ياما على الأرض من غيمة تحب الهطول
أبطت ولا أحدٍ تفقدها ولا أحدٍ شره
من خشية إنها تقل وخوفها ما تنول
خلّت قليل الضعوف وشامت من أكثره
واللي مضرّا على الأيام قول وفعول
ما يجزع إن جاه مرّه شيءٍ وكدرّه
الطيّب العدل بعض أحيان عنده ميول
والميل له دافعه والعدل هذا ثَره
ورغم إن عنقي طويل وفي لياني نحول
هذا الزمن قد خذا من عالمي: ندرّه
أنا أتبيطى بعض مرّات ثقل وفضول
وكم موعدٍ جيت له عجلة ومتبدّرة
مع الرضا كن ما فالأرض غيري بتول
وإليا جفوني ما أعرف اللين والمعذرة
استأمن اعداي والدنيا ودور الفصول
وأخاف لا ينقص أمي شيء، وأنا أقدره
والخاطر اللي يرحّب من غلاه وعجول
لا تضمنونه ليا من الزمن كسره
ما اشغلت نفسي بعشّاقي وحتى العذول
أحيان كني مَره وأحيان ماني مرَه
وإذا تنومست، لا تستغرب اللي أقول
لمحت لي راسٍ أصوك يفتدى بعشرة
راسٍ يدل المعالي ما يدّل النزول
تكثر عليه الظروف وكنه المقبرة.

يركض العبد بـ إيدينه و رجلينه
‏الصفقه الخاسره ماهو بـ رابحها

‏إن كان مالله معاه ولا الله معينه
‏بيخرّب اللي يحسب إنه يصلحها

‏والعمر مهما يطول بتقضي سنينه
‏وأول ما يشهد على نفسك جوارحها

‏يالله بـ قلبٍ سليم .. ونيةٍ زينه
‏تفتح لنا أبواب ما نقدر نفتّحها

‏يارب أنا أرجيك لو وجهي كلاه الخجل
‏أعصيك وأطلبك لا مني عصيتك تروف

‏لا تحرم اللي عصاك ويحتريه الآجل
‏لا تحرمه يا كريم الشأن، جاك مكسوف

‏أخشى عذابك ياربي لو عرفت أرتجل
‏تهزمني المعصية والقاسي من الظروف

‏أجيك يالله وأنا يا دوب أخطّي رِجل
‏وأرتاح لا من دعيتك يالعظيم الروؤف

يارب وآثام عبدك واجدة فـ السجل
‏ونوّخ ركابه على بابك ضعيفٍ لهوف

‏يارب لو كنت أقصّر ما أستهين الدجل
‏يجبر فؤادي على التوبة مهابة وخوف

‏لا غيّم الدمع في وسط العيون النِجل
‏ثم صدّوا الناس، عين الله تعالى تشوف

"واعلموا أنه ما من عبد مسلم أكثر الصلاة على محمد عليه الصلاة والسلام إلا نوَّر الله قلبه وغفر ذنبه وشرح صدره ويسَّر أمره فأكثروا من الصلاة عليه؛ لعل الله يجعلكم من أهل ملته ويستعملكم بسنته ويجعله رفيقنا جميعًا في جنته فهو المتفضل علينا برحمته ".

- ابن الجوزي رحمه الله.

