#MediaConsumed

Wood More Expensive Than Gold in Indian Oud Farms
the WORST books i read in 2025 (of the 137 i read
how to read critically in the age of bad media literacy
What's ACTUALLY Happening in North Korea 🇰🇵
275. طاقة الأنوثة
Fertility Expert: Every Girl Should Know Before 25
7 Science-Based Nutrition Hacks For Women
Okinawa: How the USA Shaped This Japanese Island
Basics of a Levantine Kitchen
The French Do Not Care About Work
how language shapes the way we think
Le petit déjeuner, un repas mondialisé | Faire l'histoire | ARTE
24H dans un SPA en CHINE | halal food, shopping,...
*Life-Changing* Habits That Healed My Gut

سعيدة انّه هالشهر كان أغلب سماعي ومشاهداتي عالأكل الصحي وبعض المشاهدات بالفرنسي!!
عقبال نقعمز تقعميزة جادة للدراسة ونتعلم active listening و learning اكثر من هكي!

ان لله وان اليه راجعون..دعواتكم لإبن خالي بالمغفرة والرحمة(بمثابة خوي!)

الخبر كالصاعقة ياجماعة قلبي مفطور ارجوكم ادعوله

خوي في ذمة الله

بعد وفاة فراس نحس صايرلي إحساس مفرط بالحياة!
انا واثقة انه في مكان كويس هلبا لأنه شاب يخدم على روحه ويبي يطلع حلال وكريم وبار عيلته ووالله هلبا يعز عليا وخوي بجديات…نحس وفاة فراس عطتني دافع للحياة اكتر ممكن يستغرب البعض كيف وفاته عطاتك حب للحياة اكثر؟
بس بجد وفاة فراس عطتني احساس انه الحياة قصيييييرة! فراس كان يحب خدمته وديما يخططلها باش يكبرها وصح تعب وكان يبي يستريح بس دار جهده في خدمة يحبها…فلوسه خلوه كريم مع عيلته اكتر ومعطاء اكتر من قبل والمؤمن القوي خير واحب الى الله من المؤمن الضعيف…كل حد كان يخش يعزينا في حوش خالي لطفي لي هو حرفيا حوشي التاني بعد حوشنا كنت نفرح انه فيه حد بيسلم علينا ويعزينا وبيدعيله!

مازلت نخاف من الموت ديما كنت نخاف منها ممكن لاني نكره المجهول وكنت نحس انه الموت ديما مجهول مهما عرفت عليه…بس حاليا انا حسيت انه الموت حقيقة علينا ولازم الانسان يموت على وجه يحبه ويرضاه عليه الله عز وجل…مانحبش الناس لي تعتزل الدنيا ومشاغلها بحجة الزهد فيها نحسهم ضعفاء على مواجهة غباء الناس وبشاعتهم احيانا وعن مواجهة اختبارات الله في الدنيا!
ديما نحس انه من السنة اننا نستمتعو بالدنيا لي نزلنا ليها ربي سبحانه لانه مش معقول عطانا كل هالاشياء بش نكونو جماد سلبي يكره كل شيء جميل…فراس مات ومشي للي ارحم منا كلنا للرحيم الرحمن سبحانه، بس وفاة فراس عطتني حياة.
الصفح عن الاذى حياة، المثابرة فالعمل والدراسة حياة، الاستمتاع بالعبادات حياة، الاحسان في الدنيا حياة وهلبا حاجات.
ربي يرحمك فغروس❤️

أخر مرة مشيت لحوش خالي بنعيد عليهم ماسلمش عليا تحشم ف نضت انا سلمت عليه قتله شن كان تزوجت معاش بتسلم عليا؟

كان كل مرة يلقاني انا وياسمين فالكوجينة نهدرزو يقولي نانا ريما (نانا اي الجدة) عخاطر يقولي انتِ حكيمة وانا نقوله فغروس.

فيه صورة ليا انا وياه صغار بعتهالي هو قبل سنة يمكن ولقيتها قبل وفاته بيوم وكنت بنبعتهاله بنقوله شوف كبرنا!
سبحان الله لله ما اعطى ولله ما اخذ الحمدلله