“በጋዛ ላይ ያለውን አጠቃላይ ጦርነት ለማስቆም በቀረበው ጥያቄ ላይ አለም አቀፍ መግባባትን የሚወክል የአለም አቀፍ ፍርድ ቤት ውሳኔን እንቀበላለን!”
የፍልስጤም ባለስልጣን
#አልጀዚራ
https://t.me/Seyfel_Islam

ሀገራዊ የምክክር ኮሚሽኑ የከተማችንን ህዝበ ሙስሊም ያካተተ አይደለም ሲል የቻግኒ ከተማ እስልምና ጉዳዮች ም/ቤት ገለጸ
...
ሀሩን ሚዲያ፥ ግንቦት 16/2016
...
ሀገራዊ የምክክር ኮሚሽኑ የከተማችንን ህዝበ ሙስሊም ያካተተ አይደለም ሲል በአማራ ክልል አዊ ብሔረሰብ አስተዳር ዞን ውስጥ የሚገኘው የቻግኒ ከተማ እስልምና ጉዳዮች ም/ቤት ለሀገራዊ ምክክር ኮሚሽኑ በጻፈው ደብዳቤ ገልጿል።

በክልሉ የተሳታፊ ልየታ እያደረገ መሆኑን የገለጸው የከተማው መጅሊስ፣ በዚህ ተግባር ውስጥ ግን ሙስሊሙ መገለሉን ገልጸው ይህ አሰራር እንዲስተካከል ጠይቀዋል። ተቋሙ ይህንን የተዛባ አሰራር የማያስተካክል ከሆነ ግን ለኮሚሽኑ እውቅና እንደሚነፍጉና በይፋ እንዲቃወሙ አበክረው ገልጸዋል።

© ሀሩን ሚዲያ
https://t.me/Seyfel_Islam

የሃይማኖት ተቋማት የፋይናንስ ኦዲት ሪፖርታቸውን ለመንግሥት እንዲያቀርቡ የሚደነግግ ረቂቅ አዋጅ ተዘጋጀ

ማንኛውም የሃይማኖት ተቋም የፋይናንስ ኦዲት ሪፖርቱን ለሰላም ሚኒስቴር ማቅረብ እንደሚኖርበት፣ ከውጭ አገር የሚመጣ የገንዘብ ዕርዳታ በሕግ ሥልጣን ለተሰጠው አካል ማሳወቅ እንደሚኖርበት የሚደነግግ ረቂቅ አዋጅ ተዘጋጀ፡፡

‹‹የሃይማኖት ጉዳዮች አዋጅ›› የተሰኘውና ሪፖርተር የተመለከተው ረቂቅ አዋጅ፣ የሃይማኖት ተቋማቱ ተቀባይነት ያለው የሒሳብ አያያዝና የኦዲት ሥርዓት መዘርጋት እንደሚኖርባቸው፣ የኦዲት ሪፖርታቸውንም ለሰላም ሚኒስቴር ማቀረብ እንዳለባቸው ይደነግጋል፡፡ 

የሃይማኖት ተቋማቱ የሚጠቀሙት የሒሳብ አያያዝ ሥርዓት የገቢ፣ የወጪና አጠቃላይ የንብረት ዝርዝር የያዘ መሆን እንደሚኖርበትና የገቢ አሰባሰብና የወጪ አስተዳደር በሕጋዊ መንገድ ማከናወን እንዳለባቸው ያስረዳል፡፡ አንድ የሃይማኖት ተቋም በራሱ የገቢ ማስገኛ ሥራዎችን በሚያከናውንበት ጊዜ፣ ለዚሁ ሥራ የተለየ የባንክ ሒሳብ መክፈትና የተለየ መዝገብ መያዝ እንዳለበት ደንግጓል፡፡

በተጨማሪም ማንኛውም የሃይማኖት ተቋም ከውጭ አገር የሚላክለትን የገንዘብ ዕርዳታ፣ ስጦታ ወይም ሌሎች የገንዘብ ድጋፎችን በሕግ ሥልጣን ለተሰጠው አካል ማሳወቅ እንደሚኖርበት አስቀምጧል፡፡ ሲያሳውቅም የለጋሹን ድርጅት ወይም ግለሰብ ስምና አድራሻ፣ የተለገሰው የገንዘብ፣ ስጦታ ዓይነትና መጠን፣ እንዲሁም ስጦታው ወይም ድጋፉ የተሰጠበት ልዩ ዓላማ መካተት እንዳለበት ተገልጿል፡፡

