راجعوا معلوماتكم بهاي المرشحات

وسدوا كتبكم وناموا

اكعدوا ويه الفجر صلوا الصبح

ورااجعوا مراجعة اخيرة

الانشاءات

القواعد

وسدوا كتبكم بال٦

واكلوا شي قبل لا تطلعون

اجبروا نفسكم اكلوا شي

لان يهبط سكركم وتتخربطون لا سامح الله

ابدوا حلوا سؤال سؤال

لا تقرون كل الاسئلة

والسؤال الما تعرفوه لا تفكرون بيه عوفوا فارغ وكملوا ع السؤال البعده

ولا سامح الله حتى اذا ما عرفتوا الانشاء اكتبوا اي انشاء تعرفوه ينطوكم ٥ درجات

احسن ما تعوفوه فارغ

الجدول بعد التعديل

السلام عليكم طالباتي العزيزات
الامتحان القادم ان شاء الله رياضيات لتخافون ابد وركزوا على المواضيع والاسئلة اللي گلنا انها مهمة بالوزاري
وكذلك ركزوا بالمراجعة على الثلاث فصول الأولى

*طبعا كل المنهج مهم* خصوصا من صارت الحذوفات راح يكون التركيز على المواضيع الباقية أكثر
بس عدنا مواضيع طريقة حلها ثابتة ونكدر نسيطر عليها وعلى كل سؤال منهن يجي تقريبا 10درجات مثل
متباينات القيمة المطلقة
إيجاد الحد المفقود
الحذف والتعويض
حل المعادلات بالتجربة
القانون العام (الدستور) والثابت K
الميل
النسب المثلثية

المواضيع اللي بيها قوانين احفظوا قوانينها كلش زين لان اي خطأ بالقانون يكون الحل كله خطأ وسابقا بعثت pdf بيه أسئلة وزارية لكم سنة هم اتطلعوا عليه

بالامتحان اول متشوفون الأسئلة تحسون نفسكم متعرفون ولا سؤال هالشي طبيعي سموا بسم الله وحلوهن سؤال سؤال والشي الما تعرفوه خلوه للنهاية ولتضيعون الوقت عليه
وابد لتعوفون شي فارغ

موفقات ان شاء الله 🤍