الشاعر محمد احمد مفلح

(عـاميــن الصمود 2)

سبحانك الواحد العالم بذات الصدور
يا من له الحكم والحكمه وفصل الخطاب

عليك يا الله توكلنا بكل الأمور
ما ضاقت الا وعندك للفرج مية باب

نصرك وعونك على حلف الغوى والفجور
من شعب مظلوم يدعي والدعاء مستجاب

سلام يا كل نشمي حر شامخ غيور
من رملة البقع لا ميدي وساحل ذباب

كمن بطل صلب قاسي لو تذوب الصخور
ما لان عزمه ولا يعرف طريق انسحاب

ونعم وسبعين ونعم يا سلاح الظهور
يا تاج راس اليمن والمنزله والجناب

وانا اشهد انكم رجال العصر في كل دور
تسجد لها المستحيله والعدم والصعاب

صنعتوا المعجزة واقع عظيم الظهور
تاريخ والحرف يحوي من شموخه كتاب

يا اعظم ويا أشجع ويا أطهر قوم عبر العصور
انتوا من النور وإلا مثلنا من تراب

في وصفكم يعجز الشاعر ويبقى الشعور
خارج حدود البلاغة في عيون السراب

غصنا بحور القصايد والقصايد بحور
والمفردات الغنيه في سلس وانسياب

نستلهم الفجر من نار البلاجيك نور
والعز من فوهة الشيكي يقود الركاب

يصنع من الحزن فرحه والمآسي سرور
ودموع الأيتام ثورة في دماء الشباب

لو عالم اليوم غارق في محيط السفور
يرقص على أشلاءنا ويهز كأس الشراب

في مجلس الأمن صوت الحق ما له حضور
مسجون بالفيتو القايم على حكم غاب

في قتل الأطفال قانون الجرايم يخور
عامين والصمت في كل المجازر مناب

عامين والشعب تحت القصف صامد صبور
وأذناب سلمان تستطرب لكبر المصاب

عامين وابطالنا في كل جبهه تثور
عشرين دوله ولا اتحقق لها إلا الخياب

جحافل الغزو تزحف والطواير تدور
وابن اليمن فوقهم يضرب بسوط العذاب

من نهم لا البقع لا صرواح طاح الغرور
وف المخا مثل ميدي يا جزوز الرقاب

من فوق نجران والخوبه بدينا المرور
وأذا سألت الربوعه جاك زين الجواب

من هو يريد اليمن منفذ ونقطه عبور
قله يجرّب إذا هو كفو من الاقتراب

حرام ما عندنا له غير قطع النحور
خارق وحارق لها في كل غازي عقاب

مهما تحالف علينا مدمنين الشرور
ما يرهب الأُسد يا سلمان نبح الكلاب

عامين هبي عليهم يا رياح الدبور
من نار بركان يا الاذناب حان الحساب
#بقلم_الشاعر_محمد_أحمد_مفلح #اليمن_مقبرة_الغزاة
تلغرام
http://telegram.me/shaerm