من سئلـوني عنك و التحبـه منين
من سئلـوني عنك روحي سَميتك
حَبيتك عُمر ڪُل لحظة تنعد عام
صـُدگ حَبيتك مو عَن طَمـ؏ حَبيتك

گبال النَاس اذا اوصفهِن عِيونَك
على كُل بيت فَد عَشرة يحبونَك .

گبل لا اشوفك انه تولعت بيك
و گبل لا نلتقي سميتك اهواي
مافك باب بيتي شما يدگون
و افگلك باب بيتي و انتَ ما جاي .

حَيل أشتاگلك بس مَحتار
أنطي ليا وَجِه شوگي.

فاگدينَك
وأنتضرناك بسـوالف بيّها ويَنك
مَحد كلك شكد بينه شوّك
انتَ وينك
فدوا اشمر بينه واهس
إحنه كِلش فاگدينك

محد حابك مثلي ، حقك من تشك بية ..
ولك حتى الشعر ما عندي غاية وياه
اكتبه وما افكر بالنجومية ..
وصحباني دروا بدموعي حيل ارخاص
اول ما اجي يطفون الاغنية !
من شفت انكساري ، انحازلي شويه ؟
عراقي وعنصري وانحاز لام كلثوم
لان ادري الحزن ما عنده جنسية ..

باچر من ترَد ماتلگه شي مَوجود
تلگه الوُرد ذابل والاِرض صحرَه
وتلگاني مدينه مَسدده البيبان
بيها الگمر مَيت والشمس حَمره

حطوهن بدي رديتهن للماي ، اذا ماصيدهن سالفتي ما تنحل .

ولآ چنك هذاك أنت
العرفني وسولف البيّه
وگدر يوصل غمج روحي
ويماشيني آعله فد نية
ولا چنك حبيب الروح
چنك منجبر بيه

عفتك للزمن ما شايل عليك
الزمن يتكفل بجبر الخواطر
مِن تنكسر مرة وترجَع تعيش
بخور تحسِه دخان الجكاير .

امس حنيتلك وتجدد الشوك
امس للروح ردت الذل اعيدة
امس ردت انسة كل الشفته وياك
امس خطوات عالذلة الجديدة
امس ناسيك بس المشكلة الليل
الليل يقرب الناس البعيدة

تَرد يمتَى !
حَنين الرُوح يجرحني
أروح أقرة الرسايل ذيچ وأبچيلك !.
وأعاتب طيفك .. مِن يفوت وأحچيلك ..

.
.

ما ناقص وجع شتهَدم بصدري ؟
ترى بس الطفل لو ضاع يلگونه ..
وهذا الگاعد تضيعه ولَك عمري ..
حتى التَوني اعرفه وما مسولفله ..
شاف عيوني گال " ادري "
لو عندي كره للجرف امشي وياك ..
ادفعك والنهر يجري !

#عزت_عباس

لَا بيك جَيه تجي ولا بيَه حيل
أنسَاك ضَلينه بَس بالحلم
نتلاگه إني ويـاك..!!

هواي اذكرچ من احس
الدنيا ملتمة علية
اني مامعتبرج انسانه بحياتي
اني معتبرچ هدية .

تدرون ضيمي منين بادي،
من البصره لأطراف الرمادي
هذا الحجي بيا ديره سادي
زعلان اكله يكلي عادي
دورت عنه شكثر من راح
دوارت حكومه عن السلاح
ياهو اليكضني يكلي مرتاح
واني على گلبي تنام الرماح..

#مالك_الباوي

گلب دفان ما همني البَشر لو راح
وإذا يابس غصن ماتفرغ سلالي
هنه گلاص چاي وچم نفس دخان
أنساك وبعد تحلم تجي ببالي .

گزَازَه أنْتَ وأضُمَك بيّنْ العيّونْ
ويَاعيّنْ التغَمُض عَ الگزَازَه .

وَتدري مّنك
لو تصَح كلَمة شلوُنك ؟
چا گلتَلك انتَ لونيّ ، وباهَتة
سنين العُمر مِن بعد لوّنك .