعدوان واهم ومغرور

قدامنا جيشه من الرعب مغشي
يهرب مع أول صوت خايف ومذعور

نتعطّر البارود مثل الجفنشي
واصمودنا في وجنة الشمس محفور

خلاص يا دنيا معي ما بقي شي
غير النقا والثأر والنار والنور
#بقلم_الشاعر_محمد_أحمد_مفلح #امريكا_تقتل_الشعب_اليمني
#اليمن_مقبرة_الغزاه
لمتابعتنا على التلغرام
http://telegram.me/shaerm

لبيــــــــك يا رسول الله


#لبيك_يا_رسول_الله

(خبر الناس بالله يا القدر
عن ثبات اليماني والصمود)

واجه الكون واتحدا الخطر
في الميادين بالغالي يجود

لقن الخصم بدروس وعبر
من جحيم الزلازل والسكود

من توكل على رب البشر
ما يهاب الجحافل والحشود

قاد حربه مع الله وانتصر
قود يا ابن النبي الأبطال قود

والله إنا رجاجيل الظفر
لإبن طه على صدق الوعود

يشهد الله ومن يحضر حضر
والخلايق على ذلك شهود

قل لسلمان منا لا مفر
جاك حكم القضاء يا بن سعود

وأرحبوا من جهنم لا سقر
والمنافق حطبها والوقود

الحذر يا قوى الشر الحذر
من تعدّا علينا ما يعود

والله ان نشعل الدنيا شرر
تحتكم والفضاء غربان سود

دقت الحرب والموقف صدر
باجتثاث الغزاه من الوجود

ف المخا من تقدم وانتحر
حامي الموت رحب بالوفود

نهم صرواح شبوه لا تذر
والمنايا بميدي والحدود
#بقلم_الشاعر_محمد_أحمد_مفلح #اليمن_مقبرة_الغزاة
لمتابعتنا على التيلجرام اضغط على الرابط التالي
https://t.me/shaerm

عظيم يا شعبنا الصامد بوجه العدا
في كل ميدان تثبت فعلاً إنك عظيم

عصر الحضور اليماني للزمان ابتدا
حاضر يوثّق لمستقبل شموخه قديم

حشد الملايين في مولد رسول الهدى
تاريخ الإيمان والحكمه يماني حكيم

قولوا لحلف العماله لو يطول المدى
مسيرة المصطفى في خطها المستقيم

شعب اليمن في طريق التضحية والفدا
لا بد ما يرفع الصرخة بوسط أورشليم

من هاهنا كل شامخ حر لبّى الندا
خسران يا اللي تساوم بالكرامة كريم

عامين تحت الفشل والعجز راحت سدى
والقادم أعظم وحسبان الخيانه وخيم

ف أرض اليمن نسقي الغازين كأس الردى
ذوقوا جزا أعمالكم ذوقوا عذاب الحميم

حرام ما عاد يرجع من الاعادي حدا
موكب جهنم يزف ارتالهم للجحيم

وأقوى رسالة حضور اليوم وأعظم صدى
بأن اليمن شعب واحد والغريم الغريم

صنعاء تلبي عدن وأبين تعانق شدا
يوم الثلاثين نوفمبر جلا كل ضيم

#بقلم_الشاعر_محمد_أحمد_مفلح #اليمن_مقبرة_الغزاة #اليمن #السعوديه_داعش_الكبرى #امريكا_تقتل_الشعب_اليمني
#لبيك_يا_رسول_الله

لمتابعتنا على التلغرام من خلال الرابط التالي 🔻
https://t.me/shaerm

متوسطات المدى تكمل تجاربها
من قاهر اثنين والوجهه خميس مشيط

جاتك صواريخنا يا اللي تطالبها
لا ما أعجبك فاضرب براسك بعرض الحيط

قولوا لمختار ولد الشيخ يحسبها
من أجل سلمان لا يزعل على أبو الغيط

عاد الإمارات تلقى ما يناسبها
من بعد ما يكتمل الإعداد والتخطيط

بعض الصواريخ لا شبت لهايبها
سلّم على أبو ظبي يا عاشق التفحيط

حلت على زمرة الباطل مصايبها
والمعركه وضعها لا زال في التمشيط

قولوا لسلمان لا يأمن عواقبها
لو بايشوف الجمل يدخل بسمّ الخيط

هذي اليمن ويل ويله من يحاربها
ورجالها ف أرضها ما تقبل التفريط

قوم الوفا للنقا ثارت مواكبها
راياتها من ورا المندب إلى
(البحطيط)

لا انته ولا امريك بالعدوان ترهبها
ما دام والله بكيد الظالمين محيط

#بقلم_الشاعر_محمد_أحمد_مفلح #اليمن_مقبرة_الغزاة
تلغرام
http://telegram.me/shaerm

#قصائد_ضد_العدوان

عظيم يا شعبنا الصامد ..