ማንነታቸው እንዲጠቀስ ያልፈለጉ የኢትዮጵያ እስልምና ጉዳዮች ጠቅላይ ምክር ቤት አባል ለሪፖርተር እንደገለጹት፣ የሃይማኖት ተቋማቱ ኦዲት ሪፖርታቸውን ለሰላም ሚኒስቴር ያቅርቡ የሚለው የረቂቁ ክፍል ላይ ተቃውሞ የላቸውም፡፡ ከውጭ የሚላክን ገንዘብ አስመልክቶ በረቂቁ ላይ የተቀመጠው ገንዘቡን ማሳወቅ ከሆነም ችግር እንደሌለው ተናግረዋል፡፡ ነገር ግን ከፋይናንስ ደኅንነት ወይም ከሌላ የደኅንነት መሥሪያ ቤት ጋር የሚያገናኝ ከሆነ ጣልቃ መግቢያ በር እንዳይሆን ሥጋት እንዳላቸው ጠቁመዋል፡፡

ማንኛውም የሃይማኖት ተቋም የበጀት ዓመቱ በተጠናቀቀ በሦስት ወራት ውስጥ የፋይናንስ እንቅስቃሴውን በገለልተኛ ኦዲተር ማስመርመር እንዳለበትና የኦዲተሩን አቋምና የውሳኔ ሐሳብ መያዝ እንዳለበት በረቂቁ ተመላክቷል፡፡ የሰላም ሚኒስቴር የደረሰውን የኦዲት ሪፖርት አመቺ በሆነ መንገድ ለሕዝብ ይፋ ማድረግ እንዳለበትም ተደንግጓል፡፡ 

የአምልኮ ወይም የመቃብር ቦታ አሰጣጥን በተመለከተም ለሃይማኖት ተቋማቱ የመሬት አቅርቦት በመሬት አጠቃቀምና የሊዝ ሕጎች መሠረት እንደሚወሰን ተገልጿል፡፡ ለአምልኮ ወይም ለመቃብር ቦታ በተጠየቀበት አካባቢ ለሃይማኖት ተቋሙ ለተመሳሳይ ዓላማ የተሰጠ ቦታ አለመኖሩ ወይም ተጨማሪ ቦታ መስጠት አስፈላጊ መሆኑ መረጋገጥ እንዳለበት፣ እንዲሁም በተለያዩ ቤተ እምነቶች መካከል የሚኖረው ርቀት ቢያንስ 500 ሜትር መሆን እንዳለበት ተደንግጓል፡፡

ትምህርትና የሃይማኖት ተግባራትን በሚመለከትም በረቂቁ ላይ ዝርዝር ጉዳዮች ተቀምጠዋል፡፡ ከእነዚህም ውስጥ መደበኛ ትምህርት በሚሰጡ የመንግሥት ወይም የግል ተቋማት የሚሰጠው ትምህርት ሃይማኖታዊ ይዘት የሌለው መሆን እንደሚኖርበት አንዱ ሲሆን፣ በትምህርት ተቋም ቅጥር ግቢ ውስጥ ሃይማኖታዊ ትምህርትን ማስተማር ወይም በቡድን ማምለክ የተከለከለ ነው የሚለው ሌላኛው ነው፡፡

በተጨማሪም ማንነትን ለመለየት የሚያስችሉ ሃይማኖታዊ አለባበሶችን ጥቅም ላይ ሊውሉ እንደማይገባ ተደንግጓል፡፡ ይህን የረቂቁን ክፍል አስመልክቶ የእስልምና ጉዳዮች ጠቅላይ ምክር ቤት ሃይማኖታዊ ምልክቶችን እንደ ቤተ እምነቱ አስገዳጅ ሕግጋቶች ልዩ ሁኔታዎች እንደሚኖሩ መደንገግ ሲገባው፣ ሙሉ ለሙሉ ከትምህርትና ሥራ ገበታ የሚያስገድዱ ድንጋጌዎችን መያዙ አግባብ አለመሆኑን በመግለጽ ለሰላም ሚኒስቴር በላከው አስተያየት፣ ቅሬታና የመፍትሔ ሐሳብ መግለጹ ይታወሳል፡፡

