🌙🕌 🌙 *مُبارٓكٌ علٓيْكُمْ شّٓهرُ رٓمٓضٓان*
*الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ*
*🌙 وكل عام ؤآنتم خير 🌙*

اللهم هيئ قلوبنا للشهر الكريم حباً للعبادة، وفرحاً بقدومه، وتقديراً لفضله وارزقنا فيه الرحمة والغفران والعتق من النار.

رمضان كريم🤍

وفي كل يوم تشرق فيه الشمس
اسأل نفسك متى ستشرق أنت ؟
لا حدود للأمنيات والأحلام تتحقق بالسعي وتوفيق الرحمن
فقط اسعَ🌸

"عندما تتعب تعلَّم كيف تستريح لا كيف تنسحب."

مش بذاكر ! مش بفتح كتاب !
عندي لا مبالاة غير طبيعية ، حاسس أن مستقبلي بيضيع .
اول حاجة السلام عليكم ❤️

احساس انك تكون شايف انك مش بتذاكر ولا بتعمل اللي عليك و لا بتعمل حاجة مفيدة بس عليك ضغط كبير جدا الضغط دا لوحده بيكون اصعب من المذاكرة نفسها حرفيا ...كونك شايف مناهج كبيرة جدا و تراكم عليك دروس كتير و الوقت بيمر يوم ورا يوم ...و انت كل يوم تقول بكره و بكره دا مش بييجي ....
و الحقيقة دا مش بيحصل من غير سبب لأ دا ليه اسباب كتيرة جدا بنتعرض ليها ..
ابرز المشتتات:
السوشيال ميديا ( فيسبوك انستجرام واتساب و غيره) .
التلفزيون ...
صحابك اللي بيخرجوا كل يوم ...
نظام التعليم ...
و غيره وغيره ..
طيب اولا كدا بالنسبة للسوشيال ميديا ...فحرفيا انت دماغك السوشيال ميديا أعادت تشكيل مخك من جديد يعني تيجي تمسك الكتاب لمدة 10 دقايق مش بتكملهم و تمسك التليفون بشكل ادماني فعلا .... الانترنت أعاد تشكيل مخك بشكل يخليك تدمن التشتت و متنجزش حاجة ... تكون قاعد بتسمع شرح محاضرة أو بتتفرج على كورس معين مثلاً و الشرح ممتع كمان و فجأة بدون اي مقدمات تروح تشوف التريند الجديد على فيسبوك أو تدخل تشوف رسايل واتساب ..
السبب في كدا إن مخك اتبرمج على كدا خلاص ....
طب بعد كل الرغي دا اي اللي ممكن اعمله علشان اقلل من دا ؟؟

اول شيء :
1. لازم تُدرك خطورة المشكلة اللي انت فيها فعلا الاول -ايوة قريت صح - اوقات ممكن تنكر و بالرغم انك عارف ان وقتك بيضيع بس بتكذب على نفسك و تقول دا انا مش بمسك فيسبوك أو انستجرام غير ساعة واحدة في اليوم ...و في الحقيقة انت بتقضي عليهم نص يوم 🙂
فأولا لازم تدرك خطورة مشكلتك دي ، وبالنسبه ليا في تطبيق ساعدني جدا و حقيقي اتصدمت من اللي شوفته و هو تطبيق Action Dash و دا بقيت بشوف منه استهلاكي لكل تطبيق كام ساعة و فعلا دا خلاني أدرك المشكلة اللي انا فيها .

2. ابعد الموبايل عنك بأي طريقة واعمل تحدي مع نفسك .. لازم تكون صادق مع نفسك اكتر من صدقك على اي انسان قول انا مش همسك الموبايل الا لما اذاكر -الدرسين دول مثلا - وبعدها تكافيء نفسك انك تمسك الموبايل ربع ساعة مثلا ... و يكون في تذكير يفكرك لما تخلص ال ربع ساعة علشان مش تكون ٤ ساعات 🙂.

3. نظام التعليم مش بيشجعنا على المذاكرة و بيسبب لينا احباط ....
اولا كدا انا مقتنعه جدا أن لكل مجتهد نصيب
*وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ *
يعني انت لو ايا كان النظام اللي بتدرس فيه إذا بذلت مجهود و عملت اللي عليك فعلا هتلاقي نتيجة حتى إذا مكانتش في وقتها صدقني هييجي يوم وربنا يعوضك احسن بكتيرر ..

