🇾🇪 @Zwaml100 🎼
#زوامـــل_أنصــار_الله
🔊 #نشيد 🔊
(( ميلاد الرسول الأعظم ))
‏ ‏➖➖➖➖➖
أداء المنشد | #محمد_زبارة
‏ ‏➖➖➖➖➖
كلمات الشاعر | #محمد_أحمد_مفلح
‏➖➖➖➖➖
#ذكرى_المولد_النبوي_الشريف1439هـ
‏➖➖➖➖➖
ــــــــــــــــــــــــــــــــــــــــــــــــــــــ
#زوامـــل_انصــار_الله
🇾🇪 @Zwaml100
🇾🇪 T.me/Zwaml100

في مولد المختار نور الحق يبلغ كل دار
بشرى لاولو الأبصار يا نعم البشارة والبشير

تترقب الأنظار بأجمل ما يكون الإنتظار
من مختلف الأقطار يجمعهم هوى البدر المنير

في حضرته زوار يكسيها المهابه والوقار
يملأ القلوب أنوار من وحي النبوة والاثير

والأرض ف استنفار لاستقبال ميلاد النهار
في سعد واستبشار عشنا في رحابه كل خير

وأهل اليمن الأنصار يا طه تجدد الإنتصار
مواكب الأحرار في حبك تواصل للمسير

ما كان في عمار بن ياسر على نفس المسار
ما يختلف الأبرار مهما صار أو يمكن يصير

ما ردنا الأخطار لإعلان الولا لك والخيار
نبرأ من الكفار والله ربنا نعم النصير

لا اتحالفوا الأشرار في حلف العمالة والبوار
في وجه الاستكبار نتحدى ونصليهم سعير

وجيوش الاستعمار يا اما الموت وإلا فالفرار
نعمل لهم تذكار في داخل مقابرنا مرير

يا سيدي لو جار عدوان التحالف والحصار
علمتنا الإيثار وأصبح شعب أبو طالب كبير

نرفض حياة العار والذله ونأبى الإنكسار
واحنا حماة الدار من صرواح لا طلعة عسير

والخاين الغدار ما له من مجازانا موار
باناخذه بالثأر والحسره عليهم تستدير

وأرض اليماني نار تحته من يمين ومن يسار
بإذن الله الجبار يا سلمان ما ترجع بخير

تتبادلوا الأدوار واسرائيل وأمريكا المدار
في وضع الاستحقار ما جاب الحقير الا الحقير

للمصطفى المختار يتجدد ولانا والقرار
والمعتدي منهار واحنا والله إن ما نستجير
#بقلم_الشاعر_محمد_أحمد_مفلح #اليمن_مقبرة_الغزاة #السعوديه_داعش_الكبرى #امريكا_تقتل_الشعب_اليمني
لمتابعتنا على التلغرام من خلال الرابط التالي 🔻
⚫ telegram.me/shaerm
⚫@shaerm