በሌላ በኩል የመንግሥት ኃላፊዎች መንግሥትን ወክለው በሃይማኖት በዓላት አከባበር ላይ መገኘት እንደማይችሉ በረቂቁ ተመልክቷል፡፡ በተጨማሪም በትምህርት ቤት፣ በመኖሪያ ቤትና በሕክምና ማዕከላት አካባቢ የሚደረግ አምልኮ በአካባቢ ጥበቃ ሕግ የተቀመጠውን የድምፅ መጠን ያከበረ መሆን እንደሚኖርበት፣ ካልተፈቀደ በስተቀር ማስተማርን ጨምሮ ሃይማኖታዊ ተግባራትን በሕዝብ መሰብሰቢያ ቦታዎች መፈጸም እንደማይችል ረቂቁ ይደነግጋል፡፡

የወንጌል አማኞች አብያተ ክርስቲያናት ካውንስል በበኩሉ ይህ የረቂቅ አዋጁ ክፍል በልዩ ሁኔታ በወንጌል አማኞች ላይ ጫና የሚፈጥርና ሕገ መንግሥታዊ መሠረት የሌለው መሆኑን በመግለጽ፣ ሊስተካከል ይገባል በማለት ለሚኒስቴሩ በላከው ደብዳቤ ማስታወቁ አይዘነጋም።
©ጀይሉ ቲቪ
https://t.me/Seyfel_Islam

ፈገግ በሉ
~
የእናቱን አምስት ብር ያነሳው ልጅ "ማነው ብር የወሰደው?" ሲባል "እኔ አምስት ብር አላየሁም" አለ አሉ። አንዳንዶች ባልታሰበ ሰዓት ወንጀላቸውን ይናዘዛሉ። ባያያዝኩት ቪዲዮ ላይ የሚናገረው በዒራቅ ላይ ወረራ የፈፀመው ጆርጅ ቡሽ የተሰኘው የአሜሪካ መሪ ነው። የራሱን ታሪክ "ረስቶ" የዩክሬንን ወረራ ሊያወግዝ ሲነሳ ምላሱ ያልታሰበ ቦታ ጥሎታል።
=
የቴሌግራም ቻናል፡-
https://t.me/IbnuMunewor

ግንቦት 18፣ 2016 ዓ.ል | ዙል ቂዳህ 18፣ 1445 ዓ.ሂ.
بِسْمِ ٱللَّهِ ٱلرَّحْمَٰنِ ٱلرَّحِيمِ                    
•••••••••••••••••••••••••••••••••••••••••••
ሐጃጆች በኢትዮ ቴሌኮም ሲም ካርድ ከመካ እና ከመዲና ወደ ሀገር ቤት ስልክ መደወል በመቻላቸው መደሰታቸውን ተናገሩ።
•••••••••••••••••••••••••••••••••••••••••••
መዲና |

የ1445 ዓ.ሒ. የአሏህ እንግዶች በሐጅ ምዝገባ ወቅት ያስመዘገቡትን የኢትዮ ቴሌኮም ሲም ካርድ በመጠቀም ከመዲና እና ከመካ ወደ ቤተሰቦቻቸው ስልክ ደውለው በሰላም መግባታቸውን መግለጽ በመቻላቸው መደሰታቸውን ተናገሩ።

በሐጅ ጉዞ ላይ ውጣ ውረድና ልፋት መኖሩ የኢባዳ አካል ቢኾንም፣ ጠቅላይ ምክር ቤቱ ለዘንድሮ የአሏህ እንግዶች ተገቢ አገልግሎት በመስጠት ከኢባዳቸው እንዳይዘናጉ ማድረግ በመቻሉ መደሰታቸውን ሐጃጆች ተናግረዋል።

የኢትዮጵያ እስልምና ጉዳዮች ጠቅላይ ምክር ቤት አገልግሎቱን ከጊዜ ወደ ጊዜ እያዘመነ በመሄድ፣ የዘንድሮ የአሏህ እንግዶች የኢትዮ ቴሌኮም ሲም ካርዳቸውን በሳዑዲ ሲምካርድ መቀየር ሳያስፈልጋቸው፣ የሮሚንግ አገልግሎት እንዲያገኙ መደረጉን መዲና የተገኙት የመጅሊሱ የIT ክፍል ባልደረባ አቶ ጀማል ኢብራሂም ተናግረዋል።

ባለሙያው አያይዘው እንደጠቀሱት የኢትዮጵያ  እስልምና ጉዳዮች ጠቅላይ ምክር ቤት ለ1445 ዓ.ሒ. ሐጃጆች ብዙ ጠቃሚ አሠራሮችን ሥራ ላይ እያዋለ ይገኛል።