4. حط قدامك هدف و لو صغير ...و كافيء نفسك و كن فخور بيها على اي انجاز صغير بتعمله ...
طبعا لازم الأهداف الكبيرة تتقسم الي اهداف صغيرة علشان نقدر نحققها إن شاء الله
فمفيش حد يقول أنا عايز اكون" أحمد زويل " تمام معنديش مشكلة بس أحمد زويل موصلش لكدا في يوم وليلة دا تعب سنين و مجهود و بحث و تعب و قسم أهدافه علشان يوصل لانك تشوف "أحمد زويل " .

5. اجتهد علشان اهلك يفرحوا بيك و تكون مصدر فخر ليهم ... بعيدا عن ضغوطات الأهل انت اذا كنت منظم حياتك بتذاكر و بتمارس هواياتك في نفس الوقت العادي اعتقد وقتها الضغط هيكون أقل و يمكن يكون مش موجود اصلا إذا عملنا اللي علينا ...

6. اجتهد و عافر واسع الدنيا دي هنعيش فيها مرة واحدة بس .. اجتهد علشان لما ربنا يسألك ضيعت عمرك في اي ؟ يكون عندك إجابة .

نصيحتي ليكم خذوا يوم بعيدا عن كل حاجة شوفوا حياتكم ماشية ازاي ؟ هل دا فعلا الشكل اللي انتم عايزينه؟ اي اللي جاي خططوا شوية بعيدا عن المشتتات و اي حاجة خليك يومها منعزل كدا و معاك مصحفك و مصليتك و كراسة جميلة تكتب فيها كل حاجة و بإذن الله هتحس براحة نفسية إذا فرغت كل همومك كدا .
و وانصحكم جدا جدا تقرأوا كتاب استراحة نفسية 🙂♥️♥️.

#منقول

#عشوائيات_سريعة :

1- عايز تميز نفسك عن 99% من البشر ؟؟
لما تبدأ في حاجة .. خلصها !

2- الكتابة هي أفضل طريقة تدرك بيها أن نص أفكارك اللي بتكون متأكد منها بنسبة 100% لا معنى لها بمجرد وضعها على الورق !

3- يتناسب مقدار القلق والضغط في حياتك تناسباً عكسياً مع مقدار الرياضة !

4- إستخدم السوشيال ميديا علشان تزداد ذكاء أو تزداد ثراء أو تزداد ثواب .. غير كده يبقى بلاها أحسن

5- معظم الناس اللي بتتعالج نفسياً هما ضحية لمرضى نفسيين موجودين في حياتهم لكن محاولوش يتعالجوا !

6- السفينة في أمان طول ما هي في الميناء .. لكن مش ده الهدف الأساسي اللي اتبنت السفينة علشانه !

7- انت في العلاقة الغلط إذا كان الطرف التاني رامي عليك مسؤولية إسعاده

8- الثقة مش إنك لما تدخل مكان تبقى مناخيرك لفوق وحاسس إنك أحسن الموجودين .. الثقة إنك لما بتدخل أي مكان مش بتقارن نفسك بحد من الأساس

9 - التملك يجعلك غني نظرياً .. والإستغناء يجعلك غني عملياً !

10- أجمل ما في الصدق (بعد رضا ربنا طبعاً) إنك لما بتتسأل بعد فترة عن نفس الموقف مش بتحتاج تفكر انت كنت قولت إيه !

11- يعتقد الأحمق أنه حكيم .. ويشك الحكيم في نفسه أنه أحمق !

12- مستقبلك معتمد على اللي انت بتعمله دلوقتي مش على اللي حصل في الماضي مهما كان

13- دايماً هيكون في ناس مش حاسه إنك تستاهل .. إياك تكون انت واحد منهم !