للشاعر/محمد أحمد مفلح

http://cfca-ye.com/articles.php?id=703

بلغنا استشهاد الشاعر البطل نبيل الزايدي سلام الله على روحه الطاهرة وهنيئا له الشهادة ولا نامت أعين الجبناء

هنوا الشاعر نبيل الزايدي
في ركاب الخلد غادرنا شهيد

قارع الباطل وصد المعتدي
بالقلم والبندقية والقصيد

والله انا بعدكم يا سيدي
دربنا واحد ومنهجنا وحيد

اشهدي يا هذه الدنيا اشهدي
عن طريق الحق لا يمكن نحيد

#بقلم_الشاعر_محمد_أحمد_مفلح #اليمن_مقبرة_الغزاة #اليمن #شهداؤنا_عظماؤنا #امريكا_تقتل_الشعب_اليمني
لمتابعتنا على التيلجرام اضغط على الرابط التالي
https://t.me/shaerm

يعمم هااااام
إعلام العدوان يشن حرباً نفسية وإشاعات كاذبة لتخويف الناس وإرباك المجاهدين
والأمور طيبة وعلينا ان نثق بالله ونتحرك بوعي

كنت واثق بأن الكبرياء حين تطغى
كارثة ... وآخر المغرور يلعن غروره

ويش تبغا ورا ما قد معك ويش تبغا
صدق من يلحق المدبر يصيبه دبوره

لا اتعظ من عبر غيره ولا انصت ولا اصغى
للنصائح ولا كف الوطن من شروره

وآخرتها يحاول نشر فوضى وغوغا
ما درى إن شعبنا داري بخبثه وزوره

ناكث العهد متعود على حكم الإلغاء
وانكشف عند كل الشعب وش كان دوره

حن قلبه إلى عشرة الأفندي والآغا
من عجينه وخبزه عند موزه ونوره

والمنافق لو ازبد بالتصاريح وارغى
لا يقول إنه اتجاوز مجال الخطورة

ثورة الشعب يدها في الميادين بلغا
باتحاسب غوى الخاين وتقلع جذوره

#بقلم_الشاعر_محمد_أحمد_مفلح #اليمن_مقبرة_الغزاة #امريكا_تقتل_الشعب_اليمني
لمتابعتنا على التيلجرام اضغط على الرابط التالي
https://t.me/shaerm

مرسال صاروخ الكروز المجنّح
لابوظبي زلزل مفاعل براكه

من بعد سلمان إبن زايد ترنّح
والشعب جدد للشموخ إشتراكه

بالصبر وإيمانه بربه تسلّح
وافشل مشاريع الضلال المحاكه
#بقلم_الشاعر_محمد_أحمد_مفلح
#يا_عاراه
لمتابعتنا على التيلجرام اضغط على الرابط التالي
https://t.me/shaerm

اشعليها يا صواريخ الكروز
وافتحي باب الخيارات افتحي

لا قدح زر المنصه ف الفيوز
فوق راس الخصم دوري يا رحي

من سما ابوظبي فكينا الرموز
وابن زايد عاد عقله ما صحي

قوة الله تخترق كل الحجوز
والنقا بايوصلك من كل حي

من وثق بالله وإيمانه يفوز
والهزيمة للعميل المصلحي

عون ربي فاض عن كل الكنوز
وش باقي غير يأتينا الوحي

ما يجوز الذل فينا ما يجوز
والمذله عارها ما يمتحي

من يريد العز للعليا يحوز
سبّحي يا البندقية سبّحي

وادفنيهم ف الصحاري والطعوز
لقنيهم من دروسي واشرحي

جيشهم قدامنا مثل العجوز
من فراره دائما ما يستحي
#بقلم_الشاعر_محمد_أحمد_مفلح #اليمن_مقبرة_الغزاة #امريكا_تقتل_الشعب_اليمني
#يا_عاراه
لمتابعتنا على التيلجرام اضغط على الرابط التالي
https://t.me/shaerm

الأنصار والمؤتمر وحدة اخاء وانتماء
في صف واحد تصد المعتدي والعميل

اخوه مواثيقهم متعمده بالدما
والتفرقة بين الاخوه سابع المستحيل

ضد العدو الحقيقي يحرسون الحما
واللي تآمر مع أمريكا يجر العويل

ابعد عليكم وطنا من نجوم السما
حيا الله الموت لا نامت عيون الذليل

#بقلم_الشاعر_محمد_أحمد_مفلح #اليمن_مقبرة_الغزاة #اليمن #امريكا_تقتل_الشعب_اليمني #كلنا_واحد
لمتابعتنا على التيلجرام اضغط على الرابط التالي
https://t.me/shaerm

صواريخ الكروز .. الشاعر محمد مفلح
saadahnews.com/?p=52956

الإعلام الحربي - 1439 هـ
القناة الرسمية لعيسى الليث
T.me/IssaAllaith

قل للتحالف شبر ف أرض السعيدة
ابعد عليكم من نجوم الثريا

الحسم قادم والمراحل جديدة
والنصر بأمر الله ظروفه تهيا

حلف العماله خاب مكره وكيده
والموت رحّب للمقابر وحيا

ولا نفع حشده ولا جنجويده
لا من هنا يكسب ولا من هنيا

والشعب بصموده يعزز رصيده
ونداه هيا للميادين هيا

ثورة كرامة والقيادة رشيده
بظلالها الشعب اليماني تفيا

وعد الله الجبار ينصر عبيده
والظالمين اليوم يلقون غيا

في ثارنا لو عض بالحسره ايده
باناخذه من رأس ذيا وذيا

وارواحنا دون الوطن والعقيدة
ترخص ومن دون العلم ما تويّا

واحنا الشدايد للظروف الشديده
قوم الوفاء والتضحية والحميّا

ميدي وصنعاء والمخا والحديده
ابعد عليكم من نجوم الثريا
#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #السعوديه_داعش_الكبرى
لمتابعتنا على التيلجرام اضغط على الرابط التالي
https://t.me/shaerm

زامل #يا_قوة_الله
الإعلام الحربي | 1439 هـ
القناة الرسمية لعيسى الليث:
T.me/IssaAllaith