ጠቅላይ ምክር ቤቱ ከኢትዮ ቴሌኮም ጋር በተስማማው መሠረት የ1445 ዓ.ሒ ሐጃጆች የሐጅ ምዝገባ ሲያካሂዱ ያስመዘገቡት ስልክ ቁጥር በሮሚንግ አገልግሎት የተመዘገበ በመሆኑ፣ ሲም ካርዳቸውን ይዘውት በመጓዝ የአገልግሎቱ ተጠቃሚ መኾን እንደሚችሉ አቶ ጀማል ተናግረዋል።

ከኢትዮ ቴሌኮም ጋር በተገባው ውል መሠረት የሮሚንግ አገልግሎቱ ተጠቃሚዎች፣ 150 ደቂቃ የድምጽ እና 500 ሜጋ ባይት ፓኬጅ  መጠቀም እንደሚችሉ አቶ ጀማል ተናግረዋል።

ብዙ ሐጃጆች ከመነሻው ቴሌብር ላይ ያለውን የሐጅ ፓኬጅ ገዝተው በመምጣት ስህተት እየሠሩ እንደሚገኙ የጠቆሙት አቶ ጀማል፣ ይህን መጠቀም የሚችሉት ነባር የሮሚንግ አገልግሎት ተጠቃሚ ሐጃጆች ብቻ መኾናቸውን ተናግረዋል።

የሮሚንግ አገልግሎት ተጠቃሚ ያልነበሩ ሐጃጆች፣ በሐጅ ምዝገባ ወቅት ያስመዘገቡት ቁጥር ያለበትን ሲም ካርድ ይዘው በመምጣት የፓኬጁ ተጠቃሚ እንደሚኾኑ ተናግረዋል።

በሐጅ ቆይታቸው በእርሱ ሲጠቀሙ ቆይተው የተሰጣቸው ፓኬጅ ሲያልቅ፣ ቴሌብር ላይ ያለውን የሐጅ ፓኬጅ የሚጠቀሙበት መንገድ እንደሚመቻች አቶ ጀማል ተናግረዋል።

ወደ መዲና ለመሳፈር ተራቸውን በመጠበቅ ላይ የሚገኙ የአሏህ እንግዶች፣ ለሐጅ ሲመዘገቡ ያስመዘገቡት ስልክ ቁጥር ያለበትን ሲም ካርድ ይዘው እንዲሳፈሩ አቶ ጀማል በአጽንዖት አሳስበዋል።

የኢትዮጵያ እስልምና ጉዳዮች ጠቅላይ ምክር ቤት ከኢትዮ ቴሌኮም ጋር በመተባበር ሐጃጆችን የሮሚንግ አገልግሎት ተጠቃሚ ያደረገው፣ አገልግሎቱን ከማዘመን ባሻገር ለራሳቸው ደኅንነት ሲል መኾኑንም ተናግረዋል።

የሮሚንግ (Roaming) አገልግሎት፣ በሐጅ ወቅት ብቻ ሳይኾን፣ በማንኛውም ጊዜ ከሀገር የሚወጡ ሰዎች ከየትኛውም የዓለም ሀገር ኾነው በሀገር ቤት ሲም ካርዳቸው መጠቀም የሚያስችል አገልግሎት ነው።

​•••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

#BREAKING!
“በራፋህ የሚገኘውን የድንበር አካባቢ ጥበቃ በማድረግ ከነበሩ የግብፅ ወታደሮች መካከል አንዱ ሰማዕት ሆኗል!”
የግብፅ ወታደራዊ ቃል አቀባይ

ስፔን፣ አየርላንድ፣ ኖርዌይ በዛሬዉ እለት ለፍልስጤም መንግስት እውቅና ይሰጣሉ

ሦስቱ የአውሮጳ ሃገራት የፍልስጤም ግዛት ዛሬ ማምሻውን በይፋ ዕውቅና በመስጠት 144 ሌሎች የዓለም ሀገራት ተርታ ይቀላቀላሉ፡፡

የአየርላንድ ካቢኔ ዛሬ ጠዋት በፓርላማ ከበርካታ ሰአታት ክርክር በኋላ ውሳኔውን ያረጋግጣል ተብሎ ይጠበቃል።

የአየርላንድ ጠቅላይ ሚኒስትር ሲሞን ሃሪስ ትናንት ሲናገሩ፡ “በእስራኤል እና በፍልስጤም ግዛት እናምናለን፣ በሰላም እና በመረጋጋት ጎን ለጎን እንኖራለን። እናም እኛም ይህንን እናምናለን ሲሉ ተደምጠዋል።