14- الراحة إدمان .. والتطور هو كمان إدمان
والإختيار إختيارك

15- لما تكون بتشتكي من كتر الأفكار وزحمتها في دماغك اكتب .. ولما تكون بتشتكي من ندرة الأفكار والدماغ الفاضية اقرأ

16- لو مفيش كارهين ليك موجودين في حياتك يبقى دي علامة خطر معناها إنك قاعد بتدلع بزيادة ومفيش أثر حقيقي بتعمله

17- مش المطلوب إنك تبدأ مثالي .. المطلوب إنك تبدأ في أسرع وقت ممكن

18- خلّي بالك .. انت هتتحاسب على كل حاجة كنت تقدر تعملها ومعملتهاش .. أنا قولت أفكرك بس

19- فكّر قبل ما تصرف جنيه في أي حاجة إلا في إستثمارك في نفسك .. اصرف من غير ما تفكر لإنك مش هتلاقي حاجة أقيم من كده تصرف فيها مهما قعدت تفكر

20- ناس كتير هتقولك إن اللي انت عايز تعمله ده مستحيل .. وهما عندهم حق .. هو مستحيل فعلاً بالنسبه لهم !

وقّف في النص !

هقولك على تريكة صغيرة هتفرق معاك جداً في إنجازك وإنتاجيتك ومحاربتك للتسويف

لما تبقى بتذاكر مثلاً أو بتعمل أي حاجة وراك ومقسم المطلوب منك على أجزاء .. كل جزء بتخلصه بتحب تاخد break بعده تفصل شوية وترجع تدخل في اللي بعده وهكذا .. ومتعود على كده والـ break ده شئ صحي ومطلوب علشان ترجع تشحن من جديد وتدخل في الجزء الجديد

التريكة بقى هي في توقيت الـ break نفسه
انت خلصت جزء معين على بعضه وهتقوم تاخد break وترجع تبدأ في جزء جديد .. قبل ما تقوم اتقل شوية واقعد 5 دقايق بس وابدأ في حاجة بسيطة من الجزء الجديد .. وبعد كده قوم عادي خالص خد الـ break بتاعك وارجع كمل

الـ 5 دقايق اللي انت قعدتهم في الجزء الجديد دول لا تتخيل هيساعدوك إزاي وانت راجع بعد الـ break .. إحساس إنك راجع تكمل اللي بدأته مش جاي تبدأ من جديد هو أجمل إحساس ممكن يحسه شخص غاوي تسويف .. لإنه عدى من أصعب مهمة مطلوبة منه وأكتر إحساس بيكسله وهو بيعمل أي حاجة في حياته وهي إنه يجي على نفسه و"يبدأ"

- بتذاكر ومقسم الجزء اللي بتذاكره لـ chapters .. وخلصت chapter والمفروض تاخد break .. ذاكر بس 3 سطور من الـ chapter الجديد قبل ما تقوم وتبقى ارجع كمل

- مطلوب منك task معين على الكمبيوتر وانت مقسمه على كذا برنامج وخلصت أول برنامج والمفروض تاخد break .. اقعد بس 5 دقايق افتح فيهم البرنامج الجديد واعمل شوية أساسيات وتبقى ارجع كمل

- بتوضبي الشقة وعايزة تاخدي break قبل ما تغسلي المواعين .. نظمي الأطباق اللي هتغسليها واغسلي 3 أطباق وتبقي ارجعي كملي

- بترسمي رسمة وبعد ما خلصتيها المفروض تاخدي break وترجعي تلونيها .. جهزي ألوانك وحددي الرسمة ولوني شوية أساسيات وتبقي ارجعي كملي

وهكذا طبّق التريكة دي في أي حاجة بتعملها في يومك .. خلصت مهمة في الـ to do list بتاعتك ابدأ 5 دقايق في المهمة اللي بعدها وقوم خد الـ break بتاعك .. وشوف الفرق الكبير في إنتاجيتك وإنجازك ومزاجك حتى وانت راجع تكمل

جرّبها وادعيلي 🙂

وسط زحمة الدنيا
أحب أفكرك ، اطمن
انت في مكانك ووقتك المظبوطين حسب توقيتات ربنا ليك
بطل قلق واستمتع بالمتاح ليك يوميا
وحاوط نفسك بناس يحسسوك بالأمان
ولو مفيش ، حاوط نفسك أنت بنفسك
وقف وخد نفسك كده 💚

