في حال أنتهيت من تسجيل البيانات و جتك رسالة بها رقم الطلب والرقم السري

ادخل على الموقع وتأكد من دقة بياناتك والاخطاء اللغوية وتعرف على الموقع

ثم أنتظر الترشيح

في مرحلة الترشيح يطلب منك

١- تعبئة الاستبيان الطبي

٢- طباعة الاستمارة
٣- طباعة بطاقة المراجعة
٤- حجز الموعد

تنويه مهم

اذا جتك رسائل الترشيح ادخل بسرعه للموقع ونفذ المطلوب منك
١-تعبئة الاستبيان
٢-طباعة الاستمارة
٣-طباعة بطاقة المراجعة
٤-حجز موعد

طلعت الترشيحات وهذا المطلوب منكم

السلام عليكم
ابارك للي جاهم ترشيح وعسى الله يتمم لكم والي ما جاهم فالخير قدامكم ولا راح الا الشر إن شاء الله

الي عليكم بعد الترشيح فعل الاتي
١-الدخول للموقع
٢-حجز موعد
٣-تعبئة الاستبيان الطبي
٤-طباعة الاستمارة
٥-طباعة بطاقة الموعد

بكذا تكون انتهيت من الموقع

الان طبعت الاستمارة
تعبيها بنفسك وفيه بعض البيانات تعبيها من الشرطة او الشيخ انتبه وخله يوقع على كل الاماكن الي فيها فراغات له لا ينسى وانتبه تعبي شي ماهوب لك مثل الصفحة الثامنة الي فيها الضغط هذي اتركها *بالمختصر لا تكتب في فراغ ماهوب لك*
بعدها
تروح للاستديو تطلب
اربع صور من كل مقاس تكون كاشف راسك والخلفية بيضاء
2x3
4x6
4x3
اكتب اسمك رباعي خلف كل صورة


بعدها تاخذ نسخه مصدقة من شهادة الثانوية
الي مقررات ياخذ الوثيقة والسجل الاكاديمي والي فصلي ياخذ السجل الاكاديمي

ثم تروح للاحوال ومعك الاستمارة وتطلب برنت ولا تنسى ترى الاحوال ما يدخلون احد الا ولابس ثوب وشماغ

صورة تثبت هوية الوالدة اما بطاقة العايلة او بطاقة احوالها او اي شي يثبت هويتها

صورة من هوية الجد او حفيظة نفوسة

صورة ولي امرك (اذا كان ابوك متوفي)

صورة بطاقة ابوك

صورة بطاقة العائلة

تطبع نتيجة
١-قدرات
٢-تحصيلي
٣-كفايات

كل هذا تحطة في ملف شفاف حسب لون كليتك وشكل الملف في الصورة الي تحت

(لا تخرم شي )
(لا تدبس شي)

موعدك بكرا وش تسوي؟

شرحنا ما يجب وضعه في الملف سابقا وما يجب لبسه

خذلك شاور وتنظف وفرش اسنانك وخذلك غفوة على السريع قبل تروح خذ لك وجبه خفيفه وكوب قهوة ما يضر 👌

قبل صلاة الفجر لازم تكون في الموقع هذا https://goo.gl/maps/KVJiYoKdpTKfhjy99
وتصلي الفجر بالمسجد الي داخل عندهم

لا تنسى تجيب *اصل الهوية* والملف الي قبل عبيناه بأوراق ولا تنسى الظروف الي فيها الصور

عند البوابة راح يتم تفتيشك ما يدخل معك الا الملف واصل الهوية ومفتاح سيارتك *فقط*

الي مسوي عمليات يجيب تقاريره معه بس لا يخلطها بباقي الاوراق

نقول انك وجهت للموقع بتقعد تدور شوي على ما تحصل موقف احسب حسابها واترك جوالك في موترك وما يحتاج ننبه انك تغبيه عشان محد يشوفه ويكسر قزاز الموتر

بالنسبة للي معه مرافق (أب او اخ) يفضل يجيب معه كرسي او سجاده عشان يقعد ينتظر حول الباب لان ما فيه مواقف الا بعيد وانت ما معك جوال فما تقدر تتواصل معه اذا طلعت او اذا المسجد القريب مفتوح خله ينتظر في المسجد واذا طلعت رح له ياخذ راحته الى الساعة ٤:٣٠ محد بيطلع قبل هالوقت ان شاء الله وعلمه لا ينتظرك ملاصق للبوابة عشان ما تصير مشاكل مع العسكر ممنوع يقرب للبوابة بشكل كبير

تفاصيل ما سيحدث بعد دخولك للبوابة بشرحها بعدين

السلام عليكم
نستكمل حديثنا ....