በስምኦን ደረጄ
#ዳጉ_ጆርናል

"ከ90 በመቶ በላይ ሙስሊም በሆነባቸው አፋርና ሱማሌ እንኳን ሀገራዊ ምክክሩ ያደረገው የተሳታፊ ልየታ ሙስሊሙን ያገለለ ነው ተባለ!
…
(ሀሩን ሚዲያ፦ግንቦት 20/2016)
...
በሀገራዊ ምክክሩ ላይ "የሙስሊሞች ውክልና አነስተኛነው "በሚል ላቀረበው ቅሬታ ምላሽ እንዳልተሰጠው የፌደራል መጅሊሱ ገለፀ!
…
በሀገራዊ ምክክሩ ላይ ከወረዳ እስከ ክልል የሚሳተፉ ተወካዮችን በተመለከተ ሙስሊም ተወካዮች ቁጥራቸው እጅግ አነስተኛ በመሆኑ እንደ ሙስሊም አጀንዳዎቹን ለማስጨበጥና በጋራ ሀገራዊ አጀንዳዎች ላይ ተወያይቶ መግባባት ላይ ለመድረስ በበቂ ተወካዮቹ  አለመወከላቸውን የመጅሊሱ ዋና ስራአስኪያጅ አቶ ከማል ሀሩን ተናግረዋል
...
የሙስሊም ውክልና አናሳ በመሆኑ ጉዳይ ላይ ከኮሚሽኑ ከፍተኛ ኃላፊዎች ጋር ተደጋጋሚ ውይይት ብናደርግም እሺ ከማለት ውጭ የሰጡት መፍትሄ እንደሌለ አስረድተዋል ።
...
በነባር የተለያዩ  የማህበረሰብ አደረጃጀቶች ተወካዮች የተመረጡበት ሂደት የሙስሊሙን ተወካዮችን ቁጥር  እጅግ አነስተኛ እንዳደረገውና ተወካዮች  የተመረጡበት መንገድ  ትክክል ያለመሆኑን መስፈርቱም  በሁሉም ክልሎች  በተመሳሳይ መልኩ የተሰራ መሆኑ ተገልጿል።
...
ከዘጠና ከመቶ በላይ ሙስሊም በሆኑባቸው አፋርና ሱማሌ ክልል በማህበረሰብ አደረጃጀት ውክልና በሚል በክልሉ ለሙስሊሙ የተሰጠው ውክልና ከአምሳ ከመቶ  እንደማይበልጥ ተናግረዋል ።
...
ምክር ቤቱ አጀንዳዎቹን ያካተተበትን ሰነድ ማቅረቡን የኢትዮጵያ ሀገራዊ ምክክር ኮሚሽን ትናንት ሰኞ ግንቦት 19/2016 በዋና ጽሕፈት ቤቱ በሰጠው ጋዜጣዊ መግለጫ ላይ አረጋግጧል።ይሁንና አጀንዳዎችን ከመጅሊሱ ጋር በመወያየት እናያቸዋለን ከማለት የዘለለ ምላሽ ከኮሚሽኑ አልተሰጠም።
...
በሀገራዊ የጋራ ጉዳዮች መተማመን ፣ መግባባትና እርስ በእርስ  እውቅና ያለመሰጣጣት ፈተናዎች ውስጥ የምንገባበት አንዱ ምክንያት ገና ከመነሻው የማህበረሰብ  ወኪሎች በትክክል አለመወከላቸውና አለመወከላቸው እየታወቀ ለማስተካከል አልመፍቀድ በመሆኑ  ኮሚሽኑ ሳይዘገይ ምላሽ እንድሰጥበት ተጠይቋል።
...
©ሀሩን ሚዲያ

"መንግስት የእምነት ነጻነትን የሚሸራርፉ ህጎችን ከማውጣት ይቆጠብ"ነፃነት እና እኩልነት ፓርቲ
...
(ሀሩን ሚዲያ፦ግንቦት 20/2016)
...
ነፃነት እና እኩልነት ፓርቲ በፍትህ ሚኒስትር የተዘጋጀውን የሀይማኖት ጉዳዮች ረቂቅ አዋጅ አስመልክቶ መግለጫ አውጥቷል።
...
ሙሉ መግለጫው እንደሚከተለው ቀርቧል

ረቂቁ “የሃይማኖት ጉዳዮች አዋጅ” የዜጎችን የእምነት እና የአምልኮ ህገ መንግስታዊ መብቶች እንዳይገድብ ጥንቃቄ ይደረግ!!