"من يخاطر يفقد توازنه لبعض الوقت، ومن يحجم عن كل مخاطرة يفقد ذاته إلى الأبد."😛

أي حاجة بتحصل في يومك تفرحك (حتى لو فرحة صغيرة ومؤقتة) احتفظ بيها عندك

اكتبها في notebook لو موقف يتكتب .. أو صورها لو حاجة ملموسة تتصور .. أو خد منها screenshot لو حاجة على الموبايل

اعمل رصيد ذكريات حلوة عندك تستعين بيها في أوقاتك الصعبة علشان تفكرك إن الحياة مش اللون الأسود بس اللي انت بتكون شايفه وقتها .. إنما الحياة ألوان ❤️

*قواعد ربما تغير حياتك للافضل* ⚡🎈

1 - دفن الأسرار : أدب من آداب الفراق .
2 - كن قوياً حتى لا يشفق عليك أحد .
3 - لا تبالغ في حبك للناس حتي لاتنكسر .
4-إعتدل فى كل شيء إلا عزة نفسك ، إطغَى .
5-لاتسمع عني ... إسمع مني .
6-إقرأ من القرآن بقدر ما تريد من السعادة .
7- لا تجد لي وقتاً لا أجدُ لك مكاناً .
8- إذا لم تجد الأحترام فى قلب من تحب ، إرحل .
9- مالا ترغب أن يحدث لك لا تؤذي به غيرك .
10-كل باب يُغلق برغبة صاحبه لا تطرقهُ أبداً.
11-أيامك لن تعود، إفعل ما يسعدك
12- اخسر العالم كله بصراحتك ولا تكسب الناس بنفاقك وتصنعك .
13- إختر قلباً ، وليس وجهاً .
14-الأفعال هي من تؤكد صدق المحبة أما الكلام فالجميع فلاسفة .
15- إحتفظ بقلبك لشخص يستحق .
16- ما تراه مني أنت من أخترت أن تراه .
17- تجاهل كل شيء يأخذ فرحتك ، عِش حراً.
18- عندما لا تعرف ما أقصده لا تفسر ماتريده .
19- قبل أن تتعلق بأحد كن مستعداً لغيابه .
20- شيئاً لا تراه بعينك لايحق لك الحديث عنه.
21- ظن بي خيراً ... أو اكفيني شر ظنونك .
22- من لا يهتم لأمرك أترك أمره ، فالمحبة جميلة لكن الكرامة أجمل .
23- كي لا تسقط لا تسند ظهرك على أحد من البشر .
24- كن مسالم وبسيط فى حياتك إلا أحلامك إنتزعها بقوة .
25-لا تراقب مكاناً لم يعد لك، إرحم قلبك قليلاً.
26- عندما تشعر أن المكان ليس لك ، لا تحارب.
27- السعادة التي تبنيها على تعاسة شخص آخر هي تعاسة ستعود إليك فى زمن آخر من شخص آخر.
28- أي سعادة تضعها في جيوب الآخرين ستعود يوما لتختبيء في جيوبك عندما تحزن.
29- إن خانتك إختياراتك ، فلن يخونك لطف الله، ولن يخذلك إنقاذه.
30- إياك أن تيأس فكل الصابرين قد جُبِروا.
31- لا تضحي أبدا بهذه الثلاثة "عائلتك ، وقلبك ، وكرامتك ".
32- مايجبرك المنطق علي تركه لا تعود اليه بالعاطفة .
33-كن جميلاً مع الكل ، فهناك لحظة وادع ليس لها وقت .
34- لا تحكم على ماضي شخص ، فماضي الألماس .. فحم .
35- كن سطحياً مع من لا تليق بهم الأعماق .
36- إترك مُرّ أفعالهم للزمن فكل ساقي سَيُسقى بما سقى .
37- علي بن أبي طالب قال: إذا فقدت المال لم تفقد شيء، وإذا فقدت الصحة فقدت بعض الشيء ، وإذا فقدت الأخلاق فقدت كل شيء.
38- عندما يخرج شيء من حياتك لا تحزن بل أنظر إلي السماء وقل " عوضني يارب خيراً منه".
39- كن أرقي من أن تجمع ذنوباً مصدرها الحديث عن الناس .
40- لا ترهق نفسك مع إناس إختاروا ان يفهموك خطأ ، فقط إرحل بصمت والأيام كافية لتريهم من كنت ومن تكون .
41- جميلا ان تتجاهل حزناً عميقاً وتقول " قدر الله وما شاء فعل ".
42- السعادة لا تعني أنك لاتبكي او تحزن ، إنما السعادة أن تمتلك الرضا على كل أقدارك وتعيشها حامداً شاكراً مبتسماً ، الحمد لله دائماً.
43-إذا أردت أن تكون متحدث ناجح والنَّاس تسمع لك بدرجة جيد ، لابد أن تكون مستمع بدرجة امتياز .
44- أفضل إنتقام ممن قاموا بأذيتك هو أن تكون سعيداً ، فليس هناك مايثير جنونهم أكثر من رؤيتك تستمتع بحياتك .
45- السقوط لأسفل مجرد حادث ولكن النهوض # اختيار 💚

