لا باس يا سِيد الغناديـر لا بـااااس🌺

مرحبا يالخاطر اللي يضايقني ليا ضاق
‏كل ماضاقت به الأرض ضاقت بي معاه

‏ودي أدخل في غرامك مع أوسع نطاق
‏ لكن الباب المسايف ماندري وش وراه

‏أنتبه لي والله إني بوضعٍ مايطاق
‏ لايغرّك وجهي اللي مبيّن لك رضاه

‏والله أن لك فالضماير محبه وإشتياق
‏ليت بيني وبين وصلك مثل حذفة حصاه

لِكُلِّ مُلِمَّةٍ فَرَجٌ قَريبُ
كَمِثلِ اللَيلِ يَتلوهُ الصَباحُ

وتركم

ضايق وحالي ماش وعلومي علوم
ودي اهج من ضيقتي ومن هدومي

مرهق واعاني هم واطيح واقوم
ياضيقة الخاطر عن الصدر قومي

"تدور الأرض وتدور السوالف والسنين تدور
وأنا لو أعرف اللي راح ماني عارف الباقي

يقولون القصيد شعور، والشاعر بدون شعور !
وأقول الله يعاقبني .. اذا ماهو من أعماقي

أنا لو أكذب بشعري وقف نبض، ويبس حنجور
وقادر أخسر الدنيا .. وعاجز أخسر أخلاقي

قسم بالله ما قبلك غياب ولا بعدك حضور
لكن ودي بفرقاك .. لو ماودك فراقي

تعاتبنا بما فيه الكفايه من ثمان شهور
وسالت دمعتين وطاح قلب وماتت أشواقي !

تعدتك المشاريه .. وجفاك اللوم والمستور
اذا مايكشفه صوتي كشفه الحبر بـ أوراقي

تعبت أضحك على نفسي وأبرر لك وأعيش الدور
وتعبت أجامل ظروفك .. وأصدّق كذبك الراقي

أنا يكفي أغيب وخاطري ماجاك منه قصور
ويكفيك أتذكّر .. كل ليلة ولهفة عناقي

تذكر يوم أخليك إتبّاهى كبرياء وغرور ؟
يوم إني أتحدى بك وأخيّب هقوة الهاقي

وتذكر يوم أعذرك ؟ وأنت لا صادق ولا معذور !
أدور لك عذر .. وأصدقه وأكذّب أحداقي

وتذكر يوم جيت من الحزن ضايق ومكسور ؟
فرشت لك الضلوع وقلت لك ياسيْد عشاقي !

خذ ضلوعي وإبْن فيها يسار الصدر بيت وسور
ترا مافيه قبلك من سكن صدري وخفاقّي

وبعد هذا ! رحلت ولا بقى الا بيتك المهجور
ولا ياكبرها لامن رحلت ومنزلك باقي".

صباح الخير ،،
أمَا بعد يقول ضيدان بن قضعان:

تفاهمنا على حسّم الامور وكلنا راضين
وتوادعنا ما كن قلوبنا خضر وهّواويه

وبعدها قال:
ومع هذا عجزت انسّى وأترك المقفين
اغصب القلب لاكن الغلا .. قدره الاهّيه

وعن حنيّة اللي قال لمحبوبته

«نذر علي والنذر ما فيه تبديل
يا جارحك ما يهتني في منامه»

«إشكريني يوم أحنّك من كبار الذنوب
وإعذريني يوم أزيدك من العنّوه عنا

ماقدر يكسب محبتك يالظبي اللعوب
غير أنا ، وأعوذ بالله من كلمة أنا»

‏واقف على باب الأمل و أتحرّا
‏وصالها غايه و شعري وسيله

‏و بلحظتين الدمع قام يتجرّا
‏يرثي ملذّات الهنوف الجميله

‏لا والله إلا الحلم عنّي تبرّا
‏بعد جواده ما نفض لي شليله

‏ما عاد بدري قلت لي وش تحرا؟
‏ترا الليالي بعد صدّك طويله .

‏" تضيق بوجهي الدنيا و الاقي في رحابك باب
‏و احسك مثل شيٍ كان ينقصني . . و كملته

‏اجي صوبك و انا لوجهك يسابق وجهي الترحاب
‏و اشوفك مثل نجمٍ فالسما كم لي تخايلته

‏حبيبي و المدى حاِلك و انا في غيبتك مرتاب
‏ولا غيرك هوى قلبي ، و من قلبي أنا نلته "

‏ريّانة العود ما في العود هذا قوام
‏الا نفوسٍ هدب عينك مواليفها

‏في عينك الواسعه منفى ومصدر غرام
‏ابحرت في بحرها و ايّست من سيفها

‏اوصافك الجوهريه فوق كل الكلام
‏يانت عليّ و على غيري معاريفها

‏مسك البدايه تبسّامك ومسك الختام
‏ احبّك اليا تبدّت لي مشاريفها ..

يوم عادك تكره السبت ..وتحب الربوع
الولاء الأسبوعي لشطر ضيدان وربوع الخير 🌺

اسعد صباح اللي يحبون الربووووع

«‏في داخلك جنه،وفي داخلك نار
‏ماتدري بنفسّك لكن الله أدرى

‏لوكان قلبك الأرض والناس الأمطار
‏ما كان كفيت التفاصّيل — ذكرى

‏من أغرب أفعال المطر يومنا صّغار
‏لاطاح في يدك ترك يدك الأخرى!

‏الناس ماتبكي معك . . لين تنهّـار
‏والجرح مايضحك معك لين يبرى»

كنوزنا الصبر و الشيمه رواتبنا

صبحكم الله بالخيييير ❣️