የሃይማኖት እና የመንግስት ግንኙነትን በተመለከተ የኢፌ.ድ.ሪ ህገ መንግስት አንቀጽ 11 የመንግስት እና ሃይማኖት መለያየትን እና መንግስት እና ሃይማኖት አንዱ በሌላው ጣልቃ እንደማይገቡ በግልጽ እና በማያሻማ መልኩ ደንግጓል። በተመሳሳይ የኢፌድሪ ህገ መንግስት አንቀጽ 27 (1) ማንኛውም ሰው የመረጠውን ሃይማኖት ወይም እምነት የመያዝ ወይም የመቀበል፣ ሃይማኖቱን እና እምነቱን ለብቻ ወይም ከሌሎች ጋር በመሆን በይፋ ወይም በግል የማምለክ፣ የመከተል፣ የመተግበር፣ የማስተማር ወይም የመግለጽ መብት እንዳለው ደንግጓል። ከላይ የተገለጹት ህገ መንግስታዊ ድንጋጌዎች ከሞላ ጎደል በብዙ የዓለም ሀገራት የሚተገበሩ እና ዓለም አቀፍ እውቅና ያላቸው ህጎች ናቸው።

በሀገራችን ታሪክ በተለያየ ወቅት ሀገሪቱን የገዙ መንግስታት የፖለቲካ ስልጣናቸውን ድንበር አልፈው ሃይማኖትን አስመልክቶ ባወጧቸው ህጎች እና በወሰዷቸው እርምጃዎች የዜጎችን የእምነት ነጻነት በመጋፋት ለተቃውሞ እና ለግጭት ምክንያት ሆነዋል። የመንግስት አካላት የዜጎችን የእምነት እና የአምልኮ ነጻነት የሚቃረኑ፣ ሰብአዊ እና ዴሞክራሲያዊ መብቶችን የሚሸራርፉ፣ አለባበስን እና አመጋገብን ጨምሮ በዜጎች የኑሮ ዘይቤ ጣልቃ የሚገቡ ረቂቅ ህጎችን “በሴኩላሪዝም” ስም በህዝብ ላይ ለመጫን ባደረጉት ሙከራ ለግጭት እና ለሀገር ሰላም መደፍረስ ምክንያት መሆናቸው ይታወሳል።

በቅርቡ መንግስት “የሃይማኖት ጉዳዮች አዋጅ” በማዘጋጀት ላይ መሆኑ የሚታወቅ ሲሆን ረቂቅ አዋጁንም ተመልክተናል። ረቂቅ አዋጁ ባለፉት ሳምንታት የመገናኛ ብዙሃንን ትኩረት መሳቡን እና ዜጎች በስጋት እና በጥርጣሬ ውስጥ ሆነው በረቂቅ አዋጁ ዙሪያ ሀሳብ በስፋት ሲለዋወጡ አስተውለና። ረቂቅ አዋጁ በሚመለከታቸው የእምነት ተቋማት በቂ ውይይት ሳይደረግበት ህግ ሆኖ እንዲወጣ የተጣደፈ ዝግጅት እየተደረገ መሆኑን ለመረዳት ችለናል።

ረቂቅ አዋጁ በተለያዩ ቤተ እምነቶች ዘንድ ተቃውሞ ያስነሳ ሲሆን ይህ መግለጫ እስከ ተዘጋጀበት ጊዜ ድረስ የኢትዮጵያ ወንጌል አማኞች አብያተ ክርስትያናት ካውንስል እና የኢትዮጵያ እስልምና ጉዳዮች ጠቅላይ ምክር ቤት ረቂቅ አዋጁን አስመልክቶ በይፋ ቅሬታ ማሰማታቸው ታውቋል። ረቂቅ አዋጁ በህገ መንግስት የተረጋገጠውን የዜጎች የሃይማኖት እና የአምልኮ ነጻነት እንዳይገድብ ከፍተኛ ስጋት ፈጥሯል። 

ነጻነትና እኩልነት ፓርቲ በኢፌድሪ ህገ መንግስት የተረጋገጠው የሃይማኖት ነጻነት እና እኩልነት እንዲሁም በመንግስት እና በሃይማኖቶች መካከል የተቀመጠው ወሰን ሊከበር ይገባል ብሎ የሚያምን ሲሆን፣ ይህንኑ የፖለቲካ እምነቱን በፓርቲው ፕሮግራም በግልጽ አስቀምጧል። ነእፓ የዜጎች ህገ መንግስታዊ የሃይማኖት እና የአምልኮ ነጻነት ሳይሸራረፍ ሊከበር ይገባል ብሎ በጽኑ የሚያምን ሲሆን፣ ለዜጎች የተሟላ ስብዕና እና ጤናማ ስነ-ልቦና ሃይማኖቶች የማይተካ ሚና እንዳላቸው ይገነዘባል።