وصلنا لمكان دخول البوابة

بعد ما تدخل البوابة بيواجهك عسكري يفتشك ويوجهك للباص تركب الباص تروح للمسجد تصلي الفجر بعدها بيقسمونكم الى قسمين قسم جامعيين وقسم ثانويين ويجي عسكري يساعدكم في ترتيب اوراقكم عشان يختصر الوقت وفي نفس الوقت بعضكم يطلع من المسجد بترتيب معين يجلسون في كراسي تحت مظلة و بالترتيب يقيسون الطول والوزن

قياس الطول والوزن في مقياس قديم اذا عديته تروح لمرحلة *تدقيق الاوراق*
اذا ما عديت المقياس القديم تروح لمقياس الكتروني دقيق اذا ما عديته يختم لك *غير لائق* وتركب الباص وتمشي وتنسى شي اسمه عسكرية

في مرحلة تدقيق الاوراق
١-يرتب ورقك ترتيب معين
٢-يتأكد من شهاداتك (اذا فيه ماده ماخذ فيها مقبول تنرفض)
٣-يتأكد ان اوراقك كاملة
٤-يخرم اوراقك ويدبس الصور ويختم على الصور

ثم تركب الباص وتروح داخل المبنى

في المبنى تبصم وتسجل دخولك
وتنتظر دورك وداخل المبنى فيه بانرات تشرح الابتعاث *الي درجاته متوسطة او ضعيفه يسحب عليه*

بعدها تقيس النبض والضغط ثم فيه عدة اسياب كل سيب فيه نفس العيادات يعني تمسك سيب واحد من اوله لاخره وهو عبارة عن عيادات متصله بينها وبين بعض نوافذ بحيث تدخل ورقتك والدكتور يعطيها الدكتور الي بعده
تدخل العيادات

*عيون* قوة نظر وعظلات العيون والحول وعمى الالوان والملتحمة والقرنية و البؤبؤ والقزحية والغرفة الامامية والعدسة
*جراحة* (هنا تصير البلاوي 😉)

*عظام* يطلب منك ترفع بنطلونك لفوق الركبة يشوف سيقانك اذا فيه انحراف ويخليك تمشي على اطراف اصابعك اذا عندك قدم مسطحة (flat foot) ترفع فنيلتك يكشف على عظام صدرك وظهرك

*انف واذن وحنجرة* يشوف اذانك وخشمك اذا فيه انحراف بالحاجز الانفي وفمك

*اسنان* يخليك تبتسم ويشوف الاسنان والضروس

*باطنية* يطلب منك ترفع الفنيلة لصدرك ويكشف على بطنك
*نفسية* يسولف معك ويناظرك نظرات غريبة يطلب منك العد عكسياً او قراءة سورة قصيرة


ثم تروح *المقابلة*
المقابلة بيشوف
١-اهتمامك بمظهرك (ريحتك/لبسك/شعرك)
٢-الخط والاملاء
٣-ذكائك وثقتك
٤-التحدث
٥-اهتمامك بالمجال

هل فيه اسئلة معينة ومحددة ؟ لا لكن تقدر تستفيد من الرسالة الطويلة المنتشرة

بيخليك تكتب بعض الكلمات
اذا درجاتك عالية وتبي بعثة هنا تكلم الضابط

في حالة انك مسوي عملية خل تقاريرك بجيبك وعطها الدكتور في حال لاحظ ولا تكلم عن الموضوع ولا سألك


❌ في حال انك انظلمت تقدر تكلم احد الضباط وتطلب اعادة الفحص الي انظلمت فيه عند دكتور ثاني

متى تطلب الاعادة ؟ *اذا انظلمت* شغل مبزرة وتصج وتلج وانت بك عذاريب في جسمك هذا انتهى وقته يوم تخرجت من المدرسة

