عن نفسي
والله رأيي بحب منصور لنوف إنه حبٍ من ساسٍ نقي، ما به لعب عيال ولا هرجٍ فاضي، يوم كتب لها قصايده حسّيت كنه يسكب قلبه سكب كل حرف من حروفه صادق ما وراه زيف
هو من هالربع اللي إذا حبّوا، حبّوا من جد لا غيّرهم بعد ولا غيّرهم زمان حبّه لنوف كنه سيرة بدوي يخبّي حنانه وراء طبع قوي بس إذا نطق بالشعر بان كل ما يدسه صدره

صباح الخير ❣️

صلّوا على النّبي
اللهم صلِّ وسلَّم على نبيِّنا وحبيبنا محمَّد.

«ياللي معك يصفى المزاج المعكّر
‏من يعرفك ماشاف غيرك فقيده

‏عليك .. انا ممنون لك ومتشكّر
‏ياللي معك عشت الحياة الرغيده

‏لك ينفتح باب القصيد المسكّر
‏ولك تنحني كل البيوت العنيده

‏ولجلك سهرت وكل ليلـي افكّر
‏وشلون أكتب بالقصيده قصيده»

11?

« حتى لو جابتك الأشواق صوبي-أنا اعتبرتك متً من ضمن الأمواااات »

طيبة الخاطر مالها رجوع ونهاية مؤسفة
جسُدها — متعب التركي

قهوه مقابل الوجه السمُوح❣️
ماشاءالله

عيطموسٍ كـل
مـطلـع صبـح تستـاهل قصيدة

‏صباح الرضا وإن كان ودك صباح الخير
أشوف الصباح بدون وجهك حكي فاضي

أنا والنسيم وطلّة الشمس حتى الطير
‏من البارحه نرقب سنا وجهك الراضي

يا مِلح الجرح وأقدم ذكريات البال وأحلى مُر
‏تعرف تغيب؟ ليتك تعرف غيابك وش أضراره

‏سهرتك فالِّليال الِّلي بوادرها مخاوف شر
‏ما يدري عن خبايا الِّليل الأسود غیر سِماره

‏ربى جرحك بصدرٍ محتفى به من دواعي بر
‏كبيرات الجُروح .. أهون على قلبي من صغاره

‏على كثر الجروح الِّلي من يدينك وكثر الضر
«‏عذرتك» والقلوب الِّلي تحب تصير عذاره

‏حفظت الِّلي بقى من بيني وبينك وهذا سر
‏وأنا مانيب حي الله .. عيُونه تفشي أسراره

‏وقوفي في رحيلك وأنت مقفي وقفة المُضطر
‏يخاف يروح ولا يتْبعك ، ويطيح مقداره

‏"أنا ما همِّني لا صار سيلي عارفٍ مجراه
أبفرش ضحكتي بعيون كل اللي يمروني

أنا لاني طريقٍ محدٍ صابر على ممشاه
ولاني دربٍ أخضر كل من جوني تمشُّوني

وأنا ماني بـ بحرٍ كل من جاني شرب من ماه
أنا صفحه من التاريخ تذكرني ما تنساني"

حي الله الوجيه النادرة منورين القناة ❣️

تلاحق اللي تبقّى من الغلا بين يديك
وش يجمعه لو تطوّل غيبتك وانتثر

يتلّني شوق لك رحمه على والديك
ماني بقد الصبر الا أنت قد الصبر

شف حالتي في الغياب أشكيك منك واليك
هم برى الحال وعيونٍ طواها السهر

وش يمنعك لا تواصلني وانا اموت فيك
ظروف ليله ثلاث اسبوع ياخي شهر

«يا طــــــول عمرك بذاكرتي»

‏أنا آسف على اللي صار واللي بعد ما صار
‏وعلى اللي بدر واللي بعد ما بدر منّي

‏أنا الطيّب المعذور يالطيّب العذّار
‏ولاهوب يمكن إنك ولاهوب يمكني

‏والله العظيم إني على شأنك باطى الحار
‏والله العظيم إنك بتبقى على ظنّي

‏لو إن كل غيبة شمس تأكلني الأفكار
‏عيون الرجال اتغص ماهيب تأكلنّي

‏مايحتاج أغني كل ماغنوا الشعار
‏يغنون ولا مايغنون بـ أغنّي

‏عليك البيوت الباذخه دمها فوار
‏ولا الشاعر يونّي ولا الهاجس يونّي

‏ستر فارعٍ منها بنات الرجال اتغار
‏اللي عينها وسيعه وشعرها بنّي

‏محمد ال شواي

‏«ما كنت أخاف صوتك، كثر ما أخاف أتعلَّق فيه
‏يا ليتك قصةٍ من ذكريات العمر .. محذوفة»

‏" أمر الواقع خمس دقايق أتقهوى معه شاهي وأرجع للخيال "

لا خذتني غايتي وابطيت يا غاية مرادي
‏والمسافه كايده والحب باقٍ له شريده

‏زملّيني من هواجيس الغياب اللا إرادي
‏ان ذبحني طاري الفرقى وش انتي مستفيده

‏واعبري به لا اغدي عادي وانا مانيب عادي
‏الحريص تورّده للموت غلطته الوحيده

لاستوت في عيونك الثنتين قربي وابتعادي
‏والظروف اقسى من الماضي على اللي يستعيده

المصافح فالقلوب اصدق من مصافح الايادي
‏اسمحي لي كل يوم اصافحك وانتي بعيده

شاعرك لا هاموا اصحاب الشعر في كل وادي
‏مستعد يوقف الدنيا على مطلع قصيده