*قوة العقل الباطن - لماذا يحدث عكس ما نتمناه*🎈⚡ ؟؟

" عندما تكون رغباتك وخيالك متعارضين فإن خيالك
يكسب اليوم دون خلاف "

ما معنى هذا الكلام ؟؟؟
نضرب مثال بسيط
إذا طلب منك أن تمشى على لوح خشب طوله وليكن 10 امتار
وعرضه 5 امتار موضوع على الارض على الارض ،
بلا شك فأنك ستمر عليه دون أدنى مشاكل
لأن رغبتك فى المرور لا تتعارض مع خيالك
فخيالك ما دام اللوح على الارض فأنه لا يمثل اى
احتمال للسقوط وأن حدث فهوعلى الارض
الان افترض أن هذا اللوح موضوع على ارتفاع
20 قدما فى الهواء بين عمارتين عالتين أو بين جبلين

*هل تستطيع أن تمشى عليه ؟؟؟؟؟؟؟؟*
لا أعتقد

لماذا ؟؟؟ مع أنه نفس اللوح بنفس الطول والعرض
التفسير :
إن رغبتك فى المشى عليه ستواجه من جانب خيالك
أو الخوف من السقوط
و مع أنك تملك الرغبة فى المشى لكن صورة الوقوع
فى خيالك ستتغلب على رغبتك وأرادتك او جهدك
للمشى على اللوح
والعجيب أنك لو حاولت المشي عليه
قد يحقق خيالك السقوط بنفس الشكل الذى تخيلته
لأنه تدرب عليه مسبقاً فى اللاواعى الذى يدير
%90من سلوكياتك
ماذا نستفيد من تلك القاعده ؟؟؟؟
أظن ان الصورة بدأت تضح ،
كلنا يملك الرغبة للنجاح ،،
ولكن لا ننجح !!!
لماذا؟؟؟؟
لأن صورة الفشل مسيطرة على خيالنا ....

قاعدة تقول :
" لا تحاول أن تجبر العقل الباطن على قبول فكرة
بممارسة قوة الإرادة ، فسوف تحصل على عكس ما
كنت تريد"
مثال :

أذا قلت أنا أريد الشفاء " رغبة "
ولكن لا أستطيع الوصول اليه " خيال "

فسوف تكره نفسك على الدعاء والعقل لا يعمل
وهذه معلومه خطيرة : " ان العقل لا يعمل تحت ضغط "
فمن يتخيل أنه سينسى فى الإمتحان
ويرتبك وتهرب منه المعلومات
ومع أن رغبته فى الاستذكار والنجاح
إلا أن الخيال أقوى
من يخاف من لقاء الناس
فهو يرسم صورة عقليه متخيله لسلوكياته وتصرفه
عند لقاء الناس لا تتفق مع رغبته فى الثقة بالنفس
وبالتالى فان الصورة التى تخيلها ورسمها فى عقله
هى التى ستسيطر عليه عند تعرضه لمثل هذا الموقف
ان الكثير مما يعانون من القلق أو الرهاب الاجتماعى
أو الوساوس القهرية
فانما يعانون من التخيل السلبى لكل ما يقلقهم
أو يؤثر على اعصابهم
وبادراكك لتلك القاعده المهمة
فاذا استطعت ان تحقق الانسجام بين ما ترغبه حقيقه
وما تتخيله وتضعه فى عقلك
فستعمل في انسجام.