اسعفيني يا مقامات الحروف الأبجدية
دام عندي بالقصائد ما يحق لها الكتابه

قولها يطرب له السامع بلهجة وايليه
والمتابع يأخذ من الزين ما نال الرضا به

هاجسي في مثل ذا الموقف تبين المقدريه
هات لي من كل غالي يستحق الاعتناء به

موقفي يتطلب الوقفه بهمه شاعريه
تجتمع فيها الفصاحه والبلاغه والخطابة

واجبي الديني وتأثيرات قلبي العاطفية
كوّنت فيني مزيج من الجرآه والصبابه

كيف لا..وانا على موعد مع خير البرية
يوم ذكرى مولده حلت وقلنا يا هلا به

مولد المختار له ذكرى وبشرى سرمديه
في السماء والأرض وفيما بينها بحر وسحابه

رحمة الله للبشر والفضل والمنه نبيه
في رسالة حررت الإنسان من عيش الكآبة

بعدما عاشوا الضلاله في العصور الجاهلية
يعبدوا الأوثان تحكمهم شرايع حكم غابه

للجهاله ما يمثلها على وأد البنيه
في مراحلها تملّكها عصابه من عصابه

والضعيفه من عشايرهم على حكم القوية
والتناحر ما توقف عند حد ولا معابه

لأجل ناقه تشتعل حرب البسوس التغلبيه
نصف قرن الدم يسفك بين الإخوة والقرابه

وحرب داحس مثلها وأكثر دمار وعنجهيه
جهل لا يحسد عليه وشر لا يشفى صوابه

لين قام المصطفى واشرق على الدنيا بضيه
وانقشع ليل الضلال بلجّته وانصك بابه

واجه الباطل بقوة بأس وأعلى معنويه
سل سيفه في سبيل الله واستوفى نصابه

ما ترك ظالم ولا هادن على الظلم أغلبية
بلغ الأمه بدين الله وانذرنا عقابه

يا رسول الله يا نور الهدى والمرجعيه
كيف ما نفرح بميلادك ونسعد في رحابه

فأنت قدوتنا وفضل الله على كل البريه
والرسالة بالهدى وآياته اللي في كتابه

بانشيع مولدك ونغيض صنّاع الاذيه
نغضب إسرائيل وأمريكا وعند الله مثابه

يا رسول الله لبيناك ما جبنا خطيه
نحتفل بك لو يعيش الغير في حكم إرتيابه

فاليمن لك فيه أمه ما يهابون المنيه
ما تغيّرها الظروف ولا يزعرعها المجابه

والتحية يا لجان الشعب تردفها تحيه
للرجال اللي لهم بالدين نُصره واستجابة

من رمال البقع لا المندب مواقعها عتيه
قوم أولو قوه لها في الناس تقدير ومهابه
#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة #السعوديه_داعش_الكبرى
#لبيك_يا_رسول_الله
لمتابعتنا على التيلجرام اضغط على الرابط التالي
https://t.me/shaerm

🇾🇪 @Zwaml100 🎼
#زوامـــل_أنصــار_الله
🔊 #أنشودة 🔊
(( بشرى عظيمة ))
‏ ‏➖➖➖➖➖
أداء المنشد | #أبوزين_العياني
‏ ‏➖➖➖➖➖
كلمات الشاعر | #محمد_أحمد_مفلح
‏➖➖➖➖➖
#ذكرى_المولد_النبوي_الشريف1439هـ
‏➖➖➖➖➖
ــــــــــــــــــــــــــــــــــــــــــــــــــــــ
#زوامـــل_انصــار_الله
🇾🇪 @Zwaml100
🇾🇪 T.me/Zwaml100

يا أهل الإسلام كونوا للنبي خير أمه
واتركوا ما يفرقكم إلى ما يوحد

مولد المصطفى نعمه حوت كل نعمه
واجب الكل في ذكراه يشكر ويحمد

من يوالي رسول الله حتى بكلمه
والف لبيييييييييك يا نور الهدى يا محمد

واليمن شرّفه ربي بحمل المهمه
شعب والى رسول الله من الحد لا الحد

حب طه لهم مبدأ ورايه وحكمه
يجتمع فيه جيل الإبن والأب والجد

شعب الإيمان والحكمه ولا زال بسمه
والولا للنبي وآله عهوده تجدد

شعب الأنصار ما يخفى على الكون علمه
يثرب الأمس صنعاء اليوم في مأرب الغد

شعب صامد يقود العز في كل قمه
بين الأرقام في كل المجالات الأوحد

شعب زلزل دول عظمى بحربه وسلمه
في سبيل الوطن يقعد لهم كل مرصد

بالولا والهدى يشتد باسه وعزمه
ضد حكم اليهود ومن معاهم تيهود

#بقلم_الشاعر_محمد_أحمد_مفلح
#امريكا_تقتل_الشعب_اليمني #اليمن_مقبرة_الغزاة
#لبيك_يا_رسول_الله
لمتابعتنا على التيلجرام اضغط على الرابط التالي
https://t.me/shaerm

الإعلام الحربي - 1439 هـ
القناة الرسمية لعيسى الليث
T.me/IssaAllaith

🎥 #نشيد
((ميلاد الرسول الأعظم))
أداء المنشد | #محمد_زبارة
كلمات الشاعر | #محمد_احمد_مفلح
مونتاج| معاذ العامري
🇾🇪 @Zwaml100
🇾🇪 T.me/Zwaml100

خلاص يا دنيا معي ما بقي شي
غير النقا من زمرة البغي والجور

بامشي وانا واثق مع الله بامشي
يا الله تثبتني مع الحق والنور

تحت السما ظلي وف القاع فرشي
والرمل في عيني بساتين وزهور

كرامتي تاجي والإيمان عرشي
صامد مجاهد لين ينفخ في الصور

في مترسي عزمي على الصبر منشي
وانا بعون الله والالطاف مغمور

اسمع نعيق الطائرات الابتشي
ترثي فشلها في الميادين وتخور

في جنبي القاذف معبأ ومحشي
والعين في المنظار تترقب الدور

يا بندقي ضخّي تغدّي تعشّي
من جا على مرماش في الراس والزور

لا اتقدموا كشّي وقشّي ورشّي
لا ترحميهم جندليهم على الفور

قل للسعودي عندنا ما بلغ شي
عامين بالعدوان واهم ومغرور

قدامنا جيشه من الرعب مغشي
يهرب مع أول صوت خايف ومذعور

نتعطّر البارود مثل الجفنشي
واصمودنا في وجنة الشمس محفور

خلاص يا دنيا معي ما بقي شي
غير النقا والثأر والنار والنور
#بقلم_الشاعر_محمد_أحمد_مفلح #امريكا_تقتل_الشعب_اليمني
#اليمن_مقبرة_الغزاه
لمتابعتنا على التلغرام
http://telegram.me/shaerm

لبيــــــــك يا رسول الله


#لبيك_يا_رسول_الله

(خبر الناس بالله يا القدر
عن ثبات اليماني والصمود)