ነጻነትና እኩልነት ፓርቲ “በሴኩላሪዝም” ስም የሚወጡ ህጎች የሀገራችንን እና የህዝቦችን ወግ፣ ባህል እና ታሪክ ታሳቢ ያደረጉ ሊሆኑ ይገባል ብሎ ያምናል። የሴኩላሪዝም ጽንሰ ሀሳብ በዋናነት ሁለት መሰረታዊ ጉዳዮችን ያካትታል። የመጀመሪያው መንግስት በሃይማኖቶች መካከል እኩልነትን ማረጋገጥ እና አለማዳለት ሲሆን ሁለተኛ መንግስት እና የሃይማኖት ተቋማት አንዱ በሌላው የውስጥ ጉዳይ አለመግባትን ይመለከታል። ከዚህ ጠቅላላ ሀሳብ በመነሳት “ሴኩላሪዝም” በፍሬ ሀሳብ ደረጃ ‘ጸረ ሃይማኖት’ አለመሆኑን እና አተገባበሩም የሀገራትን ታሪክ፣ ባህል፣ ስነ ህዝብ፣ ማህበራዊ ውቅር ወዘተ ታሳቢ ያደረገ መሆን እንዳለበት ነእፓ ይገነዘባል። 

ነጻነትና እኩልነት ፓርቲ በህገ መንግስት የተደነገገውን የመንግስት እና የሃይማኖት ግንኙነት አተገባበርን አስመልክቶ አዋጅ እንዲሁም ዝርዝ¬¬ር ደንብ እና መመሪያዎች መዘጋጀታቸው አስፈላጊ እንደሆነ ይገነዘባል። ይሁን እንጂ ሃይማኖትን እንዲሁም የመንግስት እና የሃይማኖት ግንኙነትን አስመልክቶ የሚወጡ ማናቸውም ህጎች ሊያከብሯቸው የሚገቡ ሀገራዊ እሴቶች እና የህግ ማውጣቱ ሂደቱ ሊከተላቸው የሚገቡ ስርአቶች ሊኖሩ ይገባል ብሎ ያምናል።

ነጻነትና እኩልነት ፓርቲ ከላይ የተጠቀሱትን ህግ መንግስታዊ ድንጋጌዎች፣ ዓለም አቀፍ ተሞክሮ እንዲሁም የሀገራችንን ባህላዊ እና ሃይማኖታዊ ሀቆች ከግንዛቤ በማስገባት፣ ረቂቅ አዋጁ የሚከተሉትን የህግ፣ የታሪክ፣ የፖለቲካ፣ የሀገር ሰላም እና ደህንነት እንዲሁም ወቅታዊ ሀገራዊ ጉዳዮችን ታሳቢ ያደረገ እንዲሆን ያሳስባል፤

1. ረቂቅ አዋጁ ከመጽደቁ በፊት ከሚመለከታቸው የሃይማኖት ተቋማት ጋር ውይይት ማድረግ፣ በቂ ግብአት መሰብሰብ፣ በረቂቅ አዋጁ ላይ የሃይማኖት ተቋማቱ እና ጠቅላላ ዜጎች ያሏቸው አስተያየቶች እና ስጋት በሚገባ ሊወሰዱ እና በአዋጁ ውስጥ ማካተት፣ 

2. ኢትዮጵያውያን ለሃይማኖትና ሃይማኖተኛነት ከፍተኛ ዋጋ እና ክብር ይሰጣሉ። በመሆኑም ሃይማኖትን በተመለከተ የሚወጡ ህጎች፣ ደንቦች፤ መመሪያዎች እና አሰራሮች (በአንዳንድ የአውሮፓ ሀገሮች እንደሚታየው) ሃይማኖት የለሽነትን ለማስፋፋት ወይም ሃይማኖቶች በኢትዮጵያዊያን ህይወት ውስጥ (በግልም ሆነ በቡድን) ያላቸውን ከፍተኛ ቦታ እና ክብር የመገደብ ዓላማ ያላቸው እንዳይሆኑ ልዩ ትኩረት እንዲሰጥ፣ 