*الخلاصة* :
لكى تحقق نجاح فى مجال لابد ان تتوافق
رغباتك مع احلامك
لكى يعمل عقلك بكفأة استرخى وأبتعد عن العصبية
والضغط على العقل
تخيل ما تريده لا ما لا تريده
درب عقلك اللاواعى دوما ً على النجاح
وأن يعمل معك لا ضدك

.................................

*وهناك مقولة أتذكرها دائماً تقول:*

*إذا رأيت ما تحلم به بعين خيالك... فلسوف تمسك به بين يديك.*
⚡🎈

في رمضان.. أعد ترتيب نفسك.. لملم بقاياك المبعثرة.. إقترب من إحلامك البعيدة..
إكتشف مواطن الخير في داخلك..
و أهزم نفسك الأمارة بالسوء.
في رمضان.. إفقد ذاكرتك الحزينة قدر إستطاعتك ..فلا تتحسس طعنات الغدر في ظهرك .. و لا تحص هزائمك معهم ..
ولا تحبس نفسك في زنزانة الألم..
وأغفر للذين خذلوك ..والذين ضيعوك .. والذين شوهوك .. والذين قتلوك ..
في رمضان .. ابدأ مع نفسك بداية جديدة..
أنت فقط من يعلنها.. ولا تنتظر شخصا ما ليساعدك علي ذلك.
في رمضان حاور نفسك طويلا .. وسافر في أعماقك .. و أبحث عن ذاتك .. إعتذر لها..
أو ساعدها علي الاعتذار لهم ..💙

بسم الله،

لن يقول لك الشيطان: "ادخل الفيس بوك وخليك قاعد قدامه بالساعات عشان تضيع على نفسك فرصة اغتنام أوقات رمضان المباركة"

بل سيقول لك: "ادخل الفيس بوك عشان تكتب منشورات دعوية وعشان تُذكِّر الناس بربنا وتاخد ثواب كبير في رمضان"

فتدخل الفيس بوك لتكتب منشورًا وتُذكِّرَ الناسَ بالله فعلًا مبتغيًا الأجر حقًا، ثم إذا بك تنتقل لمتابعة منشورات أصدقائك والتعليق عليها، ومنها إلى الحوارات على الخاص،
ولا بأس بالتعريج على الواتساب والفايبر والرد على الرسائل هنالك، وإذا بثلاث وأربع وخمس ساعات أو أكثر قد مرت وأنت على حالك، ضائعٌ وقتك مشغولٌ قلبك!

لا أقول: انقطِعْ عن وسائل التواصل الاجتماعي كليَّةً،
ولكن أقول: انغماسك في وسائل التواصل بالساعات الطوال يسلب منك وقتك وحضور قلبك، وأنت الأحق بهما في شهر غالٍ كرمضان فتنبه.

#منقــــول_بحــب 🌸

1_ لو خصصت يوميآ 15 دقيقة فى تحسين ذاتك وتطويرها ،
فإنك فى نهاية العام سوف ترى التغيير الملحوظ فى نفسك ،
2_ لو تقلل يوميآ 15 دقيقة من تضييع الوقت فى أمور لا فائدة منها ،
سوف تحقق نجاحآ خلال السنوات القادمة
3_ لو خصصت يوميآ 15 دقيقة لتعلم لغة جديدة ، فهو أفضل من الذهاب إلى دورات اللغة مرة فى الاسبوع ،
4_ لو خصصت يوميآ 15 دقيقة للمشي السريع ، سوف تجد نتيجة أفضل من الذهاب إلى النادى يومان فى الاسبوع ،
5_ لو خصصت يوميآ 15 دقيقة للقراءة المحفزة التى تثير القشرة الرمادية للمخ ،
سوف تحصل على تطورات كبيرة فى الفهم ،
6_ لو خصصت يوميآ 15 دقيقة للكتابة ،
فإنه سيكون باستطاعتك أن تكتب مقالآ كل يومين أو ثلاثة ،
وفى نهاية العام ستحصل على كتاب من تأليفك ،
7-لوخصصت يومياً 15دقيقة من وقتك قرأت فيها القرآن الكريم لاكتسبت الراحة النفسية .