واجه الكون واتحدا الخطر
في الميادين بالغالي يجود

لقن الخصم بدروس وعبر
من جحيم الزلازل والسكود

من توكل على رب البشر
ما يهاب الجحافل والحشود

قاد حربه مع الله وانتصر
قود يا ابن النبي الأبطال قود

والله إنا رجاجيل الظفر
لإبن طه على صدق الوعود

يشهد الله ومن يحضر حضر
والخلايق على ذلك شهود

قل لسلمان منا لا مفر
جاك حكم القضاء يا بن سعود

وأرحبوا من جهنم لا سقر
والمنافق حطبها والوقود

الحذر يا قوى الشر الحذر
من تعدّا علينا ما يعود

والله ان نشعل الدنيا شرر
تحتكم والفضاء غربان سود

دقت الحرب والموقف صدر
باجتثاث الغزاه من الوجود

ف المخا من تقدم وانتحر
حامي الموت رحب بالوفود

نهم صرواح شبوه لا تذر
والمنايا بميدي والحدود
#بقلم_الشاعر_محمد_أحمد_مفلح #اليمن_مقبرة_الغزاة
لمتابعتنا على التيلجرام اضغط على الرابط التالي
https://t.me/shaerm

عظيم يا شعبنا الصامد بوجه العدا
في كل ميدان تثبت فعلاً إنك عظيم

عصر الحضور اليماني للزمان ابتدا
حاضر يوثّق لمستقبل شموخه قديم

حشد الملايين في مولد رسول الهدى
تاريخ الإيمان والحكمه يماني حكيم

قولوا لحلف العماله لو يطول المدى
مسيرة المصطفى في خطها المستقيم

شعب اليمن في طريق التضحية والفدا
لا بد ما يرفع الصرخة بوسط أورشليم

من هاهنا كل شامخ حر لبّى الندا
خسران يا اللي تساوم بالكرامة كريم

عامين تحت الفشل والعجز راحت سدى
والقادم أعظم وحسبان الخيانه وخيم

ف أرض اليمن نسقي الغازين كأس الردى
ذوقوا جزا أعمالكم ذوقوا عذاب الحميم

حرام ما عاد يرجع من الاعادي حدا
موكب جهنم يزف ارتالهم للجحيم

وأقوى رسالة حضور اليوم وأعظم صدى
بأن اليمن شعب واحد والغريم الغريم

صنعاء تلبي عدن وأبين تعانق شدا
يوم الثلاثين نوفمبر جلا كل ضيم

#بقلم_الشاعر_محمد_أحمد_مفلح #اليمن_مقبرة_الغزاة #اليمن #السعوديه_داعش_الكبرى #امريكا_تقتل_الشعب_اليمني
#لبيك_يا_رسول_الله

لمتابعتنا على التلغرام من خلال الرابط التالي 🔻
https://t.me/shaerm

متوسطات المدى تكمل تجاربها
من قاهر اثنين والوجهه خميس مشيط

جاتك صواريخنا يا اللي تطالبها
لا ما أعجبك فاضرب براسك بعرض الحيط

قولوا لمختار ولد الشيخ يحسبها
من أجل سلمان لا يزعل على أبو الغيط

عاد الإمارات تلقى ما يناسبها
من بعد ما يكتمل الإعداد والتخطيط

بعض الصواريخ لا شبت لهايبها
سلّم على أبو ظبي يا عاشق التفحيط

حلت على زمرة الباطل مصايبها
والمعركه وضعها لا زال في التمشيط

قولوا لسلمان لا يأمن عواقبها
لو بايشوف الجمل يدخل بسمّ الخيط

هذي اليمن ويل ويله من يحاربها
ورجالها ف أرضها ما تقبل التفريط

قوم الوفا للنقا ثارت مواكبها
راياتها من ورا المندب إلى
(البحطيط)

لا انته ولا امريك بالعدوان ترهبها
ما دام والله بكيد الظالمين محيط

#بقلم_الشاعر_محمد_أحمد_مفلح #اليمن_مقبرة_الغزاة
تلغرام
http://telegram.me/shaerm

#قصائد_ضد_العدوان

عظيم يا شعبنا الصامد ..

للشاعر/محمد أحمد مفلح

http://cfca-ye.com/articles.php?id=703

بلغنا استشهاد الشاعر البطل نبيل الزايدي سلام الله على روحه الطاهرة وهنيئا له الشهادة ولا نامت أعين الجبناء

هنوا الشاعر نبيل الزايدي
في ركاب الخلد غادرنا شهيد

قارع الباطل وصد المعتدي
بالقلم والبندقية والقصيد

والله انا بعدكم يا سيدي
دربنا واحد ومنهجنا وحيد

اشهدي يا هذه الدنيا اشهدي
عن طريق الحق لا يمكن نحيد

#بقلم_الشاعر_محمد_أحمد_مفلح #اليمن_مقبرة_الغزاة #اليمن #شهداؤنا_عظماؤنا #امريكا_تقتل_الشعب_اليمني
لمتابعتنا على التيلجرام اضغط على الرابط التالي
https://t.me/shaerm