مثال على بعض العقليات الي بيسببون ازعاج/ كثير من الي عندهم عمى الوان ما يدرون انه عندهم طول حياتهم
،فيوم يحط لهم الدكتور انه عندهم عمى الوان ينصدمون لذلك كل واحد لازم يعرف وش له وش عليه قبل يدخل الفحص

اضافوا ثلاث ايام جديدة

بالنسبة للمتقدمين للجوية بعد يوم الفحص والمقابة بيحددون لكم يوم لاختبار الانقليزي والكفاءة ثم يوم لاختبار اللياقة

باقي الكليات بيحددون لكم اختبار لياقة وما عندكم مثل الجوية

السلام عليكم ورحمة الله وبركاته

بالنسبة لاختبار الكفاءة الخاص بالقوات الجوية هو اختبار على الحاسب وبجيب لكم صور وفيديوهات منه عشان تكونون بالصورة

عن نفسي ما اختبرته مصدر كلامي ملف اختبار كفاءة المتقدمين للقوات الجوية الملكية الكندية ويصحح لي الي اختبره فقط هو تقريبا متطابق للدول في المخيم العسكري الغربي

هذي مقدمة اذا ما فهمت شي منها *مب لازم*

الاختبار ينقسم لعدة اقسام كل قسم بشرحه بشكل مستقل
(الاختبار تاخذه طقه وحدة)

الادوات الي عندك على الحاسب

١-لوحة مفاتيح +فيها الوان
٢-عصى تحكم
٣-فأرة تحكم
٤-دعاسات

يمنع استخدام (الحاسبة/ورقة/قلم/الكتابة على الطاولة)
—————————————————-

١- اختبار العددي ( *الرقمي* ) مدته ٣٥د
ينقسم الى قسمين:-


أ- حل مشاكل رياضية تتضمن (سرعة/مسافة/زمن)
يعني بين قوسين فيزياء بسيطة جداً

ب- الحل بإستخدام الحساب الذهني ويتضمن (جمع/طرح/ضرب/قسمة)

*الصورة رقم ١*

——————————-

٢- تقدير وتخمين الزوايا والدرجات والمواقع

أ-تقدير الزاوية بين خطين

ب-تقدير موقع جسم بالنسبة للنقطة المرجعية

*الصورة رقم٢*
——————————-

٣-الاختبارات السمعية

أ-التعامل مع اكثر من مهمة في نفس الوقت كتغيير الالوان والارقام باستخدام لوحة المفاتيح التحكم بالكورة عبر في الشاشة عبر عصى التحكم وتذكر سلسلة صور (كل هذا في وقت واحد)

ب-تتبع اوامر صوتية لتذكرها والتصرف بناء عليها مع اكثر من مهمة بنفس الوقت


*صورة رقم ٤*

——————

٤-اختبار الارقام والاحرف والالوان

أ- التعامل مع اكثر من مهمة بنفس الوقت

ب- مراقبة التغيرات في الشاشة والانتباه للتفاصيل

ج- تذكر معلومات متتابعة

د-اكمال معادلات رياضية بسيطة

*صورة رقم٤*

—————————

٥-اختبار رياضيات منطقية

يقيس الاختبار مدى منطقية الطالب في اختياراته للاجابة على الاسئلة الرياضية دون حلها

*صورة رقم ٥*

————————-

٦-اختبار استيعاب ادوات الطائرة

يقيس الاختبار مدى استيعاب الطالب لادوات الطائرة وفهمه لاستخدام كل جهاز و قراءته للاجهزة

*الصورة رقم ٦*

———————-

٧-اختبار التعرف على الاكواد

أ-تذكر سلاسل ارقام مختلفة الطول (بعضها طوله ٤ ارقام بعضها طوله ٧ وهكذا)

ب-اجابة الاسئلة بخصوص بعض الاكواد

*صورة رقم ٧*

———————

٨-اختبار تحديث وتعديل معلومات اجهزة الطائرة

أ- التعامل مع اجهزة متعددة في وقت واحد ولازم تسابق الزمن بحثي تفتح الجاز والنصف الاخر من الشاشة تعدل فيه معلومات هذا الجهاز وهكذا

*صورة رقم٨*

———————

هذا ما تهيأ ايراده ، وتيسر إعداده و أعان الله على كتابته

ولا تنسوننا من دعواتكم