‏ لا تغرك سَطوة القلب الحنون و قوّ باسه
‏والله إن لذات عمري زيف و دروبي طويله

الله بسط مترامية الأطراف قُدم المُرجفون
ولا تُنوش المُرجفون أطرافها  المترامية

‏الليل حالك والمساري موحشة والدرب خوف
‏والذكريات أشياء يستعصي عليّ إتلافها

‏أثر الأماني وارفات ظْلال دانية القطوف
‏والأمنيات أكثر ما يخشى الحالمين إسرافها

‏على رصيف الصبر ملّ المنتظر طول الوقوف
‏وين الحياة اللي تخيّلت ولمحت أوصافها

‏ حسبي على من دمّر آمالي وأنا عيوني تشوف
‏كم بسمة ٍ كانت طمأنينة وصرت أخافها

‏رُحماك يا غفّار يا ملجأ عبادك يا رؤوف
‏يا مجري الأقدار هبني من لدنْك ألطافها

‏أنا رواية حلم منسيّة على غبار الرفوف
‏أنا قضيّة تطلب مْن أهل العقول إنصافها

‏أنا قصيدة عشق ما مرّت على قلب العيوف
‏أنا أراضي جِرد ما غاث السحاب أطرافها

‏لي روح تبحث عن سكينتها من إرهاق الشفوف
‏يا مِثقلين اللوم روحي فاقده ميلافها

‏لي قلب ما عادت تسلّيه إبتسامات الهنوف
‏ولا القدود المترفات المايسات أعطافها

‏ياللي تزعّلك المواعيد وتراضيك الصدوف
‏وش يرضي اللي جاته الحاجة بعد ما عافها

‏لا تبتئس لا خانك الواقع وعادتك الظروف
‏الناس من عاشر رماديها ظلم شفّافها

‏كم زلةٍ من صاحبٍ طافت لو إنها ما تطوف
‏وكم هقوةٍ كبّرتها راحت مراح أسلافها

‏شفت الحقيقة يوم حطّيت النقط فوق الحروف
‏بعض الحقايق ودّك إنْ المنصدم ما شافها

‏لحدٍ يعاتبني ويا معاتبني إنْ عاتبت.. روف
‏مشاعر الجافين ما أحب أكسب استعطافها

لا أود أن يصبح قلبي شريدًا حينما افتقدك، فأنا أعرف أن الهوى مجازفةً كبرى، وأن القلب المُحبّ يتلطّخ بأشد الألوان قتامةً حينما تعلوه فكرة الغياب كوخزاتٍ ثابتة. إلا أنني أعلن -بجرأة- سعادة اللّحظات بيننا، إن لحظات مثل هذه تحطّم أغلال الخوف، وتدفع المرء -دون أن يفطن- للانسياق خلف قلبه.. إليك

ياربّ مالي عالمقادير اعتراض
سلّمت أمري للأمور القاضيه

يا كم خجلت ادعيك ما بيدي وفاض
كيف املك الدنيا ويديني فاضيه؟

والله لو يعلو على وجهي امتعاض!
إنيّ على المكتوب كلّه راضيه..

"واعلموا أنه ما من عبد مسلم أكثر الصلاة على محمد عليه الصلاة والسلام إلا نوَّر الله قلبه وغفر ذنبه وشرح صدره ويسَّر أمره فأكثروا من الصلاة عليه؛ لعل الله يجعلكم من أهل ملته ويستعملكم بسنته ويجعله رفيقنا جميعًا في جنته فهو المتفضل علينا برحمته ".

- ابن الجوزي رحمه الله.

‏ليتني مثل نفسي التي أتحدث عنها، لو قليلاً، أو ليتني مثل نفسي التي مع الغير، لا أعرف سبباً واحد لكون التي معي حقاً هكذا، تنشج طوال الوقت، تعترض، وتتحطم.

اكابر و الجروح تضجّ في صدري تقل بركان
‏وانا من شافني قال الحزن ما قضّ مضجعها

‏تقول امي : يصبّرنا على مايوجع النسيان
‏و انا ادري ذاكرة امي هي اكثر شي يوجعها

تمرجح عزوم الناس بين الرجا والياس
‏ومن شدّ باسه بالولي ما أنثنى باسه

‏تبي سطوة الأيـام حـرٍ صميدع راس
‏ليا أشتد باس الوقت مايرتخي راسه

‏ومن عاش مابين الأوادم يباري الساس
‏غدا بين نبيان أقشر الوقت وأضراسه

‏وأنا اللي مشاعر غـربته مالها مقياس
‏ولا الوقت ذا وقته .. ولا ناسه بـ ناسه

قلبي على باب عفوك يا كريم إرتما
‏وانا خطاياي لامنّي .. تذكرتها

‏حزني تناما وخوفي من وعيدك نما
‏وكل الملذّات في عيني تحاقرتها

‏طاوعت يارب نفسي لين همّي زما
‏وكم فرصةٍ جاتني لرضاك وأهدرتها

‏يا رب لو تبلغ ذنوبي عنان السما
‏لا من تفكّرت في عفوك تصاغرتها