3. ነእፓ የሁሉም ሃይማኖቶች መሰረታዊ መልዕክት ሰላም፣ ፍቅር፣ ሰብዓዊነትና ወንድማማችነት ነው ብሎ ያምናል። በዚህ መሰረት ሃይማኖቶችን በስጋት የሚመለከቱ መጤ አስተሳሰቦችን እንዲሁም በሃይማኖቶች እና አማኙ ማህበረሰብ ላይ ምክንያት የለሽ ክልከላ እና ገደቦችን መጣል የዜጎችን ተፈጥሯዊ እና ህገ መንግስታዊ መብት የሚሸርሽር በመሆኑ መንግስት እነዚህን የመሰሉ ህጎችን ከመደንገግ እንዲቆጠብ፣   

4. ሃይማኖትን አስመልክቶ የሚወጡ ህጎች እና ደንቦች በአንድ በኩል በሀገራችን የሚገኙ የሁሉንም እምነቶች የወል ባህሪያት በሌላ በኩል የእያንዳንዱን እምነት ልዩ ባህሪያት እና ድንጋጌዎች በተቻለ መጠን ከግምት ውስጥ ያስገቡ ይሆኑ ዘንድ ጥንቃቄ  እንዲደረግ፣ 

5. የመንግስት እና የሃይማኖት ግንኙነት በሀገራችን መሰረታዊ የፖለቲካ ጉዳይ ሆኖ ለረዥም ዘመናት ቆይቷል። በሀገራችን ታሪክ የእምነት ነጻነትን እና እኩልነት አስመልክቶ መንግስታት ይከተሏቸው የነበሩ የተዛቡ ህጎች እና አሰራሮች በተደጋጋሚ የልዩነት እና የግጭት ምክንያቶች ሲሆኑ ተስተውሏል። በመሆኑ የመንግስት እና የሃይማኖትን ግንኙነት አስመልክቶ በሀገራችን በቀጣይ ይካሄዳል ተብሎ በሚጠበቀው ሀገራዊ ምክክር ሰፊ እና ጥልቅ ውይይት እንዲሁም መግባባት እስኪደረስ ድረስ መንግስት የተቻኮለ እና ችግሩን ይበልጥ ሊያወሳስብ ከሚችል ተግባር እንዲቆጠብ፣

6. በመጨረሻም ሀገራችን በአሁኑ ወቅት በተለያዩ ግጭቶች ውስጥ መሆኗ እና በእነዚህ ግጭቶች ሳቢያ በተለያዩ የሀገራችን አካባቢዎች ከፍተኛ የሰላም እጦት እና የፖለቲካ አለመረጋጋት መስፈኑ ይታወቃል።  መንግስት ከሁሉ አስቀድሞ ለሀገር ሰላም እና የፖለቲካ መረጋጋት  ትኩረት አድርጎ መስራት በሚገባው በዚህ ወቅት፣ ሌላ የፖለቲካ ትኩሳት ሊፈጥር የሚችል ተግባር ውስጥ እንዳይገባ፣ መንግስት ህጉን አጽድቆ ከማውጣቱ በፊት ጉዳዩ ከሚመለከታቸው አካላት ጋር ግልጽ እና እውነተኛ ውይይት እንዲያደርግ እናሳስባለን።

ነጻነትና እኩልነት ፓርቲ
ግንቦት 20፣ 2016
አዲስ አበባ

አለም አቀፉ የፍትህ ፍርድ ቤት #ደቡብ_አፍሪካ በእስራኤል ላይ የመሰረተችውን የዘር ማጥፋት ወንጀል ክስ ለመቀላቀል #ከሜክሲኮ ጥያቄ እንደቀረበለት አስታወቀ።

የፍርድ ቤቱ መግለጫ እንደሚለው፣ ሜክሲኮ እ.ኤ.አ. በ1948 የተባበሩት መንግስታት የዘር ማጥፋት ወንጀል መከላከልና መቅጣት ስምምነትን በመጣስ ደቡብ አፍሪካ በእስራኤል ላይ ያቀረበችውን ክስ እንድትቀላቀል ጠይቃለች።
#አልጀዚራ
https://t.me/Seyfel_Islam

“ከራፋህ ከተማ በስተምስራቅ በሚገኘው አል-ታኑር ሰፈር ውስጥ ነጎድጓዳማ ቦምብ በማፈንዳት 15 የወረራ ወታደሮችን ሙትና ቁስለኛ አደረግናቸው!”
አል-ቃሳም ብርጌዶች
#አልጀዚራ
https://t.me/Seyfel_Islam