الجميل فى قانون 15 دقيقة هو أنه قصير لدرجة لا يمكنك أن تتعذر بعدم وجود الوقت لتنفيذه👍💙

خطوات إعادة برمجة العقل الباطن

تؤكد الدراسات أن العقل اللاواعي يسيطر على 90% من أفكار العقل، فيما يسيطر العقل الواعي على 10% فقط منها، ما يكشف عن أهمية إعادة برمجة العقل الباطن بما يسهل على المرء الوصول للنجاح والسعادة، كما نوضح من خلال تلك الخطوات.

التخيل
تتمثل أولى خطوات برمجة العقل الباطن، في تخيل ما يرغب العقل في الوصول إليه، سواء تلخص ذلك في إنجاب عدد من الاطفال، امتلاك وظيفة ما، أو السكن بمنزل معين، حيث يؤدي ذلك إلى توجيه العقل الواعي بصورة تلقائية نحو السعي وراء الوصول للهدف المنشود.

الرؤية الواضحة
لابد أن تملك رؤية واضحة لما تريد الوصول إليه، حيث يفشل العقل الباطن في التجاوب مع النظرة العامة غير واضحة المعالم، بينما تسهل المهمة عندما يمكن قياس درجة القرب أو البعد عن الهدف، وكيفية تحقيقه.

كتابة الأهداف
لا يتوقف الأمر على تحديد الأهداف في الذهن، بل يجب أن تكتب حتى يتذكرها العقل الباطن بصفة دائمة، فيصبح الوصول إليها هو شغله الشاغل، كذلك يجب أن تتمتع تلك الأهداف بالمنطقية، كي لا يضيع الجهد هباء.

التأمل
هي واحدة من النشاطات القديمة، التي ينصح بممارستها من أجل تسهيل مهمة إعادة برمجة العقل الباطن، مع الاحتفاظ بهدوء وثبات العقل الواعي، ذلك نظرا لدور التأمل في تدريب المرء على التركيز لفترات طويلة دون تشتت، ما يجعل العقل معتادا على القيام بمجهودات تتطلب النفس الطويل، ومن ثم يساعده على تحقيق النجاح المطلوب عاجلا أم آجلا.

التحدث الإيجابي مع النفس
هي خطوة شديدة الأهمية، وتتلخص في ضرورة التحدث مع النفس بصورة إيجابية، نظرا لأن هذا النوع من الحديث هو الذي يتفوق على غيره من ناحية الكم، كذلك فطريقة التحدث مع النفس هي التي تحدد المزاج العام للشخص، القرارات التي يتخذها، سلوكه مع الآخرين، لذا فهو سبب أساسي من أسباب شعور المرء بالسعادة من عدمه.

التعامل مع إعادة البرمجة
الخطوة الأخيرة هي التعامل مع النفس، بصورة تليق بالنجاح المرغوب، أو بمعنى أكثر دقة بالشكل الذي ترغب أن تجد نفسك فيه، حيث يعني ذلك توجيه العقل نحو الاستعداد لإحداث تغيير جذري، يحقق لصاحبه النجاح دون شك.💙💙

-
‏لا يتعافى المرء بصُحبةٍ، ولا بوجودِ حب، ولا بوجود مال، بل يتعافى بقدر رضاه، وبقدر صلته بالله، وبقدر كونه حقيقي، بكونه جميل داخلياً لا ظاهرياً فقط، يتعافى المرء بقدر صراحته وصدقه، ولينه ووده، وحنانه على نفسه قبل غيره، وهوان أخطاء الناس على روحه .

-يتعافى المرء بقدر قربه من الله.✨

‏لكل من يقرأ :
‏عسى أن يحدث لك شيئاً جميلا ًيملأ قلبك بالسعاده .

اسوأ جريمة ممكن تعملها فى حق نفسك هو أنك تضيع عمرك فى التعايش مع أوضاع أنت مش قابلها لمجرد انك متخيل أن مفيش بدائل او لأنك خايف من البدائل ..

‏"لا ينساك الله، ولو ظننت أنك بالكاد تتحمَّل الحيـاة، يأتيك باليُسْر والفرج في ذلك الوقت الذي تشعر فيه أنك على شفا حفرة من السقوط، فالله إذا أراد بك خيرًا تعجَّبتَ من طريقته، يأتيك الخير من بين ألف طريقٍ ضيَّق، حتى أنك لا تعلم متى وكيف حدث ذلك." 💛